أشعار : منادي القلب :

نادي منادي القلب الواجف
ولب البشر الصوت الخافت
جينا البلد الطاهر عمره
وسال الدمع السابل وزارف
****************
ركعنا ... سجدنا .... طفنا ... سعينا
جلسنا دعينا .... تلينا مصاحف
زرنا الحمزه ... وسبعة مساجد
زرنا بقيع الجبل السالف
***************
بقيت بالحب النبوي متيم
مليت بالشعر الصوفي صحائف
قلت أزورك أعانق نورك
ونبض القلب ... الشوق الجارف
***************
أسقيك أحساس بموية النيل
وغنوة ريد بصوت الكاشف
سألت عليك مليون متغرب
سألت عليك أحزاب وطوائف
***************
طلبت العقل الآلي السنتر
لعلو يحدد نمرة هاتف
وكان الرد السلبي مسطر
وقال العقل البنضم آسف
***************
خلاص الامل الشايلو اتبعثر
ورفض الحظ القاسي إحالف
ولما العقل إحتار وإتحير
قلت أسافر ليك أجازف
**************
أركب عربة ظريفة خفيفة
أأ جر هنتر وطبعاً عارف
لو تترجل خالي إقامة
تكون فى حساب الشرطة مخالف
**************
مهما تحاول تختا الكشة
ليك العسكر لازم إصادف
أقول ليك وخر وراء ... هويتك
جنب عندك وخليك واقف
***************
رجعنا بلدنا وما إتلاقينا ما إتهنينا
بالونسات الفيها طرائف
ارجع بلدك ...... كمل دينك
شقا فى الغربة الزول العازف
***************

مشكوووووور على الرسائل الرائعة