امل حياتي

عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين واقوت مرتع صباي واهلي
اشيل الزاد غنيواتن اردد فيها من جهلي
كلامه يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرته عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغل قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال[code]

ابو الزهور والاخوة رواد المنتدى الكرام
كل عام وانتم واهل لندن والسودان والسديرة والحاج يوسف وعموم الاهل بخير
القصيدة شدة انتباهى وحركت فى الاحاسيس للكتابة التى توقفت عنها منذ باية الشهر الكريم
نتمنى منكم ايها الشباب ان تسعدونا بتلك الكتابات الجميلة ووينك يابوطلعت

قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال

اديك العافية ابو الزهور
كل سنة انت طيب

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

لكم وافر الشكر والاحترام ورمضان كريم ياجدي وعمي محمد قسم السيد والي الغالي ابوحداد

الله الله عليك اخي ابوالزهور علي الروائع التي تنساب من قلمك الذهبي الذي لم يعرف انقطاع المداد من اول وصولك الي منتدانا العامر وحتي هذه اللحظة الجميلة اتمني لك التقدم والازدهار وان تكون الغربة عليك حنينة وماتشيل منك الضحكة البشوش ودائما خليك حامل الفرح والتفاؤل لانها هي التي تعطي الانسان دفعة قوية الي الامام كي يرجع شاشاي الي وطنو... الي اهلو ... الي حبيبو ... الي كل شيئ كان ومازال يحس به ويتمني ان يرجع له ...والتحية موصولة مني الي العم الغالي محمد قسم السيد الذي دوما بيطرانا بالخير له ولك مني اجمل التحايا وماطولو الغيبة .... ابوطلعت ،،،،

عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين واقوت مرتع صباي واهلي




تسلم يا أبو الزهور