مع الضيف التاني الكرسي مختلف جدا

Star Girl كتب:

ضيفنا الكريم كل سنه وانت طيب في البدايه عرفنا بنفسك
الاسم ، العمر ، مراحل الدراسة ، الهواية ، بلد الميلاد ، الحاله الاجتماعية
وتقبل تحياتي

اعزائي اعضاء المنتدي لكم مني أغلي التحايا والاشواق..
ماكنت متوقع اني اجلس علي هذا الكرسي بهذه السرعة ، لاني كنت اعتقد ان ضيفنا السابق ود الشيخ مازال موجودا علي الكرسي ولكن جاني اخطار من رئيس المنتدي يفيد بان الوقت المحدد للضيف الاول انتهي ، وبعد ماكنت بقعد فوق الكرسي قعدوني فوقو ، وانطبق علي قول فنانا الكبيرمحمد وردي حليل الكان بهدي الغير ...صبح محتار يكوس هداي
ومع حرصي علي جعل المنتدي اكثر نشاطا وافقت علي تلبية الدعوة وكنت احضر لضيف جديد ولكن شاءت الاقدار ان اكون الضيف التاني..وربنا يقدرني عليكم..
وبسم الله نبدأ
العزيزة الغالية ستار قيرل..لك مني كل الود وعاطر الاشواق وان شاء الله السنة الجاية ربنا يحقق ليك كل امانيك ونشوفك فووووووق
بخصوص البطاقة الشخصية اقول
الاسم : حسب الرسول العوض ابراهيم
العمر : افتكر قبل كده وريتك ومافي داعي للفضائح وبعدين عشان ماتجيبي لي مشكلة مع الجماعة،وتاني حاجة ضيفنا الاول ما افصح عن عمرو.، ليه انا افصح عن عمري؟حقارة؟..علي كل حال احتفلت قبل شهر في المنتدي هنا بعيد ميلادي ال14
مراحل الدراسة : الروضة بالسديرة(شفتي انا راقي كيف؟)الابتدائي والاعدادي (انتي مابتعرفي المتوسطة) بالسديرة والثانوي برفاعة الحكومية والمرحلة الجامعية جامعة الجزيرة، يعني من الروضة للجامعة في الجزيرة الحبية
الهواية : منذ الصغر من زمن عمك تنقو شراب البنقو امارس قراءة الصحف والمجلات وكتب الادب العربي وهسي بعد مادخلنا العولمة بقيت اتصفح الانترنت ..
بلد الميلاد :في الحبيبة الغالية السديرة.
الحالة الاجتماعية : متزوج والحمد لله(عريس جديدعشان اكد ليك اني صغيتوني لسه )
وليك مني مرة تانية كل الود

الاخ وليد تحياتي لك...فقط حبيت انبهك دخلت افتش في كرسي الاعتراف عشان اشوف في اسئلة ولا لا؟ لكن عانيت شديد عشان ابحث عنه وفي ناس كمان ماشافوه اصلا مع تحياتيلك..

الاخ العزيز حسيب - السلام عليكم ورحمة الله - مرحباً بك على الكرسي الساخن - ما عايز اقول ليك من حفر حفرةً لأخيه وقع فيها - لكن بقول ما كان تكون غتيت وتحرش علي الناس بسكاكينم , مش عيب يا ولد ؟! طبعاً متخيلك ح تقول لي عيب والله وتوبة يا حبوبة عشان تتجنب البهدلة الراجياك . مع علمي انك ح تخرج من البهدلة زي الشعرة من العجين لكن برضو ح اكون حِنَيِّن وليِّن , وبدأ معاك :
- سلامات .
- أهم عيب تراه في نفسك ويشكل لك نقطة ضعف .
- مشكلة تطاردك باستمرار .
- سياسياً ورياضياً هل لعبت الأسرة في تحديد إنتماءاتك ؟
- ماذا تعني لك مهنة التدريس ( وأنت أستاذ رياضيات وفيزياء) , وهل وجدت الإمكانيات المناسبة لتمارسها بطريقة علمية مطلوبة ( من حيث المعدات وغيرها)
- تجربتك في مدرسة السديرة وأنت تؤدي مهمة التدريس .
- موقف لا تنساه في مدرسة السديرة ؟
- موقع العاطفة وأنت أمام الفصل تلقي درساً ؟
ولك خالص شكري وتمنياتي لك بالتوفيق .

الاخ حسبو
مارايك في الغربة
وماهي المحاسن والمساوي في الغربة

Mohamed Ahmed Eshiekh كتب:

الاخ العزيز حسيب - السلام عليكم ورحمة الله - مرحباً بك على الكرسي الساخن - ما عايز اقول ليك من حفر حفرةً لأخيه وقع فيها - لكن بقول ما كان تكون غتيت وتحرش علي الناس بسكاكينم , مش عيب يا ولد ؟! طبعاً متخيلك ح تقول لي عيب والله وتوبة يا حبوبة عشان تتجنب البهدلة الراجياك . مع علمي انك ح تخرج من البهدلة زي الشعرة من العجين لكن برضو ح اكون حِنَيِّن وليِّن , وبدأ معاك :
- سلامات .
- أهم عيب تراه في نفسك ويشكل لك نقطة ضعف .
- مشكلة تطاردك باستمرار .
- سياسياً ورياضياً هل لعبت الأسرة في تحديد إنتماءاتك ؟
- ماذا تعني لك مهنة التدريس ( وأنت أستاذ رياضيات وفيزياء) , وهل وجدت الإمكانيات المناسبة لتمارسها بطريقة علمية مطلوبة ( من حيث المعدات وغيرها)
- تجربتك في مدرسة السديرة وأنت تؤدي مهمة التدريس .
- موقف لا تنساه في مدرسة السديرة ؟
- موقع العاطفة وأنت أمام الفصل تلقي درساً ؟
ولك خالص شكري وتمنياتي لك بالتوفيق .

العزيز الغالي اخونا ود الشيخ لك مني عاطر الاشواق...اولا اقوليك انت عارف اني لم أقل ما أود ان اقوله لك وكنت خاتيها لاخر الاستضافة عشان اسخن بيها النقاش ولكن الاخ ريئس المنتدي فأجاني بأنتهاء استضافتك ، وصدقني تحسرت جدا علي ضياع اسئلتي الكنت منتظر تفجرك وتفجر المنتدي كله، لكن ماعلينا الايام حبلي...عشان كده ياصاحبي اعتقد ..
..من مصلحتنا الاتنين نهدي اللعب شوية
بخصوص اسئلتك وربنا يقدرني غايتو...
وأهم عيب في نظري واعاني منه هو ياعزيزي عدم تكوين القناعة لدي بسهولة وأحيانا التشكيك في كلما حولي وبسبب هذه المشكلة فقدت الكثير ودفعت ثمنا غاليا لكن لست نادما علي كل شئ ضاع لاني بعتبر الذي ضاع أهون مما كنت اخشاه..
الحمد لله لم تكن لدي مشكلة خاصة ومشكلتي قد يشترك فيها معي الكثير وهي لبعاد عن الوطن بالرغم من انو بعتبرنفسي حديث عهد بالغربة ولكن كثير التفكير في العودة للاستقرار بصورة نهائية للوطن قبل ان نتورط اكثر واكثر وفي ذلكاستشهد دائما بمقولة العارف بالله الرجل الصالح ود بدر حيث قال : السعيد من بلادو لام أولادو...
سياسيا ورياضيا هل لعبت الاسرة دور في هذا؟؟ بالنسبة للرياضة السؤال بعتبره عادي ولم يوجه لي السؤال من قيل(وانت ياعزيزي انا بفهمك كويس جدا رياضيا دي انت وضعتها كتحلية بس، الغرض هو السياسي وبس) ، اما سياسيا فاني متهم وبشدة ان الاسرة لها دور في انتمائي السياسي ووجه لي السؤال اكثر من مرة، وانا ح اجاوب بصراحة مادام ااني جالس علي كرسي الاعتراف ،بخصوص الرياضةانا هلالابي وزي زي اي شخص لقي نفسو هلالابي او مريخابي ، ومعظم افراد اسرتي مريخاب يعني مافي اي دور للاسره هنا..اما لسؤالك الاساسي سياسيا اسرتي ملونة ليس لديهم انتماء سياسي واحد ، قد يكون هناك قاسم مشترك ولكن نقاط الاختلافاكترمن نقاط الالتقاء كحال السياسة عموما عندنا في السودان ، والاتجاه الذي أقف فيه سياسا لم يكن مجرد عاطفة او مؤازرة لشخص بل كان عن قناعة تامة، وايماني الشديد به اتي بعد مواقف عديدة وما عاوز هنا ازايد علي حد لكن ملم بكل تفاصيل ثوبي السياسي الذي ارتديه منهجا وفلسفة، بمعني اذا كان أحد افراد اسرتي منتمي لجهة ما بسبب انتماء اسرته ، انا لم اكن كذلك.
بخصوص مهنة التدريس أقوليك وبكل صدق مهنة في غاية الصعوبة وانت مجربها ،ربما يعود ذلك للمواد التي انا درستها وهي الرياضيات والفيزياء وهي مواد غيرمحببة لدي الطلاب حتي في الجامعات ، اقوليك في السودان لم تتوفر بعد المعينات اللازمة لتطبيق ماهو مكتوب في الكتب بالرغم من وجود طلاب قابلين لذلك ، وفي الخارج وفي دول الخليج اقوليك بكل صدق كل شي متوفر ولكن لم يتوفر الطالب الذي لديه الاستعداد لذلك ربما يعود ذلك لعدم رغبتهم في الدخول في تعقيدات وهذه هي حال العرب عموما ليس لديه طموحات كثيرة في الابداع والتعلم...
العاطفة وما ادراك ما العاطفة ، وش تقصد؟ ، علي كل لاوجود لاي انواع العاطفة داخل الفصل ، لانو لو كانت موجودة، الانفعال العصبي والذهني مابريحها والله يطيرها طيرة اب ريش من الدريش.
اما مدرسة السديرة..ابالرغم من اننا كنا متطوعين فقط لكن كانت من أحلي وأجمل فترات العمر وانت احد الشلة التي شكلت في اعتقادي نقطة فاصلة في تاريخ السديرة ، وياريت لو الزمن رجع بينا شوية لتلك الايام..
مع خاص حبي ليك ياود الشيخ.......

عدل سابقا من قبل حسبو العوض في الخميس يناير 01, 2009 5:34 am عدل 1 مرات

ابو حداد كتب:

الاخ حسبو
مارايك في الغربة
وماهي المحاسن والمساوي في الغربة

العزيز ابو حداد لك مني أحلي الود والاماني...
الغربة قطعة من نار ويكفي مقولة اماتنا الحنان الواحدة تقوليك ياحليلو متغرب عن وولايداتو واهلو..اذا هي حالة تجعل الاخرين يتعاطفوا معك كاي نوع من المآسي وبجد هي ماساة..
بخصوص محاسنها اعتقد من اكبرمحاسنها بتوريك قيمة بلدك واهلك بصورة لم تكن تتوقعها اصلا ، اما في ماعدا ذلك لا اري لها محاسن..
والسلبيات لاتعد ولاتحصي ، اهمها عدم التعبير عن ذاتك لانك تجد نفسك معظم اليوم وسط ناس يختلفون معك في كل شي في المأكل والملبس وفي العادات والتقاليد وهمومهم غيرهمومك ، ومن سلبيتها الكبيرة ايضا حالة الخوف التي تلازمك دوما لانك بجسدك في مكان وبروحك وقلبك في مكان أخر..
علي كل حال نسأل الله ان يرد غربتنا جميعا ونعيش وسط اهلنا وفي بلدنا بحلوها ومرها..
لك مني خالص الامنيات..

ياسين جارالنبي كتب:

مرحبا بك .. ,وحبابك عشرة.. ادخل جوه .. تفضل شوف الجماعة منتظرينك ومعاهم شنو؟؟؟ خليك شويه معاهم وانا بدخل تووووش وبدون رتووش!!!! .

* كلمات لـ :
- اعضاء المنتدي ؟؟
- لست الحبايب ؟؟

- الوطن ؟؟

ماذا يعنى لك هذا ؟؟؟وللاوطان في دم كل حر يد سلفت ودين مستحق ؟؟

أشياء تفتقدها في الغربة ؟؟

إحساسك وأنت تحمل أمتعتك مغادرا أرضك ؟؟

أن تكون منظم غير من الوقوف على الرصيف هل أنت منظم سياسيا سابقا أو حاليا ؟؟

ماهي وجهة نظرك لتطوير المنتدي ؟؟

ماهو رايك فى الكرة السودانية؟

استاذي الغالي وعزيزي الاخ ياسين لك كل الود وعاطر الامنيات..
لكن كلامك خش لجوه وشوف الناس منتظرنك بشنو ده فيهو نوع من التخويف ، ربك يسترنا بس..
فقد عزفت علي كل الاوتار الحساسة بداخلي ولامست كل نقاط الضعف بجواي وكل ماذكرته انكسر امامه..
اولا أعضاء المنتدي اقول لهم اصبحتم ملاذي ساعة المحن، فبكم استريح من كل اوجاع الغربة وبكل صدق بعتبر نفسي لما ادخل عليكم في المنتدي كاني داخل السديرة تماما وبالتالي طويتم تلك المسافة الشاسعة بينا وين الوطن،فحقا انتم نجوم لامعة ساطعة زينت بها دنيتي وغربتي، اسأل الله لكم دوام الصحة والعافية.
ولست الحبائب اقول كما قال سيد درويش، لن اسميك امرأة ،سأسميك كل شئ،ولن استطيع ان اقول شئا اخر..
وللوطن أقول : وتستعذب الارض التي لا هواء بها...ولا ماؤها عذب ولكنها وطن
وأقول ياوجه مليان غنا ومليان عشق وحنين ، ياسمح يازين ، ياسمح يازين
وللوطان في دم كل حر يد سلفت ودين مستحق ، اقول هنا تقصر كل الايادي في حقك ياوطني ولن نستطيع ان نوفي دينك علينا

اما احساسي وانا احمل امتعتي لاغادر الوطن هو احساس المنهزم والمنكسر والعاجز عن فعل شي غير زرف الدموع.....
، اما سؤالك هل أنا منظم سياسيا سابقا حاليا، اقول لك استاذي لم اتنظم بمعني التنظيم ولكن وجدت نفسي وسط معمعة السياسة ولا اخفي لك سرا دعيت من اكثر من جهة لانتظم في صفوفهاوالجهة الوحيدة التي التي لم تدعوني وقفت في صفوفها كما لا اخفي لي توجه سياسي معين وادافع عن وجهة نظره ودفعت ثمنا لذلك فقد اعتقلت وتعرضت للتعذيب ومازلت عند موقفي
وجهة نظري لتطوير المنتدي هيوضع خطة معينة ومدروسة والزام اشخاص بعينهم تنفيذ هذه الخطة في فترة زمنية ومحددة ويمكن الاستعانة بناس خارج المنتدي لانجاز هذا العمل..
الكورة السودانية من وجهة نظي الشخصية جزء من واقع السودان المتكامل، مالم يكن هناك اصلاح لحال السودان عموما ستظل تعيش في فوضي وتخبط كما يعيش الوطن ولن تخطو الي الامام وستظل بعض الانتصارات التي تحققها مجرد صدف لن يكتب العيش لها طويلا وربما واجهت واقعا اسوامماهي فيه حاليا..
لك أحلي الامنيات مني استاذي الغالي..

من مصادري الخاصه عرفت انك قاومت وتصديت وبكل ما اوتيت من قوه لمن حاولو تسييس وتوجيه طلبة و طالبات السديره الشرقيه..
السؤال..
1_هل فهمت سؤالي؟
2_لماذا التدخل وانت لا تملك حق كتم الحريات في التوجه السياسي
3_اعتقد اني صح لو قلت انك تدخلت مع علمك التام بعدم موافقة الطلبه في مشروعك اذا
شرعت في تأسيس قاعده تخدم الأمه...يعني علي و علي اعدائي
وراجع ليك لأنه الأسئله كتيييييييره..

الريح قدوم كتب:

من مصادري الخاصه عرفت انك قاومت وتصديت وبكل ما اوتيت من قوه لمن حاولو تسييس وتوجيه طلبة و طالبات السديره الشرقيه..
السؤال..
1_هل فهمت سؤالي؟
2_لماذا التدخل وانت لا تملك حق كتم الحريات في التوجه السياسي
3_اعتقد اني صح لو قلت انك تدخلت مع علمك التام بعدم موافقة الطلبه في مشروعك اذا
شرعت في تأسيس قاعده تخدم الأمه...يعني علي و علي اعدائي
وراجع ليك لأنه الأسئله كتيييييييره..

عزيزي المشاغب والمشاكس جدا الغالي ..الريح كاريكا..صباحاتك زينة وكل عام وانت بالف خير..اسال الله ربنا يسترني معاك والحكاية تجي قدر القلتو ده ، يعني ماتجيب ليها بلوي من بلاويك البعرفها كويس...
نعم فهمت سؤالك جيدا ونعم وبكل فخر واعزاز قاومت بشراسة أنا ومن معي في مقاومة تسيس الطلبة والطالبات داخل المدرسة ، مع العلم الذين شاركوني في هذا الامر لم يكن بيني وبينهم نقاط التقاء سياسي ولكن كانت بيننا مصلحة هؤلاء الطلبة فقط ،كما كان بيننا عدم قبول الاستفزاز والابتزاز الذي مارسته مايعرف بوكالة النشاط الطلابي ، اذ كانوا يدخلون علي الطلاب بوسائل يمكن ان تقول عليها خبيثة ، مثلا يدخلون باسم جمعية القران الكريم وتلقي الواحد فيهم مابعرفحتي يصلي كيف...وبما ان النشاط السياسي ممنوع داخل المدارس علي حسب قولهم هم ومحرم علي غيرهم ،استغلينا هذه الناحية ، وانا شخصيا ليس لدي مانع ان يكون هناك نشاط مفتوح للجميع حتي يذهب الي وجهة يراها تناسبه، واقبل ذلك لو اختلفوا معي جميعا، ولكن سياسة الخم وتغبيش الوعي مرفوضة لانها مضرة بابنائنا وبناتنا قبل ان يكون لها اي فائدة ، وافيدك علما عزيزي كاريكا لم امارس هذا الدور في السديرة وبس عشان وسط اهلي ولكن مارست ذلك في كل مكان اشتغلت به.
افيدك علما أحد الاساتذة المنظمين من قبل الجماعة الطيبين ماعارف لمحاسن الصدف او لسؤها كانت بيني وبينه في الجامعة مشادات ومنازعات وحصل ان هددني بالقتل هو وزميل له ، ففوجئت لما وزع للتدريب بالسديرة وتفاجأ هو لما عرف انو انا من السديرة وجا ونزل معاي في البيت ولما ذهبنا الي المدرسة سويا الصباح قلت له بالحرف تعلم ممابيني وبينك وانت وسط اهلي وهؤلاء الطلاب كلهم من اهلي ،مادام انت تؤدي مهمتك فأنت علي عيني وراسي ولكن اي محاولة لتمارس فيهااي نوع من السياسة لن يحصل محمودا بيني وبينك وهكذا كنت في تعاملي معهم في حدود مايسمحوا به ..
لك مني كل الود

( wellyee ) كتب:

بسم الله الرحمن الرحيم

ما هي الصداقة من وجهة نظرك ؟؟


ما هي أحب القراءات لديك ؟؟

أختار عضو وعضوة وقولى رأيك الشخصى او انطباعك عنهم ؟؟

مين اكتر واحد تتقبل انتقاده بدون زعل؟

ايه هو اكتر قرار اخدته وندمت عليه؟


ايه اكتر حاجة بتجرحك؟


هل انت راض عن نفسك ؟ وهل تشعر بانك ظلمت انسان غالي عليك؟

لحظة حسيت بيها انك تتمنى
الوقت يطول , الوقت ينتهي
ان تعود مرة اخرى للوراء

مبدأ بحياتك تؤمن بيه؟ومين زرعه بيك؟

موقف ضحكت منه من قلبك ؟

موقفك جرحك ؟

موقف احرجك ؟

من هو قدوتك في الحياة ؟

لقيت تلات صناديق لازم تختار واحد فقط(الحظ-الحب -المال)

ما هو الشيء الذي تتمنى ان تمتلكه او تقتنيه؟


الكلمات التاليه لمن توجها

شكـــر:

اعجــــاب

احـــترام

تــقدير

احــــتقار:

حـــــب

وداع:

اعتذار

البحر بيمثلك ايه؟

لونك المفضل و لماذا؟

لو ربنا رزقك بالذريه الصالحه هتسميها هتسمي ايه؟؟

و بس كده كفايه عاليك

و اترك الباقي للاعضاء
بالتوفيق

رئيسنا الغالي..مساء النور عليك وكل سنة وانت طيب..
بقيت أضحك لما قلت أترك الباقي للاعضاء ، انت ماخليت حاجة وصراحة جرستني لكن احاول وفي نقاط مختصرة ان شاء الله..
الصداقة تعني عندي الاخلاص ، الوفاء ، التواصل
احب القراءت لدي الادب بكل انواعه.
ااكتر شئ يجرحني هو اذا قدم لك احدا جميلا ومنا به عليك..
هل انا راضي عن نفسي؟ بالطبع راضي عنها في جوانب وغير راضي في جوانب اخري.
انسان ظلمته..بالتاكيدلا اقبل ان اظلم من احد وبالتالي لن اقبل الظلم لاحد،واذا وقع مني ظلما لاحد لم يكن متعمدا ولم يكن بارادتي ان اتفاداه،ولكن ربما بعض مواقفي اعتبرت ظلما لاخرين.
اللحظات التي تمنيت ان تطول هي التي كنت فيها بجانب الوالد عليه رحمة الله اخر مرة اراه فيها ، حيث سافرت اليه في اجازة قصيرة.
جدا.
ولحظة تمنيت فيها الوقت ان ينتهي هي اللحظات التي اعيشها الان وهي اللحظات خارج الوطن.
مبدائي في الحياة ، عدم الاعتماد الا علي الله ونفسك،والذي زرعه فيني هو تجارب الاخرين.
موقف ضحكت فيه من قلبي..المواقف كثيرة والحمد لله ضحكت من اعماقي كثيراولكن موقف مازلت اذكره وهو طويل شوية لكن ح احاول اختصره، مرة ذهبت الي مدني للجامعة وكان صادفت عمي محمد الامين محمد عمر ربنا يمتعه بالصحة وكان ذاهب الي مدني لاخذ مبلغ من المال ارسله له ابنه احمد من ليبيا وبعد ان فطرنا سويا ووجهته الي المكان الذي يريده فارقته وعدت الي السديرة بعد اسبوعين والتقيته لاستفسره عما حصل، قالي اقعد في الواطة عشان احكي ليك ، قلت طيب قالي: بعد ماوصلت المنطقة المقصودة سالت عن الشخص فاذا الاولاد يقولوا لي الزول العاوزو ياهو دااااااك البليس في الزبالة داااااااااك، قالي انا اشيل واقوليهم انتو متأكدين ياهو ذاتو؟ يقولوا لي ايوة متأكدين، قالي عاوز ارجع ، قلت ليهو ليه؟ قالي ياولدي هو زول بليس في الزبالة، ح يجيب لي قروش من وين؟؟الذي اضحكني في هذه القصة هي قناعة عمي وعدم الحاحه علي اخذ حقه واكبرت فيه هذا الموقف بالرغم من الضحك الشديد، لانه قدر ظروفه بطريقة طريفة وقد عفي له المبلغ وقاليهو ياولدي والله لو عارف حالتك كده ماكنت جيتك من أهلي...

الموقف الذي جرحني..اقول لك بكل شفافية اعتذر عنه..مع المعذرة علي عدم الرد(مع العلم ليس موقفا شخصيا)

موقف احرجني ..ذكرته في الرد علي علي الاخ الريح كاريكا فوق وهو شخص كانت بيني وبنه خصومة سياسية كان ان هددني هو وزميل له وتوعدني ، واذا بعد مدة قصيرة ينزل علي في بيتنا كضيف ورما يسكن معي لمدة من الزمن.
قدوتي في الحياة..الوالد عليه رحمة الله..
االمال..الحب..الحظ.. بكل صدق وأمانة لن اتردد في اخذ صندوق الحب.
الشي الذي تمنيت ان اقتنيه....حب الناس.
الشكر : اوجهه لكل اعضاء منتدي السديرة
الاعجاب : لكل اهل السديرة
االاحترام : للوطن السودان
التقدير :لاصدقائي العزاز
الوداع :لا احب ان اودع اي شي عزيز علي
اعتذار : لكل من اخذ علي شي في اي لحظة من اللحظات
لو ربنا رزقني بالذرية : لن أكون وحدي من يملك هذا الحق ، فمن لهم حق كثر..
مع اجمل تحياتي لك عزيزي وليد

moon love كتب:

من هم اعز اصدقائك داخل المنتدي

افضل موضوع قرأته في المنتدي..
من

-ما هو الشئ الذي تندم انك فعلته في يوم من الأيام
اهم يوم في حياتك

لو معك ورقة وقلم وطلب منك رسم صورة وكتابة تعليق تحتها
ماذا سترسم وما تعليقك ؟
ما الحكمة التي تؤمن بها ؟

ما أفضل كتاب ؟
بما تنصح الأعضاء الجدد ؟
ما الذي لا تتمني وجوده بالمنتدي ؟ولماذا ؟
الصداقه من وجهت نظرك وكيف تختار الصديق


ايه الامنية اللى اتمنتها واتحققت؟

ايه الامنية اللى اتمنتها ومتحققتش؟

ايه الموقف اللى حصل (مش شرط ليك) وضحكت جامد عليه؟

اكتر عضو نشيط فى المنتدى؟

اكتر مشرف نشيط فى المنتدى؟

5 رسايل تهديهم لاعضاء المنتدى:

رسالة عتاب:

رسالة حب:

رسالة زعل:

رسالة تدافع فيها عن نفسك:

رسالة شكر:

اكتر عضو بتحبه؟

اكتر عضو بتكره؟

اكتر عضو بتحس انه اخوك اوى؟

عضو نفسك يرجع المنتدى تانى؟


عضو غيابه عن المنتدى ياثر فى المنتدى؟
- ايه الصفات الايجابية فيك ؟؟؟

2- ايه الصفات السلبية فيك؟؟؟

3-ايه نقطة ضعفك ؟
9-ايه هواياتك

منذ متي بدأت استخدام النت :
ما وجه الاستفادة من النت :


ايه اكتر حاجة نفسك تغيرها فى شخصيتك

الاخ أو الاخت moon gove لك التحية والتقدير.اشكرك كتير علي هذه المداخلة وعلي هذه الاسئلة التي ستكشف بها عن كل دواخلي وسوف اتجاوز الاسئلة التي اجبت عليها سابقا ، وربنا يوفقني في الاجابة علي اسئلتك.
من هم اعز اصدقائي في النتدي؟؟كل اعضاء المنتدي اعزاء علي ومعظهم اصدقاء قدامي كما اضاف لي اصدقاء جدد.
اأفضل موضوع قرأته....صراحة احب المواضيع التي يكون اصحابها اعضاء المنتدي انفسهم ، لانه توجد مواضيع منقولة مع جمالها لكن لاتستهويني لانني ممكن اجدها في مكان اخر
.أهم يوم في حياتي...ربما لم ياتي بعد.يعني كل ماكان مفرح وسار بالنسبة لي ربما يكون عادي عند الاخرين.
لو معي ورقة وقلم..لرسمت لوحة من الزهور والورود وكتبت تحتها..شعارنا الحب والتسامح واحترام الاخرين والكلمة الطيبة
الحكمة التي أومن بها[/color[color=blue]]...مَـن كـان فـوقَ مَحَلِّ الشَمسِ مَوضِعُهُ فَلَيسَ يرفَعُــهُ شَــيءٌ ولا يَضَــعُافضل كتاب...لو كان افضل كتاب قراته أنا اكيد بلا شك ديوان المتنبئ لانه ملئ بالحكم.
النصيحة للاعضاء الجدد...ان يداومو علي الدخول وان ينوعوا في مشاركاتهم.
افضل عضو...طبعا هو صاحب اكثر مشاركات واعتقد هو ود الفكي ابراهيم الاخ محمد عبد الوهاب.
الذي لا اتمناه في المنتدي...هو النقد الغير ممنهج ، لانه يسهم في احباط الاعضاء وبالتالي يقلل من اسهاماتهم..

اكثرمشرف نشيط يسألعنه رئيس المنتدي..

احب كل اعضاء المنتدي ولااكره أحدا..
عضو افتقده المنتدي واتمني عودته من غيابه الاخ اسامة حسن ، لانه صاحب اسهامات رائعة..
منذ متي كانت البداية مع النت ؟؟ منذ مدة ليست بالقصيرة..ممكن نقول عليها حوالي سبعة سنوات.
اكثر شي اتمني اغيره في نفسي....كل ماهو غير جميل في نفسي اتمني ان اغيره.
مع خالص تحياتي وحبي لك. بس اتمني اعرف اسمك الحقيقي.

اخي حسبو من خلال كتاباتك في المنتدي اشعر انك تحمل غصة واوجاع تجاه الوطن وتحمل جرح غائر في حناياك واحسست انك تغربت خارج الوطن هربا السؤال توضيح النقطة اعلاه ولك الشكر ,,,,,,,,,,,,,

اخي حسبو من خلال كتاباتك في المنتدي اشعر انك تحمل غصة واوجاع تجاه الوطن وتحمل جرح غائر في حناياك واحسست انك تغربت خارج الوطن هربا السؤال توضيح النقطة اعلاه ولك الشكر ,,,,,,,,,,,,
عزيزي الشمالي..عاطر الاشواق والاماني الحلوة,
_________________

اولا اسف جدا علي التاخير في الرد عليك..
ثانيا والله لامست أحاسيس من الصعب جدا التحدث حوله نلك المفردة الوطن التي لاتضاهيها مفردة اخري عندي ،مهما قلت حولها
اشعر باني عاجز وكسيح أما حكاية الاوجاع والاهة لن أحملها من الوطن..
لعمرك ماضاقت بلاد باهلها ...ولكن اخلاق الرجال تضيق
لن ازايد علي احد ان قلت لك ياعزيزي لن يوجد احدا مثلي يحب الوطن ويمكن ان يضحي بكل غال ونفيس في سبيله بالجد هذه مزايدة مني مع علمي كلنا نحب الوطن، وفي ذلك فليتنافس المتنافسون ،ولن احمل يوما ضيما تجاه الوطن ولا اهله
بلادي وان جارت علي عزيزة ...واهلي ان ضنوا علي كرام
ولكن آآآآآآآآآآآآآآآه ياسيدي والف آآآآهة علي ان الوطن اصبح من يتحدثون به ويمتلكون زمام امره هم من يناصبونه العداء ولن استطيع ان اقول غير ماقال احد رجالاته الذين صنعوا تاريخه ذلك العبقري الشاعر الاديب القانوني المهندس محمد احمد المحجوب ،
هذا زمانك يامهازل فامرحي...قد كلب الصيد في الفرسان
وأقول لهم كما قال هو ايضا ...
بعدت دارها وعز لقاءها....واستبدت بنا فزاد هواها
قسما نحن حرها ماجزعنا...منه ولا من لظي شكواها
قل لمن رام مجدها دون مهر....ثورة الفكر لايحد مداها
نحن من ارسي ثورة ...ثورة الفكر فجرها وضحاها
هولاء ياعزيزي قد راموا مجدها دون مهر وهولاء من من جعلوا بلادي تحمل سفاحا في وضح النهار، هولاء من جلبوا لها الذل ، هولاءوهولاء لا استطيع ان اقول...
اما انا ياعزيزي نعن اقول لك بكل صدق الاسباب التي جعلتني اهاجر كثيرة ولكن كان اكبرها هؤلاءِ لاني في ساعة كنت افكر واقول لايمكن ان اكون غريبا داخل وطني ولا يمكن ان اكون اسيرا داخل وطني فلنجرب الغربة بِحقيتها مرة واحدة لاني لا اريد ان عيش الغربة داخل وطني، ونعم اشعر بان وطني ينزف من الجراحات الكثيرة فلك يوم ينزف جرحا واتالم كل يوم لتلك الجراحات ، معذرة عزيزي الشمالي ان عجزت في رسم الصورة كما تبدو لي ..
لك خالص حبي ،

عدل سابقا من قبل حسبو العوض في الإثنين يناير 12, 2009 4:39 am عدل 1 مرات

معذرة احبتي أعضاء منتدي السديرة علي الغياب في الايام السابقة...بقول للذين بعثوا لي برسائل خاصة اهو أنا جيت وعلي اتم الاستعداد للاجابة علي اسئلتكم..
مع خالص ودي لكم

الريح قدوم كتب:

علي كيفك هــــو؟؟؟
الاسئله طيرتها لينا فري راسنا
كل ما ندخل نلقاك مافي...
سؤالي كنت وين؟

والله جنس ذماً...
ياخي كنت حادي علي شهداء غزة وحاولت امش هناك لكن المصريين حموني ادخل...والله واحد اماراتي شافني زعلان شديد من الوضع، قالي لاتذبحنا ياخي انا علي كل نفقات سفرك امش حارب مع حماس عشان تستشهد هناك وتريحنا... واخوك لما مالقي طريقة يزوغ قلت ليهو، جيب لي مكتوب من حسني مبارك عشان يسمح لي ادخل...قالي انت مستهبل بس ماعاوز تمش..
..كاريكا اقوليك كتلوك ولاجوك جوك ، ياخي اديني اسئلتك خلينا نرتاح منها
مع تحياتي وودي