قصيدة ترحيب للمنتدى

عمل متواضع حبيت اعرضو عليكم ،فبالامس داهمت خوطرى هذه الابيات وياريت تعجبكم واتمنى ان تكون عربون محبة بينى وبينكم:
منتدانا ديمة ناير بوجودكم انتو والله
القلوب تهتز فرحة انتو يوم تدونا طلة
والسعادة نشوفها بيكم والحزن راح فات وولى
بوجودكم ديمة نسعد والفرح بيكم تجلى
يلا شخبطو واسعدونا وخلو كل دنيانا جنة ********
يا مكارم يا اميرة انت زهرة منتدانا
واصلو ما حانشيل هموم طالما الريح معانا
وانت يا يس ابونا وريدك اتملك دمانا
وحسبو فى الوجدان مكانو زى قمر فى عز دجانا
*************
ويلا يا ود العبد كتر اخبار السديرة
وانت يا ود الفكى بيك عشقنا المستديرة
ويا وليد ارجوك سارع بهداياك المثيرة
وانت يا دفع الله روحنا ونشوة ارواحنا السكيرة
***************
يا سمير يا راقى ديمة يلا كتر فى العلوم
واوعى من الانجليزى حبة بس عند اللزوم
وكل اعضاء منتدانا ما نسيناكم اكيد
انتو بالجد نور عيونا وبيكم الوجدان سعيد
يلا دردشو نورونا وخلو كل ايامنا عيد

مونتى ..(عاشق السديرة والميلان)،،،،

مبااااااالغه طبعا
ما غريب عليك الابداع يا منتصر ولا انت شاحدو...
أخجلتنا طبعا بس يا ريت تظبط لينا واحده في السديره
لأنها عشقك وبتستاهل واحده من ابداعك
يديك العافيه وما توقف......

قصيده جميله جدا نتمنى لك التقدم فى مجال الشعر
فى الردود اعلاه لمحت اسم ابو قدير لو انت ابنه بلغه تحياتى وهل هو مازال فى الرياض ام رجع السودان وتحياتى للبهجه البشير الحضرى

صراحة أول مرة أعرف انو منتدانا فيهو شعراء عظماء زيك يا ريت لو تكتب أشعارك في المنتدى عشان نتطلع الى فنك الجميل

انا شاكر لكم كل الشكر وساحاول ان اكتب لكم بعض ما نظمت فى المنتدى ان شاء الله،والى الاخ الكريم عبد الوهاب محمد الفكى ابوقدير قريبى وانا /منتصر الفاضل محمد ابوقدير ولكن كلو واحد فكلنا اهل.........

تحياتى اليك يا بنت الخالة ولكل اهلى واحبابى فى المنتدى..والله انا فى قمة السعادة وانا بينكم
وانا شاكر لكم تفاعلكم الطيب مع القصيدة..
عزيزتى مكارم انا التمس العزر للاستاذ والخال العزيز فيصل محمد ابراهيم فهذا الرجل الهرم
تقع على عاتقه مسؤلئية كبيرة ومشغول طوالى فهذا الرجل رقم كبير جدا فى شركة عبد السلام
الخبير للاستيراد والتصديرولا يمكن تجاوزه لذا اعذرو الرجل فهو لا يملك الوقت الكافى لمراسلتكم....
اطيب التحايا.......
مساكم قشطة بالحليب
مونتى.......

مشكوووووووووو ر والله القصيده مبالغة شى فى قمة الروعة
ابو غدير بس احب اسال عن علاقتك بالدغير شنو
شمس الدين جادو من ودبخيت الفرقان

الاخ شمس الدين تحياتى وتقديرى والدقير أخوى


ابوقدير

يامنتصر أين أنت وأخوانك وأهلك الشايقية
قبل أسبوعين فى قناة الشروق شاعر اسمه تاج السر عباس قال قصيدة شوق السنة حقته ملكه وألقاها ما هذا الاحتيال


ابوقدير بابكر

لاستاذ الرائع وابن العشيرة الكريمة ابوقدير نحن بالف خير وكل اهلى يسلمو عليك والله جد اشتقنا الى عودتك والحمد لله ابنتك ابتهال مستقرة اكاديميا وناجحة بتفوق ،اما عن القصيدة فهذا الرجل محتال وقد لقنته اختى نبيلة(توتا)درسا لن ينساه ويبدو انه مصر على اللعب مع عائلة ابوقدير ،ياللمسكين ما يعرف ماذا تعنى عائلة ابوقدير
لك التحية مجددا استاذ ابوقدير واتمنى ان لا تحرمنا من عبق حضورك البهى.....

من هنا و بشهاده شعراء و ادباءالمنتدى. اسميك يا منتصر شــــــــــــــــاعر المنتدى و الله و لا شاعر المليون . و ين الجديد؟؟؟؟؟؟!!!!!!!!!!!!!

اطيب التحايا اليك ابن خالتى العزيز جدا سمير،كيف احوالك وكيف حال المشاغب عامر ارجوك بلغه تحياتى وقول وحشتنا يا عمورى حرام عليك كده،وان شاء الله يا سمير يا ود الخالة ما دام نصبتنى شاعر للمنتدى حا اجدع عليكم واسمعكم الكتير...
عاطر الاشواق وكل الحب،،،
مونتى

هلة بيك
ؤمنؤر المنتدة يا منطصر
كيف حالك ؤاحؤلك
تاج الد ين الطيب