عاشق الديار علي الكرسي..

الاخ الحبيب ود الشيخ والله انا ما كنت خائف من زول الا انت لكن ما كترت التقليه
(سنه رابعه )
هو ديوان ابوي مختاركان مكان تجمع شلتنا الجميله ايام الاجازات وبعد التخرج (ود الشيخ وماجد وحسن وحسيب وعثمان وبقية الشله ) تم تسميته سنه رابعه لانوكان فيهو فوضي جميله وفيه كانت المناكفات بين ود الشيخ وعثمان خاصه لمن يجي من كسلا (ود الشيخ يفتشو بالانجليزي ) هذا المكان شهد اجمل ايامنا
(جدول الشيخ ود عمر وجلوسنا انا وود الشيخ وحسن علي )
كانت ايام جميله خاصه بعد رجوعنا من الجامعه يوم الخميس وبعد نتغدا ما كنا قاعدين نمشي كوره وللا غيره كنا نمشي قدام المستشفي نقعد في ابوعشرين نستمع لي اغاني زيدان (لما النجوم تلمع بعيد )و (يا مريا لحمد الريح ) وبعدها نستمع لالقاء شعري من ود الشيخ وفي المغيرب نتراوح ونمشي لي سنه رابعه (ديوانا ) ايام يا ود الشيخ
داخلية شمبات وحسيب
بتذكر كان معاي حسن وعثمان حاولنا نمشي داخلية شمبات لكن كان في صعوبه في الدخول قررنا نمشي لي ود الشيخ في داخلية حسيب ومشينا فعلا وشلنا مراتب وطلعنا السطوح ذلك بعد بحثنا لي ود الشيخ ولم نجده وعند ما فرشنا المراتب سمعنا من بعيد شخص يغني (في الضواحي وطرف المدائن ) وطبعا دي اغنية ود الشيخ لمن يكون رائق انا قلت ليهم عائن ودشيخك
كانت ايام
الغاره علي فطور المعلمين في مدرسة الجيلي
كانت في المدرسه ازمة فطور مافي بوفيه والذي كان يوفر الفطور لجميع الطلبه
اجتمع المعلمين في مكتب المدير لحل المشكله والطلاب رفضو الدخول للفصول والمعلمين في الاجتماع فجاءه رائنا صينيه كبيره جات من الحله وهي فطور المعلمين وتم ادخالها المكتب الفاضي مع العلم بان المعلمين مجتمعين
كنا شله قررنا ان نقوم بالدخول الي المكتب واكل الفطور وفعلا تم ذلك واكلنا كل شي واخدنا باقي العيش والكسره في جيوبنا وتم القبض علينا متلبسين وتم منعنا من اي غسيل وكان خشومنا مليانه زيت وتم دق الجرس (طوارئ) وتم جمع جميع الطلبه مع العلم بان المدرسه مختلطه وتم فضحنا وتم تفتيش جيوبنا وانا كنت من يحمل الكسره في جيبي الغريق ورفضت التفتيش وقلت ما بتفتش (ومان ذلك في الطابور) وامام الجكس وبعد ان تم فبضي وتم اخراج الكسره من جيبي وسط ضحك الطلاب وتم جلدنا عشره جلده لكل واحد