الحب الالكتروني

مساء الخير

عايزه رأيكم في موضوع الحب الإلكتروني أو (الحب بالإنترنت)

*هل هو حقيقي ام خيالي ؟؟؟واذا حقيقي >>

*حيستمر ولا لأ ؟؟

*ممكن الواحد يتعلق بشخص عمره ما شافو بعينو؟؟؟

*ممكن ينتج عنه زواج ناجح؟؟؟

*أحيانا بكون في مصداقية من احد الطرفين,

*واحيانا بكون الواحد فاكر انو بحب بجد وفي النهاية يكتشف انو دا وهم وخيال ما اكتر ,

*واحيانا بتكون علاقة ناجحه وبتنتهي بالزواج,

وروني رأيكم في الموضوع ده ونشوف حنرسى على شنو,

منتظره ردودكم

تحياتي

الابنة ملاك
العواطف
والاحساس
والحب
الحياة
مكنونات لدها مدلولاتها وصيغ التعامل معها فهى ليست جمادات يحركها الامر والترتيب والتنسيق او الاضافة او الحزف بل هى مشاعر واحاسيس وتعامل والمام ومعرفة بجميع احوال وافكار وطبائع الطرفين نتمنى ان لا ننجر وراء المدنية والحضارة والتكنلوجيا وننسى
الاصل والفصل والتكافؤ والتفاضل كمان
محمد قسم السيد حمد

ذا النوع هروب من الواقع الذي يعيشه الفرد او عدم القدرة علي المواجهة وهو فاشل الا ماندر لان هناك عدم معرفة تامة بالطرف الا خر البعض يفسره بلنه فراغ روحي عموما الموضوع جديد وقضيه اجتماعية جديدة ستجد طريقها الي علم الاجتماع

بسم الله الرحمن الرحيم
اختى ملاك اخ محمد قسم السيداخ محمد
ان موضوع ملاك الروح موضوع فعلا جامد جدا وراى انا فية ان الحب الالكترونى ماهو خطوة من خطوات الزواج زيو وزى الخاطبة زمان كانت فى مرحلة اسمها الخاطبة والزواج عن طريقها كان ناجح جدا وفى كمان البيفشل يعنى مش اى فشل نقول دا لانو حب الكترونى
وهناك زواجات بنت العم ومتربية معاك فى البيت وبردو يحصل الفشل
انما الواحد مش يستعجل وقابلها فى شات او منتدى قالها بحبك ويلة نتزوج دا اسمو لعب بل يعتبر سبيل فقط وبعد كدة ممكن كل الخطوات تمر عادى زيها وزى اى خطوات ارتباط طبيعى بعد كدة وبردو حايكون مكتوب علية النجاح او الفشل مع العلم اعرف تجارب معرفة شخصية زواجهم ناجح جدا زى ماقلت ليكم من قبل انو بنت العم احيانا زوجها يكون فاشل
ولكم كل شكرى وتقديرى
واشوف ردود الاعضاء ولى مشاركة تانية انشاءاللة
ولكم ودى

الوالد العزيز,,أبراهيم,,هيثم اشكركم على المرور
وزي ما قال هيثم مرات زواج بنت العم بيفشل
والموضوع قسمة ونصيب

محمد عمر اشكرك على الرد
ويا الريح معليش اكتب ردك مرة تانية عشان نعرف رأيك شنو الناس دي كلها كتبت
واشكركم

والله يا ملاك بى شوية تضريبات حسابية يمكن نلقى نسبة النجاح فيه ضعيفة لعدم توفر اشياء كثيرة واهما الثقة والخوف وده جانب نفسى بيفرضو البعد بين الشخصين او الولد والبنت والعبء فى هذا الجانب يقع جله على البنت وعموماً يا ملاك ده ما الرد النهائى لانو ده موضوع فيه تفاصيل كتييييييييييييييييييييييييييييييييرة وكبيرة عايزة مساحة وزمن

هههههههههه الرد بتاعك يا الريح جانى فى الرسائل الخاصة بتاعتى وماسكو ليك لو عاوزو ارسلو ليك ههههههههه
ولك شكرى والشكر لكل من شارك فى الموضوع بتاع اختنا ملاك سواء وصل الرد او طشة زى بتاع اخونا الريح
ولكم شكرى وتقديرى

الاخت ملاك الروح لك التحيه
الحب هو نور من الله مهما بحثت عنه فلن تجد مصدره وهو شيئ لا ارادى يعنى حب بالانترنت والغيرو هو حب وانا اعرف صديق عزيز اتزوج عن طريق المسنجر وحاليا رزق بنت وعايشين فى نعيم وربنا يديمها عليهم ووصلت لى انو قريب البنت اتزوج اختو القصه طويله وشيقه ان الله مد فى العمر بنحكيها من طق طق لى السلام عليكم

هيثم و ود الفكي اشكركم على الرد
ويا الريح عامل لي فيها خبير كمبيوتر وترسل التعليق لي هيثم في رسالة خاصة
والله خجلتا ليك
loooooooooooooooooooool

يلا منتظرة باقي الاعضاء يشاركو
ود الفكي القصة لازم تحكيها لي من طق طق لي السلام عليكم ومنتظراك

انا خايفة يا الريح اجيب ليك أنت الشاش مش لي هيثم

هههههههههههههه تعيش وتأكل غيرا يا كاريكا

والله برقم انو الواحد ماجرب الحب الالكتروني
بس امكن انجح بي 90في المئة
ياهثيم خلي حركتك دي انا عارفك
بتاع حركات

ابو حداد اشكرك على المرور
وبيني وبينك الراجل ديل كلهم عندهم حركات
بس عاملين روحهم رايحين في الموضوع