السينما المصرية الى تتطور أو انحطاط

في عدة أفلام مصرية عرضت أخياراً في مصر مشاهد جنسية بين البطل والبطله هي العنوان الرئيسي للعمل .. وقد نقلت كاميرات السينما ما يسمية الرافضون وقاحه وما يراه الموافقون تحرراً ليتسائل الخبثاء .. الفلم قصه ولا مناظر..

فعلى الرغم من تعدد مضامين الافلام والتي ابدع المخرجون في ابرازها على الشاشه الفضية فأنها بدت خارجه عن المألوف وغاصت في علاقة الرجل والمرأة ثم تطورت الى ما يمكن اعتباره تجاوز لمنظومة القيم من خلال تركيز بعض هذه الأفلام على موضوعات تتعلق بشذوذ الرجل للرجل وإشتهاء المرأة للمرأة وكأن مشاهد البورنو تركت ببصماتها على أفلامنا .. فهلا كان ظهور هذه المشاهد بهذه الجرأة دليلاً على تطور السينما المصرية وخروجها من أسر الرقابة ؟؟
أمأنها كانت مغازلة فنية لشباك التذاكر من جانب مخرجيها ؟؟

سؤال أطرحه على كبار مخرجي ومؤلفي ونقاد السينما في أعقاب عرض عدة أفلام اثارات استياء عاماً ومنها فلم ( الريس عمر حرب ) للمخرج خالد يوسف والذي احتوى على الكثير من المشاهد الجنسية الصارخة التي قدمتها الفنانة سمية الخشاب ، التي تؤدي شخصية ( فتاة ليل ) ، مع الفنان هاني سلامة بالسيارة حيث اخذا يتبادلان القبلات الساخنة وتعقبها غادة عبدالرازق لتقدم أكثر المشاهد الساخنة في تاريخ السينما المصرية التي ظهرت فيها وهي تلعق بعضاً من دماء هاني سلامة من يده المجروحه ثم تتحسس جسده من أعلى الى اسفل والكاميرا على وجهه في مشهد غير مسبوق وجديد على السينما المصرية .

فما رأيكم أنتم بهذا ؟؟؟؟؟؟؟؟؟؟!!!!!!!!!!!!!

يا اخى انت مالك ومال السينماء المصرية تتطور وللا تنحط مادخلك فيها انت ماتنظر فى نفسك ووطنك الكبير ووطنك الصغير وتسأل فى شانو نفس السؤال مش كان اجدى وأولى من اهتمامك بالسينما ء المصرية والتفاهات الفيها وللا ده عدم موضوع منك وبس والكلام ما ليك براك لكل ناس المنتدى وانا ما ابتعدت عن المنتدى طيلة الفترة الفاتت الا لعدم الموضوعية وعدم الجدية ودى رسالة ليك ولكل الما عندهم موضوع .
مع احتراماتى وتقديرى ومعذرة لانو انا فعلاً مغيوظ

أولا انا بنت ما ولد
أنا ملاك بنت محمد قسم السيد حمد
وتاني المنتدى ما عشان نتكلم عن السودان والسديرة بس
كمان نفتح مواضيع عن الحاجة الحاصلة في العالم
والموضوع للنقاش ولو فيهو اي حاجة مشرف المنتدى أوالمدير ممكن يلغوه نهائيا

وشكرا على مرورك

بغض النظر عن اى حاجة تتعلق بموضوعك يا ملاك الناس ما انتهت من نقاش المواضيع الجادة والبتهمهم كيف يصرفوا النظر عنها لى مواضيع نحن اصلاً لا بتضرنا ولا بتصلحنا وما بتهمنا السينماء المصرية فى شىء اذا تطورت او انحطت ومعليش يا ملاك اسمحى لى اقول ليك ومع احترامى وتقديرى انو فى هذا المنتدى دايماً البنات فى وادى والاولاد او الرجال فى وادى آخر ما فى بت واحدة ردت على واحد من الموضوعات المهمة المطروحة قبل الآن على المنتدى بل كل واحد شغال حسب موضوعيتو ونحن كلنا اولاد بلد واحدة وبجمعنا عرق ودم ووطن واحد على الرغم من اختلاف مواقع استيطانا اذا كانت داخل او خارج السودان وانا لمن قلت كلامى اللى انا عارفو حاد جدا جدا قلتو لى كل الناس ولى اى واحد شعرت انو بيغرد خارج السرب ما خصيتك بيهو انتى شخصياً وانا عارف وانتى عارفة وغيرنا عارف انو المنتدى للحوار العام لكن يا اختى الكريمة خلينا نكون موضوعيين وجادين نطرح موضوعات تهمنا عشان كل الناس يلتفوا حولها ونصل فى نهايتا الى نتائج ايجابية
ولك تقديرى وحترامى ولغيرك . . .

والله كل المواضيع في المنتدى هادفة
وانو البنات في وادي والرجال في وادي وعدم رد البنات على المواضيع المهمة
ده ما عذر تقول أنو المنتدى بقى فيهو عدم موضوعية و عدم جدية
ولكن عندك اي رأي ممكن ترسلو لي المشرفين أو الادارة

وشكرا

العذر للبنات ياختى ملاك ماعندى انا انتى المفروض تشوفى العذر شنو البيخلى البنات ما يردوا على مواضيع حيوية ومهمة زى دى مثلا ً انا بسألك وبقول ليك نسبة التطور فى رأيك قدر شنو فى السودان ككل او السديرة على وجه الخصوص ؟ على قدر متابعتك للوضع من الخارج ؟
ورينى منو الرد على الموضوع ده لمن انا طرحتو زماااااااااااااااااااااااان على المنتدى ؟ ؟! ! !

بسم الله الرحمن الرحيم السلام عليكم ورحمة الله اختنا ملاك
واخينا حسن مالك داخل حامى على البنية كدة وبعدين يا اخى الموضوع فى منتدى السديرة مش مفروض يخص السديرة او السودان المنتدى ثقافى اجتماعى مش موقف على موضوع معين او مخصص ونفترض انو مختص بقضاينا وهمومنا ادخل وشوف كل المواضيع مطروحة واعتقد انت نفسك ماليك ولارد فيها واولها مواضيعى انا الكاتبها وثالثا انت بتقول البنات مابيردو يا خى هم كلهم بنتين فقط اختنا مكارم واختنا ملاك وبعدين مافيش حاجة بتغيظك ابدا ولية تتغاظ المنتدى حوار عام وكل العضاء بياخدو مواضيع عامة لما نتكلم عن معلومة عن الطب لازم تكون من السودان؟
ولما نتكلم عن معلومة عن الفقة هل لازم تكون من السديرة؟
ولما نقول نكتة او لغز لازم يكون من السديرة؟
او لما الناس تستفيد من حوار عام او نقاش لابد يكون عن السودان ؟
حرام عليك انت رجل مثقف ومتعلم خلى الكلام دا يطلع من حد غيرك انت واختنا ملاك طرحت موضوع السينما وطرحت مشاكل فى العالم العربى وهو الاعلام الكلنا انا وانت وغيرنا وملاك بنشوفو ومهتمين بية يجب عليك النقاش فى الموضوع
بس انا ممكن اقول انو مش فى القسم ةدا لية قسم خاص او منتدى خاص
بس عاوز من اختنا ملاك تكتب ليك اية وهى بنت فى عمرها وبره السودان تكتب ليك عن دارفور مثلا او محاكمة البشير فى بريطانيا او الهجوم على ام درمان
انا قلت ليك يا اخ حسن انت كبير على كلام بالشكل وياريت نبطل نحبط الاعضاء واختنا ملاك فى المنتدى انشط عضوة وانشط منك انت نفسك فى كتابة المواضيع والرد على المواضيع ويارت تشوف عدد مساهماتك كم وعدد مساهمتها كم علشان تعرف التقصير جاى
من وين ولكم جزيل شكرى وتقديرى
وياريت نشوف مشاركتم وبصدر رحب وتقبل الراى والراى الاخر والمنتدى ساحة مفتوحة لكل من يدلو بدلوه طال ما المشاركة لاتخدش الحياة وان لاتخرج من نطاق الاحترام تاكدو سوف نتقبلها بصدر رحب ونقوم بالنقاش فيها بشتى جوانبها
ولكم شكرى وتقديرى ولك شكرى وتقديرى اختنا ملاك وفى انتظار جديد مشاركاتك
ولك شكرى وتقديرى حسن عباس وفى انتظار جديدك
والله الموفق

العم هيثم اشكرك على موقفك الجميل ده
ونقلت الموضوع الى قسم أخبار الفن
وشكرا على مروركم

بارك اله فيك ملاك وفى انتظار الجديد منك ولك شكرى وتقديرى وسلامى للعائلة الكريمة
والله الموفق

الاخت ملاك
السينما المصرية لانحطا ط شديد
الشي هذا حتي نحن نتاثر بيهو
لانو في الوقت الهن ده الدش في كل بيت

لــــــــــــــــــــــــــــوكا يا سينما انتي
والله موضوعك رهيب :lol: زيك

بالنسبة للموضوع والله ما عارفا اقول شنو لكن بالجد السينما العربية في انحطاط شديد

ربنا يعينا ويسهل علينا :lol:

كتــــو :)

هيثم حسن كتب:

بسم الله الرحمن الرحيم السلام عليكم ورحمة الله اختنا ملاك
واخينا حسن مالك داخل حامى على البنية كدة وبعدين يا اخى الموضوع فى منتدى السديرة مش مفروض يخص السديرة او السودان المنتدى ثقافى اجتماعى مش موقف على موضوع معين او مخصص ونفترض انو مختص بقضاينا وهمومنا ادخل وشوف كل المواضيع مطروحة واعتقد انت نفسك ماليك ولارد فيها واولها مواضيعى انا الكاتبها وثالثا انت بتقول البنات مابيردو يا خى هم كلهم بنتين فقط اختنا مكارم واختنا ملاك وبعدين مافيش حاجة بتغيظك ابدا ولية تتغاظ المنتدى حوار عام وكل العضاء بياخدو مواضيع عامة لما نتكلم عن معلومة عن الطب لازم تكون من السودان؟
ولما نتكلم عن معلومة عن الفقة هل لازم تكون من السديرة؟
ولما نقول نكتة او لغز لازم يكون من السديرة؟
او لما الناس تستفيد من حوار عام او نقاش لابد يكون عن السودان ؟
حرام عليك انت رجل مثقف ومتعلم خلى الكلام دا يطلع من حد غيرك انت واختنا ملاك طرحت موضوع السينما وطرحت مشاكل فى العالم العربى وهو الاعلام الكلنا انا وانت وغيرنا وملاك بنشوفو ومهتمين بية يجب عليك النقاش فى الموضوع
بس انا ممكن اقول انو مش فى القسم ةدا لية قسم خاص او منتدى خاص
بس عاوز من اختنا ملاك تكتب ليك اية وهى بنت فى عمرها وبره السودان تكتب ليك عن دارفور مثلا او محاكمة البشير فى بريطانيا او الهجوم على ام درمان
انا قلت ليك يا اخ حسن انت كبير على كلام بالشكل وياريت نبطل نحبط الاعضاء واختنا ملاك فى المنتدى انشط عضوة وانشط منك انت نفسك فى كتابة المواضيع والرد على المواضيع ويارت تشوف عدد مساهماتك كم وعدد مساهمتها كم علشان تعرف التقصير جاى
من وين ولكم جزيل شكرى وتقديرى
وياريت نشوف مشاركتم وبصدر رحب وتقبل الراى والراى الاخر والمنتدى ساحة مفتوحة لكل من يدلو بدلوه طال ما المشاركة لاتخدش الحياة وان لاتخرج من نطاق الاحترام تاكدو سوف نتقبلها بصدر رحب ونقوم بالنقاش فيها بشتى جوانبها
ولكم شكرى وتقديرى ولك شكرى وتقديرى اختنا ملاك وفى انتظار جديد مشاركاتك
ولك شكرى وتقديرى حسن عباس وفى انتظار جديدك
والله الموفق

اكتفي بهذا الرد