خريجى السديرة

نرجو من الاخوة الخريجين المغتربين حسبو . بكرى .وكل أبناء السديرة فى المهجر
ان يقوموا بحصر ابناء السديرة الخرجين جميعا وينشؤا ورشة عمل لهم لمصلحة
القرية والاستفادة من الاخوة المتواجدين فى البلد للتطوير البلد لانة الشباب هم
امل الامة وجيل المستقبل والحاضر ربنا يوفقكم وقولوا رأيكم واصحوا
ياشباب اليوم !!!!!!!!!!!!

الاخ ابو عمار لك التحية والود...كلام في السليم يجب علينا حصر هؤلاء الخريجين والحمد لله اصبح العدد من الصعب حصره وهذه من نعم الله علينا...ولكن يجب ان تواكب هذه الزيادة متطلبات المرحلة والعمل علي الاستفادة من هولاء الخريجين حتي ننهض بالبلد .

كلام صحيح يا كبيرنا ، لكن نحن خارج الوطن منذ اكثر من سبعة سنين ، هناك اجيال لا نعرف من منهم تخرج من الجامعة او من الثانوي ، الموضوع يحتاج لأشخاص موجودين في السديرة عشان يقومو بالمهمة خير قيام.
و لك التحية ياكبيرنا

الاخ حسبو الاخ بكرى السلام عليكم اولآ كونكم تقولوا الحصر صعب هذا ليس عذر!!!!
الآن وعلى قول العلماء والعلم العالم أصبح (غرفة) وكل طرق الاتصال ميسرة
فنرجو منكم القيام انجاز هذا المشروع وخليكم هميمن ..

الاهل الكرام والاباء الافاضل(ابوعمار العمدة،حسبو العوض،بكرى العبد) لكم التحية
الفكرة جميلة وهادفة وبالجد ده هو الشئ اللعايزنو ،عشان كده انا مستعد لحصر جميع الطلاب الخريجين وانا لها ويا ريت نكون جادين...

الاخ منتصر الفاضل أشكرك جزيل الشكر على إهتمامك بهذا الموضوع وأشكر فيك
روح الشهامة والوطنية وسيبك من حسبو وبكرى ديل غالب عليهم نوم التكييف والهواء
الصاقط دة وخلاص خيم عليهم الكسل والدليل على ذلك أخونا بكرى قبل كدة إخترح
إختراح بدغم الفريق أيدناهو وقلنا حاضرين مشى وفتح المكيف ونام تحت البطانية !!!!!!!
وأخونا حسبو فى جدت المنتدى كان مولع نار لمن دخل الجد وبدأنا الاختراحات
والعمل هو كمان فتح المكيف على hiy وأشترى بطانية نفرين وشخرشخير سمعناه
نحن فى السعودية!!!!!!!! واقول لك أخى منتصر نصرك الله فى الدنيا والآخرة
سير وأعمل الحصر وأعمل كل شى ونحنا معك ولا تعتمد على المغتربين ......
أتمنى لك التوفيق وأدينا الاخبار اولا باول.....منتظرين؟؟؟

سلامات ،،،،،،،،،
الاعزاء بالمنتدي إحتراماتي
الموضوع جميل جداً وسهل علي عكس ما تتخيلوا ممكن بالرجوع لسجلات التعداد السكاني وسجلات المدارس وحبة تعب وانا بتعهد قدام كل الMembers متبرعة اعمل Anyalsis للمعلومات واجهزليكم كشوفات بكل الخرجين وتخصصاتهم وجامعاتهم بالتعاون مع منتصر الفاضل ولو في زول تاني متبرع ، والتحليل دا بدي مؤشرات إقتصادية مهمة جداً ولو ما مصدقيني اسالوا ابراهيم ود العبد ؟؟ من حق بلدنا علينا انها تستفيد من القريناهو في الجامعات دا ولا شنو ؟؟؟
سرورة احسن زولة

الموضوع جميل جداً وضرورى جداً جداً جداً ومهم للغاية لان المرحلة تقتضى احداث تحول شامل فى الحلة على كافة الاصعدة ودى مهمة الشباب بتاعين الحلة عامة والخريجين بصفة خاصة والحمد لله عندنا ناس ممكن نسترشد بيهم فى الداخل والخارج والرسالة اولاً يجب ان تكون عامة لابناء وبنات السديرة بالداخل والخارج

الاخت سارة اشكرك على الرد على هذا الموضوع واشكر فيك روح الوطنية وربنا يوفقك
فى الحصر والاخ منتصر كمان جزاه الله خير إلتزم بالحصر المهم فى الامر كلكم وطنيين
ومصلحة البلد تهمكم جميعاً والى الامام بالتوفيق ... وإنشاء الله نسمع عنكم كل خير!!
ومشكووووووووووووووووووووووووورة للمبادرة والتبرع بزمنك لخدمة الوطن....

" مشكووووووووووووووووووووووووورة " اخجلت تواضعي دا كلو شكر ؟؟؟
نحن ما قدر الإثراء دا كلو ، عموماً تسلمو يارب وانا عن وعدي