السديرة في الفيس بوك

الحمدلله تم انشاء موقع السديرة في الفيس بوك
باسم(اولاد السديرة)
ونرجو من جميع اعضاء المنتدي وابناء السديرة زيارته واثراه بالمواضيع
ولكم ودي

الاخ وليد تحياتي لك...
اولا بالرغم اني انضممت الي قروب السديرة في الفيس بوك وليس لدي اي مساهمات تذكر في الفيس بوك لانو كتبت موضوع هنا بخصوص الفيس بوك ودعوت لمقاطعته لانه سوف يكون خصما علي المنتدي لذلك ارجو من جميع الاخوة المساهمة في تنشيط المنتدي بدلا من الفيس بوك وصدقني لاتوجد فائده تذكر من الفيس بوك لانه لايعبر عن امنياتنا ولاتطلعاتنا لذلك ارجو هجر هذا القروب وانا واحد من اعضائه وسجلت فقط عشان اوصل رسائل من خلاله لابناء السديرة المتواجدين اذا دعت الضرورة،وهناك بعض الاعضاء الذين يرون انهم اكبر من منتد السديرة ويرون ان ناس الفيس بوك اعلي شانا من ناس السديرة ودخلت معهم في ملاسنات ناعمة لاداعي لذكر اسمائهم،،لذلك ارجو ان توصل هذه الرساله الي قروب السديرة بالفيس بوك..هذه مجرد وجهة نظر اتمني ان لاتفسر تفسير اخر مع احترامي للجميع.

والله كلامك في محله بس الفيس بوك اصبح
اسهل وسيلة للدردشة مع الاصدقاء والاهل والاحباب
والتواصل معهم بشكل متواصل
وانا احترم رايك جدا
ولك ودي

سعاده الرئسو و الى السيد و ليد العبد ؛
لكم من التحيه العطره ، من الجميل ان يكون للسديره سيط و لأهلها الولاء لكل ما يربطهم بالسديره وين ما كان ؛ في الفيس بوووك و لا في واحات منتدنا المزينها انتم بحضوركم وتواصلكم الدائم معانا ...

وليد العبد انت دايرالانفصال و لا حق توزيع الثروات ؛ انا عارفك عاقل و نحن لينا الحق الاكبر لأننا الاقدم و الحاضرين دايمن في قلوبكم .......تجياتي

هههههههههههههههههه
تسلم ياسمير
لكن المشكلة اكبر من ذالك

الاخ الريح تحياتي لك...اولا مفروض تقرا تاريخ نشري للكلام ده...تاني حاجه انا كتبت موضوع قبل حوالي سنه وفي مكان اخر في المنتدي...وانت عارف انا لما اخاطب ناس زيك وبتكلم معاهم بصريح العبارة واقوليهم ارجعوا اكتبوا في المنتدي الحديث هنا لايخرج عن النية الطيبه...ولكن هذا لايمنعني اقول بصريح العبارة في ناس قالوا لي نحنا ناس السديرة ديل مانافعيين معانا وانا هنا غير مطالب بتحديد الاشخاص،،لكن هم بيعرفو نفسهم كويس ..هل انت قلت لي مثل هذا الكلام؟؟ وانت عارف الرد القلتو لي واخر مرة قلت لي حاضر وهاك الرابط..لكن انا عارف رد اي زول وبحتفظ بيهو لنفسي مع العلم انا وجهت دعوتي لاي شخص قابلتو في الفيس بوك وهذا الحديث ليس قبل اسبوع ولاحتي شهر بل منذ عام تقريبا وكان الرد سخيف جدا وفيهم البقولي المنتدي مافيهو زول غيرك انت زول كويس ولكن هذا الحديث لايعجبني ولايزيدني شرف...ارجوك ماتسئ الفهم وكل زول قال رد هو عارفو ,,,وماعهدتك زول بتابي السديرة ولا اهلها..
مع تحياتي للجميع؟