بالله عليكم لو تأكدت صحة الخبر ده شنو يكون رأيكم؟ لكن والله انا شخصيا مامستغرب لان السديرة في كرة القدم منذ القدم رائدة والكل يشهد بذلك قبال جبريل بزمن، واخونا الريح <<اب .......>> ده من الافذاذ الذين مروا علي السديرة في الكورة يعني منتدانا ده بشهد علي كده، لكن بالرغم من ذلك انا كنت الكابتن بتاعو (بتذكر لما كنت كابتنك في فريق الشعلة يابتاع الجقاجق) يعني اخوكم ده (انا يعني) كا مفروض احترف في ريال مدريد او برشلونة وبالبطال شديد في الارسنال.خلونا من داك وده قلت ليكم ناس السديرة في كرة القدم رهيبين عديل كده وصراحة الخبر ده والله اثلج صدورنا وفرحنا شديد واثني كلام الاخ بكري الدعم السريع والعاجل وادفعوا لي معاكم ياجماعة انا بعيد والله العظيم احلكم ياخي لو ما اديتكم البطن مافيها وجعة في سبيل السديرة والخائف مني بقول ليهو شيل الخاتم((خاتم الحواشة)) هناك من ابوي وامش اصرف انت شيل قروشك وادينا باقينا.المهم السديرة في كرة القدم دكت حصون اعتي الفرق، وكان الكل يهابها اما جابوا ليها محترفين أو مشوا الي .....،.الريح ذكرني بدورة ابوقوتة والكلام ده مابدري الريح اب......كان لاعب فيها (عشان ياعبد الماجد ماتشاغلني)، بذكر ناس ابوقوتة جابوا احسن لعيبة في دوري الممتاز من الخرطوم..
ياجماعة يعني لو شاركت السديرة ممكن تمثل السودان في بطولة الاندية الافريقيةوكده يعني ممكن ناس السديرة يمشوا يشجعوا في غانا وجنوب افريقيا وكوالا لامبور(دي في افريقيا؟؟ ولا انا قادي جغرافيا؟؟)) يلا الدعم السريع والعاجل عليكم الله.
عدل سابقا من قبل حسبو العوض في الخميس أبريل 03, 2008 12:07 am عدل 1 مرات
ياجماعة يعني لو شاركت السديرة ممكن تمثل السودان في بطولة الاندية الافريقيةوكده يعني ممكن ناس السديرة يمشوا يشجعوا في غانا وجنوب افريقيا وكوالا لامبور(دي في افريقيا؟؟ ولا انا قادي جغرافيا؟؟)) يلا الدعم السريع والعاجل عليكم الله.
عدل سابقا من قبل حسبو العوض في الخميس أبريل 03, 2008 12:07 am عدل 1 مرات