العربي والسفرة

الغالي العزيز ود الشيخ حبابك والله بس يبدو لي اولا عندك مشكلة في الخط كبرو شوية لانو الكبر دخلنا..
ثم ثانيا..مشكور علي الموضوع و يبدو ان الخليفة سليمان بن عبد الملك كان رجلا حكيما وحصيفا ولولا انه كان كذلك لقطع راس الاعرابي...فهل ياتري في زمننا هذا في حكايات مثل حكاية هذا الاعرابي والخليفة الاموي؟؟؟؟
مع تحياتي

Mohamed Ahmed Eshiekh كتب:

حضر أعرابي سفرة (الخليفة الأموي) سليمان بن عبد الملك فلما أُتي بالفلوذج ( وهو من انواع الطعام الذيذ) جعل يسرع فيه , فقال سليمان : أتدري ما تأكل يا أعرابي ؟ فقال الأعرابي : نعم إني أجد ريقاً هنيئاً ومزدرداً ليناً وأظنه السراط المستقيم الذي ذكره الله في كتابه , فضحك سليمان وقال : أزيدك منه يا أعرابي , فإنَّهم يقولون أنَّه يزيد في الدماغ . فقال الأعرابي : كذبوك يا أمير المؤمنين لو كان كذلك لكان راسك مثل رأس البغل .

الاخ حسيب والاخ ابو عمر مشكورين على المرور الجميل والتعليقات الأجمل , ,,, ويكون حصل للعربي الوهم ده في الزمن الكعب ده أنو الأمير ( قصدي الرئيس ) ح يأمر بقطع رأسه ويحشوه بالفلوذج وفي حالة العدم بالباذنجان ( وأكيد ده متوفر),خصوصاً بالشطة . ولكم اجمل التحياتي

مشكور ود الشيخ للقصه


لكن الفلوذج ده هسع في زمنا ده موجود ؟؟؟

مشكور يا ود الشيخ ممكن توصف محتويات الفلوذج عندي نية اعملو في البيت

الاخ ود الخليفة , الاخ الشمالي مشكورين على المرور والتعليق , والفلوذج أعتقد هو الزخنين المُحَلَّى بالهنجيع , فإذا لم تجدهما في السوق فالسبندش يغني عن ذلك ويؤدي الغرض , ,, واحتمال كبير يكون الفلوذج هو الكستر والله أعلم .

لا حول ولا قوة الا بالله , يا خوي غيرت راي واحسن اكل لي كستر وجنن تعرفو ولا جننا لا تعرفو

مشكور يا ود الشيخ على قصص الاعرابي الجميلة
ودمتم بود

شكراً بدر الخليفة , وبقول ليك نعم موجود بإسم آخر لا أذكره الآن لكن ح أوصف مكوناته للأخ الشمالي هو عايز يعملو في البيت , يلى يا الشمالي طلِّع ورقة وقلم واكتب :
1/ نصف كيلو من دقيق الهردبيس 2/ نصف كوب من زيت البامية 3/ كوبين حليب القدالي ( وبالعدم حليب بتِّبْعِر)
4/ نترات الألمنيوم 6فناجين .
هنيئاً مريئاً .