توجد قهوة بالسديرة....

في ظلها قد طاب لي مقيلي........

غايتو جبت بنبري وشديت القهوة في كانوني الداير يشرب يجر ليه بنبر ويجي يقعد

ونفتو سوا علي نسمات هبوب النيمة وريحة البخور الطاقة :D

عدل سابقا من قبل دعش في السبت أغسطس 09, 2008 9:55 am عدل 1 مرات

عجبتني بس............

قالوا ليك المراسل ادروب يتصل بالحكومة

ادروب: الو هكومة؟

الحكومة: نعم ادروب

ادروب: الأدو ألى بؤد خمستا اميال (العدو على بعد خمسة اميال)

الحكومة: علم

ادروب: الو هكومة .. الأدو ألى بؤد اربعتا اميال

الحكومة: علم

ادروب : الو هكومة .. الأدو ألى بؤد أتنين اميال

الحكومة: علم

ادروب: الو هكومة .. هاك كلم الأدو
:lol: :lol:

الاخت دعش السلام عليكم
شكرا على العزومة على القوة
بس حددى المكان ونجى نشرب القهوه ونفتو معاك سوى
فى ضل النيمة وفى الهبوب البارده وريحة البخور الطاقة !!!!!
والادروبى بهيمة مو عارف البشير ما بخاف من العدو !!!!!
سؤآل (إنت بتعرفى السديرة الكتير خيرة؟؟)

هلا ومرحب دعش والله مشتهين القهوة ونفسنا فى القهوة فى ضل النيمة او ضل الراكوبة
وموضوعك مشوق جدا
بس ياريت ان ينقل الموضوع فى المكان المخصص لية وهو منتدى الفكاه والنكات
ولك شكرى وتقديرى
والله الموفق

الاخت دغش
نحيك على العزومه المليئه باحساس اهل البلد وجلوس على بنبره وعبر هذا المنتدي الرائع نقوليك قهوتك بنشربا
بس فوق الجوع صعبه عشان كده بندوع والمعاك لتناول سندوتش بيرقر ونجي نقعد في النبابر
وربنا يقوينا غلى قهوتك

الاخت دعش حيك الله
لوسمحتي قهوة في كباية لانني مستعجل شويه وعجبتني قعدتكم تحت النيمه ومعك الشله

الاخت دعش السلام عليك ورحمة الله , والله الواحد ما بقدر يجي في عزومة ما عارف اسم صاحبها , وحقيقة الأسماء شديدة الإختصار هذه لا تكفي لاجتماع الناس في منتدى , وارجو منك ومن كل الأخوة والأخوات أصحاب الأسماء المختصرة هذه أن يعرفونا أكتر على أسمائهم وهوياتهم , وبعد داك مرحب بي (جبنتك) أو قهوتك . أخوك ود الشيخ .