الجزيرة المشروع

بسم الله الرحمن الرحيم
ومشكور اخى وابن استاذى الشفيع
انا اضم صوتى الى صوت اخينا الريح والى اخى الاستاذ يسن
ان مايمتلكة الاخوه المصرين من خبرات ومسؤليات كافى جدا لانجاح هذه المساحات الشاسعة
وبذورهم المحسنة
وذى ماقل الريح مين الاشترى تيرلة من حواشة او جنينة انما المنصرف اكتر من الداخل ونحنا كمغتربين بنرسل حق التيراب وحق الزراعة وحق الحش وحق اللقيط وبردو ترسل مصاريف لانو الشريك طالبنا يبقى فين الفائدة
والاخ الشفيع بالنسبة للعمالة السودانية بنسال منها دلوقت فين ومن زمان قبل مايدخلو عمالة خارجية كانت فين
وطبعا لسة انت ما اتغربت ولو تغربت وشفت نحنا بندفع من جهدنا وراحتنا كيف كنت قلت ياريت يجونا العاملة الخارجية لانو العمالة الخارجية دائمنا بتساهم فى تطوير البلد اكتر من عمالة البلد
وبعدين ان الاون لابواتنا واخوانا يرتاحو ويجيهم الدخل وهم راقدين فى بيوتم بدل البالهاريسيا الهلكتهم من غير فائدة
ولكم شكرى وتقديرى

تحياتي للاخوة الريح وابو عمار ويس وهيثم
نعم الخبرة متوفرة للاجانب من اين اتي هولاء بالخبرة ؟
كان الاولي ان نقوم بتدريب المزارعين الشباب خارجيا ونستفيد من خبراتهم وكمايقول المثل
اعطني سنارة لكي اصتاد بها سمكا ولاتعطني سمك نعم هناك تقنية وهناك تقدم زراعي كبير في العالم
فالكم الهائل من الخريجين الزراعين الاولي أ ن ندربهم ويكون التمويل من الموسسات الوطنية او خارجيا بضمانات الحكومة وشوفوا بعد ان ندرب الخامات الوطنية من البشر الانتاج حا يكون كيف !
والسلام

كلامك مضبوط عين الحقيقة الان البلد فى نفرة إستثمارية ومحتاجين خبرة جاهزة من الجاهزين يتدرب الخريجين ويسكبوا خبرة وبعد كدة الاجانب يذهبو ويكون المشروع
محلى 100% هذا الحل الوحيد!!!!!!

لا اريد ان اتكلم عن هذا العدد الكبير بكل وحدات القياس من المصريين الذين يراد لهم الانتشار في كافة انحاء السودان ,, والله اعلم ان كان هدف اخواننا المصريين (استثمار نظيف) ام (استئطان انظف) ,, وباقي ليكم الناس ديل تاني برجعوا ؟؟؟؟ الله اعلم ,,,
مصر دولة مركزية تنظر للمسأله كاستثمار سياسي في المقام الاول ,,, لايخفي علي احد ان امن مصر مربوط بامن السودان ,,, فالهدف واضح ,, وعلي الكلام دا احسبو حساباتكم ,, والله انا شايف ناس ( الكنمبو ) ديل اخير منهم بألف مرة ,, علي الاقل حقنا محفوظ ,, لكن المصريين ديل يقوموا يخمونا بقصة الخبرات الاجنبية وياكلو حقنا ساااااااااكت,,, والشركات الاستثمارية المصرية اكيد حاسبنها ( مظبوط) لكن السؤال !!! هل خمسة مليون فرد ام خمسة مليون اسرة !!!!!! الله يستر ’’

الاخ الشفيع موضوعك يستحق النقاش بس نحنا منو البخدم فينا نحنا ناس كساله بس مابنحترف بكده وده الحقيقه