صالح ود درويش

في بداية حكم ثورة الانقاذ كان سليمان محمد سليمان والي لولاية الجزيره(علي ما اعتقد) وكان مدعو لزيارة بلدنا الثاني السديره الغربيه ولم يكن في جدوله زيارة الشرقيه بالمره
وفي لمة السوق الصباحيه والناس بتتونس بزيارة الوالي أخونا صالح ود احمد درويش أعد جيش كامل من الشباب الملمومين في الجزاره ورسم خطه يقابل الوالي قبل ما يمشي الغربيه ..وكانت الخطه المرابطه عند كبري البان..وطالت القعده و نحن في كبري البان و التصريح ممنوع لأي من يسأل عن سبب التجمع وان كان أحيانا يتجود صالح بالرد نيابة عن المجموعه وكان رده للبسأل (عندنا نفير)
المهم ظهر موكب الوالي لأنه المستطلع فوق الشجره أدي الخبر للقائد صالح وبسرعه وقفنا صف و بقينا نكبر ونهلل مرحبين بالسيد الوالي.. وبسرعه البصر وصل صالح لعربية الوالي و رحب به بعد ما انزل القزاز وسلمه صالح كتاب قرأن
سأل الوالي صالح السديره بي وين رد عليه بأنه القدامه دي الشرقيه و الخلف البان دي أهلنا ناس الغربيه لكن سجل عندك الشرقيه علشان ما تنسي..
ذهب الوالي للغربيه و النحاس دقوه و الناس عرضت و الوالي عرض و الناس ابتهجت...
ونحن راجعين من البان لشرقيه بعد ما لاقينا الوالي واحد من الشباب قال لي صالح أسي عليك الله قاطع قلبنا من الصباح بس علشان تديهو كتاب و تقول ليه سجل الشرقيه عندك؟؟؟
صالح قالي يا ولدي أسكت انت ما عارف حاجه السديره الشرقيه عند حكومة الانقاذ مسجله بعد جون قرنق طوالي يعني محسوبين متمردين وحبينا نوري الوالي نحن معاهم
الموضوع طويييييل و صالح ود درويش و عمي حسين كوتش لمن يتلاقو في بص واحد رحلتك للخرطوم بتبقي أقصر من عشره دقائق
......سلام



عدل سابقا من قبل الريح قدوم في الإثنين يونيو 02, 2008 3:10 pm عدل 2 مرات

تسليم ياابن العم ده الكلام الصح

الاخ الريح صبحك الله بالخير
عمك صالح وقت وقف على كدى كويس وزول زيو اصلن ماشفت ودايما احلف مايقوم ليهو زول من كرسيه ومرة سالته ليه ياعم صالح مبتخلى الاولاد الصغار اقيفوا ليك قال كيتا على نفسى ليه جيت متاخر واظن قصصه كثيرة خاصة لان ميعاد وصوله للقرية بالليل وعنده قصة مع البان لو عارفها يالريح ولا اسال عمك ابو عمار والى اللقاء
محمد قسم السيد حمد

العم محمد قسم السيد والاخ الريح السلام عليكم إنتو ياأخونا عمكم صالح ده ( زول شعيت
ومكشوف حال وأكان سمع بانه إسمو طهر فى الانترنت على طول حيمشى على الانتربول
ويفتح بلاغ تعدى وإنتو ياأخوانا عارفنو من الرقبة مابنفك دحين ياأخوان انا غايتو بوصيكم
وإنتو حرين على كيفكم وإن جاكم الانتربول انا شاهد بس ...
(عمكم صالح قصصه كثيرة وكلها محن ومصائب وأحلى قصة خطوبة رقيا بنتو)

اشكرك اخى الريح علىالموضوع الطيب بس عمك صالح نوادرو كتيرة بس الماقلو ليكم على ما اظن المصحف دا جواه حاجة هههههههههه لانو الوالى جاء السديرة وشايفو بيقلب فى ا المصحف وطلع ورق من جوووه هههههههههههههههههههههه
ولك شكرى وتحياتى لعمنا صالح ود درويش ولكم تحياتى
والله الموفق

هههههههههه صادق يالريح انا بمزح ياخى اسع مكشوف الحال هو والله انت
ويديك العافية

الأخ صالح مـعـروف بالـمعـارضة والمشاكسة رغم طـيـبـتـه

وفى فترة من الفترات كان مـجـنـن الحلة بالمعارضة والـمنـاكـفـة. .. وجاء الـمـنـقـذ حـسـيـن

كـوتـش قـال لـنـاس الـحـلـة يـا جماعة صالح دا دفـعـتـى فى الـمـدرسـة ، دائـمـا أسـئـلـة

أجـب بلا أو نعم ( صالح كـلـهـا بـشـكـهـا لا لا لا لا لا لا لا لا لا لا لا لا لا )

عـشـان كـدا مـا تـتـعـبـوا أنـفـسـكـم مـعـاه

تـحـيـاتى

ابوقدير

ههههههههههههههههههههه حلوة حلوة منك واله يا ابوقدير
وفى انتظار جديدك
ولك شكرى وتقديرى

يا أخ عسيلاتى شنو هو الكلام الصاح ده ؟ ؟!!!!!!!