ناس و ناس 2
ناس من الإستقلال
كل ما تسمع بيان
أبـشـروا جـات حـكـومـة قـويـة
خطب و مهرجانات
و تمر سنوات
و الشعب يصيح زى الـسـعـيـة
و المحصلة مـديـونية
تـدور الأيـام
الجماعة فى قفص الإتهام
قـضـايـا بالأكـوام
صـدور أحكام وبعضها إعـدام
فى الحبس
حـلـيـل الـهـيـبـة و الأهـمـيـة
شـنـو ورانـا
خلوا الـفـورة مليون و خمسمائة
و ناس لسه بتحلم بالديمقراطية
و ناس فاقدة الأمل
كل هـمـهـا تـفـرتـق العملية
والإغـتـراب جـبـايـات أ ذ يــة
و ناس الـسـديـرات حلمهم يا حـكـومات سـخـيـة
شارع أسفلت و ردمية
و ناس غلابة مزارعية
و ناس فترت من شغل اليومية
و ناس ما قـادرة تدفع رسوم الكلية
و خـريـج سـائـق رقـشـة
شـايـل هـم الإيـراد شـويـة
وناس زهـجـت من
أكل الفول و الطعمية
منتظرنك يا العيد
نشبع سـلات و شـيـة
و هـاك يا الـدشـوة القوية
و ناس تـفـتـش لـعـروس رابـعـة هـنـيـة
ثـلاثـة شـويـة
وأم مناها ضحكة بـنـيـة
و نـاس وفـيـة
ونـاس تـحـب صـبـاح و تـودع عـشـيـة
تحياتى
ابـــقـــديــر
عدل سابقا من قبل ابو قدير في الإثنين نوفمبر 23, 2009 1:51 am عدل 5 مرات