اشجان في بورتسودان

رد: اشجان في بورتسودانالسبت أبريل 11, 2009 10:50 pm

مشكوووووووووووووور

رد: اشجان في بورتسودانالأحد أبريل 12, 2009 12:23 am

منهدس مجدي اسعدني مرورك سوف اكمل لك الباقي

رد: اشجان في بورتسودانالأحد أبريل 12, 2009 12:24 am

roseاختي
مشكوره علي المرور

رد: اشجان في بورتسودانالأربعاء أبريل 15, 2009 10:27 pm

( ج 19 )

سلمى بدت تتململ فى الكرسى ودايرة تقول شئ و طلع برة من بالى اسألها سبب الجية شنو واتذكر واقول ليها :
- خير انشاء الله ، اى خدمة
- خير ، وين امير
- موجود ، فى شئ
- لا دايرهو فى شغل
امير من سمع اسمو جانا داخل توشك وعامل فيها الود رسمى ويسلم بإحترام كدى لمن خلعنى ويقبّل على سلمى
- اهلاً سلمى ، جيبتى معاك الاوراق
- البت ترد بربكة وسرعة : ايوا
- خلاص تعالى ورينى ليهم
ويسوقا للمكتب وانا مفتح عيونى وخشمى ورمشة عين مافى زى الصنم بس ، وعيونى ما نزلت منهم لحدى مادخلو المكتب .
قعدوا ليهم زى عشرة دقائق وهم يوسوسوا لبعض وماسكة ليها اوراق وعملوها ظاهرة الغبى لو شافهم بعرف انو الاوراق دى تمثيلية ساى وعاملنها موضوع .
قلبى لسة ماكلنى على البت دى وخفت عليها اكتر من خوفى عليها من راجل امها ومن مرقت ناديتها وانا واقف ليها برة الباب :
- سلمى ممكن دقيقة من وكتك
امير حدر لى بعيونو والغيظ ملاهو بس عارف لو فتح قدوموا بكسرهو ليهو وقال احسن امشى واعمل فيها انو الموضوع ما هامينى عاينت فى عيونو اشوفوا مغيوظ ومهزوز ، دخلت المكتب وقلت ليها اقفلى الباب وراك .
قعدت قدامى فى الكرسى وانا على المكتب
- سلمى انا بعتبرك اختى واتمنى تفهمى الكلام البقول ليك
- وانا زاتى بعتبرك اخوى الكبير
- خلاص كان كدى اسمعى كلامى دا
- اها قول انا سامعاك
- قبل كل شئ انتى عندك مع امير شئ او علاقة غير الشغل ؟
تسكت وحسيت البت خجلت وسؤالى مفأجئ ليها واستدرك :
- المهم اعملى حسابك من امير وما يلعب بيك
- بصراحة انا ما شايفاهو بتاع لعب
رد ما كنت متوقعو كلو كلو منها ومتخيل حاتقول لى مشكور واحاول اقنعا :
- انا الولد دا عارفو كويس ، فوضجى شديد وغشاش أسالينى منو
- انت يا استاذ فاهمو غلط وانا الوحيدة الفاهماهو وعارفاهو كويس وما شفت الكلام البتقول فيهو دا
- يعنى انا كضاب !!!
- انا ماقلت انت كضاب
- المهم انا نصحتك وانتى مخيرة ويازولة بجازك
- مشكور على نصيحتك وما تخاف على انا شديدة وعارفة بسوى فى شنو ، ممكن تخيلينى امشى
- اتفضلى
حسيت البت كرهتنى من نصيحتى ليها وحسستنى انا زول متطفل وبدّخل فى امور ما بتخصنى وقريت فى عيونا انو هى ما بتتناقش فى موضوع امير دا وشكلها غرقانة غرق لدرجة انو شافتنى عدو ليها وانا بتكلم عنو بالطريقة دى وشكلو ملأ راسا بكلام عنى وصور ليها انا زول بكرهو عمى وما بدورو حسادة وغيرة ساى ، ولو ما كان فى باقى احترام قديم كان احرجتنى وقعدتنى فى مقاعدى بس البت عملت فيها كأنها ما سمعت حاجة والشئ الحيرنى امير دا بليد فى كل حاجة إلا فى نقتو مع البنات قدر يملأ رأسها كلام لمن عمى قلبها والبت بقت مرضانة بيهو – وقلت لنفسى : يازول انت عملت العليك ، تحرق تغرق ماعندى بيها شغلة مادام هى عنيدة وما راضية تسمع نصيحتى .
سلمى طلعت بهنا بعد شوية جا نى نابل امير وقال لى :
- انا ماشى البنك اورد القروش الاديتنى ليها الليلة الصباح
- وانت لسة ما وردتها ، من الصباح بتسوى فى شنو
- نسيت
- خلاص جيبا انا طالع و بوردها معاى مرة واحدة
- ويدينى القروش ويرجع المكتب
يعدى ليهو دقائق كدى ويجينى تانى رادى :
- فى حاجة ياامير
- لا لا : بس انا ماشى اودى حاجات للبيت كلمتنى بيها امى
- وامك دى كلمتك هسع
- لا لا من قبيل وماقدرت اطلع اشتريهم انت شايف انا مشغول قدر شنو
وانا عارف لا مشغول ولاحاجة وكمان انا عارفو ماعندو شغلة بمقاضى البيت ولا بدور زول يقول ليهو ناولنى موية خلى يشترى حاجات البيت بس ما بقدر اتحاجج معاهو فى حاجة زى دى واقول ليهو
- خلاص وديها سريع وماتتاخر عشان انا طالع وما بنقدر نخلى المكتب انا وانت
- كويس
ويشتت بسرعة كأنو مامصدق مكنتو تشيل كدا وخليتو لحدى ما مرق من المكتب ودور العربية واطلع برة اشوفوا ليك طبق البت سلمى وشتتوا واتارى الولد بسوى لى فى حركات وينط لى كل دقيقة عشان مواعدها يتقابلوا على الشارع وهى المسكينة راجياهو المدة دى كلها .
امير تم ليهو ساعتين وجاء داخل المكتب يقدل ساى ومبسوط :
- السلام عليكم
- حمد لله على السلامة مالك إتاخرت كدى
- يازول اسكت ساى السوق زحمة والحاجات زاتا ما بتتلقى بالساهل لفيت ليها السوق كلو
- انشاء الله لقيتا
- كيف دا كلامك
- والحاجات دى واقفة فى الشارع مش كدا
- شارع شنو
- هوووووووى يا امير انت قايلنى كيشة
سكت عاين ليى مندهش وضحك عشان عرف انو انا نقشتو وعرفتا نومتو
- اها انت تقصد سلمى ، يا اخى المسكينة دى لقيتا ليك مشحوطة فى الشارع راجية المواصلات وقلت اقدمها معاى فى طريقى
- والتقديمة دى ساعتين
- تقصد شنو ياعصام
- انت عارف قصدى واخير تبعد من البت دى ، ديل ناس فى حالهم وما تلعب بمخ البت
- يا اخى انا فاضى للحاجات دى ، دا كان زمان وين يامعلم مع العصِر دا ، وبعدين انا لو داير اجكس ما بجكس واحدة زى سلمى دى
- ماله سلمى بت حلوة ومحترمة
- اسكت ساى انت ماعارف حاجة بس
- دا كلام شنو ياامير
- يازول سلمى دى زولة لافة ساى وفاكة الدرب
- الكلام دا عيب ياامير دى عروض ناس والبت دى بعرفها زولة كويسة
- دا كان زمان
الله يلعنك يا امير خليتنى اشك فى بت الناس

فى المساء كالعادة لازم امشى اخد لي مسكن فى الكبانية الجنب البيت وصوت اريج فى التلفون ما مسكن الم بس دا مسكن كل شئ ويرد الروح ويفرق الهم ويزيل الغم وينعش الجسم ويخليهو نشيط :
- الو اريج
- اهلين عصام
- الاخبار شنو
- والله الليلة عندى ليك خبر بفرحك
- خبر شنو
- الجامعة الليلة قفلوها وقالو لناس الداخليات تفضوها سريع ، الشغلة كركبت هنا
- والله خبر حلو عشان حاشوفك وما حلو عشان بأخرك وانا ما عاوزك تتأخرى ودايرك تخلصى سرعة سرعة ونتلم على بعض
- مافى تأخير كتير كلها اسبوعين تلاتة وتفتح تانى ، بكرة بورتسودان جاك زول

من الفرحة كرعينى فى الواطة ما ثابتة وانا ماشى وسرحان لمن فوتا البيت بقادى ولو ما واحد من الجماعة قاعد قدام البيت كورك لى كان حصلت السوق وانا ما شاعر بنفسى

رد: اشجان في بورتسودانالإثنين أبريل 20, 2009 1:36 am

ج 20 )

اليوم التانى العصر دق علىّ ابو اريج :
- الو عصام كيفك
- تمام
- وين امير
- امير طلع قبيل قال عندو مشوار وبمشى البيت بهناك ، لسة ماوصل البيت
- لسة والله
- يكون مشى لاصحابو فى النادى ياربى
- والله كنت عاوزو ضرورى
- خير ، فى شئ
- لا مافى شئ بس كنت دايرو يجيب اختو من المطار .
- عملت فيها كأنو ما عارف : هى اريج جاية الليلة ، اضحك ضحكة ظرافة كدا واوصل : هى بتين الجامعة فتحت عشان يأجزوا سريع كدا
- والله هى بتقول الانتخابات عندهم حصل فيهم ضرب وكتل وجوطة وقفلوها ليهم .
- خلاص لو امير جا هنا بكلموا يمشى المطار
- يا اخى فكنا من امير ، الولد دا اصلو ما يعتمدو عليو ، اسوى شنوا ، امشى اجيبا انا واجئ
كنت منتظر يكلفنى بجيبتها عشان المشوار الطويل دا اطفئ بيهو الحريق الولعتها فى قلبى وخلتو مقسوم النص النص ، نص معاى ونص معاها على اية حال اتأكدت من جيتا بالسلامة .
بس ملاقاة البت دى ما حاتكون زى اول واقعد معاهم عادى واتونس برغم انو هم ناس واثقين فينى شديد وما ممكن استغل الثقة دى وكل مرة اجى ناطى ليهم فى البيت ، وكمان امير بتحسس شوية حتى لو ما عمل حركاتو ديك بكون شايل جو قلبو وانا ماصدقت الامور هدت بينى وبينو ولازم اشوف لى حل اقدر ارفع بيهو الحرج دا .
رجعت البيت افكر كيف فى البسوى شنو - وطبعاً اواعدها فى حديقة او نادى اومطعم فى فندق خمس نجوم كلها ما حلول وكمان هى ما بتحب تطلع براها من دون الاسرة وبرضو امير لو بالصدفة شافنا ساى الوضع حايتأزم وبتبقى مصيبة على راسى وراسا ، يازول ما عندك حل تانى غير تدق الباب عديل وتمشى لابوها تكلمو واخير كل شئ يكون فى النور وتعرف رأسك من كرعيك قبل مايجئ واحد يلهفا منك ويخلى خشمك ملح ملح وتبقى فى كانى مانى .
بعد تلاتة أيام من جيتها - وبعد ما ارتاحت وانجمت قررت امشى عليهم بالمسا فى البيت ،طبعاً اريج عندها خبر بجيتى وعارفة نيتى دخلت البيت و قعدتا مع ابوها وامير قاعد معانا بعد الاستقبال وسؤال الاحوال :
- انت قلت دايرنى فى موضوع ، خير ياولدى ( هو كتير بنادينى بولدى ، نوع من المحبة )
- ايوا موضوع بخصوصى انا
واعاين لابوها وداير اطلب يد البت منو واشوف نفسى بقيت اتمتم فى الكلام وجبهتى عرقت والفصاحة بتاعتى كلها راحت وعيونى تتزاوغ منى يمين وشمال والكلمات من شدة ما تقيلة ، تقول شايل لى صخور وادفر فى الحروف من جوا دفر بس حرنن وابن يطلعن كلو كلو واتنحنح واهز فى رجولى وكلو ما نفع وبديت اقرأ فى اية الكرسى والمعوذتين قلت يمكن تهدينى وبعد تعب قلت وانا بعاين لابوها :
- انااااااااا جااااااااى احم احم حم حم انااا
- خير ياعصام، ويعاين لى امير بمعنى اتخارج لانو قايلنى محرج اتكلم قدامو
وامير رغم مخو التخين دا لكن دى فهمها كيف ما عارف وداير يقوم اثبتوا فى محلو
- خليك يا امير الموضوع بخصك برضو
امير ماصدق قعد ورخى اضانو لينا
وبديت فى انشاء ومقدمات واخيراً قلت :
- انا بعتز بيكم جداً ، وامنيتى نكون اهل واكون واحد من عائلتكم واتشرف بنسبكم
- ابوها عاين لي بتقدير وعيونو فرحانة : والله ياعصام انا ولد مافيك عيب وكويس ، داير ياتو واحدة فى البنات

- بادب وبراحة اقول ليهو : اريج
- يازول كان على انا ماعندى مانع والباقى على راى البت وخلينى اشاورا وارد عليك
اعاين لأمير راجى منو كلمة ساى فى الموضوع بس بقى لى زى هبنقة ساكت ساى وخشمو مافتحو ، وجانى عدم ارتياح من سكاتو الغريب دا كأنو منتظر افوت من بيتم عشان يتكلم مع ابو بطريقتو هو وشكلو ماقادر ينطق الفى قلبو قدامى حسيت كدا قلت اديهو فرصة مع ابوهو يقنعو - وامير لو كان عقلو قدر جسمو كان رتبت معاهو وما احتجت للكلام طوالى مع ابوها وقلت انسحب افضل لى وخصوصاً بعد ماشربت الشاى بالكيك:
- استأذن انا ياعم ......
- كدى اقعد اتعشى معانا الليلة
- شكراً ، الليلة معزومين مع الشباب زواج فى نادى المؤانى وقلنا نوريهم وشنا ونجئ
- يازول خير
- ربنا يهون ويسهل ، ياللا نشوفكم على خير
- مع الف سلامة
رغم انو انبسطا شديد من حماسو معاى بس كنت متوقع على طول نقرأ الفاتحة ويبارك لى طوالى مادام هو عارف كل شئ وعارف من بنتو اريج انو انا دايرة وعينى عليها ، وهو صاح ما صرح بالموافقة ليها بس ما اعترض ، يارب داير يشاورها هى ولا يشاور زول تانى زى امها ولا اخوها داير يقنعوا ويعلموا الدنيا دى بتمشى كيف .

رد: اشجان في بورتسودانالأربعاء أبريل 22, 2009 12:17 am

( ج 21 )

مشيت منهم وانا عندى امل وعشم كبير فى انو الامور تمشى لصالحى وادق على اريج فى البيت وترفع السماعة اختها اسمهان :
- وينك يااستاذ ، شنو مابتسأل مننا ، خلاص لقيت اريج ونسيت تلميذتك
- والله ياسومة ما نسيتك و الشغل مامدينى فرقة اتنفس
- تسكت شوية : طبعاً داير اريج
- اضحك على خفيف : ممكن تناديها لى
- خلاص دق بعد ساعة كدا عشان هى قاعدة مع ناس امى وابوى بهناك
- انشاء الله اللمة دى لخير
- يعنى ماعارف ولا بتستهبل على
- استهبل فى شنو
- ماسكين موضوعك طبعاً
- اوكى ياسومة انتظر ساعة واشوف
الساعة مرت كأنها سنة وانا مقلق وواقف قدام محل الاتصالات راجى الساعة بتين تخلص وقلت مابرجع البيت لحدى ما اعرف النتيجة الاخيرة واسمع منها كلمة مبروك ورغم انو انا عندى احساس ممكن تكون ما لصالحى .
ووارجع ادق عليها تانى ويجينى صوتها هادئ على عكسى انا كلامى بحماس وسرعتو اربعين كلمة فى الدقيقة وهى تقول لى
- ياود الناس براحة ، هدئ شوية
- ما قادر والله هسع قاعد على الهبشة ،
- تسكت شوية زى البتجمع فى افكارها : عصام انت عارف رأى انا فيك ودى ماداير ليها نقاش بس ارجوك تسمعنى كويس
- قلبى بدأ يدق والخوف اتملكنى والحماس داك كلو داب زى التلج : حاضر ياستى قولى
- ابوى اداك رأيو وانا رأى زى ابوى زى ماانت عارف - بس بصراحة امى مزرقنة شوية
- امك ما موافقة ولا الحاصل شنو
- طبعاً امى ما عندها اعتراض عليك وما قالت فيك شئ بس عندها موضوع ماعرفناهو إلا هسع
- موضوع شنو كمان
- انت عارف الاسبوع الفات امى مشت قيلت مع ناس خالتى فى الثورة ، تاخد نفس وتسكت لحظة : ياللا خالتى خطبتنى من امى لولدها الفى امريكا وقالت ليها هو من زمان دايرة وقلنا ليهو خلى البت لمن تكمل قرايتها ونتكلم فيها ، وهى لحمك ودمك مابرفضوك وهى قبل كل شئ بت اختى يعنى بتى .
- هىىىىىىى يابت ود خالتك دا بتين ظهر ليك ، يوم ساى ما جيبتى طاريهو
- صاح ، ودخالتى دا فى امريكا . وكمان ما جات مناسبة عشان اكلمك عنو وبعدين مافى شئ بينى وبينو
- وامك كان ردها شنو
- امى وافقت وادتها زى ما اداك ابوى وهسة النقاش بقى بين ابوى وامى ،و بقوا زى مشجعين ريال مدريد والبرسا كلو واحد يشجع فى فريقه
- والله الدنيا دى عجايب ، وانتى هسة رأيك شنو بتلعبى مع ياتو فريق
- دى دايرة ليها كلام ، وانت عارف انا عاوزة منو فيكم
- يابت والله امك دى خايف تجلينى منك وتفكونى بايظ
- شوف ياعصام انا قبل كدا قلت ليك غيرك ما حا اتزوج صاح
- صاح
- وطيب بتكرر فى الكلام لييه
- هسة النكت خالتك دى فى الوكت دا شنو
- والله الشئ دا كلو من تحت راس امير مشى لخالتى وقال ليها فى زول داير اريج اختى وبصراحة هو حرشها عشان تخطبنى لولدها وبهنا بملأ لامى فى رأسها كلام كتير عصام فعل وعصام سوا وامى مرة تصدق ومرة تكذب بس عليك الله دايرة منك شئ انك تمسك اعصابك وتخليك هادئ وخاصة مع امير ودا فى النهاية اخوى وانا لو مابعزك و..... مابقول ليك الكلام دا .
- عشانك بستحمل كل شئ ومستعد عشان خاطرك اركب الصعاب
- وتواعدنى انك ما تتخلى عنى وما تخذلنى وتنسحب
- والله انا معاك حتى الموت

رد: اشجان في بورتسودانالأربعاء أبريل 22, 2009 6:07 pm

مشكووور عسيلاتي

رد: اشجان في بورتسودانالأحد أبريل 26, 2009 3:30 am

( ج 22 )

انا وصلاح تلاتة يوم بنسمع فى عصام وفى قصتو مع اريج و ما ملينا ولا إ تفرقنا إلا للضروريات والشارع القدام بيتم واللقيمات بتاعت المساء مع شاى اللبن وبليلة العدس بزيت السمسم بقت لينا زى الخرمة كل يوم نمشى لعصام نسمع ليهو بشغف:
عصام يحكى بعد ما سألنا واقفين وين : وبعد مانوريهو اخر شئ وقف يواصل
اها رجعت البيت بفكر كيف اتصرف فى الموقف الصعب دا والشئ المطمنى انو اريج واقفة معاى بشدة وبتقاوم وما بتستسلم حتى لوكان ود خالتها والقلب ومايريد وخصوصاً انوهى ما عندها علاقة معاه قبل كدا وما عارفة ليهو اى حاجة عشان هو من اتخرج من الجامعة هاجر امريكا وتانى ماشافتو وقلت يازول خليك جامد وما تفرط فى دنيتك دى وحا تكوس الدنيا دى كلها ما تلاقى زيها ومامكن تكون اقل منها فى تصميمك وعزيمتك والخطوة الاولى انتهت يوم طلبت يدها والباقى على الله .
اسبوعين مروا بحالهم لاحس لاخبر واريج كل ما أسألها بخصوص الموضوع تقول لى ما فى يدها والامر كلو عند امها وابوها وتصبر فينى وتقول لى فى التلفون بصوتها الدافئ :
- ما تشيل هم وما تبقى شفقان مادام ابوى دايرك وكان على امى وامير انا شوية شوية بقدر اقنعهم
- بس ابوك لليلة ماجاب لى سيرة للموضوع وانا خجلان اسألوا
- عصام غير الصبر ماعندنا حل وانشاء الله يحصل خير
- الله كريم ، هسة انا داير اشوفك اسوى شنو
- تشوفنى كيف ، دا كان زمان قبل ماتفتح خشمك هسع الكلام بقى رسمى والقعاد معاك بقى محسوب
- اسوى شنو لنار الشوق الحارقانى دى
- اعصر على قلبك ودوس وكان قدرنا نتلاقى فى النادى ولا فى مناسبة والمقابلة كدا بتكون عادية
- هسة انا انتظر اسبوع كامل عشان اشوفك ، غايتو كان جابو ليك اخبر انو انا مت محروق صدقى
تضحك وتودعنى
بخصوص الشغل حاسى نفسى ان ابوها مغرقنى بالشغل والمرتب والحوافز ماقدر الدخل البدخلو ليهو واقول لنفسى : يازول انت بقيت تربحّ الشركة وتكسبها دهب - وكمان عملت ليها علاقات زيادة وفتحت للزول طرق جديدة ماكان جايب ليها خبر وانا هسع ممكن اسوى شغلى براى وما محتاج ليهو واقدر اعتمد على نفسى . وارجع لنفسى واتعوذ من الشيطان واقول :يازول لو ماهو ما كان عرفت السوق وعرفت الناس والحاجات دى واتذكر لمن كنت لافى عجل حديد ساى و الزول دا مسكك الدرب و ماقصر معاك وما بخل عليك بشى وقدرت تشيل نفسك وتشيل اهلك وسويت ليك عربية وبيت ووفرت ليك قريشات لليوم الاسود من ورا الشغل دا معقولة تبقى ناكر للجميل وتسيبو ، وطردت الاوهام دى من رأسى وقلت خلي امرك على الله

الايام بتجرى ومافى شئ جديد ولمن انتظارى طال قلت كدى نشوف الجماعة ديل عملو مطنشين مالهم
واخير لى أسألهم بدل القلق وتعب القلب دا واحسن اريح اعصابى - و اموت مرة واحدة من الموت البطئ الفيهو انا دا : وامشى لابوها فى مكتبو رغم انو المكان مامناسب وقلت دوس وما تهتم و البتجئ من السما بتحملها الواطة
- سلام عليكم
- اهلاً عصام ، إتفضل
اقعد شوية وانتظرو لحدى ما يرفع رأسو من الورق المدنقر فيهو ويسألنى :
- فى حاجة عصام
- ايوا كنت عاوز اعرف ردكم شنوفى الموضوع بتاعى
- يعاين لى ويبتسم فى وشى : انت اريج ما ورتك بالحاصل ولاشنو
- بخصوص
- بخصوص ودخالتها العاوزها
- اى كلمتنى
- شوف ياعصام انا دايرك تطمن وما تشيل هم - انا مش اديتك كلمة
- ايو ، بس ما رسيتونى على بر وبقيت مجهجه
- مافى جهجهة ولا حاجة - بس ادينى فرصة شوية ويحصل خير -انا هسة كتلت الموضوع دا عشان ام اريج تنساهو مرة واحدة وقلت ليها خلى موضوع العرس دا لحدى ما اريج تكمل السنة الباقية ليها دى وبعدين نشوف
- يعنى الواحد ينتظر سنة كاملة عشان الرد
يشيل نفس عميق ويقول
- ماتنسى ود خالتها دا زول مافيهو عيب وما افضلو عليك وما بترفض ، بس انا داير بتى تكون قريبة منى هنا وما داير ليها الهجرة والغربة وكمان مابقدر اغصبها على زو ل هى مادايراهو والشئ المهم لازم تعرف انا وافقت عليك عشان عرفتك كويس وعرفت اخلاقك وحاتبقى لاولادى اخ موش زوج بتى بس
- والله انتو و اريج فوق رأسى وما تشوفوا منى إلا خير
- انا واثق من الكلام دا ، بس دايرك تلتفت لشغلك وتخلى الموضوع دا على انا ، اتفقنا
- إتفقنا
كلامو دا ريحنى وخلى اعصابى ترتاح واحس بشعور جميل وثقة زائدة فى نفسى وفرحنى وقلب ليل قلبى نهار برغم انو كلامو ماحسم لى الموضوع نهائى وزى تخدير ويمكن قاصد يريح بيهو اعصابى ويهدينى ويشيل الوسواس الفى رأسى دى والظاهر ان الموضوع تشربك وام اريج حنبكت وكبرت الموضوع ولا يمكن حلفت انو ما امسك يدها وهى حية ، شئ مامعروف ولا اريج حاتعرف وكيف اريج تعرف الكلام البتقال بين امها وابوها وبقى املى كل فى ابوها ودا كان مقلبنى بكون التراب كال حماد ويكون دفنى حى واقول يارب استر على من غدر الزمن

رد: اشجان في بورتسودانالأحد أبريل 26, 2009 9:03 am

يسلمووووووووووووووووو على المرور الرائع

رد: اشجان في بورتسودانالخميس مايو 07, 2009 4:45 pm

( ج 23 )

من كلامى مع ابو اريج تانى ما فتحت الموضوع وبقيت فى كنبة الانتظار ومستنى يقولوا لى : يااللا جيب اهلك وتعال ودى بقت امنية وكل ما يجئ ابوها داخل المكتب اقول هسع بنادينى وبباركها ، بس املى خاب لمن شفتو متناسى وما مدى الموضوع إهتمام كتير ولاحاسى بالالم والعذاب العايشو و اريج بهناك نفس الشئ بتحرك الموضوع شوية شوية والنتيجة واحدة نزاع بين الام والاب فينى وفى ود خالتها والرؤية ضبابية والموضوع عائم واقول الله يرسيه على بر .
الجامعة فتحت ورجعت اريج لجامعتها وكأنك يا ابوزيد ما غزيت لا قدرت اقعد معاها زى الاول ولا خطوبة تمت وغير الدبرسة ما كسبنا حاجة ، وكمان الوكت كل ما يمر مافى صالحى ومعركتى مع منافس خطر على علاقتنا وخصوصاً انو الام والولد عكس تيارى ، وحتى الاب حسيت انو ماداير يحرجنى ويكسر قلبى وبحاول يسايسنى ويسايس ام عيالو بهناك وشغال هروب تقيل . وانا واثق انو اريج ما بتبيعنى ومستعدة تخسر كل شئ وتكسبنى ، وقررت اتحمل اى شئ عشانها وما ادى فرصة ليهم يعيبونى ويطيرونى باى سبب وكان على امير دا بدمدمو فى الشغل وبكرفسو كرفسة جد ونفس ما بديهو ليهو عشان مايفرفر ويعوقنى زى ما حاول يطعن فى امانتى وشغلى وصور لى امو انو انا بالع الشركة بسرق بتحت تحت ويضخم ليهم وضعى ويزيدو وحاسدنى فى العربية المعاى والبيت وزى ماقالوا ديل الكلب عمرو ما يتعدل ، امير دا اقفل منو باب بهنا يفتح لى باب بهناك الولد تعبنى والله يفكوا منى ويطلعنى من راسو .
سارت الايام وجرت الشهور وانا ياهو فى انتظار القدر واللحظات السعيدة تكسر رتابة الايام والملل ومن البيت لى الشغل ومن الشغل للبيت ومافى جديد لحدى ما جاء يوم جاتنى فيهو سلمى تبكى وحالتها مبهدلة وحسيت البت نفسياتا تعبانة وشكلها كدا واقعة ليها فى مصيبة كبيرة ، بعد ما هديتة شوية سألتها :
- فى شنو يابت الناس
- انا ضعت خلاص وووب على الليلة وووب والدموع زايدة والصوت يرتفع
لمن شفت الوضع كدا والمكان ما مناسب سحبتها برة وركبنا العربية وبقينا لافين بيها :
- سلمى ، سمى بالرحمن - ورينى المألمك كدا شنو امك ولآ اخوك حصليهم حاجة
- لا لا – بس امير غدر بى وغشانى ، احى انا منو ، ودرنى خلاص
- تانى امير انا ما قلت ليك ابعدى من الولد دا
- ياريت لو سمعت كلامك ماكان حصل الحصل
- حصل شنو ؟
- انا وتنفقع بالبكاء : انا حاااااااامل
- لاحول ولاقوة إلا بالله ، دا شنو السويتهيو دا
- انا غلطت وسلمت نفسى لامير وما قايلة بحصل ..........
- قايلة شنو ، واحدة بتدى نفسها لزول اكيد لو ماحصل دا حاتفقد شرفها ، اها سويتى شنو
- وريت امير ، تخيل سابنى اتعذب كدا ولا اشتغل بى وكمان بتهرب منى وقال لى اتصرفى بطريقتك حتى لو انزلو
- والمطلوب منى شنو
- انا ماعندى زول الجأ ليهو غيرك وعاوزاك تفكنى من الورطة دى
- افكك من الورطة دى يعنى اعرسك ولاكيف
- لا لا انا زاتى مابرضه كدا
- هسع يفكوك من دى كيف بس ورينى ؟ ، انت مخيرة تشيلى شيلتك وداك امير قدامك وانا سويت العلى قبل كدا واتكلمتا معاك لمن فترت ولا عبرتينى .
- ياريت لو ضربتنى ولا كتلتنى ماكان حصل الحصل
- يادوب رأسك جا !!!! ، شوفى يابت الناس انا ماعندى ليك حل ولا بدخل نفسى فى مشاكل والفينى مكفينى وارجوك ماتحاولى تجينى تانى او تتصلى بى ، واضح – واوقف العربية وانزلها وبعنف اقول ليها : انزلى . ومن ما ختت كراعا فى الواطة البت وقعت فى الواطة غمرانة ودايخة و ارجعها العربية تانى واوديها اقرب عيادة عشان تصحى وبعد ماصحت ربت على كتفها فى حنان وقلت ليها : خلاص مافى مشكلة خلينى اوصلك البيت هسع وانا بتصرف وبشوف حل لمشكلتك دى واوعك تعملى فى نفسك حاجة وانشاء الله يحصل خير .
رجعت الشركة وانا حاسى نفسى مخنوقة بعد الشفتو فى البت دى وإحساس الحسرة لسة فى قلبى مر ، وهناك اشوف امير قاعد فى مكتبو ماسك التلفون ويقرقر ويضحك مع واحدة بهناك ودا غاظنى وخلانى اخش عليهو واجبد السماعة من اضانو واقفل التلفون وداير يفتح خشمو بعد ماقام على حيلو ، طوالى ختيت يدى فى خشمو وقلت ليهو :هوووسس وارزعو على الكرسى واقعد قدامو :
- امير دا شنو السويتو فى بت الناس المسكينة دى
- ياتو بت
- يعنى ماعارف العملتو شنو فى سلمى
- دى كضابة ودايرة تلصق لى الولد الفى بطنها ساى
- خلاص هى لو كضابة فى فحص وكشف طبى بعرفو بيهو الولد دا ولدك ولآ لا
- وانا ادخل نفسى فى حاجات زى دى لييه ، مالى ومالها
- كيف مالك ومالها داير تنكر عملتك خلاص بعد ماغشيت البت وخليتها تصدق انك بتحبها وداير تعرسها
- انا ماعندى اى شئ مع البت دى وبعدين انا ماوعدتها بشئ وهى موهومة بس
- امير خليك راجل وماتبقى زول وسخ وتضيع بت الناس ، بعدين انت قايل بنات الناس لعبة تسوى الداير تسويهو وزول يحاسبك مافى
- يازول انت مالك معاى ، وانت بتتكلم بصفتك شنو ، والحاشرك شنو
- الحاشرنى ، البت دى وانا وعدتها انو نحل الموضوع ودى
- ودى ؟؟؟؟؟؟؟؟؟؟
- ايوا مافى حل غير تزوجها على سنة الله ورسوله قبل ما بطنها تكبر وتبقى فضيحة
- انت مجنون ، انا اعرس لي واحدة زى دى ، اعر س لى واحدة حملت بالحرام
- حملت بالحرام منك والجوا بطنها ولدك وبدل ما تبقى جريمتين ولدك يطلع معقد وحاقد وذنب البت فى رقبتك كمان
- قول انا لفيت معاها وحصل بيناتنا شئ ، البضمن لى منو انو ما تكون لعبت مع واحد تانى وحملت منو دايرة تلصقو فينى وزى نوع دى بتكون مجكسة ليها كذا واحد
- حرام عليك بعد السويتو فيها دا كلو وضميرك لسة ما انبك ولا حسيت بالندم على عملتك دى وتتهمها انو بت لافة ساى والله البت دى انا بعرفا قبل ما تعرفها إنت وعارف اخلاقها كويس ، بس الشيطان شاطر ووثقت فيك وماقايلاك تطلع بالندالة دى للااسف طلعت زول جبان
- جبان ، جبان البت دى ما بعرسها ولا عندى شغلة بيها والداير تسويهو سويهو ، يتنفخ ويطلع برة

رد: اشجان في بورتسودانالسبت مايو 09, 2009 2:10 pm

( ج 23 )

من كلامى مع ابو اريج تانى ما فتحت الموضوع وبقيت فى كنبة الانتظار ومستنى يقولوا لى : يااللا جيب اهلك وتعال ودى بقت امنية وكل ما يجئ ابوها داخل المكتب اقول هسع بنادينى وبباركها ، بس املى خاب لمن شفتو متناسى وما مدى الموضوع إهتمام كتير ولاحاسى بالالم والعذاب العايشو و اريج بهناك نفس الشئ بتحرك الموضوع شوية شوية والنتيجة واحدة نزاع بين الام والاب فينى وفى ود خالتها والرؤية ضبابية والموضوع عائم واقول الله يرسيه على بر .
الجامعة فتحت ورجعت اريج لجامعتها وكأنك يا ابوزيد ما غزيت لا قدرت اقعد معاها زى الاول ولا خطوبة تمت وغير الدبرسة ما كسبنا حاجة ، وكمان الوكت كل ما يمر مافى صالحى ومعركتى مع منافس خطر على علاقتنا وخصوصاً انو الام والولد عكس تيارى ، وحتى الاب حسيت انو ماداير يحرجنى ويكسر قلبى وبحاول يسايسنى ويسايس ام عيالو بهناك وشغال هروب تقيل . وانا واثق انو اريج ما بتبيعنى ومستعدة تخسر كل شئ وتكسبنى ، وقررت اتحمل اى شئ عشانها وما ادى فرصة ليهم يعيبونى ويطيرونى باى سبب وكان على امير دا بدمدمو فى الشغل وبكرفسو كرفسة جد ونفس ما بديهو ليهو عشان مايفرفر ويعوقنى زى ما حاول يطعن فى امانتى وشغلى وصور لى امو انو انا بالع الشركة بسرق بتحت تحت ويضخم ليهم وضعى ويزيدو وحاسدنى فى العربية المعاى والبيت وزى ماقالوا ديل الكلب عمرو ما يتعدل ، امير دا اقفل منو باب بهنا يفتح لى باب بهناك الولد تعبنى والله يفكوا منى ويطلعنى من راسو .
سارت الايام وجرت الشهور وانا ياهو فى انتظار القدر واللحظات السعيدة تكسر رتابة الايام والملل ومن البيت لى الشغل ومن الشغل للبيت ومافى جديد لحدى ما جاء يوم جاتنى فيهو سلمى تبكى وحالتها مبهدلة وحسيت البت نفسياتا تعبانة وشكلها كدا واقعة ليها فى مصيبة كبيرة ، بعد ما هديتة شوية سألتها :
- فى شنو يابت الناس
- انا ضعت خلاص وووب على الليلة وووب والدموع زايدة والصوت يرتفع
لمن شفت الوضع كدا والمكان ما مناسب سحبتها برة وركبنا العربية وبقينا لافين بيها :
- سلمى ، سمى بالرحمن - ورينى المألمك كدا شنو امك ولآ اخوك حصليهم حاجة
- لا لا – بس امير غدر بى وغشانى ، احى انا منو ، ودرنى خلاص
- تانى امير انا ما قلت ليك ابعدى من الولد دا
- ياريت لو سمعت كلامك ماكان حصل الحصل
- حصل شنو ؟
- انا وتنفقع بالبكاء : انا حاااااااامل
- لاحول ولاقوة إلا بالله ، دا شنو السويتهيو دا
- انا غلطت وسلمت نفسى لامير وما قايلة بحصل ..........
- قايلة شنو ، واحدة بتدى نفسها لزول اكيد لو ماحصل دا حاتفقد شرفها ، اها سويتى شنو
- وريت امير ، تخيل سابنى اتعذب كدا ولا اشتغل بى وكمان بتهرب منى وقال لى اتصرفى بطريقتك حتى لو انزلو
- والمطلوب منى شنو
- انا ماعندى زول الجأ ليهو غيرك وعاوزاك تفكنى من الورطة دى
- افكك من الورطة دى يعنى اعرسك ولاكيف
- لا لا انا زاتى مابرضه كدا
- هسع يفكوك من دى كيف بس ورينى ؟ ، انت مخيرة تشيلى شيلتك وداك امير قدامك وانا سويت العلى قبل كدا واتكلمتا معاك لمن فترت ولا عبرتينى .
- ياريت لو ضربتنى ولا كتلتنى ماكان حصل الحصل
- يادوب رأسك جا !!!! ، شوفى يابت الناس انا ماعندى ليك حل ولا بدخل نفسى فى مشاكل والفينى مكفينى وارجوك ماتحاولى تجينى تانى او تتصلى بى ، واضح – واوقف العربية وانزلها وبعنف اقول ليها : انزلى . ومن ما ختت كراعا فى الواطة البت وقعت فى الواطة غمرانة ودايخة و ارجعها العربية تانى واوديها اقرب عيادة عشان تصحى وبعد ماصحت ربت على كتفها فى حنان وقلت ليها : خلاص مافى مشكلة خلينى اوصلك البيت هسع وانا بتصرف وبشوف حل لمشكلتك دى واوعك تعملى فى نفسك حاجة وانشاء الله يحصل خير .
رجعت الشركة وانا حاسى نفسى مخنوقة بعد الشفتو فى البت دى وإحساس الحسرة لسة فى قلبى مر ، وهناك اشوف امير قاعد فى مكتبو ماسك التلفون ويقرقر ويضحك مع واحدة بهناك ودا غاظنى وخلانى اخش عليهو واجبد السماعة من اضانو واقفل التلفون وداير يفتح خشمو بعد ماقام على حيلو ، طوالى ختيت يدى فى خشمو وقلت ليهو :هوووسس وارزعو على الكرسى واقعد قدامو :
- امير دا شنو السويتو فى بت الناس المسكينة دى
- ياتو بت
- يعنى ماعارف العملتو شنو فى سلمى
- دى كضابة ودايرة تلصق لى الولد الفى بطنها ساى
- خلاص هى لو كضابة فى فحص وكشف طبى بعرفو بيهو الولد دا ولدك ولآ لا
- وانا ادخل نفسى فى حاجات زى دى لييه ، مالى ومالها
- كيف مالك ومالها داير تنكر عملتك خلاص بعد ماغشيت البت وخليتها تصدق انك بتحبها وداير تعرسها
- انا ماعندى اى شئ مع البت دى وبعدين انا ماوعدتها بشئ وهى موهومة بس
- امير خليك راجل وماتبقى زول وسخ وتضيع بت الناس ، بعدين انت قايل بنات الناس لعبة تسوى الداير تسويهو وزول يحاسبك مافى
- يازول انت مالك معاى ، وانت بتتكلم بصفتك شنو ، والحاشرك شنو
- الحاشرنى ، البت دى وانا وعدتها انو نحل الموضوع ودى
- ودى ؟؟؟؟؟؟؟؟؟؟
- ايوا مافى حل غير تزوجها على سنة الله ورسوله قبل ما بطنها تكبر وتبقى فضيحة
- انت مجنون ، انا اعرس لي واحدة زى دى ، اعر س لى واحدة حملت بالحرام
- حملت بالحرام منك والجوا بطنها ولدك وبدل ما تبقى جريمتين ولدك يطلع معقد وحاقد وذنب البت فى رقبتك كمان
- قول انا لفيت معاها وحصل بيناتنا شئ ، البضمن لى منو انو ما تكون لعبت مع واحد تانى وحملت منو دايرة تلصقو فينى وزى نوع دى بتكون مجكسة ليها كذا واحد
- حرام عليك بعد السويتو فيها دا كلو وضميرك لسة ما انبك ولا حسيت بالندم على عملتك دى وتتهمها انو بت لافة ساى والله البت دى انا بعرفا قبل ما تعرفها إنت وعارف اخلاقها كويس ، بس الشيطان شاطر ووثقت فيك وماقايلاك تطلع بالندالة دى للااسف طلعت زول جبان
- جبان ، جبان البت دى ما بعرسها ولا عندى شغلة بيها والداير تسويهو سويهو ، يتنفخ ويطلع برة

رد: اشجان في بورتسودانالأحد مايو 10, 2009 11:59 pm

رد: اشجان في بورتسودانالإثنين مايو 11, 2009 2:10 am

مشكور

رد: اشجان في بورتسودانالسبت مايو 16, 2009 7:39 pm

ج ( 24 )

قعدت على مكتبى محتار اسوى شنو بعد ما امير اتملص من الموضوع وكمان قفل فى وشى اى باب عشان اوفق بينهم ، وقلت لنفسى لازم اشوف طريقة اضغطها بيهو ومافى حل قدامى غير امشى لابوهو واوريهو بالواضح واشوف رأيو شنو وحايتصرف فى المصيبة دى كيف .
فى المسا مشيت عليهم
- سلام عليكم
- وعليكم السلام ، اتفضل ياولدى
بعد ماشربت الموية وقعدت شوية
- والله ياعم ........ انا عندى معاك موضوع حساس شوية وماعارف ابداهو ليك من وين
- فى إستغراب : موضوع !!! خير انشاء الله
- موضوع بخصوص امير
- مالو الفقر كمان سوى معاك شئ بايخ تانى
- لا ما معاى انا ، مع بت مسكينة
يعاين فينى منتظرنى اكمل :
- والله امير الشيطان لعب بيهو واتورط مع بت وانت عارف البحصل شنو فى حالات زى دى
اشوف ابوهو نطط عيونو وحسيت جسمو كلوا بقى يرجف
- قلت شنو امير .........
- والله ياحاج دا الحصل واتمنى تتمالك نفسك عشان نشوف لينا صرفة فى الموضوع دا قبل ما تبقى فضيحة ومحاكم وانت عارف الناس ما بترحم وتبقى سيرتكم فى كل لسان ، والبت مسكينة وما بتاعت شدايد
- اخخخخخخخخخخ من الولد ، يا اخى الولد دا جاب لى المرض ، استغفر الله ، هسع اسوى فيهو شنو ، والبت دى من وين .
- تتذكر البت طالبتى الزمان ديك الحكيت ليكم مشكلتها
- ماتقول لى البنية المسكينة ديك
- ياها سلمى زاتها
- وامير دا لمة فيها وين
- والله مابعرفوا لاقاها وين ، يمكن شافها معاى المرة ديك وباراها واثر عليها والباقى ياهو الشايفو هسع
- والله الولد مسخ على حياتى زاتة ، غير يعرسها مافى حل واحسن نلم الموضوع سريع سريع ، بس خلينى الم فيهو الكلب .
- انا كان برضو رأى كدا بس امير معاند وراكب رأسو
- والله اكسر ليهو راسو ، ويعرسا غصبن عنو السفيه ، قليل الادب
- انا استأذن ياعم .........
- شنو ماتنتظر لمن يجئ الرمة دا
- انا افضل تحل معاهو الموضوع بطريقتك واسلوبك واذا احتاجت لى خدمة انا جاهز .
- خلاص ياولدى خلى على الموضوع وكل شئ بتصلح .
مشيت البيت ومن وصلت ينادونى الجماعة ويقولوا لى : جات مرة مخلوعة خلعة شينة خلاص وتكورك بتى بتموت وبتنادى فيك ساى ولمن قلنا ليها مافى مشت وهى تسكلب ، وماعرفنا قصة المرة دى شنو ياعصام انشاء الله ماتكون سويت ليك عملة شينة ولاكدا
- ياجماعة قولوا بسم الله ، انتو عارفنى مابتاع الحركات دى
- يازول المرة دى جاية كايسة الفزعة ودايراك تفزعة
- كدى وصفوها لى
من الوصف عرفتها دى ام سلمى ومن دربى داك قبل ما ادخل البيت زى الناس جريت لبيتهم جرى ولمن وصلت البيت مالقيتهم ولمن سألت الجيران ورونى ان بتهم فى المستشفى فى حالة خطرة وجرى للمستشفى وهناك لقيت سلمى حصل ليها نزيف وعندها هبوط وطالعة من غرفة العلميات وهناك عرفت الحكاية انو سلمى حاولت تنزل الجنين الفى بطنها بواسطة داية بعد ماضغطها امير على كدا ولمن حصل النزيف جابوها للمستشفى ، طبعاً المستشفى ما استلموها إلا بعد مافتحوا ليها اورنيك تمانية وخشت سلمى غرفة العمليات وامير والداية فى الحراسة

رد: اشجان في بورتسودانالسبت مايو 16, 2009 7:43 pm

ج (25 )

الفأس وقعت فى الرأس والانكسر مابتصلح بالهين والشغلة بقت مافى يدى دا كلام ابو اريج وبهناك ام سلمى تولول وتلعن فى يومها الاسود وتشكى من ايامها السوداء لتراب الارض ، بس الحصل حصل ولازم نحتوى الموضوع ، وامير كسر قلوب ناس بيتهم حبايبهم حتى امه المدلعاهو كرهت اليوم الولدتو فيهو واريج بهناك تدق على
- الو
- كيفك عصام ، أها انشاء الله الامور فيها امل تتحل
- تتحل وين ياحبيبتى ، هو السواهو اخوك دا ساهل
- غايتو الولد دا فاضحنا ومكدر عيشتنا والله امير ماغصنى مغصة بس اسوى شنو
- ما تسوى اى حاجة غير الصبر وقولى ربنا يحلها ونقدر نشوف لينا مخرج
- اها ماوريتك ياعصام بناس خالتى
- مالم ديل كمان
- شفت الناس دى بالله كيف ؟؟!! من سمعوا بمشكلة امير لسانم طولوهو علينا شوية
- قالوا شنو فيكم
- اسكت ساى خلى القالوا فينا ، ومابهمنا كلاماتهم ، وبعد دا كلوا عينم قوية ما دايرين يسيبونى فى حالى وعاملين فيها بربونا من جديد هم قايلين نحن ما مربين ولاشنو !!! .
- هىى يابت ما تشتغلى بالفارغة ، ودوسى على كلامهم ولا تشتغلى بيهو وخلينا ننتهى من قصة امير اخوكى دا ونفضى ليهم برواقة وانا مابسيبك كان شنو شنو .
تاخد ليها صنة شكلها ارتاحت من كلامى وتقول :
- والله ياعصام انا خايفة يسجنوا امير وتبقى سيرتنا فى كل لسان
- شوفى يا اريج ابوك هسع راسو شاطب وماعارف يتصرف كيف ومتجرس شديد من الحكاية دى عشان كدا انا بتولى الامر بنحاول نسوى الموضوع ونطلع باقل الخسائر .
- عليك الله ياعصام ما تخلى امير كدا دا برضو اخوى ، وابوى كمان ماتخليهو براهو
- رغم انى مكجن اخوك امير دا ومابدرو فى القبل الاربعة إلا عشانك بمشى ليهو واساعدوا بقدر قدرتى وانشاء الله خير وانت خلى بالك من قرايتك وماتأثر عليك الحاجات دى واوعك تخليها تضيع مستقبلك وتعبك يروح هدر ، كل شئ بتصلح إلا مستقبلك عندى مابتصلح
- ماتخاف علي الله معاى ، وانت مادام جنبى انا مابضيع والله وجودك فى حياتى اغلى من مستقبلى ذاتو
- خلاص لو انتى بتحبينى بالجد ما تخلى الالم والحزن يعرقل حياتك ويقصر عمرك .
- احبك البسيطة دى ، انت ماعارف ساى ، انت شنو .............
- انا شنو
- خليها بعدين
تانى يوم مشيت لامير من الصباح معاى محامى ولقيت امو وابوهو سبقونا شايلين ليهو الشاى وانا بقلبى اقول ليهو : تشرب السم ياوجع القلب .
بعد ماسلمت عليهم وقعدنا معاهم قلت ليهم
- امير ، بعد إذن الوالد ، دا محامى وكلنا ليك
- ابوهو يعاين للمحامى : اهلاً يااستاذ ، بس عليك الله شوف لينا صرفة من المحنة دى
بعد ماشرح المحامى للجماعة عقوبات الجريمة ووراهم الموقف شنو قال :
- انا من رأى انو نحاول نصل لتسوية مع البت واهلها ونقعد معاهم عشان يتنازلوا عن القضية
- وديل حايتنازلوا ساى كدا لوجه الله
- طبعاً لا ، انا من رأى ولدكم يتزوج البت دى وخلاص
- امير : انا ماعندى اى مشكلة بعرسها هسع يا استاذ بس اطلع منها
وانا بقلبى اقول ليهو : نحن قبيل شن قولنا ، ماقلنا ليك عرسها ماكان احسن من المرمطة دى والبشتنة والفضائح والكوراك ، بس ياربى سلمى وامها برضو بالكلام دا .

رد: اشجان في بورتسودانالخميس مايو 21, 2009 3:15 am

ج ( 26 )

كنت قايل نفسى شاطر وبقدر ابرز عضلاتى مع ابو اريج وامها واحل الموضوع براى ، لكن لقيت الموضوع قاسى وحلانو صعب بعد ماحلفت ام سلمى ستين يمين ماتخلى حق بتها وسلمى فترانة وتعبانة وحيلها ماشايلاها من كترت النزيف الجاها غايتو ،ربنا كتب ليها عمر جديد ، بس عجبنى ابو اريج والمحامى اصلو ماكلو ولاملو ولايئسوا لحدى ماجابوا رأس امها خصوصاً بعد ماقال المحامى لأمها : انتى هسع انسى الفات كلو شوفى مستقبل بتك والحصل مابتنسى وبكون معاها العمر كلو واخير نستر الموضوع ونخلى الولد يعقد عليها ويستر عليها .
تعاين قوى وتقول بعناد : مستقبل بتى مابروح ، انشاء الله تقعد لى فى البيت احرسها ولا اديها للرمة بتاعكم دا ، المعلوق ، قال يعرسها قال وهو كدا بشتنا وتعبها كيف لمن تكون مرتو
يتدخل ابو اريج : كان على ولدى انا اتعهد ليك قدام الرجال ديل واحلف ليك كمان : على الطلاق البت دى ما اخلى امير يحمر ليها ساى خلى يهينها ، واشيلها فى رأسى واعامله زى بناتى وعلى بالطلاق كان قلّ ادبو عليها اقطع رأسو ، بس انت قولى خير وخلى امرك على الله وانشاء الله بتك تبقى فى عيونا .
اعاين لام سلمى ، اشوفها هدأت شوية وراقت ولهجتها الحارة وقفت وقالت براحة كدا : خلاص خلونى اشوف ست الحق هى كان وافقت انا ماعندى مانع وهنا ادّخل فى الموضوع : خلاص خلى سلمى على انا .
يعاين فينى ابو اريج : خلاص ياعصام ، انت شوفها واقنعا ونحن دايرين فى النهاية مصلحتها قبل مصلحة ولدى .
سلمى اسبوع راقدة فى المستشفى وطريقة مافى افتح ليها الموضوع وامير راجى الفرج وزنقة الحراسة تعبتو كتير وصبروا نفد بس يسوى شنو ،كان ضرب الكورايك مابتحلو وجرستو ماعملت ليهو شئ وبقينا نصبر فى امير بهنا ونواسى سلمى وامها بهنا ومنتظرين البت يخرجوها من المستشفى وجسمها يشد شوية و تتنازل عن القضية .
بعد اسبوع كامل خرجت سلمى من المستشفى وبقت تتحرك وصحتها بقت كويسة ، جيناها فى البيت وبعد نقة كتيرة وتحانيس البت وافقت على مضض وبشروطها هى والجماعة ماصدقوا البنية اخيراً حاتتنازل وتعرس امير بس إتفاجانا بشئ كان عارفو المحامى وساكت عليو عشان ما نزهج من الموضوع وهو ( الحق العام ) ، بعد ما سلمى اتنازلت فى النيابة عن حقها الخاص وانها تريد الصلح مع امير والزواج منه إلا ان وكيل النيابة بعد التنازل قال ليهم : دا مابسقط الحق العام فى القضية وسوف نحول القضية للمحكمة بالتنازل المقدم من سلمى والقاضى هو البحكم فيها .
ماعارفين نسوى شنو بعد سمعنا الكلام دا والمحامى فهم حيرتنا وقال : انا عارف الكلام دا من اول ،بس الحق الخاص عقوبتو اكبر واصعب ودى انشاء الله عقوبة بسيطة ومافيها مشكلة وانشاء الله القاضى يحكم عليه حكم مخفف بعد مانقدم استرحام للمحكمة ونطالب بتخفيف الحكم وانشاء الله انا بجتهد عشان يطلع باقل عقوبة ممكنة .
ابواريج : يا استاذ مافى اى طريقة نشطب بيها البلاغ دا نهائى ونخلص منو
- ياريت والله دا صعب إلا تنكر سلمى الموضوع كلو وتغير اقوالها فى المحكمة
- يعنى دا ممكن
- ممكن بس ممكن يترفض وممكن يتقبل إذا راى القاضى ان سبب تغيير اقوالها ناتج من عذر شرعى وقانونى ، فرضاً لو قبل تغيير اقوالها سلمى حاتكون فى ورطة وحاتنفتح عليها القضية من حتة تانية وهى الحمل سفاحاً وقتل النفس
- لا نحن مابنقبل الكلام دا وخلى امير يتأدب عشان يخلى استهتاروا ، الله يهريهو الهرانا بالمغص
المحامى يعاين لى ويقول : حسب ماجاء فى اقوال سلمى انك شاهد اثبات على الحمل كونك اخدتها للمستشفى وتأكدت من حملها بعد التحاليل بالاضافة لمسئول الفحص بالمستشفى .
- لاحول ولاقوة إلا بالله ، هسه انا ذنبى شنو فى الموضوع دا ياجماعة انا السويتو كلو مساعدة بس
- يضحك : ما تخاف يازول انت بتقول فى المحكمة الشفتو والسمعتو من سلمى وخلاص
شهرين مروا والقضية لسة فى انتظار المحكمة واخيراً جانا إعلان بالجلسة الاولى للقضية وامير الشهرين وقبلهم اسبوعين عداهم مسجون وبعدها استمرت الجلسات وجاء يوم استجوابى و كان يوم صعب شديد علىّ وام اريج تعاين فينى بحقارة وزى المحملانى الذنب وشيلتنى اللوم وختت فى بالها انو انا عارف القصة من اول ومطنش ومانصحت ولدها وكمان جاى يفضحو فى المحكمة ، بس ماهمانى يعنى اهرب من قدرى وقسمتى .
المحكمة انتهت بالسجن عدة شهور بحساب المدة القضاها بالحبس مع الغرامة ، بعد مقارنة مدة حبسه مع مدة حكم السجن لقينا باقى ليهو ايام ، بعدها طلع هو مكسور النفس وبدل مايفرح يوم عرسو كان حزين وحالو يحنن ويجنن واكتر شئ المه قصة ( الفيش ) العملو ليهو بعد ماكانت صحيفتو عند ناس البوليس بيضاء بقت سوداء وبقى حالو حال المجرمين مدان فى قضية تمس الشرف .
ام اريج بقت تزن فى رأس راجلها انو لازم يطردنى من الشغل وتقول ليهو عصام دا سبب بلاوى ولدنا كلها تلقاهو هو الحرش البت عشان تحمل منو ويجئ يمثل علينا دور الملاك وانت عارف البت دى بعرفها من زمان ، انا ماعرفت الكلام دا لحدى ما إتفاجأت بابوها يقول لى : عصام انا داير امسك شغل الشركة براى وانت ماقصرت معانا ( نظام مجاملة ) وربنا يسهل عليك طريقك
- يعنى مستغنين عن خدماتى
- نحن ما بنستغنى عن خدماتك بس الظروف شوية كعبة والشغل فى الشركة ما بقى زى اول
- يازول عديلة تب ومافى عوجة وربنا بابو واسع والله برزق ، مع السلامة
- دقيقة ياولدى ، شنو ماشى طوالى ، انا عملت ليك مكأفاة كويسة وتلقى حقوقك كاملة مع ناس الحسابات
شفت الدنيا سوداء فى عيونى ورغم انى عانيت من العطالة والزهج بس مرارة زى دى ماضقتها ، خلتنى اتشكك فى نفسى ياربى انا كعب وسئ للدرجة دى واتمليت غيظ منو وعرفت انو الزول دا رأسو مغسول غسيل قوى ومافى شك دى مرتو ، نبشت ليهو القديم والجديد وماخلت حاجة كعبة ولاغلطة إلا ردمتها فينى وحتى اريج بقى ماعندى ليها نفس ولا نفس لشئ فى الدنيا .

رد: اشجان في بورتسودانالسبت مايو 23, 2009 4:19 pm

(27 )

طلعت من المكتب مقهور وزعلان ومغيوظ من ابوها وجانى احساس بانى اهبل كونى اخلصت ليهو فى الشغل وصدقت نفسى انو انا بقيت زول البيت وماقايل فى نسوان ممكن تلعب بشنبات الرجال زى كدا صحى فى البتهرش راجلة وفى البتسوقوا زى سواقة العربية يطلع وينزل معاها بإشارة منا ، لكن قدر دا ماشفتة ، هه هه وانا قلت خلاص ابو زولتى مالى بيهو يدى والبشوفوا بيهرش فى امير ويتحامش قدام مرتو تقول اصلو ما فى مرة بتجيب رأسو ( قادر الله ) ، لميت حاجاتى وجدعت المفاتيح فى التربيزة ومشيت بدون ما امر على الحسابات وحقى خليتو ليهو ما دايرو انشاء الله يصلح بيهو الحال القال مايلة .
فى اليوم التانى دق على بس شغال طناش ولا شغال بيهو وتلفونو رفع ضغطى زيادة وقلت فى نفسى : والله الليلة كان تدق للصباح ما برفع ، كفاية لحدى كدا وعارف انو تلفونوا دا داير يطيب بيهو الخواطر ويترجانى اقدر الموقف الفيهو واجئ اشيل قروشى بس ما بلقاها عندى ، يلقاها عند غافل .
لمن مالقى طريقة يتكلم معاى رسل لى القروش مع واحد ومعاهو خطاب شكر واعتذار بطريقة غير مباشرة وكاتب لي كمان : فى الختام اتمنى ان تتقبل شكرى ولاتترد فى طلب اى خدمة ـ بيتى ومكتبى مفتوح لك ، امنياتى لك بالتوفيق .
مرت اسابيع وانا فى حالة هروب حتى من نفسى واستغربت جداً انو اريج لا اتصلت ولا قالت شئ ولاحتى سألت عنى رغم انى قررت اقطع علاقتى بيها نهائى وللابد بس برضو شئ يرد لى كرامتى وافارقها بصورة تكون احسن من كدا ، ودا زاد على الالم زيادة وحرق قلبى وحسيت انى زول ماليهو قيمة ويائس ونفسى سدت من الونسة حتى وبقضى وقتى كلو جو الاوضة مابطلع إلأ للشديد القوى وحتى ناس بيتنا هناك بقيت ماشغّال بيهم والعذّابة الساكن معاهم عاملين حسابم ما يحتكوا معاى خصوصاً بعد ماحلفوا ستين يمين ما ارحل منهم وانو سكنهم دا ماتابع لابو اريج وهم المأجرينو وكمان رفضوا اى محاولة منى فى المشاركة معاهم وبين فترة وفترة بحاولوا يطلعونى من عزلتى بس ما شغّال بيهم ولابهبب ليهم والله يديهم العافية ماكلو ولاملو منى ولا حسسونى انى شخص ثقيل وبقيت على الحالة دى لحدى مايوم نادونى وقالوا لى تعال فى تلفون ليك :
- الو
اسمع صوت اريج : ازيك ياعصام
- بإستهبال مصطنع : منو معاى
- يعنى بالسرعة دى نسيت صوتى
- يا ا خ انا مافاضى ليك انتى منو ولو مادايرة تقولى بقفل الخط
وانا فى نفسى ما داير اقفلو لانى من سمعت صوتها حسيت بروحى ردت لى من جديد وحسيت براحة ونشوة ريد مشت فى جسمى لحدى مانمّل .
- ياعصام انا اريج ومتأكدة انك عارفنى بس خلى الحركات البايخة دى
- اهلاً اريج دايرة شنو ( بقطامة )
- عصام عليك الله افتح لي مخك دا واهدأ شوية عشان اقدر اتكلم معاك
- اها هديت ... قولى دايرة شنو
- سبحان الله ياعصام انا إتعلمت منك الكتير وتجئ الليلة تخذلنى كدا
- اخذلك فى شنو يابت الناس
- يا اخى انا بستمد قوتى منك والليلة شايفاك ضعيف ومهزوز، وشوف قوتك لمن كنت معانا خلتنا نتجاوز مصيبة امير ، يا اخى ارحم نفسك شوية وبالمناسبة انا زعلانة منك
- فى شنو
- يعنى ماشينة منك اسمع من الناس البرة ساى وما تورينى
- ابوك وامك ما وروك
- وانا جيت بتين من الخرطوم عشان اعرف شئ والله ياعصام انا جايك فرحانة بعد ماختيت اخر حرف فى الامتحانات وقلت بعد دا خلاص مافى شئ بحول بينا ، بس ياخسارة فرحتى ماتمت والقى الدنيا مقلوبة كدا
- مبروك التخريج
- مالك قايلها بدون نفس كدا
- يا اريج انا اجيك من الاخر كدا عشان ماطولى معاى الكلام
- كدى خلينى من كلامك ( من الاخر ) عارفة داير تقول : احسن كل زول يمشى لحال سبيلو واتمنى ليك حياة سعيدة مع واحد غيرى
اندهشت من كلاما والبت بقت تقرأ افكارى كويس ودا الخلانى افك نفسى شوية معاها
- انتى شايفة غير كدا
- ايو ، انت وابوى كان بيناتكم شغل واتفرتق بس بينى وبينك كانت فى حياة كاملة عشناها ماممكن تنتهى كدا
- اريج خلينا واضحين سيبك من كلام الانشاء دا ، انت بتقدرى تقيفى قدام ابوك وامك وتكسرى كلامم ، وبهناك كمان ود خالتك مقنطر الكورة وراجى ضربة الجزاء وفى اى لحظة حايجيب هدف وهسع كل الجمهور معاهو و تلقاها ماصدق لقى الفرصة دى وانت عارفاهو عبيط كيف وكمان مستعجل قبل ما إجازتو تخلص يعقد عليك ويرجع .
- والله ود خالتى بلقى مرادو إذا إنت رفعت الراية البيضاء وبقيت سلبى
- دايرانى اعمل شنو بعد العملو ابوك فينى
- إنت الحمد لله ما محتاج لابوى ، براك ممكن تشتغل وانا وانت نقدر نقهر المستحيل
- دا اصلاً الحا اعملوا وباقى عليو
- طيب تانى فى مشكلة
- المشكلة انا ماحا اقدر اطولك عشان صعب اذل نفسى لأهلك واتقدم ليك
- المهم ياعصام مادايرين يضيع كل البنيناهو من زمن طويل وانا شخصياً مابتخيل نفسى اكون لغيرك مهما حصل
- والله رغم كل شئ انا برضو مابقدر اتصور يوم اعرس واحدة غيرك
- طيب !!! ياللا تقوم تشد حيلك واتذكر زمان لمن كنت محبط وزهجان وقدرت تشق طريقك ، هسع الطريق قدامك وتحمد الله من حالتك الزمان وخلينا فى الوكت دا نكون مع بعض والظروف لقدام بتتحسن
- يا بت علاقتنا دى ميتة من طيبة
- والله ما ميتة إلا لو داير تكتلها انت
- يازولة ربنا يسهل ونشوف الايام بتودينا وين

رد: اشجان في بورتسودانالخميس يونيو 04, 2009 3:14 pm

( ج 28 )

التلفون دا ر يحنى وادانى امل جديد وكلام اريج وقع لي واحترمتو وقلت لنفسى : لو ماعملت كدا ما بتكون اريج البعرفا ، زولة تجيب الطاش وانا معاها حا اكو ن زول عظيم زى مابقول المثل ( وراء كل عظيم إمراة ) انا اصلو ماناكر انو هى الوقفت معاى وهى بعد الله انقذتنى يوم كنت بعد فى نجوم الليل من الدبرسة والعطالة - و هسة بتشجع فينى انو اشتغل براى ، وفعلاً ما تميت اسبوع إلا وانا بديت اشق دربى براى واتلمس خطاى وسط الضلمة وقلت يازول لو مابقيت رجل اعمال ابقى مخلص صغيرونى ، وانت اصلاً داير شنو غير البسترك ويستر اهلك وقروش كتيرة زى قروش ابو اريج دى مادايرها واسوي بيهو شنو ،المهم عندى اعرس اريج وبس .
الشغل فى البداية زرقن شوية وما جايب حقو ودا شئ متوقع لحدى ما الناس تتعود علىّ وكمان ماداير اسحب زبائن ابو حبيبتى واكبر بيهم كومى ودا ساهل عندى بس الانتهازية والوصولية دى ماطريقتى وغير كدا حا أخش فى حرب معاهو مافى داعى ليها هو مابتنافس زول قديم فى السوق ومعروف وليهو اسمو وانا يادوب ببارى بتحت الحيط واحسن شئ استقل بنفسى وربنا ببارك فى القليل وبهناك اريج فرحانة ومبسوطة وهى كل يوم بتسمع منى الاخبار الحلوة فى الشغل ومافترت من تشجيعى وادتنى حنان خلانى اقهر المستحيل وقدر ما افكر فى النهاية تكون شنو استاء واقرف وهى بتهرب كل ما اجيب ليها سيرة : انو نحنا ماشين لى وين وتزعل لمن اقول ليها : نحن بننطح فى صخرة وماشين لطريق مسدود خصوصاً انو انا فتحت خشمى مع ابوك قبل كدا وما ادانى رد لحدى ماطردنى ، وهى تقول :
- يا اخى خلينا مع بعض كدى والمستقبل فى يد ربنا وجايز الامور تتقلب وتخدمنا الظروف
- والله يا اريج انا مستعد انتظر لحدى مانتغلب على الظروف ، انتى ماعارفة ساى : القلب البضخ الدم فى عروقك هو نفس القلب البضخ الدم فى عروقى انا
- بخجل : ياولد براحة على اقوم اصدق كلامك دا ، اقع ليك هسع
- هه هه ... الله يختينا ود خالتك دا
- اسكت انا ما وريتك ما اتقد م لى رسمى .......
- اقاطع : انا ماقلت ليك ، طبعاً ناس البيت قبلوا طوالى وفرحوا كمان
- اصبر كدى خلينى اكمل ليك
- اها
- انا قلت ليهم هسع ما دايرة اى عرس ولا ارتباط إلا بعد ما انتهى من الامتياز والخدمة الوطنية واتعين رسمى
وهو قالو شنو
- حايقول شنو : قال ما عندو مانع بنتظر السنتين ديل وماعندو اى مشكلة بس يعقد على ويخلينى اكمل وبعدين يرسل لى
- بالله !!! وانت رأيك شنو

رد: اشجان في بورتسودانالخميس يونيو 04, 2009 3:15 pm

- دى داير ليها كلام ، رفضت بشدة واصريت على انو ما ارتبط بالطريقة دى وقلت ليهم كيف يعنى يعقد على ويمشى يخلينى هنا وبعدين كان مشيت هناك، ماعارفة تانى اجيكم بتين راجعة .
- والحصل شنو بعد داك
- ما وصلنا لشئ وقالوا لينا فكروا فى موضوع العقد دا ومشوا
- واهلك موقفهم شنو من الكلام دا
- والله ما اكضب عليك ياعصام امى وابوى دايرين العقد وشايفين الولد شارينى وبنفذ لى كل طلباتى وقالوا لى انساك واخير ليك ود اهلك ومابتلقى ليك زول هين وهدى ورضى زيو وما مقتنعين بمبرراتى التانية دى كلها .
- قلتى قالوا ليك : انسينى انا ، يعنى كدا الامور استوت رفض تام ومسح بالاستيكة ، وبعدين ابوك دا مارافض ود خالتك رسمى وقال ماداير ليك الغربة والجهجهة هسع مالو غير رايو
- والله ياعصام ماعارفة الحاصل ليهو شنو ، وابوى زول طيب ودى سحابة عابرة بتمر .
تسكت شوية وتزيد فى الكلام
- عصام انا عملت الامتياز والخدمة الوطنية دى حجة ساى عشان اديك وكت وتكون الامور البينك وبين ابوى اتصلحت ، على الاقل ابوى يلقى وكت يراجع نفسو معاك وتقدر تتقدم لى تانى .
- دقيقة دقيقة : انا اصالح ابوك ؟؟!!! انتى نسيتى ولاشنو
- انا مانسيت ، بس ابوى بشر ممكن يتراجع عن مواقفو وانت تقدر تلقى ليك طريقة ترجّع بيها الامور وتخلى بيناتكم مودة من جديد وانا متأكدة ابوى ما ناسى تعبك ووقفتك معاهو ، وابوى زول طيب بنسى سريع وبتراجع
- انا هسع زى ماشايفة شغال براى وامورى كويسة وما بقدر ارجع لابوك تانى
- انا ماقلت ليك ارجع اشتغل معاهو ، انا قصدى تشوف طريقة تلمك معاهو تانى انشاء الله تساعدوا فى شغلو عن طريق اصحابك ومعارفك وهم ما بقصروا حا يورهو انك اللى موصيهم . وبالطريقة دى تكسب ابوى من جديد ودا عشانى وعشانك .
- والله يابت رويسك دا كلو بلاوى بس خلينى ادور كلامك دا فى راسى
تضحك مبسوطة ونودع بعض وحسيت انو الشغلة عاوزة ليها ترتيبات ومحتاجة حبة تسليك وتشغيل مخ شوية عشان البت دى ما افوتها منى واضيعها وخصوصاً لو لفيت الدنيا دى كلها مابلقى واحدة بتشبهها ولا قدر عقلها ( عيونى شايفها كدا )

رد: اشجان في بورتسودانالخميس يونيو 04, 2009 3:16 pm

ج ( 29 )

بقينا كل يوم شادين سلك بالموبايل ( طالع موضة وخاصة 3310 ) و بقينا نتقابل كتير خصوصاً بعد مانزلت اريج شغل فى المستشفى ولقت حرية اكتر فى الطلوع وامير بقى زى الجدادة الداقاها مطرة ، الطقة الفى رأسو لسة مابردت ، خلتو طوالى سارح بعيد مايهتم للدنيا وحسب كلام اريج انو مسك محلى مع ابوها بعدما شافو محبط .
حالنا اصبح زين وبقينا نغنى كل الناس اتنين بس نحن ماشين لى وين ماعارفين ، بس اهم شئ اننا نحب بعض واريج بقت شئ تانى لمن همّ القراية انزاح من وشها والعجب بالبالطو الابيض زينة فوق زينة يارزينة واقول فى نفسى : دى الدكترة ولا بلاش ، تفتح النفس وتشرح الصدر وتخلى الواحد يحلم بيوم باكر .
الامور ماشة سمنة على عسل لحدى مايوم اتقابلنا فيهو بعد ما اتصلت على وقالت لى لازم نتقابل هسى عشان فى موضوع مهم شديد دايرة اوريك بيهو ، بعد ما اتقابنا :
- عصام امس كانوا معانا ناس خالتى وفتحوا الموضوع تانى وقالوا هم فكروا وقرروا
- انشاء الله اقتنعوا خلاص ويخلونا فى حالنا .
- ياريت ، الجماعة ديل روحهم سلبة
- اها داير شنو المرة دى .
- قالوا : نحن موضوع العقد دا خليناهو مادام البت دى ماراضيهو
اضحك ، تعاين لى وهو بتقول :
- ماتضحك ساى وتطلع لى فى سنونك
قفلت خشمى وبقيت جادى قدامها وانا بعاين ليها عشان تكمل وتقول
- يا اخى الجماعة ديل قالوا مادام مافى عرس هسى وكمان مافى عقد نعملها شبكة وخطوبة وبعدين نسوى العرس كلو مرة واحدة
- والله دا خازوق كبير

رد: اشجان في بورتسودانالخميس يونيو 04, 2009 3:17 pm

- ابوى طوالى اداهم كلمة وقال ليهم على بركة الله وحدد معاهم ميعاد الخطوبة وكل شئ
- دا كلام شنو دا يابت ،
- والله دا الحصل ولمن قلت لابوى : لييه عملت كدا قال لى : عذر ليك مافى كفاية لحدى هنا بطلى الدلع ، والناس ديل خجلونى وماخلو لى شئ اقولوا .
- وانتى موقفك كان شنو
- قلت لابوى انا بصراحة مادايرهو ولايوم فكرت فيهو واخير توريهو بالواضح كدا، قال لى : يابت ماتستعجلى فى ردك ورفضك اول شوفى الولد فى فترة الخطوبة دى وكان ربنا ولف بيناتكم اهلاً وسهلاً ولومافى نصيب ياهو امر الله
- وانتى هسى اقتنعت برأى ابوك ولاكيف
- ابداً ، وقالها لى واضحة : يابت عليك الله ما تختى رأسى فى الواطة وتصغرينى قدام الناس ،انا اديت كلمة وصعب ارجع فيها تانى وبعدين لو حسيتو مابتقدروا تتعايشوا مع بعض عادى لايكلف الله نفساً إلا وسعها ، والله الخطوبة دى لو ماتمت امك بتمرض عديل .
- يعنى انت هسة خلاص رضختى ليهم .
- لسة ، المفاوضات جارية وبصراحة الضغط على كتر شديد و انا محتارة ، انت رأيك شنو؟
- انا شايف ماتستسلمى ولازم تقاومى .
- انا ممكن اقاوم واحارب واصر على الرفض التام لو انت اتقدمت ووقفت معاى واتحدينا الصعاب سوا وانا بقدر على اهلى ومستعدة نتزوج برانا حتى لو من غير رضاهم ، لوداير ، بس انت اظهر فى الصورة وبقولها ليهم عديل يا انت ياما دايرة عرس نهائى .
- انا ماعندى مانع اتقدم ليك واتحمل اى شئ عشانك بس دى حاتكون مجازفة حاتخسرى فيها اهلك ولو ماخسرتيهم يمكن تجيب ليهم مرض فجأة وخاصة منك انتى اعز زولة عندهم .
- اها نسوى شنو ؟؟!!!
- مافى حلل غير تدقى على ود خالتك دا وتوريهو بالواضح علاقتنا دى وتقول ليهو ماعايزاك
- انت شايف دا حل
- عندك حل غير دا
- خلاص انا بجرب ونشوف

رد: اشجان في بورتسودانالخميس يونيو 04, 2009 3:19 pm

ج ( 30 )

ودعّنا بعض وفى انتظار تلفون منها تورينى النتيجة شنو وانتظرت لمن زهجت ومليت وبرضو مافى رنة منها وقلت يازول كدى ادق عليها اشوف سوت شنو :
- الو ...... دا ماصوت اريج
- معاى منو
- دى انا سلمى
- اهلين سلمى ، اخبارك واحوالك ؟
- والله غايتو بس نقول الحمد لله
- مالك مامرتاحة مع امير ولاشنو
- والله كان على امير كان زمان رمانى بس الله يخلى اسمهان واريج وابوهم .
- نعل قاعد يهينك ويذلك
- لا ، بس دائماً بحسسنى انو انا جايبة ليهو نفسيات وانا بقفل نفسو ، ممكن يقعد اسبوع مايكلمنى ولا يشتغل بى وما مهتمى بى ، تسكت زى استدركت شئ : هو نفسو مهتمى بيها عشان يهتم بى، غايتو الله يكون فى عون الفى بطنى دا
- لاحول ولاقوة إلا بالله ، شيلى الصبر عشان الفى بطنك واتحملى ياهو حال الدنيا الزول مابلقى فيها كل شئ
- تغير الموضوع : داير اريج
- أي
- اريج مادايرة تكلم زول - وانا بوريك السبب بس ما تفضحنى معاها
- مافى مشكلة ، بس قولى
- اريج مِشاكلّها ابوها وسامعاهو بتنهر فيها وزعلانة شديد وتبكى من قبيل
- عشان كدا مادايرة ترد علىّ واديتك الموبايل تردى انت
- عصام ... ماتزعل منها ، هى بس متضايقة شوية
- كدى ادينى ليها
ثوانى سلمى تقول لى : هاك اريج
- الو اريج
مافى اى صوت غير بكى شديد وصوت مافرزتا منو غير اسمى وماقدرت افهم حاجة وقلت اخير اكلمها بكرة واقفل الخط ورأسى يودى ويجيب الزولة دى ابوها سوى ليها شنو - الليل كلو عديتو سهر لحدى ما اصبحت الواطة وانا لسة راسى يودى يجيب ومافى شئ يبرد قلبى ويطمنى غير اقابلها شخصياً واسمع منها الحكاية ، وادق عليها بعد الساعة عشرة صباحاً فى موبايلها بس مافى رد واحاول مرتين تلاتة مافى نتيجة ، معناها مادايرة معاى كلام والمشكلة كلها فينى انا ، افكر شوية وتجينى فكرة انفذها بالمشى ليها فى المستشفى عشان اقابلها بس ياخسارة قالوا الليلة ماجات ولا اتصلت .
البت دى حيرتنى ومابقى لى شئ ماسويتو إلأشئ واحد هو انو امشى ليها فى البيت ودى صعبة خلاص . وكت يئست قلت : ياخبر الليلة بفلوس بكرة ببلاش وربنا يجيب العواقب سليمة .
فى المساء دقت على وقلت لنفسى اخيراً رضت علينا ودايرة تكلمنا . ارد عليها بلهفة : الو اريج مالك الباقى عليك شنو ، مالك المزعل شنو وو.... لمن شفت أسئلتى كترت وانا ماواعى بنفسى وما اديتها فرصة قلت اسكت عشان تقدر ترد لى .
- بصوت حزين ويأئس : عصام عارفاك تعبان داير تعرف الحاصل شنو ، بس بالتلفون مابنفع ، بكرة الصباح نتقابل ياللا مع السلامة ، وقفلت الخط وبقيت محتار وقلقان وقلت كان كدى الشغلة جايطة وبايظة وزاد توترى وبقيت عصبى وزهجان ومتمنى اتلفت القى الواطة صبحت عشان امشى ليها وارتاح من العذاب

رد: اشجان في بورتسودانالخميس يونيو 04, 2009 3:20 pm

ج ( 31 )

الواطة صبحت علىّ وحالتى حالة عدوك عيون وارمة ومحمرة من السهر -والقومة من السرير يالله ، وحالة إسبهلال عجيبة ، وقبل ما اسوى اى شئ شلت الموبايل ودقيت عليها اذكرها ميعادنا وهى تقول لى : هسع انا من دربى دا بقابلك اول شئ قبل ما امشى المستشفى فى نفس المحل البنتقابل فيهو .
جهزت نفسى على عجل واتوكلت على الله ومسكت الخط ومن شافتنى قنبت تبكى كأنو شايلة ليها خبر موت ، وانا اقول ليها
- يابت مالك ، امسكى نفسك شوية خلينى افهم الباقى عليك شنو
- خلاص ياعصام احلامنا ضاعت
- كدى قولى بسم الله ، خلينا نقعد اول
بعد ماقعدنا فى واحد من البينشات وبقيت اعاين فيها وقبل ما انطق بكلمة تانى باغتتنى :
- عصام ، خلاص اتقفلت علينا ورا وقدام
- الحصل شنو بالظبط
- تمسح دموعها بمنديلها الطلعتو من الشنطة وتقول : امس إتصلت على ودخالتى زى ما اتفقنا ووريتو بالحاصل كلو وقلت ليهو قدّر موقفى وشرحت ليهو انو مصيرى ومصيرك فى يدو وممكن يقدم لينا خدمة نشكرو عليها عمرنا كلو .
- طيب وبعدين
- عمل لى فيها انو اقتنع ورحب بالكلام ، بس انا حسيت كلامى مااقنعوا و شالتو عزة النفس والغيرة
اعاين ليها من دون تعليق وهى تواصل : بعد ساعة كدا جاتنى اسمهان جارية مخلوعة وقالت لى الحقى امى وقعت وهى ماشة على اوضتها . جرينا عليها القى ابوى هناك معاها وهى راقدة فى السرير وعيونا لفوق ومتشنجة ، سكتت شوية بعد ما العبرة خنقتها وانا اقول ليها على راحتك .
- كشفت عليها لقيت ضغطها مرتفع لحدى ماداخت ووقعت فى الواطة بس الحمد لله ربنا ستر ما إنشلت
- الف سلامة عليها ، واهز فى رأسى زعلان على الحصل واعاين ليها عشان تكمل وتكمل :
- انت عارف سبب الوقعة دى شنو ؟ تسأل ثم تجاوب براها : كلو من ود خالتى العوير ، كلو من تصرفو البايخ ، كلم امه بالحاصل كلو وبضبانتو كمان وهى ماقصرت دقت على اختها اللى هى امى ونبذتها زينى وماخلت ليها حاجة وقالت ليها : والله ياهو تفضحونا مع الناس بعد ماعزمناهم وجهزنا كل شئ ، وكمان شنو عصام المعلوق دا البتفضلو علينا وكلام كتير ، طبعاً امى إتفأجات بالموضوع دا وماقدرت تتحملو ووقعت
- لاحول ولاقوة إلا بالله بالله شوف الزول دا !!!!

رد: اشجان في بورتسودانالخميس يونيو 04, 2009 4:04 pm

رد: اشجان في بورتسودانالخميس يونيو 04, 2009 4:29 pm

لك الشكر اشتاذي ياسين

اشجان في بورتسودان

descriptionرد: اشجان في بورتسودانالسبت أبريل 11, 2009 10:50 pm

descriptionرد: اشجان في بورتسودانالأحد أبريل 12, 2009 12:23 am

descriptionرد: اشجان في بورتسودانالأحد أبريل 12, 2009 12:24 am

descriptionرد: اشجان في بورتسودانالأربعاء أبريل 15, 2009 10:27 pm

descriptionرد: اشجان في بورتسودانالإثنين أبريل 20, 2009 1:36 am

descriptionرد: اشجان في بورتسودانالأربعاء أبريل 22, 2009 12:17 am

descriptionرد: اشجان في بورتسودانالأربعاء أبريل 22, 2009 6:07 pm

descriptionرد: اشجان في بورتسودانالأحد أبريل 26, 2009 3:30 am

descriptionرد: اشجان في بورتسودانالأحد أبريل 26, 2009 9:03 am

descriptionرد: اشجان في بورتسودانالخميس مايو 07, 2009 4:45 pm

descriptionرد: اشجان في بورتسودانالسبت مايو 09, 2009 2:10 pm

descriptionرد: اشجان في بورتسودانالأحد مايو 10, 2009 11:59 pm

descriptionرد: اشجان في بورتسودانالإثنين مايو 11, 2009 2:10 am

descriptionرد: اشجان في بورتسودانالسبت مايو 16, 2009 7:39 pm

descriptionرد: اشجان في بورتسودانالسبت مايو 16, 2009 7:43 pm

descriptionرد: اشجان في بورتسودانالخميس مايو 21, 2009 3:15 am

descriptionرد: اشجان في بورتسودانالسبت مايو 23, 2009 4:19 pm

descriptionرد: اشجان في بورتسودانالخميس يونيو 04, 2009 3:14 pm

descriptionرد: اشجان في بورتسودانالخميس يونيو 04, 2009 3:15 pm

descriptionرد: اشجان في بورتسودانالخميس يونيو 04, 2009 3:16 pm

descriptionرد: اشجان في بورتسودانالخميس يونيو 04, 2009 3:17 pm

descriptionرد: اشجان في بورتسودانالخميس يونيو 04, 2009 3:19 pm

descriptionرد: اشجان في بورتسودانالخميس يونيو 04, 2009 3:20 pm

descriptionرد: اشجان في بورتسودانالخميس يونيو 04, 2009 4:04 pm

descriptionرد: اشجان في بورتسودانالخميس يونيو 04, 2009 4:29 pm