منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

مصطفى سيدأحمدxالوجدان

power_settings_newقم بتسجيل الدخول للرد
+2
ابوالزهور
عسيلاتي
6 مشترك

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:47 am

more_horiz
صابرين 2
محمد مريخـا
صابرين على الزمن البجيب الفاتة من ضرع الكفاف
صابرين على الطقم البتسخر من عناوين الهتاف
صابرين على الالم المرابط جوة اعشاش الضعاف
صابرين على النيل الختم تاريخو بى صفحة جفاف
****
والله ما كان الصبر فجة مصير ولا اعتراف
لولا الامل مرسوم هناك راسمنو فى المدن العجاف
والمزنة خاوية على العروش ولهانة بى ولع الضفاف
شرقانة بى نفسا معكر نسمتو السمم الزعاف
لولا الحليوة الفى البلد متوجهة القبل المتكلة بالخلاف
سرحانة فى مقل النجوم متوسدة الضلع الرهاف
راجية البخارى الفى المداين نامو بى مضغ اللهاف
راجيا المحزم بالعشم راجياهو بى توب الزفاف

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:48 am

more_horiz
وجيدة
قريب الله عبد الواحد
بعيد عني ..
خطاك ما لامست وجه الطريق ..
ومشيتي لا فوق غيمه لا ظني ..
كأنك من وراء صفحة زجاج مبلول ...
وراك الريح ..
وقدامك مدى السكة وندا المجهول ..
وأنادي ليك ..
وجيدة ... وجيدة
لا إلتفتي ولا لوحتي بي إيدك ..
وأنادي ليك ..
يجاوبني المدى الفاتح مدارج الهم ..
بتبقى وجيده طعنة سيف ..
موسدة في شق السماء المرسوم ..
وسادة دم ...
وتبقى إيدنا في إيديك ..
وفي شعرك ..
وفي المنديل

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:48 am

more_horiz
يا خطوتك

لا زمان حبك حقيقة

لا تعب زمنك .. فرح

يا خطوتك

يا خطوة الوجع .. الجرِح

لا الفيها منك إبتدا

لا البيها منك إنتها

يا خطوة ضاعت بين صراخك .. والصدى

بين المشاوير والنوى

بينك وبين كل المشاعر

الفينا غرقت فى الغنا

*******

يا خطوتك داست على الحرف اليِبِس فوق الشفاه

داست على البوح .. والكلام

داست عليك .. وعلى إنتظارك والملام

داست عليك

وعلى الدروب الجاية منك .. وماشة ليك

لا تِعِب فيها الحرف

لا فتر فيها الوِلِف

يا خطوتك

بين إبتعادك .. وإنتظارى

بين مشاوير طفلة ضاعت

بين عيونك .. وإفتكارى

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:49 am

more_horiz
غيابات الخليل

بالأمس ،، كان غناؤنا عذبآ

و كنت تتخذين قافيةً

لها طعم التواصلِ ،، و التبادلِ بين قمحٍ و خصوبة

فلماذا تأخذين الآن شكلاً يرتدي لغة الظهيرة

يقتفي ظل الفجيعةِ

تختفي منه العذوبة؟

إنها اللغة التي عمقت فينا التداعي

و غلغلت بين العظامِ

تزامن الوجعِ المعبأ بالضياعِ ،،، و بالرطوبة

فأخترنا من بين الزحام

خرائط الفرح الملون

بالطبول العازفات مقاطعآ تنمو علي عين الحبيبة

بادرتني هواجسي

فأستعرت من الشوارعِ عظمةً كانت تحدقُ في الحياةِ

و تعتريها الأمنياتْ

و سمعتُ من مدنِ الخرابِ حكاية الآتين منك

يلعقون السمّ

من شفةٍ تدندنُ بالرخيصِ من التباكي ،، التشاكي ،، الأغنياتْ

فيا بنتُ المسافةِ والرجوعْ

و يا بنتُ الخريطةِ و الدموعْ

إذهبي مني ،، تمنِّي

و أمنحي القلب التجلِّي

و غادري اللغة التي ظلت تموتْ

أغرزي فيّ الثباتْ

الله يا وجعآ تمدد في العشيةِ ،، و الصباحْ

الله يا حلمآ تناثر بين افواهِ الرياحْ

و يا طفلةً ظلت تفتشُ عن ضفيرتها

تحدقُ في حطامِ الأمسياتْ

سافري

سافري

سافري

سافري فيّّ ،، شموسآ و وتر

عمقي جرحي اقترابآ و سفرْ

لأغنيكِ التماسك

أبتغي منكِ الوصول

أمنحي القمح الخصوبة

أمنحيني نفسي ،، دون خوفٍ ،، دون همس

وأمنحي المدن الدليل

فيا طفلةً ظلت تفتشُ عن ضفيرتها

بين دمعٍ ،، و رحيلْ

هل يكون الموت نوعآ من تآلف

في غياباتِ الخليلْ ؟

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:50 am

more_horiz
حبالنا الجوّة

حبالنا الجوة .. ما تخنت


حبال السما الممدود


حبال الصوت وكت يرجع


يجيب الخاطر المردود


*********


تعالى نشوف


غنواتنا


البقت فى الدنيا ما بتشوف


تعالى نشوف


حروف البكا .. الجوّاها مافى حروف


تعالى نشوف .. تعالى نطوف


على المدن البِقت أشباح


على الجوع القعد مرتاح


على الكلمة البِقت فى الجوف


.. تفتش سكة الأفراح


**********


تعالى نشوف


منو البقدر يخاصم طفلة


صِبحت هازلة فوق مدّ الأسى .. الحرّاق


يا غنوتنا ما تفوتى


ويا كلمتنا ما تموتى


فتشى فوق ضمير الكلمة


عن وتراً رحل ... فرّاق


وعن ولداً رحل ... فرّاق


وعن بلداً رحل ... فرّاق


وعن عِلماً رحل ... فرّاق


غُنانا الفينا ما بشفع


حديثنا الجوّة ما بِنفع


تعالى نشوف .. تعالى نطوف


تعالى ..


نعلم الشُفّع

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:51 am

more_horiz
ضو شبابيك .. البيوت

يا ضوء شبابيك البيوت

بين التوهج .. و الخفوت

أسرح معاك .. و اسألك

قبال ما يخنقنا الرماد ... و يعلم العقل الحياد

قبّـال لهب حلمك يفوت

و جذوتك تبهت ... تموت



يا ضوء شبابيك البيوت

أسرح معاك .. أستفسرك

عن ظلمة تمتد و تطول

وإتلخبطت فيها الفصول

عن كلمة ضاعت في الفراغ

بين البزيـِّف و البقول

عن سر يباس البذرة .. في طين الحقول

عن كل أحلامي ... الصغار

الما لقت ... غير الذبول

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالثلاثاء مايو 12, 2009 1:52 am

more_horiz
يابكرة

مساماتك بتشقق عشان تشرق صباحاتك

صباحاتك بتتعانق مع الفكرة

وتاخد من جراحاتك

نضيف إحساسنا بى بكرة

*********

يا بكرة الغصن ناشف

ويا بكرة الفرح يوماتى ..

بيكاتل حزن أطفال

بتتشابى عشان تعرف .. شنو الفى إيدنا لى بكرة

شنو الداخرنـّوا لى الكسرة

عشان تشرق صباحاتك

عشان تقصر مسافاتك

عشان تبرق غماماتك

عشان تخضر مساحاتك

عشان بكرة

وبعد بكرة

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:04 pm

more_horiz
مصطفى سيدأحمدxالوجدان - صفحة 2 Mustafa_main

مصطفى سيدأحمدxالوجدان - صفحة 2 Must55

مصطفى سيدأحمدxالوجدان - صفحة 2 Must9

مصطفى سيدأحمدxالوجدان - صفحة 2 Must1

مصطفى سيدأحمدxالوجدان - صفحة 2 Must3

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:13 pm

more_horiz
مصطفي سيد احمد ومدني النخلي والعلاقة التي كانت بينهما

بداية العلاقة ...

في نهاية السبعينيات وفي فترة بدأت فيها ملامح تجارب جديدة للغناء السوداني -تتبلور مع حماس مبدعين أمثال يوسف الموصلي.. وعركي والقامة محمد وردي- ظهرت أصوات أُطلق عليها «الواعدون»، كان من بينهم مصطفى الذي جاء مختلفاً في طرحه منذ البداية.. وبشَّر بأغنية جديدة متجاوزاً النصوص التقليدية الطرح والشكل الموسيقي السائد. كنت أول الذين تحمسوا لهذا الطرح والتقيت مع مصطفى في عام 1978 وطرحت لأول مرة عملين هما «في عينيك عشم باكر»، و«وهج الشعاع»، وتصادف ذلك مع تعاون مصطفى مع المبدع الشاعر الرقيق قاسم ابو زيد، والصديق الشاعر يحيى فضل الله.. وكان يتوسط هذه الأعمال الرائع صلاح حاج سعيد الذي بدأ مصطفى معه أول أعماله..

وقفة لا تنسى

ورغم ما لاقاه مصطفى من صعوبات في ايصال صوته، وتبع ذلك مشاكل التسجيل إلا أنني ما زلت أذكر وقفة الراحل المقيم الفنان محجوب عبد الحفيظ والإذاعي والإعلامي الأستاذ معتصم فضل وذلك لتقديمهما لمصطفى في أكثر من مرة، وتلاهما الدكتور الإعلامي عوض إبراهيم عوض.. ومن خلال هؤلاء استطاع مصطفى تقديم تجاربه الأولى مثل «والله أيام» للشاعر التجاني حاج موسى.. و«لومني مستني الملام» للشاعر المبدع عبد الوهاب هلاوي، ومن ثم انداحت خطوة الوعد خلال جلسات للإستماع كانت تمثل فضاءات ملائمة لمثل ذلك الطرح، وقبل سفري للخليج أعددنا لنجاح هذه الجلسات واتسمت بجهد كنا أحياناً نبذل فيه الوقت والمال لتصل أعمالاً في شريط جلسة ويستمر نسخها.. وواصل مصطفى انطلاقته وكان في كل مرة يقدم أعمالاً اضافية لتجربة الحداثة التي نهج وسلك طريقها.
استطيع أن أقول إن مصطفى حفر الصخر بأظافره المبدعة وهو يعبِّر من خلال النقد في ذلك الزمان إذ أن الولوج لتجربة الغناء الملتزم والوعي لتلقي هذه التجربة كان محدوداً في فئات ومفاهيم لا يسندها واقع الأغنية التقليدي في ذلك الزمن.
عكف مصطفى على تلحين أعماله بنفسه وهذا ما زاد رهقه وتعرجات المسار للوصول لغد مجهول ولكن لا أنسى أن هنالك من دعم مصطفى بالألحان من الفنانين ومنهم الأستاذ يوسف السماني، والموسيقار بدر الدين عجاج، وبدر الدين أيضاً كان يقاسم مصطفى رغبة الخروج بأعمال ذات بُعد موسيقي متقدِّم لذا كانت أغنية «لمحتك» للرائع عبد القادر الكتيابي أصدق تجربة مكتملة منذ البدايات، استمر عطاء مصطفى، وكان كلما التقى شاعراً أو ملحناً وجد فيه ملاذاً لأفكاره قدَّم له نصاً أو أخذ منه نصاً، وتوقَّف هذا اللهاث من بوادر ظهور أعراض مشاكل الكلى لدى مصطفى، ورغم ذلك لم ينهزم أمام صعوبات الحركة والسهر والتعب لانجاز أعماله بل ظل يتحرَّك والمرض يتسلل يومياً لدواخله المفعمة بالتعب والصهيل هذا مع مسؤولياته الكثيرة نحو اسرته ووالدته واخواته وأهله الذين لم يقتصر وجودهم على ود سلفاب بل تعداه إلى كل أصقاع السودان المترامي بل وإلى خارجه.

تجربة حصاد

بعد شريط مصطفى الأول من منصفون لم تتكرر تجربة الإنتاج إلا مع شركة حصاد بمبادرة الرائع يوسف الموصلى وأحمد يوسف حمد وصلاح المبارك في القاهرة.... رغم ظروف المرض باشر مصطفى بروفات وإعداد شريط «الحزن النبيل»، ثم أجريت له عملية زراعة كلية.. وعاد للقاهرة وتم إنتاج الشريط بتوزيع الموصلي، وقد كان عملاً متفرداً وإضافة موسيقية كان مصطفى يرمي عليها كل أحلامه.. وتكرر ذلك بانتاج «البت الحديقة» وكان ذلك في ظروف مرضية قاسية بالدوحة وما زلت أذكر صعوبة ذلك مع عملية الغسيل وإنهاك مصطفى وتردي صحته، وكان يوسف الموصلي قد قضى اسبوعين في متابعة ذلك باستوديوهات الدوحة ثم نقل العمل إلى القاهرة واستمر مصطفى في عشقه المتواصل لأغنيات مختلفة وجديدة واستطاع إصدار شريط شيراتون الدوحة- ورمادا، وكان الداء وقسوة الحياة بعيداً عن السودان تأخذ من مصطفى عمراً يفنيه يوماً بعد يوم إلا أن أنامله المبدعة لم تكف عن مداعبة الأوتار حتى الليلة الأخيرة قبل رحيله..

نزار ومظفر النواب

استطاع مصطفى في عمره الفني القصير إحراز النجاح الذي لا يمكن إحرازه لفنان يعاني ويموت كل لحظة ويصر على استمرار الحياة والعطاء.. فغنى لأكثر من «41» شاعراً، بل تعدى حدود المفردة السودانية وغنى لشعراء مصريين وعراقيين وسوريين، غنى لنزار قباني، ومظفر النواب، وأغنياته عجاج البحر لشاعر مصري من وادي النيل. كان مصطفى يرتبط بعلاقات حميمة مع شعراء الأغنية منهم الصديق أزهري محمد علي، ومحجوب الحاج وحافظ عباس، واستاذة نجاة عثمان، وعبد العال السيد، وهاشم صديق، والكتيابي، والصادق الرضي، وعاطف خيري، والرائع محمد طه القدَّال الذي يتكلَّم مصطفى عنه بحب وفخر، رجل الريف الزاهد الورع وكان يردد في أمسيات الغربة أيام المعهد، ويسمي قاسم ابو زيد ويحيى فضل الله بالمشاغبين، ويحكي عن وعيهم المنسجم مع رؤيته تماماً.. ويتحدث عن صعوبات الألحان لأعمال نقلها لملحنين وأعادوها له مثل أغنية «وجيدة» وما زلت أذكر في أحاديثه إطراءه على بدر الدين عجاج واعجابه بألحانه، والتي منها «كيف انساك» للشاعر محمد مريخة.. وعلى الرغم من أن مصطفى بتقديري أنجز العديد من الألحان الجميلة في قصائد أقنعته إلا أنه كان يواصل بحثه الدؤوب عن الجديد حتى آخر نفس في حياته العامرة بالتعب والكفاح.

ما لا يعرفه الناس عن مصطفى

مصطفى في تقديري كتاب مفتوح وخطوطه عريضة وهو من الفنانين القلائل الذين يسعون لتمليك كل حقائق تجربته للناس، أضف إلى ذلك أنه عفيف اللسان يكره أن يتحدث شخص أو يغتاب في مجلسه العامر بالأصدقاء، ومن مميزات ذلك الفنان أنه يكره الجهوية والعنصرية لأي جنس بعينه ويردد دائماً يكفي أن ننتمي اسماًَ وفكراً لوطن اسمه السودان، ولا يخوض قط في أي مغالطات لا تصب في غير هذا المفهوم... أيضاً من النقلات الغنائية التي كانت تشكل هاجساً له الغناء الجماعي ، فنجد ذلك في أغنية «حلوة عينيك» للرائع د. بشرى الفاضل، و«أديني إحساس بالأمل» لشخصي الضعيف وأغنيات أخرى.

البروفات والإصرار على إخراج الأعمال

يقضي مصطفى أسابيع إن لم تكن شهوراً، في نقل فكرة اللحن للفرقة التي تعمل معه وربما الأخ الموسيقار «حضرة» يتذكر أيام بروفات الأغاني الأولى بالخرطوم، وفي الدوحة كان العازف يخرج من البروفة للنوم والراحة بعد جهد مضنٍ وتكرار، لذا لا يمكن لأي عازف متعجل أن يعمل مع مصطفى، وقد استفادت الفرقة التي عملت معه بالدوحة من أفكاره الموسيقية ووعيه الكبير. اهتم مصطفى بأصوات شعرية متجذِّرة في الوسط الشعبي ولها اسهامها، حيث غنى «نورا» و«يا مطر» للصديق المبدع محمد الحسن سالم حميد، وكان عمل «عم عبد الرحيم» يشكل بعداً درامياً في شكله الموسيقي، واستطاع به وبعمنا الحاج ود عجبنا أن يضرب الرقم القياسي في صبر الفنان على أشكال موسيقية لا يمكن تنفيذها إلا عبر جهد متكامل ووعي وإدراك لا يوجد في مغنٍ عادي، ولمس بهذه الأعمال تطلعات وطموح العامة من الناس الذين طالما حلموا بمن يغني بأصواتهم وينقل أحلامهم وحنينهم لأزمنة الغناء في الهواء الطلق واستطاع أن يأتي بهؤلاء إلى مسرح الحياة العامة ويتوجهم أبطال التعب والكفاح والنضال لأجل الحياة الكريمة الحرة. وهذا ما يميز مصطفى عن غيره من المغنيين.. كان ينزف ليهب الحياة لغيره.. يسهر لينام الطفل ملء جفنيه.. يحزن ليعم الفرح كل أرجاء الدنيا.. يموت لتبقى كلمته صادقة قوية تتحرك في زحام الحياة اليومي لتعلن قدوم الفجر وعليل النسائم وبهاء الفكر وعظمة الفنان الإنساني «مات مصطفى ولم تمت الفكرة».

قبل رحيله بليلة

قبل رحيله بليلة التقيته في منطقة أسواق الحراج الساعة الرابعة عصراً كان في كامل حيويته.. يمزح ويناقش ومعه الأخوة عبد المنعم الفكي عازف الإيقاع الذي يقاسمه السكن مع الأخ بدر الدين الأمير والأخ الماحي من أبناء شندي.. كان يبحث عن دولاب ملابس وبعد أن اشتريناه تم نقله مع صديق لي ايراني يدعى جليل عندما عاد جليل بعد توصيل الدولاب حكى لي عن مصطفى وظل يحكي بشغف لم أر مثله وذلك في عشرة ثلاث ساعات بينه ومصطفى، لم استغرب لأن مصطفى يدخلك بلا استئذان ويمنحك حق الدخول لعالمه المدهش.

علاقته برجل الأعمال والملحن صلاح ادريس

ولأني أحكي عن تاريخ ولا يحق لي أن أسقط منه أو أضيف.. أذكر أن مصطفى سيد أحمد مع ظروفه المرضية كان يقيم في قطر كزائر قبل أن يتحصَّل على إقامة.. وفي تلك الفترة تراكمت عليه ديون من جراء الغسيل الذي يجرى له في مستشفى حمد العام، وبلغت اكثر من (20) ألف دولار، وعندما أعيتنا الحيلة في سداد هذا المبلغ لأن جواز مصطفى محجوز رهن المبلغ قام الصديق عصام حسن حسين المحامي بترك جواز رهين بدل جواز مصطفى لأن جوازي لم يكن مجدداً حينها، ثم قمنا -بعد أن عجزت كل الوسائل- بالاتصال مع الأخ صلاح إدريس في جدة وأبلغته بما حدث وبمطالبة المستشفى لمصطفى، وبمجرّد أن سمع صلاح ادريس بما حدث وبمشكلة مصطفى قام في صبيحة اليوم التالي بإرسال مبلغ (30) ألف دولار وطلب مني تسديد ديون مصطفى واستئجار شقة له وفرشها وتولى الصرف عليه وعلى أسرته شهرياً.. ووعد بأن يقوم بمحاولة إجراء عملية زراعة كلية له... الجدير بالذكر أن صلاح سبق أن دفع (13) ألف دولار لإجراء زراعة كلى لمصطفى بالهند، وذلك في نفس الأسبوع الذي استؤصلت فيه الكلية المزروعة له في موسكو وأراد الله أن يتوفى مصطفى قبل أن تكتمل اجراءات زراعة كلية أخرى له على الرغم من أن الأطباء استبعدوا ذلك قبل وفاته.

مصطفى والحلم الأخير

في صبيحة يوم رحيل مصطفى وعندما استيقظ من النوم وكعادته جلس ليقرأ الصحف، وقال للأخ الصديق عبد المنعم الفكي عازف الإيقاع الذي يسكن معه (والله يا منعم أمس حلمت أني بغني مع اوركسترا على مد البصر)، ولم يعر عبد المنعم هذا القول انتباهاً إلا أننا عندما توفي مصطفى في نفس الليلة عدنا بالذاكرة لتنبؤات مصطفى عن أمور كثيرة حدثت في ود سلفاب والخرطوم، كان يستشعر حدوثها بعلامات لا يمكن تفسيرها إلا بعد الحدث مباشرة.. ولا تفسير لما قال إلا بالجموع الهادرة التي شيَّعته في السودان، وما أحزنني أكثر مع فقده عدم مقدرتي على السفر مع جثمانه لظروف يطول شرحها في هذه السانحة.

التقيته فنياً في (11) عملاً

منذ عام 1981م حتى رحيله في 1996م قدمنا أكثر من (11) عملاً غنائياً بدءاً بأغنية في «عينيك عشم باكر»، و«وهج الشعاع»، و«املنا الباقي»، و«علمي عيوني السفر» الذي شاركني في كتابة نصها، وأغنية «أديني إحساس بالأمل»، و«واقف براك والهم عصف»، و«في خاطري لحظاتنا الندية»، و«من جديد»، و«معاك كنت»، والثلاثة أعمال الأخيرة آلت للصديق الفنان خالد محجوب والذي راهنا على نجاح تجربته وقدمه مصطفى كأول مرة بأعمال خاصة وكان مصطفى يرددها.

سيف الجامعة ومصطفى

كذلك جمعني مصطفى بأغنية لو مثلي هداك الحزن، أو زهرة بخيلة، مع صديقي الرائع سيف الجامعة، وكان في البال أعمال أخرى لعبد التواب عبد الله، والصديق علي السقيد، واسامة الشيخ، كل هؤلاء كان مصطفى يخطط لتلحين أعمال لهم إلا أن مشيئة الله لم تمهله لإكمال هذا العمل.

مصطفى والصوفية

مصطفى في كثير من أماسي الغربة كان يتحدَّث عن علاقته الروحية بالقرى ومعرفته المتمكنة بأهلها خصوصاً رجال الدين وذلك بحكم نشأته، وقد عكف في أيامه الأخيرة على قرأة أثر لمحيي الدين بن عربي قراءة متأنية وما زلت أذكر اهتمامه بالمدائح وفهمه العميق لدورها في تشكيل بناء الأغنية بالسودان.

(رحم الله مصطفى وأسكنه الجنة).

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:14 pm

more_horiz
ست الدار

محمد الحسن حسن سالم (حميد)
(باسم الحاضر والمستقبل
ست الدار بت أحمد تكتب:
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
وباقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قتلو نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
اتبسملت.. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
صورو بت الجنفاوية طلعة تكسر في الواقود
شافع الحلب اب ضلعاً بره ايدو تدمم وجارلو عود
والخواجة الكلو لغود وكنا نصور في البوبار
ويا بوبار العمدة وبذخو
ست خرفن وتيس انسلخو
ستة خرفن وتيس ما كفن
ستة خرفن وفي فد يوم
المعدوم أشكال وألوان
أي خدار في اليوم داك في
كملن رف كمين دكان
صاتو السكر شوالين
يا سوق جات من وين
لولا اللعب الفي التموين
والتموين احزان ما كفن
تالتة جدك عالم الله
الا الجاها من الجيران
وبعض الناس درشو الكرملة
الناس الفي الفيها ... قمار بي جيها وطار بي جيها
ومرة يدعن .... ومرة نديها
الدهشان حدر طاقيتو
عشان خواجة اداهو سيجارة
ود الخير ودر يوميتو
وشوق شدتلها ستة جرارة
الناس الفي الفيها ...
وشيخنا محمد قالب حسو
وطه مكفكف وحازم نصو
وحاج عثمان ينقندف وكان اول يوم في عمر الزاوية
انو تقيل دون أذان وانو الناس ما صلوا جماعة

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:15 pm

more_horiz
ياطالع الشجره

يا طالع الشدرة
جيب لي معاك احلام
احلام بلد فقران
غرقان في بحر انعام
والنعمة منتشرة
في ارضِ طينا تمام
مزروعة جوع ومرض
غير العوير القام
والموية سيل ممتد
شاقي الارض قدام
والفايدة عند الفوق
وانحنا لينا صيام
والخير حلف بيمينو
يغشانا تاني حرام
ما انحنا جيل فقري
موهوم بكوم اوهام
غرقان بِفكِر فيها
في دنيا الاحلام
بس لو نفكر صاح
ننسى العلينا وحام
نزرع ارضا سهول
بالموية نروي حطام
لابد لينا نجاح
يرفعنا لي قدام
بس ننسى كل الفات
من مشكلات وخصام
ما انحنا دم واحد
نرجع عموم في سلام
يا طالع الشدرة
جيب لي معاك امان
امن البلد معدوم
من زارتو الكيزان
كيزان بتغرف دم
دم الصبي الحزنان
زاروه نص الليل
في البيت عشان مزدان
عاوز يقول الحق
في غابة الاحزان
جروه من رجلو
زي الخروف والضان
اصوات حريم طلعت
لمت عدو وحبان
ضربوه ضرب الموت
والدم بكب اطنان
ساقوه في ليلو
لمكان وراه مكان
ونكير شبيه وقف
يسأل عن الما كان
لو رد بالايجاب
يا ليل سواده جبان
مضروب كمان لو كان
بالرد نفى ونكران
والضرب كان قاتل
للروح مرق احزان
والضربة كانت حد
سالت دماه انسان
ارتاح من اوجاعه
دم النضال إحسان
يا دنيا ختي الحد
او سيبي ضبح الضان

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:17 pm

more_horiz
صور نادره مصطفي سيد احمد

مصطفى سيدأحمدxالوجدان - صفحة 2 Mus2

مصطفى سيداحمد في المرحله الثانويه

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:18 pm

more_horiz
مصطفى سيدأحمدxالوجدان - صفحة 2 Mus_madny

صوره في الدوحة في شقة مصطفي ومعه مدني يوسف النخلي

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:19 pm

more_horiz
مصطفى سيدأحمدxالوجدان - صفحة 2 Mosko3

مصطفي وزوجته بثينه في موسكو

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:29 pm

more_horiz
مصطفى سيدأحمدxالوجدان - صفحة 2 Mmm1

يا ترى كيف يكون حال الغناء من بعدك ؟

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:30 pm

more_horiz
مصطفى سيدأحمدxالوجدان - صفحة 2 Mus4

مصطفى سيد احمد خلال عمله كمعلم بوزارة التربية والتعليم

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:32 pm

more_horiz
مصطفى سيدأحمدxالوجدان - صفحة 2 Mosko2

في موسكو

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:34 pm

more_horiz
نفسي في داخلك اعاين

بشرى الفاضل



نفسي في داخلك أعاين

أروي روحي واشوف منابعك
الصحراء في عيني تتواثب جناين

ماخدة صوتك من جداول
وشايلة صورتك من كهارب

مولدا ميدانه حافل
كل ما يصبح تجيهو الناس جحافل
يا سلام
لما تعبري في الشوارع

شوفي كيف الناس تصارع
ناس تطفر وناس تدفر

في البشابي على نجومك
وفى البخب كايس تخومك
وكل زول من عند سلافك

لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا

وساقية زي نبع المنابع
وقلتلي غناي خلاص
حلوه عينيك زي صحابي

عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:35 pm

more_horiz
حشي المغبون

محمد الحسن سالم حميد



يا جمة حشى المغبون

في الزمن الهلاك من جاء

تكون حانت مواعيدك

يكون وقت المطر قد جاء

وشرق ضوي البلد عيدك

وطابت نسمتو العرجاء

و نمون يا طيبة تمينا

وبدين ونعنه وغنينا الغنا الراجا

وبدت كاس المودة تدور

عشق من حلفا لي راجا

حبابك ألف حبابك ألف

وياعنزنا القرجة

ويا لبانة في الزمن المراحو نشف

ويا جبانة للخوانة والعوج البدور لو ولف

دميرتنا البتروي جرف

مسيرتنا وتميراتنا الكانوا وقف

أصابعين الرجال رصاص

سعر راس البنية سقف

تكون دار بي زمن عندك

نكون لمينا في الفاتنا تكون فاتت ملامحنا وتضاريسنا

القبيل غمرت عرش بتنا وطوابيرنا

وبدت شتلات بعد غمرت

ضراعيك يا الولد كبرت

مراعيك يا البلد خدرت

خضار خدرت غزار غزرت

خضارا زين برغم الصيف وأناتو

عصافير الجلد كبرت

تباصر نسمة منتحرة

تطمن غيمة مندحرة

تضاير الغابة والصحرا

من الغمة وظلاما شين

ومنك يت قرير تنفك

وتكون اتحلت عقدة الدين

ويا جمة حشى المغبون في الزمن

الهلاك من جاء

تكون حانت مواعيدك

يكون وقت المطر قد جاء

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:36 pm

more_horiz
ليه غبت يا القمرة

قاسم ابوزيد



ليه غبتي يا القمرا
نركب جياد الليل
ينشرا بينا صباح
سفر العتامير ليل
نرجاك في المطرة
ارجع تعال يا شليل
درع الأميرة سرق
سووهو حدوة خيل
بحر العطاشا نشف
نشرب بواقي السيل
صد لي ملامحك يا حراز
ريح العوارض غربت
فرتق ضفايرك في الرزاز
جية العصافير قربت

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:37 pm

more_horiz
عجاج البحر



يراقصني عجاج البحر
ترعد داخلي الأمطار
يكلمني تراب الأرض
يشدد قلبي الأوتار
أغنيكم ... أغنيكم
أغني جذوة النار التي فيكم
والعن ذلك البرد المدثر
روحكم برماد موتاكم
أغنيكم ..
وابني في عيون الشمس
مملكتي تناديكم
نسورا تعشق الترحال
في الأفاق تبغي الكون حرية
فان شئتم
تعالوا الآن نرقص رقصة البدء
ونعلم أن نمد الكف
نحو الشمس للدفء
تعالوا أيها الجوعى
تعالوا أيها الفقراء

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:38 pm

more_horiz
عمنا الحاج ود عجبنا


الفرجوني

عمنا الحاج ود عجبنا

فى الفريق ياهو الركيزة ..

هو البشيل حمل الرباعة

وعندو كلمة على الجماعة ..

وفى الفريق باقي لينا تاية

وكل طيب ليهو غاية

وللضعيف تلقاهو ساند

ويقهر الكعب المعاند ..

للضيوف ديوانو فاتح ..

ديل يقوموا وديل ينزلوا

يا ولد جيب الرتاين

وجيهوا الديوان فراشو

افرشوا الفرشة الكبيرة

والإباريق .. والتباريق

وأضبحوا الحمل المدوعل ..

عمنا الحاج ودعجبنا

من سنين أيام جهلتو ..

ديمة فى دعوات صلاتو

يسأل المولى السلامة ..

وسترة الحال .. والكرامة

وعمنا الحاج ود عجبنا

فى ليلة من ذات الليالى ..

فى زمن حظر التجول

جاهو ضيف فى راس حداشر ..

رحب الحاج بيهو جدا

فرشولو ..ونزلوهو ..

وكاسوا للعشاء ما أتلقالو ..

ما الرغيف ممحوق مقصر

والبلد فى حال معسر

وعمنا الحاج فى مبادئوا

وجبة الضيف زى فريضة

وهسة ضاقت بيه العريضة ..

ضيفوا كيف يترك عشاهو

من دا زايد إختشاهو ..

وجاتو فكرة يمشى للفرن المجاور ..

ولى لجان العيش يشاور

بس عشا الضيف يا جماعة ..

وضيفى نازل ليهو ساعة

شاكلوهو.. ودفروهو.. ونهروهو ..

وجاتو دورية الطوارئ

وأمسى بايت فى الحراسة ..

وناسوا جنوا

للصباح ما عرفوا حاجة ..

وين دا روح

وجاهم الخبر المؤكد ..

ود عجبنا فى الحراسة !!..

ماشى محكمة الطوارئ

ناسو أولادو وبناتو

عرفوا حالوا وبدرى فاتوا

راحوا محكمة الطوارئ ..

فيها فى نص الخلايق

شافوا حالا ماهو لايق ..

عمنا الحاج بى جلالو

فوقو حس السوط مولول ..

فوق قفاهو وفوق سنونو

فوق رجولو ومرة

فوق فججا حشايم ..

أصلو ما قايل يهونن

حتى كان نزلن هجايم ..

إلا لكن الليالى

هى البترخص كل غالى

حاكموا الولد المنصب ..

كتفو بالدبور مقصب

إنت يا حاج يا مخالف ..

زول مخرف وعقلو تالف

إنت يازول ماكا دارى ..

زلة الناس فى الطوارئ

أجلدوهو وغرموهو ..

ونفذوا الحكم البهينو

شان يفتح تانى عينو!!!

تسمع السوط ليهو خاوية ...

وفوق قفا الشيخ صيحتو داوية ..

وفجاة رفع الحاج عيونو

شاف بنات ولدو وبناتو ..

كلهن واقفات يعاينن

دمعتن فى العين ترقرق ..

وجعتن فى الجوف تحرق

والحزن ليهن يفرق ..

دى النجوم الفى سماهن

كل سوط نازل عليهو ..

من شعاع الضو عماهن

عمك الحاج دمعو سًرق ..

وسيلو فوق أشنابو زرًف

تم حكمو وراح بيوتو ..

نفسو مكسوره وذليلة

كيف ملاقات الحليلة ..

وصحوة الروح العليلة

فى البيوت الجوه غادى ..

عمك الحاج ما اعتيادى

فوقو متلمين جماعتو ..

والسكيلى ضارب حزاينى

وقالوا ناداهو المنادى ..

فارق الدنيا المهينة

يقطع الذلة وسنينا ..

فوق فراش ودعجبنا

بسمع الزول البوصى ..

أقفلوا الحوش يا جماعة

طفوا أنوار الرتاين ..

داك حرس حظر التجول

من بعيد ليكم بعاين ..

يا زمن حظر التجول

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:41 pm

more_horiz
حاجة فيك

هاشم صديق

حاجة فيك تقطع نفس خيل القصائد

تشبه اجراس المعابد

توهتني .. جننتني .. تعبتني ..

جننت حرف الكلام

وبرضو ادتني السلام

حاجة فيك شرف المدائن ..

في غرف كل السفائن

جوه في عمق المدائن والعيون

حاجة زي ما تكون محلق في العواصف

فجأة تهبط للسكون

حاجة زي نقر الاصابع لما ترتاح للموسيقى

حاجة زي اخبار تناغم من جريدة

حاجة زي وتر المواني

لم يصدح زي سفينة

حاجة فيك

حاجة فيك لا بتنتهي ولا بتتنسي

خلتني ارجع للقلم اتحدى بالحرف الالم

واضحك مع الزمن العريض

وافتح متاريس الطريق

واعرف متين ابقى المطر

واصحى متين اصبح حريق

حاجة فيك

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:42 pm

more_horiz
سحابات الهموم


سحابات الهموم ياليل بكن
بين السكات والقول
وباقات النجوم الجن
يعزن في المطر
فاتن عزاك رجعن
وشوق رؤياك
زمان مشدود على أكتاف خيول هجعن
وصوت ذكراك مكان يجرى يلاقى السيل
وسر مدفون بصدر النيل
ولو لا الذكرى ما في أسف
ولاكان التجني وقف
وصوت ذكراك رزاز صفق
على خطوات بنات سجعن
وشوق رؤياك
حنين لي رحلة في المجهول
ولولا الذكرى ما في وصول
ولولا الذكرى ما في أصول
ولولا الذكرى ما في شجن

descriptionمصطفى سيدأحمدxالوجدان - صفحة 2 Emptyرد: مصطفى سيدأحمدxالوجدانالأربعاء مايو 13, 2009 10:44 pm

more_horiz
صابرين


محجوب الحاج


صابرين يا حزن الغنى ..صابرين

من بعد الضنا .. صابرين

على وعد المنى

برجاك يا ارض الحبيبة

وبلقاك في الفرحة القريبة

وبشراك يا ام السناء .. صابرين

لا ليل ولاحزن طائل

لا صبر ولا دمع سائل

لا هم جاك يا ام نفايل

والنيل فاض وانحنى

نيلين وحلمك هنا

فرعين شايلين جنا

صابرين سلامات

عشرات حبابك سلامات

اسلم شبابك سلامات

شايل سحابك سلامات

والقبلي شابك

سلامات

خيرك سنابل

وهواك هنا

صادقين عاشقين

ترابك حزين سلامات

يا حزن الغنى

صابرين
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد