من فبراير ماظاهر مشرف المنتدي العام يمارس الهروب النبيل لو زعلان كلمونا الشمالي قاعد بجيب ناس الدومه لو رائح نكلف ود قسم السيد يلغي الفبض عليه اين انت ياحسيب المنتدي يفتقدك لو في خبر ورونا
احبتي واهلي الطيبين.. تحية مباركة من عند الله.. جرت مياه كثيرة في هذه الفترة ..اولا اعزي نفسي واياكم في جميع امواتنا واهني وابارك لجميع من طلت الافراح بابوابهم..وتحية لاعضاء المنتدي الذين مازالوا قابضين علي الجمر.. والله يا عزيزي الغالي جنابو قرشي من قبيل بفكر في عاشق الديار ده منو؟ لولا رسالة شفهية وصلتني من الاخ الزعيم محمد قسم السيد وهو من المحاربين القدامي لماعرفتك.. اولا اشكرك علي فقدك لي يارائع ويا ( اب....) ههههه ياحليل ايام زمان والله.. وبخصوص القبض علي سوف اسلم نفسي لشرطة المنتدي مادام الحكاية جابت ليها ناس امن وكده.. اما فيما يتعلق بالراية التي يتحدث بها الاخ محمد قسم السيد انا برئي منها براءة الذئب من دم ابن يعقوب فهولاء الحاقدين امثال محمد قسم السيد والشمالي وغيرهم لاداعي لذكرهم فاقول لهم هيهات ان تنال سهامكم مني....والحاجات التاني حامياني ح ارجع ليكم ليها بالتفصيل في اوقات احري ان شاء الله.. ولوماسلمت ليكم نفسي بقول ليكم حباب اهلي ناس الدومة مرحب بيهم والله اول شي بعد ما اضبح ليهم اقوليهم انا من ايدكم دي لايدكم دي والبتقولوها كلها انا قبلان بيها... بجد والله ياجماعة وحشتوني.. ان شاء الله تاني ما انقطع عنكم ..تقبلوا خالص امنياتي..
السلام حسيب مشتاقين شديد جدا اولا انت جابوك ناس الدومه وخوفك محمد قسم السيد لانو شرطة ابوظبي جابت قاتل الفنانه (ما عارف اسمها منو ) يامحمد قسم السيد الظاهر ساري الليل تلك الاغنيه الشايقيه الجميله جابت نتيجه حقو نفتح بوست تاني نناجي ود الشيخ ونهددو بي ناس الدومه او شرطة الصومال ان كان هنالك شرطه لديها الف مرحب بظهور فارس المنتدي من جديد ولكم ودي جميعا
سلام مرة تانيه ياعزاز القوم.. الاخ الحبيب ود قاسم والصديق الغالي ابو ملاذ تحية ندية لكما وياسلام عليكم والله انا حاسس انو المنتدي ان شاء الله سوف يظل بالحيوية مادام انتم موجودين وان كان الاخ ابو ملاذ تاخر كثيرا في الانضمام لتلك الكوكبة الرائعه واتمني ان تظهر المناكفات بيننا...وبسال عن الرائع الشمالي اين هو واين كتاباته التي افتقدها في المترة الماضية واين المشاغب الريح قدوم وصدقوني أول زول بستحق القبض عليه..واين الاستاذ الغالي صاحب العطاء المتدفق دوما واين واين كل الكواكب التي كانت تزين سماء المنتدي؟؟؟؟ اما الهارب من العدالة ود الشيخ اعتقد لاتوجد وسيلة في القبض عليه الا الاستعانة بالانتربول لانه يتمتع بخاصية فريده في التخفي.... ياريت يكون في اجتماع عاجل لرسم الخطة اللازمة للقبض علي ود الشيخ ورجال الامن معانا وماهمانا... سوف اعود لكم..تقبلوا تحياتي وودي.
