طريقة تصنيف من تعجب بهم طريقة معقدة وتختلف من شخص لاخر، وقد احترت كثيرا في طريقة تصنيفي للمعجب بهم ولكن اخيرا وجدت ضالتي في هذا لاسم وهو مثلث الابداع ، ومثلث ابداعي اشبه بمثلث برمودا يبتلع كل الناس بداخله اي مابقدر واحد يزيد فوقو وكل رأس منه يتكون من مثلث اخر، والقاسم المشترك بين هؤلاء الرؤوس <<ياجماعة الحكاية قلبت رياضيات ولا شنو؟؟ كلها مثلثات وقاسم مشترك>>هو انهم جميعا مبدعين، المهم أول هولاء المبدعين القامة محمد وردي وقد كتبت عنه في هذا المنتدي ولكن لا بأس ازود شوية فالرجل مهما قلت فيه مابقدر اوفي واعجابي به كان فطريا اي منذ نعومة اظافري وهذا يؤكد ان الجمال شي كامن في النفس البشرية منذ ولادتها، فوجدت نفسي احب وردي بدون مقدمات ربما يكون صوته العذب كان المدخل الرئيسي لاعجابي به وهنا احكي حكاية صغيرة قبل مدة من الزمن كانت اشرطة الكاسيت التي تجد فيها ماتريده من اغاني نادرة و اجهزة التسجيل كذلك ،ياجماعة نكون صريحين والله دي الحقيقة ،فقد شبيت علي حب وردي كما قلت لكم وكان عمي العزيز احمد ويس محمد سعيد من المغرمين جدا بوردي ومازال فقد وجدت عنده شريط لوردي لم اعرف مابداخله من اغنيات لانه كان منسوخا لم يكن ماستر ، المهم استلفت منه الشريط وكان عندي مسجل يعمل بحجارة البطارية الصغيرة ولفيت السديرة كلها عشان القي الحجار دي في النهاية بالضاااااااالين لميت فيها يعني واجهتني عراقيل كتيرة وفي منتصف الليل بدات اسمع في الشريط واول اغنية كانت خاف من الله وكنت امني نفسي من زمن اسمعها والاغنية دي فيها مقدمة موسيقية تجنن وبدأت دموعي تنهمر والله ولما بدا وردي يغني بقيت اتنهد عديل كده وياجماعة عشان ماتمشوا بعيد تقولوا الزول ده البكاهاو شنو؟ انا كنت في اول اعدادي وعمري بالكتيييير 13 سنة يعني الحكاية لاحب ولايحزنون بس زول حساس ما اكتر(حلوة حساس دي) المهم دي بداية الحكاية وبعداك بقيت اتمعن في الحان وردي و طريقة ادائه وكان كل يوم يمر بكتشف فيه حاجة رائعة ويزداد اعجابي به أكثر وزاد اهتمامي به.
ثاني الرؤوس هو الشاعر الفات الكبار والقدرو اي السابقين واللاحين وهو ابو الطيب المتنبئ ورأي كل المهتمين بالادب انه لم ياتي شاعر علي مر التاريخ منذ الجاهلية الاولي وحتي اليوم مثل المتنبئ واعجابي به غصبا عني وغصبا عنكم انتو كمان، كيف لا اعجب بشخص يقول:
أنا الذي نظر الاعمي الي أدبي++++ وأسمعت كلماتي من به صمم
سيعلم الجمع ممن ضم مجلسنا++++ بأني خير من تسعي به قدم
اذا كان الاطرش والاعمي بعرف ادبه وانا الحمد لله لا اطرش ولا اعمي كيف ما اعجب به؟؟ ماقلت ليكم غصبا عني؟.
وحاولت ان اسودن مثلثي ده اي اجعله كله من السودانيين بس المتنبئ زي ماعارفين ماسوداني بس في واحد قالي (عارف في ناس ح يقولوا زننننننن) احد احفاد المتنبئ ده هاجر للسودان وابالغ ليكم كمان قالوا استوطن في الجزيرة وازيد ليكم في المبالغة قالوا بالتحديد كانت اقامته بمنطقة السديرة، بس ماحدد في فريق وري ولا قدام، المهم العهدة علي الراوي، وياجماعة ناس السديرة ديل جدهم الرسول صلي الله عليه وسلم شنو كمان المتنبئ؟ ودي ذكرتني بطرفة بين العارف بالله مولانا شيخ جار النبي وعمنا محمد مساعد ( ودعلقم) ربنا يمتعهم بالصحة والعافية والطرفة انو جاء عمنا ود علقم لشيخ جار النبي ووجد حوله تلاميذه بعد ان القي السلام بدأ يسال كل واحد فيهم عن بلدته وبعد ان فرغ منهم جميعا لم يجد احدا من السديرة من ضمن هولاء وسال شيخ جار النبي بدهشة وين يامولانا ناس السديرة ؟؟ فرد عليه مولانا انو ناس السديرة قالوا جدهم الرسول صلي الله عليه وسلم بدخلوا الجنة ساااااااااااااااااااكت مابدوروا ليهم علم.
وثالث الرؤوس هو الاديب الشاعر المهندس المحامي السياسي(سياسي دي عارفكم مادايرنها، ملعون ابو السياسة)محمد احمد المحجوب فالرجل لايحتاج مني لكلمة يعرفه القاصي والداني والعرب والعجم فهو ثاني اثنين رفعا علم السودان في الاستقلال هو والزعيم اسماعيل الازهري وكان وزيرا للخارجية وورئيس وزراء السودان مرتين واخر مرة اطاح بحكمه جعفر نميري الله لابارك فيه وكان المحجوب مسكون بالادب والابداع في كل المجالات وصدرت له عدة مؤلفات في مجالات شتي منها موت دنيا مع عبد الحليم محمد والديمقرطية في الميزان(تااااااااااااني سياسة؟؟) وديوانان شعر قصة قلب ومسبحتي ودني والاخير هذا قصة الاسم جات من ان كان للمحجوب صديقتين زلمييتين اي شاميات شوفوا عليكم الله عظمة الراجل ده زلميات مرة واحدة المهم واحدة اسمها هدي والتانية امية وبعد ان عين رئيس وزراء ارسلن له تهنئة وذكرن له كنا نريدك في مجال الادب وخوفنا ان تسرقك السياسة عنه فقد كتب لهن قصيدة فيها البيتان التاليان:أنا يا امية شاعروالش+++عر مسبحتي ودني
وهدي النفوس قصيدة+++ روت الهوي والشعر عني]
منهما ا جاءت تسمية ديوانه مسبحتي ودني، والمحجوب كتب الشعر في الغزل وفي الحنين للوطن وله رائعة في ذلك اسمها تسبيح مغترب يقول مطلعها:بعدت دارها وعز لقاءها+++++واستبدت بنا فزاد هواها
قسما نحن حرها ماجزعنا ++++ا منه ولا من لظي شكواها
وكان يكره العساكر شديد وانا ذاتي بكرهم لانه كان يري انهم سبب تخلف الشعوب وقد ذكر في كتابه الديمقراطية في الميزان(لئن يعتقد المرء في عسكري ان يكون رجل دولة أشبه به من ان يطلب من المحامي ان يجري له عملية دماغ أو زرع قلب)) ايه الدخل المحامي بزراعة القلب ؟؟ والله دي ذكرتني كمان حاجة طريفة من ظريف السديرة احمد ود الجد حين قال ايه ادخل الدريش في الحياة الزوجية؟؟اي ياجماعة قالها ود الجد ومافي زول مابعرف ود الجد وياجماعة مافي داعي نشرح الدريش نحنا ناس جزيرة والماعارفنها علي كيفهم والطرفة دي ناس السديرة معظمهم عارفنها وتصلح تكون موضوع و ح احاول اعملها موضوع بس براحتي، المهم نرجع لكلام المحجوب مافي علاقة بين المحامي والطب ، والحديث عن المحجوب يطول ويطول بس والله فترت من الكتاية ، عاوز ليهو زول بالو طويييييل .
خلاصة القول ناس ماساهلين والله وزنهم دهب واكتر كمان ورايكم شنو فيهم؟؟؟
عدل سابقا من قبل حسبو العوض في الأحد أبريل 13, 2008 6:10 am عدل 15 مرات (السبب : حذف بعض الكلمات)
ثاني الرؤوس هو الشاعر الفات الكبار والقدرو اي السابقين واللاحين وهو ابو الطيب المتنبئ ورأي كل المهتمين بالادب انه لم ياتي شاعر علي مر التاريخ منذ الجاهلية الاولي وحتي اليوم مثل المتنبئ واعجابي به غصبا عني وغصبا عنكم انتو كمان، كيف لا اعجب بشخص يقول:
أنا الذي نظر الاعمي الي أدبي++++ وأسمعت كلماتي من به صمم
سيعلم الجمع ممن ضم مجلسنا++++ بأني خير من تسعي به قدم
اذا كان الاطرش والاعمي بعرف ادبه وانا الحمد لله لا اطرش ولا اعمي كيف ما اعجب به؟؟ ماقلت ليكم غصبا عني؟.
وحاولت ان اسودن مثلثي ده اي اجعله كله من السودانيين بس المتنبئ زي ماعارفين ماسوداني بس في واحد قالي (عارف في ناس ح يقولوا زننننننن) احد احفاد المتنبئ ده هاجر للسودان وابالغ ليكم كمان قالوا استوطن في الجزيرة وازيد ليكم في المبالغة قالوا بالتحديد كانت اقامته بمنطقة السديرة، بس ماحدد في فريق وري ولا قدام، المهم العهدة علي الراوي، وياجماعة ناس السديرة ديل جدهم الرسول صلي الله عليه وسلم شنو كمان المتنبئ؟ ودي ذكرتني بطرفة بين العارف بالله مولانا شيخ جار النبي وعمنا محمد مساعد ( ودعلقم) ربنا يمتعهم بالصحة والعافية والطرفة انو جاء عمنا ود علقم لشيخ جار النبي ووجد حوله تلاميذه بعد ان القي السلام بدأ يسال كل واحد فيهم عن بلدته وبعد ان فرغ منهم جميعا لم يجد احدا من السديرة من ضمن هولاء وسال شيخ جار النبي بدهشة وين يامولانا ناس السديرة ؟؟ فرد عليه مولانا انو ناس السديرة قالوا جدهم الرسول صلي الله عليه وسلم بدخلوا الجنة ساااااااااااااااااااكت مابدوروا ليهم علم.
وثالث الرؤوس هو الاديب الشاعر المهندس المحامي السياسي(سياسي دي عارفكم مادايرنها، ملعون ابو السياسة)محمد احمد المحجوب فالرجل لايحتاج مني لكلمة يعرفه القاصي والداني والعرب والعجم فهو ثاني اثنين رفعا علم السودان في الاستقلال هو والزعيم اسماعيل الازهري وكان وزيرا للخارجية وورئيس وزراء السودان مرتين واخر مرة اطاح بحكمه جعفر نميري الله لابارك فيه وكان المحجوب مسكون بالادب والابداع في كل المجالات وصدرت له عدة مؤلفات في مجالات شتي منها موت دنيا مع عبد الحليم محمد والديمقرطية في الميزان(تااااااااااااني سياسة؟؟) وديوانان شعر قصة قلب ومسبحتي ودني والاخير هذا قصة الاسم جات من ان كان للمحجوب صديقتين زلمييتين اي شاميات شوفوا عليكم الله عظمة الراجل ده زلميات مرة واحدة المهم واحدة اسمها هدي والتانية امية وبعد ان عين رئيس وزراء ارسلن له تهنئة وذكرن له كنا نريدك في مجال الادب وخوفنا ان تسرقك السياسة عنه فقد كتب لهن قصيدة فيها البيتان التاليان:أنا يا امية شاعروالش+++عر مسبحتي ودني
وهدي النفوس قصيدة+++ روت الهوي والشعر عني]
منهما ا جاءت تسمية ديوانه مسبحتي ودني، والمحجوب كتب الشعر في الغزل وفي الحنين للوطن وله رائعة في ذلك اسمها تسبيح مغترب يقول مطلعها:بعدت دارها وعز لقاءها+++++واستبدت بنا فزاد هواها
قسما نحن حرها ماجزعنا ++++ا منه ولا من لظي شكواها
وكان يكره العساكر شديد وانا ذاتي بكرهم لانه كان يري انهم سبب تخلف الشعوب وقد ذكر في كتابه الديمقراطية في الميزان(لئن يعتقد المرء في عسكري ان يكون رجل دولة أشبه به من ان يطلب من المحامي ان يجري له عملية دماغ أو زرع قلب)) ايه الدخل المحامي بزراعة القلب ؟؟ والله دي ذكرتني كمان حاجة طريفة من ظريف السديرة احمد ود الجد حين قال ايه ادخل الدريش في الحياة الزوجية؟؟اي ياجماعة قالها ود الجد ومافي زول مابعرف ود الجد وياجماعة مافي داعي نشرح الدريش نحنا ناس جزيرة والماعارفنها علي كيفهم والطرفة دي ناس السديرة معظمهم عارفنها وتصلح تكون موضوع و ح احاول اعملها موضوع بس براحتي، المهم نرجع لكلام المحجوب مافي علاقة بين المحامي والطب ، والحديث عن المحجوب يطول ويطول بس والله فترت من الكتاية ، عاوز ليهو زول بالو طويييييل .
خلاصة القول ناس ماساهلين والله وزنهم دهب واكتر كمان ورايكم شنو فيهم؟؟؟
عدل سابقا من قبل حسبو العوض في الأحد أبريل 13, 2008 6:10 am عدل 15 مرات (السبب : حذف بعض الكلمات)