طريق السديرة

اخوتى طريق السديرة الجديد الحاصل فيه شنو انشاءالله يكون في تقدم الواحد بعيد عن البلد لاكن قلوبنا معاه السديرة ش غ فى حدقات العيون

ابو حداد طريق السديره قرب يكتمل كدي خلينا من الطريق نحن فيك انت !!!!

يا اخوي انت جاي متين؟ القصه طولت خلاص انت في الطريق بس؟ الدنيا كلها اتغيرت تعال ساي و اطمئنك الخير راااقد و البلد عاااامره انا بقول في الكلام ده وانا زيك كده بره البلد لكن غربتنا نحن أهون شويه علي الاقل بنعرف اخبار اول الحله قبل آخر الحله دحين آ أخوي كفاك ياخ..من المتوسطه ما شفناك معقول الكلام ده؟

والله كتر خيرك الاخ الريح فى كلامك للاخ ياسر وجزاك الله الف خير وكلامك عجبنى
وكلامك كلام عقل وكلام كبير ولية معنى كلام إنسان شاعر بفقد أخ عزبز وإنت ياأخونا
ياسر وذى ماقال ليك الريح أرجع البلد والناس مشتاقين ليك وبالمناسبة ياالريح ياسر
ده ود عمتى ولك الشكر آللللللللللللللللللللللللللللللللللللللللللللللللللللاف ..... الريح

مشكورين اخوتي الاعزاء الريح_ودالخال_محمحد عمر بشير انشاء الله قريب الرجعة للبلد

والله الطريق ده بقى زى حجوة ام ضبيبينة والآن توقف فيه العمل تماماً لانو القصة فيهو قصة تواكلية بين وزارة المالية بولاية الجزيرة ووزارة المالية الاتحادية لانو عنوان القصة ( الميزانية ) التى تقدر ب 35.000.000 مليون جنيه بالحساب الجديد يعنى ثلاث مليارات ونصف بالقديم فقامت وزارة المالية الاتحادية بتحويل هذه الميزانية لحكومة ولاية الجزيرة وما معروف بعد كده الحاصل فيها شنو ده من جانب ، ومن الجانب التانى الموضوع يتطلب ناس واصلين سياسياً يا اخوانا ونحن ما عندنا ضهرفى الحكومة بالواضح يعنى (حا نندق على بطنا ) والآن ( حليمة رجعت لى قديما ) (وبص وشوف الدقداق بعمل قضروف )

مشكور اخى حسن على عباس كده الواحد عرف الحاصل والله اعين

والله ياسر تطرقت لموضوع جميل وحساس ومش عارف الناس نسيتو والله بقى زى طريق دكتو ر على الحاج
ولكم شكرى وتقديرى
والله الموفق

السلام عليكم ورحمة الله نرجو من الاخوا ن المتواجدين داخل السودان مدنا بأخر الاخبار عن الطريق
وشكـــــــــــــــــــــــرا

الاخوة أعضاء المنتدى

السلام عليكم ورحمة الله تلى وبركاته

بلاشارة للموضوع اعلاه وكسرا لليأس للردود أعلاه أفيدكم بأن هنالك تقدم واضح فى الطريق , حيث أن هنالك عملا مكثف خلال الاسبوع المنصرم ونسأل الله أن يتم هذا الطريق على خير


معاذ حسن
السودان - الخرطوم