| ناس المنتدي كلكم صباحكم زين واضائرو شوية انا جيت , اليوم طالع من البيت ماشي الشغل ومجرد خروجي دخلت في حالة الجنون الصامت تبعي وطوالي شبكتي طشّت ودخلت في حالة الذهللة والشتات الفكري , والشتات الفكري ده حالة عندي بناقش فيها نفس داخليا وبتطرق فيها لكل المشاكل والبلاوي بتاعتي في اطار صامت ولكن اثناء هذا الاذبهلال العقلي بنفصل عن جسدي تماما وعن العالم الخارجي ,حتي المسافة بين البيت والمكتب بمشيها لا شعوريا بلقي نفسي في المكتب كيف ماعارف! وانا بصراحة بعتقد ان الحالة دي نوع من الجنون والصراع النفسي وبالخليني اقول الكلام اليوم عندما خرجت الصبح ودخلت في حالتي الصعبة دي رجعني للواقع صوت الجوال وهو يرن المهم رديت علي المكالمة وقبل ادخل الحالة مرة ثانية شفته لي سوداني جاي من بعيد وشغّال مع نفسو حوار في وضع النغمات والهزاز , الزول بيكلم في نفسو بصوت مسموع وعالي وكمان يلوّح في يديهو لمن خلاني اشك في نفسي واسأل يمكن يكون معاهو زول وانا ما شائفو فركّت عيني وعاينت تاني برضو لقيت الزول بتكلم براهو " الليلة عاد يالشيخ طه الابيض "المهم خليت الزول في حوارو داك ومشيت علي المكتب , الحاجة التانية قبل شهر برضو في واحد سوداني انتحر في كبري الوشم بالرياض قريب من مكان الشغل واتضح انو في الايام الاخيرة جاتو نفسيّات ده الخلاني اكتب واقول عووووووووووووووك ها ناس هوي الحقوووو المغتربين نفسيّاتهم زادت "يا ابو مروءة عووووووووووك . المغتربين عاقلهم بكلّم نفسو في الصامت ومجنونهم بكلمها علي النغمة والهزاز والبصل مرحلة اليأس بنتحر ود شوف عين وسمع اضان . اها يا ناس المنتدي ادوني كباية شاي الصباح . | |
| |  |
