تباريح الهوي

ده الجانى منك ومن تباريح الهوى ،

وصفو بصعب يا جميل

وبعدت عنك ، ولما طال بى النوى ،

بقى لى أسيبك مستحيل ،

تبقى سيرتك هى الكلام

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا

هو البجفف لى عذابات الضنى

ما الشفتو منك يا منى الروح يا أنا ،

وصفو بصعب يا جميل ....

وبعدت عنك .... ولما طال بى النوى

بقى لى أسيبك مستحيل

***

بشكى ليكم يا مظاليم الهوى

أصلى مجروح مرتين ،

يمكن القى الزيى فيكم

ضاق جراح الحب ومتعذب سنين

ويمكن القى وصفة تنفع ..

ولا يمكن القى حاجة تخفف الجرح القديم ..

حاجة تشفع ..

**

ده الجاني منك ومن تباريح الهوى

وصفو بصعب يا جميل

وبعدت عنك ، ولما طال بي النوى

بقى لى أسيبك مستحيل

عدل سابقا من قبل الريح قدوم في الخميس مايو 22, 2008 1:18 pm عدل 1 مرات

ابداع ياابوالريح وراك وراك وكل ماتخط بقلمك تشجينا وتسعدنا ودوما متلهفين لكتاباتك الحلوة
لك ولكل اعضاء المنتدي حبي وتقديري.

بدون تعليق يا ابوالريح

والله رائع يود قدوم والله يطول عمرك وتعيش 150 سنه

والله يالريح شوفت بكري بحبك قدر كيف كمل ليك الاغنية بي الفيديو
ويلا شباب ابدعو وورونا ابداعاتكم
ولكم ودي
ود حاج فاروق

يالله يا كاريكا ويديك العافية
فعلا الكلمات جميلة خالص
منتظرين الجديد
والله الموفق

اغنيه امونه بيت الشخ حمدابوها كان مزواج خلاص
ناسب جميع ناس البلد
ميلادها كان عرسا كبير
هيصة وضبايح مالها حد
يوم السماية اتيتمت
حكم القدر فى الام نفد
كانت شبيهة امها
فى القدلة والعوداللبد
وبقت امل كل الشباب
وجمالها فى بت ما اتوجد
فى مرة رفة قليبا يوم
حبت قريب الشيح حمد
واظن كمان حباها هو
سوى الضلوع لى حبو سد
كاتمين غرامن فى القلوب
ولع لهيبم ما برد
خايفين يصارحو يقولو
شومال بالدايرنو ست
خايفين عيون الناس
تشوفم والخبر يملأ البلد
والحب هناك عيبا كبير
لا بت تبوحبو ولا ولد
فى يوم ابوها ضحك كتير
برم شواربو بلا الاسد
ناداها امنة تعالى جاى
فوق البرش ربع قعد
قالتو هوى جاياك خلاص
قليبة فر وما رقد
حاج الخضر عارفاهو داك
قالتلو ايوة ابو سند ؟؟
جانى الصباح طالب ايديك
داير نسب شيخ البلد
وانا قتلو اهلا بيك تعال
يومين تلاتة تكون عقد
راجلا عظيم عندو القروش
عندوا الحرير راقد لبد
هو كمان كريم واخو رجال
ماعونو فى يوم ما برد
جرن الدموع من عينا شو
سكتت وابت تديلو رد
قام مرق خلاها فات لا سبة
لا كايس غرض
عند المغيرب تانى جاها
كدى لى محاسن الحاج سرد
داير يأثر فى قليبة
لو كان تقول تديهو رد
وقتا غلب واحتار خلاص ولع
فؤادو جمر وقد
فسر سكوت البت رضا
جهزولو لما الناس عقد
والمال مخمخم والحرير
تحت الرجول مدوهو مد
يوم الصفاح والناس تجوط
بالفرحــــة مقلوبة البلد
امونة تبكى بكا السواد
بدل الفرح جاها النكد
وبشيشى قامت للمروق
فى سرقة ما حس بيها حد
كان الحبيب راقد هناك
والصدمة قادة قليبو قد
وقفت قصادو بكت كتير
لامن دميع العين جمد
قام جاها بى شوقو الكتير
وقليبو داك انهد هد
قالتلو ما بى ايدى شى
ديل ناس ابوى وابو سند
اتلملمو وسووا الكلام
وانا لا رضيت لا جبتا رد
داك عندو مالا مو قليل
وابوى شاف المال سجد
ادانى للراجل العجوز
المن عروقو الدم شرد
قايلنى بسعد بالقروش
ولا المراح الفات ورد
لكن محـال اسعد بلاك
كان السماء ينهد هد
بديك قليبى وروحى ديل
وأعيش هناك صورة وجسد
اتراجعت رجعت تصد
لكن قليبة رجع رفض
مسكت دريبا مو قريب
كم بيهو صف بنوت ورد
قاصدة البحر دايره تموت
لا عيشة لاهم لا نكد
اترددت وقفت كتير
لامن قليبه خلاص صمد
شافت مسار النيل حزين
حتى النخيل حزنان خمد
وبشيشى فكفكت الحرير
لا زينة لا ربيط عقد
ما دام حياتا بقت دموع
وقليبة من زولا انفرد
قالت اخير ارتاح خلاص
ارسى وشقاى القالو حد
فى لحظة موج النيل علا
وفى جوفو غابت للابد