نساء السديرة

السلام عليكم.منتدى السديرة غ ش هوج
العم ياسين جارالنبى-عبدالغنى كرم الله- محمدالسنى البخيت- محمدقسم السيد
لكم التحية اولاً واخيراً.
النساء يتميزن بملاحظة دقيقة جدا لكل ما حولهن واليكم مثال على ذلك:
امرأه تفقد اعز عزيز لديها -زوجها او ابنها او احد والديها- والبكا يكون
بلييييييل والدنيا ضلالالالالام ويمكن كمان تكون الكهربا كانت قاطعة وهى
حزييييينه وبعد دا كلو بتعرف الجات عزتا منو والماجات منو والبكت بحرقه
والبكت مجامله والجات فى كامل اناقتها والجات عادى منو .
سبحان الله لله فى خلقه شئون مش عليكم الله
محمدأحمدبشيرالامين(ودالنمر)

تصدق الكلام ده في كاب الجداد برضو في؟؟؟ !!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههه (كاب الجداد)
تسلم الاخ محمد وحياك بس للنساء عامة ذكاء خارق لو استخدم فى التطوير وخصوصا النساء بتاعتنا لو استخدم فى الفنون المعمارى لعمرو الدنيا ولو استخدم فى النووى يهدو الدنيا
وانما زى ما قال اخونا محمد فى الفاضية ويتصدرو فلانة ماعزتنى كويس وفلانة حطط يدها وقالت هىهى بس ماكملتش تلاتة ونحنا فى القرن الواحد وعشرين
غايتو ربنا يكون فى العون يارب
واشكركم جميعا ولكم ودى وتقديرى

الأخ محمد : لك التحية

موضوعك ذكرني امرأة في حلتنا ، قالوا لمن تتشاكل مع واحده ، وبعد يصالحوهم والموضوع يكون انتهي، تكون قاعده مع النسوان في الجبنه ، تقول ليهم ، والله "اتذكرت لي نبزه" ولازم امشي لي فلانه عشان أقولها ليها ، والله ما اخلها الا انبزها. ونبزه من النبز ساعة الغضب والشكلة وكده يعني . ها ها هي ها.

سلاااااااااااااام

ههه الاخ دفع الله ذكرتنى انا كمان احدى النسوان العندنا مافى داعى لذكر اسمها
مشاكلة لية واحدة ومره وهى جالسة جات الست المشاكلها وقالت السلام عليكم كانت اول الردو السلام
فاستغرب كل النسوة الموجودين وسالوها انتى صالحتيها قالت ليهم ابداااااااا وطيب رديتى السلام عليها لية
قالت قالو المابنرد علية السلام بتردو عليه الملائكة وبنت الذينا والله ما اخلى الملائكة ترد عليها علشان كدة رديت عليها انا ها ها
ولكم كل تقديرى
والله المستعان