ليه القروش بتغير الزول

ليه القروش بتغير الزول ؟؟

لي لمن الواحد وضعو المادي يتغير للاحسن بيبداء يتنكر لي اصحابو مع العلم انهم مامحتاجين منو شي ..

لي بينسا ايام كانو بيتقاسمو كل شي بينهم .

لي بيفكر بس كييييييييييييييييف يبعد عنهم ويحاول بي اي طريقه يبعدهم من طريقو .كما لو كانو وصمه

عار في حياتو الجديده دي .


لي بيتغير كل شي فيهوخاصةاسلوب كلامو وحتي المشي يتغير وبيدا يتصنع في كل شي...

لي بيحاول يظهر ليهم بي مظهر انو ما اقلا منهم في شي ؟


اسئله دارت في بالي لمن لقيت بعض الاصحاب القدامي بيتعاملو بالطريقه الغريييبه دي

بس مالقيت لي اي اجابه مقنعه للحاصل ليهم دا

ياربي يكون منطبق عليهم المثل اللي بيقول الماشف البحر بتخلعو الترعه؟؟؟؟؟؟؟؟؟؟

ياريت القي عندكم اجابه




امين بستوني

اخى امين كيف حالك التمس لاخوك سبعين عذرا
بعض الناس ممكن تغيرهم والبعض الاخر ممكن يتخيل لينا انهم غيرتهم بس دائمنا المال لما يجيك بيجيك بمشاكلو فبسبب الانشغال والانسان عينو مابيمليها الا التراب فالعندو مليون بيسعى لمليونين والعندو 100 بيسعى لل200 فبيجرى وبيلهث وراء الماتتسماش زى مابيقولو اخونا المصرين فبيحصل الانشغال فبيتخيل لينا انو تغيرو
والموضوع فى الكلام دا يطول شرحو
والله اعلم
ولك شكرى وتقديرى
والله الموفق

الاخ امين السلام عليكم
قال الله سبحان وتعالى ( المال والبنون زينة الحياة الدنيا) صدق الله العظيم
وذى ماقلت إنت بتاع ال100مع بتاع ال100 نتاع المليون مع المليون
والعندو عربية مع ناس العربات والتجار مع التجار والغلابة مع الغلابة
وهذه سنة الحياة يا شيخ امين

اولا السلام عليكم , ثانياً إذا قصدك تغير أخلاقو مثلاً للتعالي والقطرسة نقول ده إنسان ضعيف ومستجد نعمة ولم يشكر النعمة لما جاتو , وهي غالباً لا تغير الناس الاصيلين المؤمنين الشاكرين الذاكرين ايام الفقر . أما إذا القصد أنها تغير الإنسان بسبب المشاغل والطور الجديد بمعنى ستستجد عنو المشاغل بسبب هذه المال وده شي طبيعي , ولكن مهما كثرت مشاغله فلا ينبغي أن ينسى واجبه مع الناس , وشكرا لك أخي . أخوك ود الشيخ.