شاى الصباح بكباية الشب و ابو لبن مقنن وقدح لقيماتوا قداموا مشهورين بيها اهل السودان عموم وفى ايام ازمة السكر وبقى بالتموين واحد من اهلنا لمن سوا اهله الشاى مع الصباح مالحق اكبوا ليه علشان السكر كمل وفى ازمة المهم طول يومه شايل هم وكل مرة اجى لامه يمة انا الليلة ماشربت الشاى طيب لمن اجيبو ا السكر المهم بعد يومين ووقت العصر جابوا التموين وصاحبنا فرحان وبقى اذكر فى امه يمه انا لى يومين ماشربت الشاى وباكر لازم تكبى لى كبايتين سمح ياولدى الله اصبحنا طيبين لا يمه قولى الله اصبح السكر طيب وده بالضبط حصل معاى واخونا حيدر ود الحادوا كان السكر فى ازمة والناس بيجيبوه من السوق الحر والمعرض الدولى بحساب الدولار والاقرار المهم كنت فى اجازة واخونا حيدر مر على محمد ياخى داير بس جوازك وتكون معاى كل يوم بديك اربعين الف وفطورك وغداك على وحق البكس ومعاى اخونا مصطفى محمد احمد ومساعد المهم ماقصر معاى بقينا شغالين كم يوم وكان لابد نرجع كل يوم للحلة وده طبعا شرطى معاهم وفى مرة ماشين للحلة لاقننا الباصات واقفة فى الجديد وناس الحلة كلهم واقفين فى شنوا ياجماعة قالوا لينا المطرشديد والطريق مقطوع لازم ترجعوا تبيتوا ولى باكر ممكن الطريق يفتح المهم على مضض وافق اخونا حيدر على ان يذهب معنا للمسعودية ونبيت وبكره نواصل ومان رتبنا انفسنا للمبيت الا واخونا حيدر والله ياجماعة اصلى مابعرف انوم برة من وليداتى دحين قصروا لى الليل بالونسة وبديت اقص ليه وهو يضحك طول الليل ومان قصيت ليه قصة الله اصبح السكر طيب وجدت اخونا حيدر ومصطفى ومساعد وبنفس واحد و نحن الله اصبح لينا السكر طيب واستمر الضحك للصباح وكل مرة حيدر ياجماعة الله اصبح السكر طيب
محمد قسم السيد حمد
محمد قسم السيد حمد