ال C.I.A في السديرة

الموضوع ليس مزحة بل حقيقة، كان ان سبق علقت علي صور السديرة التي نشرها الاخ المهندس محمد السني وقد علقت وقلت خوفي تتكالب علينا الامم نسبة للثروة النفطية والمعدنية التي تتمتع بها السديرة، ياجماعة والله قبل فترة السديرة اتعمل ليها مسح جيلوجي، وطبعا هسي التكنولوجيا تطورت واصبح المسح عبر الاقمار الاصطناعية، نجي لموضوع السي اي ايه وديل ياجماعة هم الاستخبارات الامريكية المهم انا قصدت بالسديرة يعني منتدي السديرة بالتحديد ، قبل يومين تلقيت رسالة عبر بريدي الاكتروني من جماعة الهجرة الامريكية، وانا عارف كلكم تلقيتم تلك الرسالة من هؤلاء النصابين، بس انا رسالتي غير، اوريكم ليه؟ تخيلوا مين الموقع فيها؟ السيدة كوندليزا رايس بنفسها، والاغرب من كده وصلتني رسالة من الرؤوساء المرتقبين لامريكا وهم الديمقراطيين اوباما وهيلاري كلنتون ومن المرشح الجمهوري جون ماكين، المهم في الامر في جماعة عملوا لي (interveiw) مقابلة يعني وسالوني بعض الاسئلة فيها السخيف وفيها الموضوعي ، من ضمن الاسئلة السخيفة قالوا لي بتعرف اغنية كده كده ياالترلة؟ جاوبتهم اني مابسمع اغاني هابطة ، قالوا لي وكيف عرفتها هابطة؟ اذا انت تسمع الغناء الهابط ، وسالوني بعض الاسئلة خاصة بالمنتدي زي ماهي اهداف المنتدي السياسية؟ قلت ليهم نحنا بنكره السياسة،ومن ضمن الاسئلة اخر زول تزوج في السديرة منو؟ قلت ليهم وانتو مالكم ومالو ، حاولوا استفزازي بشتي الطرق ، في نهاية الامر عرفت الناس ديل عارفين كل صغيرة وكبيرة عن السديرة وعن شخصي الضعيف ، وقالوا لي انت يطلق عليك الموساد صح؟ فعلا والله عندي ابن العم العزيز الباشمهندس ازهري عباس لا يناديني بغير كلمة الموساد دي ومافي داعي اوريكم قصتها. المهم في نهاية الامر لقيت نفسي ناجح في المقابلة بنسبة 99.99/100 وقلت ليهم لي النسبة دي بالذات ؟ قالوا لي ح تعرف بعدين.
امس لقيت رسالة من جورج بوش نفسه قالي نحنا ح نحتل السديرة وستصبح الولاية 51 بالنسبة لنا واخترناك تكون رئيس ليها ، لكن مع بعض الشروط اولها فتح سفارة اسرائيلية في المكتب لان المكتب ح يكون مقر السفارات الاجنبية، قلت ليهم ناس السديرة ما حيرضوا ليكم بكدا ، قالوا لي ماعليك ح نعمل سجن اشبه بغنتانامو بالقرب من الفلاتة لاي شخص يعمل اي شنكبة ، قلت ليهم لو طلعوا مظاهرات ؟ قالوا لي العاوز يظاهر يمش العقلين ولاكاب الجداد ولا اي منطقة مجاورة.
العاوز اقولو ليكم ياناس السديرة اي زول برة البلد يلملم عفشو واخر موعد لدخول السديرة شهر 11، وليه التاريخ ده بالذات؟ لانو بوش ح تنتهي ولايته في التاريخ ده وبعد داك نعمل اجراءات جديدة يعني البجي بعد التاريخ ده الا يحصل علي القرييين كارد، وهسي انا شهر 9 سوف اطير لامريكا لاتمام الصفقة وقولوا للاخت مناهل سوف اصل عبر مطار جون كندي في التاريخ ده وارجوكم تستقبلوني في المطار.
<<وفجاءة طرت لامريكا واثناء نزولي من الطيارة جرس المنبه رن>>(دي من اخونا عبد الماجد ابو فارس)
وبذلك سوف اصبح اول ريئس للولاية الجديدة اتمني تقدموا بعض مقترحاتكم عشان نشوف كيف يكون الوضع.
مع تحياتي اخوكم الرئيس حسبو العوض.

عدل سابقا من قبل حسبو العوض في السبت أبريل 26, 2008 1:13 am عدل 1 مرات

مبروك يا حسبو نظرا لاني اول المهنئين لك بالرئاسه و انا من مويديك فانا اطالب بمنصب بسيط وزير الوزورا او المستشار العام للولايه . و بعد كداه نبقى اولاد الولايه و منتدانا بيقى منتدى الولايه

انتم بتحبوا امريكا للدرجة دي أم بتخافوا منها للدرجة دي ويا سمير معلومة بسيطة امريكا ما فيها رئيس وزراء. والله امريكا أجبن من أن تحتل متر من السودان أمريكا تعاني الفشل في كل مكان في العراق وأفغانستان والصومال . الا إن أمريكا كفرت بربها الا بعدا لأمريكا كما بعدت ثمود. أمريكا دول ضعفية بالموازين اللإيمانية أمريكا تشتري بترول بأكثر من 230 مليار دولارسنويا ، نحن العرب نملك موارد أكثر منها وموفع استراتيجي أفضل منها نحن نحتاج قوة إيمان وبعدها إن شاء الله يا حسبو ستكون رايس من ما ملكت ايمانك وإن شاء الله سمير بكون والي ولاية أمريكا عن الخلاقة الإسلامية.

مع تحيات أخوكم/عبدالماجد أبوفارس

شكلك يا حسبو اصبت بملاريا حادة جداً ، الف حمداً لله على سلامتك و انشاء الله اجر و عافية ، قالو لي انك كنت الايام الفايته كنت مريض شوية لكن ما قايل الحكاية خطيرة للدرجة دي هههههههههههههها. يبدو لي من التشخيص المبدئي ان الحمى طلعت في راسك

سمير بما انك أول المهنئين قد منحناك وزارة الدفاع بس ماتقوم تقول عاوز اعمل ضربات استباقية وتحتل المناطق المجاورة لان فيهم اولاد عمنا وفيهم اصدقاءنا وفيهم نسابتنا ، وللاخ ابو فارس ياخوي امريكا مخوفة الدنيا كلها شئنا ام ابينا وبعدين نتكلم كلام كلام عقل ساكت شنو الاستفدناهو من موقعنا ومن ثرواتنا؟ .وبعدين البترول البتشتري فيه امريكا ده عشان ماتاخد من العندها ،لانو ده بتسميهو المخزون الاستراتيج مع العلم امريكا اكبر منتج للنفط في العالم ومع ذلك تستورد نعم. وبعدين نحنا مانكرنا انو العرب والمسلمين هم اقوياء بمايملكون ولكن ضعف حكامنا هو الذي وضعنا في الموقف ده، وتاني حاجة انت ماملكت ايماني مالقيت لي غير ام عصيبات دي؟ والله دي في حواشتنا ما اخليها تشتغل.
ويابكري ابو لينة كفر الله سيئاتك وبعدين معاك منو القاليك كلامي ده بدل علي انو الملاريا طائرة لي ف راسي ؟، نصيح الحمد لله بس اصبر ، ماتقوم بعدين توسط لينا، نحنا بلد ديمقراطي لانقبل الوساطات والرشاوي ، انت قايلنا زي الدول العربية ولا الحكام العرب؟

يا حسبو لو وقعت من نصيبك ما حاتضرك إن شاء الله تلقط ليكم القطن حواشتكم البعيدة ديك وما ما عارف ليش حظك كدا مع اولاد العبد دائما يناكفوك ممكن هذا نابع من محبة لك. يا اخي أنا أثناء قراءتي للموضوع كنت أتوقع أن تكون نهاية القصة أن تقول: ففجأة صحوت على صوت المنبه ، يعني كنت في حلم عميق فهذا كان سيكون نهاية مثيرة للقصية.

مع تحيات أخوك/أبوفارس

يابو فارس والله فكرتك طلعت حلوة وان شاء الله الحلم سوف يصبح واقع عما قريب.
وعن اولاد عمي العبد فعلا دائما مناكفني واسال الله ان يديم الود بيني وبينهم، وانا صديق قديم ليهم منذ ان كانوا قربيبين لينا وبعد ان رحلوا بعيد لا المسافة ولا الخيال بعدوني عنهم.

الاخ حسبو
اولا:عدد ولايات امريكا 52 ولايه وليست 50 ولايه كما هو شايع ،لذلك لو حيضموا السديرة ليهم حتكون الولاية 53.
ثانيا:مافى رئيس ولاية فى امريكا بيعينوه الحكام ،هنا يعين الحاكم بالانتخاب ،عشان كدا لاتزم يا حسبو تنزل انتخابات ،وانا مستعده ان اكون رئيسة الكومباين وانظم ليك الحملات الانخابيه واعمل ليك دعايات تكسر الدنيا ،،
وطبعا لانى اتوقع انو"الريح "ممكن ينزل فى الانتتخابات ضدك " :twisted:
اخبر ""C.I.A' انه عضو فى القاعدة عشان يودوه "غوانتانامو" ايام الانتخابات .وما مشكلة لو انهم مسكوه على طول عشان مايعمل ليك وجع رأس....وفى الوقت دا حتكون انت الرئيس king
وما عاوز اى ازعاج او مشاكل ،لانو على عاتقك مسئولية بلد "السديرة"...
ثالثا:نحن فى حنكون فى اسقبالك فى مطار "جون.اف. كينيدى"بنيويورك....وما تنسى تجيب لينا معاك "الحلو مر " لان رمضان حيكون دخل فى شهر 9
وكل سنة وانتم طيبين........... :king:

أخي الرئيس حسبو العوض , سلام تحية عميقة واشواق لا حدود لها , الموضوع الذي طرحتها حقيقة لا تخفى على احد , وأحب أن اضيف مسألة في غايةالأهمية, أعتقد إنك أخفيتها بدبلماسية ,أو فاتت عليك , وكثير من رؤساء أمريكا فاتت عليهم أشياء هنا وهناك, وهذه المسألة هي قضية (العِدْ) عد السديرة الذي يقع في الجهة الشمالية الشرقية من هذه الولايةالغنية , فهذا العد يعني الكثير ل ألسي آي إيه , فهو غني باليورانيوم كما هو مشاع , أما علاقةكوندليزا بالسديرة فقد ثبت أنَّها زارت السديرة في الخفاء عدة مرات وهناك صورة في ملفات الموساد لكوندليزا ـ ولعل هذا هو الجزء الذي يربط سعادتك بالموساد فكما شاع آنذاك أنَّ الموساد قد مدتك بهذه الصور رجاءً منها أن تكون عميلها في المنطقة ـ وكانت صورة كوندليزا وهي ترتدي توب جارات لتقنع بذكائها إتحاد نساء السديرة أنها تعشق تراث هذه المنطة , وشربت الجبنة ورمت الودع وأشياء أخرى متلتلة من ضمنها قيل أنَّها شربت موية الترعة بلا روَّاق, وقيل أنها تقربت من العمدة عباس ليتزوَّجها وهذا ما نفاه العمدة في لقاء مع الواشنطن بوسط , على كل حال الكلام يطول في هذا الأمر , ولنا متابعة في العدد القادم .ومني سلام لك وللأخوة .
السيناتور ود الشيخ أوباما

هلا الاخت ام حمودي ومشكورة علي حرارة الاستقبال ، بعدين ولايات امريكا قرونا ليها زمان انها 50 يمكن الاتنين ديل احتلوهم حقارة ، وبخصوص الحلو مر بتاعك لومك علي اجيبو ليك واختو معاي قدام في الطيارة وكمان اجيب ليك الويكة والويكاب وزيت السمسم وكل مايشتهيه راعي البقر هناك، وبعدين ماتخافي علي من الريح ، القاعدة لابساهو لابساهو.
ولحبيبنا ورفيق دربنا ود الشيخ بقول ليهو كنت من قبلك بشيل الليل دموع واطويهو هم....وجيت لقيتك بين ضلوعي شموع وغنيتك نغم يانغم.... هذه الدنيا سماء انت فيها القمر ....وفرحانة بيك كل النجوم...شوقي لايوصف..فقط سوف اكتمه بين الحنايا.
و(العد ) ده من اسرار المخابرات واعلم انه مجاور لبيتكم وعشان كده لن نثير قصته في الوقت الراهن، كما اعلم انك مغامر جدا ويمكن ان تفجره في اي وقت لذلك قد اقمنا عليه حصونا من فضول البشر، اما قصة السيدة كوندي هي في ارشيف العمدة عباس وما ادلي به للواشنطن بوست قد حرف،اما انك تدعي السنتاور اوباما هذا يرجع لطبيعة عملك في منطقة القرن الافريقي والكل يعلم ان القاعدة الامريكية الفي جيبوتي والتي انت مقيم فيها كانت بترتيب منك من الاف للياء وهذا ما سوف افصح عنه في العدد القادم.

السلام عليك ياسعت الرايس حسبو ممكن عمر ودالعطيا يكون رايس الوزرة ماتستقرب عشان ودخلتى تاج الدين الطيب

الاخ فخامة الرئيس حسبو العوض

اولا الف مبروك وثانيا ربنا يشفيك والثالثة حاول ان تتغطى كويس والرابعة اول مرة اسمع بهلوسة ملاريا قبل ماتصيب صاحبها والخامسة اركز وخليك على الجاى
والله يقدرك يا العم ( سام حسبو) وانا من الان فى المعارضة جناح ابوعمار العمدة ومع زعامة الريح وهو الاولى وود الشيخ متامر لن نسمح ليه بتعكير صفو وهناء القرية بتلك الشائعات المغرضة و ياسمير وابو فارس ومناهل وبكرى حقوا تقيفوا مع الجانب الرابح وشكرا

محمد قسم السيد حمد

الاخ محمد قسم السيد ، و الاخوة المعارضة:
نحن من خلفك و نشد من ازرك في المعارضة ، (طبعاً ده إذا ما طلعت ملاريا) ، أما ود الشيخ فهو صديق عزيز و استطيع ان استميله للمعارضة إذا عرضنا عليه بعض الوعود التي تتناسب مع حجمه السياسي في البلد .

الاخ بكرى
موضوع ود الشيخ وبعض الا نتهازيين الذبن يمكن استمالتهم قيد البحث شريطة ان يوافق المرشح والراعى الرسمى للانتخابات وويت----------------------------ك
--------------------------------باالمرشح ووين رعيم المغارضة

محمد قسم السيد حمد

عدل سابقا من قبل Samir AlSoNi في السبت مايو 03, 2008 7:13 am عدل 1 مرات

سيادة الرئيس شايف شغلوا ياجماعة، وبعدين جماعة المعارضة ديل بقوليهم معركتكم خسرانة لان زعيمها(ود قاسم) انسان مامواكب الحاصل فيالعالم وذلك بسبب عامل السن وحاجات تاني حامياني ، واخونا بكري موضوعو مطرشق لانه سوف يعتمد علي استمالة الاطراف المؤثرة علي ترشيحي امثال اخونا ود الشيخ وبقوليك ود الشيخ ماراجلا هين عشان تشتروهوا انت ومحمد قاسم(العجوز) بتاعك ده ، وشايف الاخ سمير وزير الدفاع المرتقب ده ناوي يشن عليكم ضربات استباقية عشان ماتقوم ليكم قائمة ، ويابكري انت اول زول ح ندخلك غنتانمو ليست بحجة الانتماء للقاعدة ولكن بحجة انك تسعي لزعزعة الامن في السديرة.

سيادة الرئيس وفخامة رئيس الوزراء والسادة زعماء المعارضة ورواد المنتدى

لقد بدا واضحا ان دولة الاستكبار بقيادة رئيس وزرائها ووزيرة خارجيتها بدات فى تنفيذ برامجها بضرباتها الاستباقية وخطف الاضواء وازدواجية مكايلها فى حين هنات الشعب بعودة سامى الحاج طالبت بحبس المنافسين والمعارضين وبدات فى شن حملاتها ضدهم حين وصفت مستشار المعارضة بعدم المواكبة وكبر السن وحاجات تانية لم تذكر وماذلك الا لعدم وجودها الا فى مخيلة واوهام السيد الرئيس وجهاز لستخبارته ولذا تهيب العارضة وتناشد جميع فصائلها بتوحيد الصف وجمع الكلمة وتفويت الفرصة على الطامعين فى سرق قوت و مقدرات الشعب الابى ولن تدع مثل هولاء يسيطرون على مواقع صنع القرار ولا نامت اعين الشرفاء حرصا والظرفاء ضحكا والجبناء خوفا والى اللقاء فى مناظرة قادمة

محمد قسم السيد حمد

بكري العبد كتب:

شكلك يا حسبو اصبت بملاريا حادة جداً ، الف حمداً لله على سلامتك و انشاء الله اجر و عافية ، قالو لي انك كنت الايام الفايته كنت مريض شوية لكن ما قايل الحكاية خطيرة للدرجة دي هههههههههههههها. يبدو لي من التشخيص المبدئي ان الحمى طلعت في راسك

مع امنياتنا بعاجل الشفاء يا رب ( اللهم اشفي ، لا شفاءك الا شفاك يا رب)

:cheers: :shock: :x :cheers:

الاخ بدر : لك الرابط مع انا نفينا كل التكهنات المزعزومه
https://www.youtube.com/watch?v=isYsiLwcqoA

الاخ بدر بعد التحية ، الحمد لله رد السيد وزير الدفاع ومهندس القرارات يكفي ، وكل مايقوله يعبر عن وجهة نظر الولاية باجمعها ، وانا بعد حديثه لن ادلي باي تعليق.
وحبيبنا محمد عمر ان شاء الله مقترحاتك تجد القبول ونتمني ان تنضم الي صف الديمقراطية والسلام.

الاخ والصديق العزيز محمد احمد الشيخ ، حقيقة اشتقت ان القاك حين تربع الشوق المسافر واستراح ،وطفقت اسأل عنك فى مدن المنافى السافرات بلا جناح ، ولكن كيف يا وجع ( المسافة ) فى دمى فالصبر منذ الامس فارقنى وراح
وتكفى تعابير هذه الابيات عن ما يعترينى من فقد فيك ( وبرضو مشتاقيييييييييييييييييييييييييييين )
العم والخال العزيز / سعادة الريس حسبو ، لكما التحية
حقيقة الحلم الذى سقته جميل جميل جداً ومشوق وانا طبعاً هلكت نفسى طمعاً فى حقيبة وزارة الخارجية لصياغة علاقة جديدة مع الخالة كونداليزا رايس او بالمعنى الصحيح زوجة جدى العمدة عباس وطاقمها الفنى ووضعت خطة الوزارة خلال فترة فخامتكم الرئاسية والتى تتلخص فى الآ تى :
1/ ان تقوم كوندى او كوكة ( اسم الدلع طبعاً لرايس ) بتخصيص مقعد لجدى ( زوجها طبعاً ) فى مجلس الامن الدولى كسفير دائم لعمودية السديرة.
2/ فتح فرع رئيسى لمكتب تفتيش 43 السديرة الشرقية بواشنطن حتى تكون قضايا مزارعيه دولية .
3/ ترفيع اللجنة الشعبية بالسديرة الشرقية الى مجلس عموم .
وهناك تفصيل اخرى نوردها فى حينها كما يقول الزملاء فى مستهل العرض الاخبارى فى الاذاعة ، ، ، ونلتقى فى اروقة البيت الابيض اقصد المنتدى حول ذات الموضوع ، ، بااااااااااااااااااااااااااااااااااااى

طبعاً طولت كنت مشغول وما جايب خبر للحاجات الحلوة بي جاي , والله دي المتعة الحولت غربتنا بهجة , والله يا حسيب فرهدت في نفسي الفرح , صحيت في نفسي الوجود ورحعت لعيوني النهار , والله رجعت لأمسياتنا الجميلة الكانت عامرة بيكم , وشكري المرصع بالورود والأمانية الطيبة لحبيبي بكري , وشكراً جزيللاً يارايع على الصورة , وتم حسنتك ونزلها تبع تعريفي في المنتدى , أما بالنسبة للمواضيع السياسة في الساحة فأنا أشم من تعليق بكري خصوصاً في عبارته ( لو ما طلعت حلمة ) هذا يدل على أنَّه سيتخلى عن المعارضة لو الحكاية طلعت جد وح يجينا عشان نديه منصب وهو راجل ذو امكانيات هائلة ممكن نديه حاجة تليق بيه , وهذا أيضاً يكشف عن هشاشة المعارضة , وغداً سنجد محمد قسم السيد لاجئ سياسي عندنا وطبعاً نحن بلد ديمقراطي سنعطيه حق اللجوء ونعطيه فرصة للتعبير عن رايو , أما كلام سمير السني عن عدم زيارة كوندليزا للسديرة أحب ااكد له أنها جاءت بالفعل وكان لها لقاء طويل مع العمدة عباس كما أسلفت , وما لم أذكره أن العمدة عباس حينما أصرت عليه في الطلب نهرها قائلاً ( ها ...... ابقي مارقة كدي كدي ) .

حبيبي حسن علي يا غالي يا غالي يا ديمة في بالي , والله أوجاع الشوق مقيمة لا تفارقني , والشوق الإضافي الزايد حبتين بتاورني كل عصرية وعند الأماسي حينما يحين وقت جلساتنا الأدبية والفنية الحلوة بيكم بزيد في الساعة ديك الشوق كتير .
أما على الصعيد السياسي أخشى أن جزء كبير من أحلامك راح شمار في مرقة ( ما عايز اقول ليك شمال في ملقة ) نحن كبرنا , وسبب ضياع هذا القدر من الأحلام أن العمدة عباس رفض الزواج من كوندليزا لأنها كما تعلم لا تليق يقدره وعزه غلا تنسى فهو من السيلات يعن رسولاب , وهي أكان شفتها لابسة توب الجارات والله بي قرش ما تشتريها .لكن ترى تقول شنو فالمسألة سياسية .أم مسألة تديول قضية المكتب الزراعي فقد تم تدويلها بالفعل ونحن سنضع لها حلاً مع حل قضية دارفور إن الله أما وزارة الخارجية فأنا أقترح أنك تقيف في الصف مع معرفتي بقدرك وأمكانياتك , وما تقول لي ادوني وزارة الثقافة والإعلام فأمريكا ما فيها وزارة زي دي , بطل كلام فارغ شوف الجنة مسختو !
وزارة الخارجية دي موضوعة لأمر آخر , وحسب طني عايزين يسترضو بيها أبو فارس , وأعتقد أنو رغماً عما قاله فسيوافق , ولا أخفيك سراً إذا قلت لك أنَّ هنالك مفاوضات تتجري معه , وقد زار السفارة الأمريكية بشكل سري عدة مرات والتقى بمسئولين أمريكيين في السديرة في زيارته الماضية .
أما موضوع العد يا أخي حسيب فنحن نخشى أن يؤدي إلى إنفصال شمال السديرة فأولاد عمي العبد ديل بتاعين مشاكل وفيهم رغبة التمرد والإنفصال , واهذا السبب هناك سعي لاستمالة ابو فارس واترضيته بمنصب وزارة الخاجية , أفهمت يا أخي حسن ما كنت ارمي إليه ؟