ادلى برائك بكل صراحة

تحياتى اعضاء منتدى السديرة احيكم جميعا واطرح هذا الموضوع للنقاش
مارئكم فى قنواتنا الفضائية السودانية
هل توصل الهدف المرجو وهل قدمت ماهو فى المستوى
ومارئكم بصراحة فى قناه زول وماهو المغزى من مزيعات غير سودانيات واغلبية البرماج غير سودانية
مارئكم فى قناه ساهور وماتقدمة من مدائح لفنانين مرتادى اغانى اليوم يمدح ويذكر الله وغدا فى الشروق يغنى ويرقص هل هذه مايسمى ( بالازدواجية)
وماريكم فى القناه السودانية العامة القناه الام اذا صح القول ومايعجبكم فيها من برامج ومايزعجكم فيها من برامج
موضوع مطروح وياريت اسمع راى كل عضو بكل صراحة
ولكم شكرى وتقديرى
والله المستعان

الاخ هيثم أولأ القناة الفضائية السودانية صراحة مواضيعها مكررة من زمااااااااااااااان
وهذه الدورة عمرها إمكن (150) سنة ومافيها برامج حلو الا سهرة المديح يوم الاثنين
التى يقدمها البروفيسر (القرشى) وسهرة الاربعاء (من الامس) + برنامج (سمر المدينة)
يوم الخميس الساعة 7 مساء التى يقدمها المذيع (ناجى حسن) والباقى حمدو فى بطنو
بالنسبة للمذيعين قرأتهم غالبيتها فيها أخطاء ومستعجلين فى قراة الاخباروخاصة جمال الدين
مصطفى, وفاطمه عوض, وكوثر بيومى ..>>>>
(فناة ساهور) ماعندها موضوع أولاد غير معروفين خربوا المديح ولايعرفو أصل
المديح !!!!!!!!!!!!
(قناة زول) الله يكون فى عون الزول برامج غير مفهومه وغير مرتبة
(قناة الشروق) إمكن تكون أحسن حالا فيها بعض البرامج التى تناقش هموم المواطن
والمذيعين كويسين واخبارها احسن شوية >>>>>>>>>
نتمنى التقدم للتلفزيون السودانى لانة مهم للمغترب السودانى
ولك الشكر الشيخ أسامة على هذة اللفتة البارعة منك

لك الشكر الشيخ هيثم تصحيح لما قبلي وتحياتي لأسامه حسن

الموضوع جميل و جدير بالنقاش و احييك علي التنويع يا هيثم انا كلامي مختصر و اتمني انه يوفي

القنوات السودانيه فيها الصالح وفيها الطالح ابو عمار ذكر المحاسن و في نفس الوقت ذكر العيوب و انا برضو حا امر بنفس المستوي حا اذكر المحاسن و العيوب وميه في الميه حا نختلف في بعض منها وده راجع لأختلاف الازواق

القناة الاولي فيها الشي الجميل و بتوصل رساله و تبقي هي الركيزه الاعلاميه الاساسيه وبنلف بي الريموت الدنيا وما فيها من قنوات وفي النهايه بنرجع ليها و تكون ختام التجوال هي في الترقيم التسلسلي عندك في البيت رقم واحد

ساهور قناة جميله جدا جدا و يكفي انها بتحمل اسم القمر المكتمل اما مافيها من برامج فهو موجه لفئه معينه من الشعب و بنسبه معينه لأنه التنويع حاصل
فيها مداح كبار جدا و في نفس الوقت شباب وكل شخص يجد ضالته اما فكرة عرض المديح بالموسيقي اختلفت فيهو الاراء وده موضع يطول الجدل فيه
لكن تبقي قناه صاحبة رساله ولكل زمن فنانه
هارموني انا شخصيا بعتبرها قناة صاحبة لونيه مميزه وان كان البدايه متوعكه وبدت تنتحي منحي القنوات التي تعتمد الدعايه و الاعلان وسيله و دي سياسة كل القنوات و اعتمدت تكرير البرامج بصوره مزعجه ولكن شوية صبر وحا ترتقي لمستوي التميز
ونكون واضحين يا جماعه الفضاء ملياااان قنوات واحد بس يقول لي ياتو قناة موصله رساله بالصوره المطلوبه ؟؟؟
ولا بس نحن شغلنا اعوج؟

اشكركم مبدعين المنتدى ابوعمار والريح انا اخى الريح اضم صوتى لصوت ابوعمار العمده لانو فعلا هناك تقصير وبعض البرامج الممكن الواحد يتابعها تعد على الاصابع
ومش عاوز استعجل الامور واترك قلم اعضاءالمنتدى ينصفنا او ينصف قنواتنا ووضعناه قاضى بيننا
ولكم شكرى للمرور وفى انتظار بقية الاعضاء
والله الموفق

الاخ ودحسن جد القناه السودانية زيماقال الاخ ابو عمار موضيع مكررا ياالاخ الريح بنرجع لانو ده الشوق للوطن لانو بقولو الطشاش في بلد العمي شوف وهي الطشاش في الغربة مااكتر ابسط شي شوف حور في اي قناه غير سودانية في اختلاف شديد

فعلا ابوحداد كلامك مظبوط حتى انا الملاحظ لية فى الديكورات حتى دائمنا الكراسى مكشوفة وماشاءالله السودنين يملكون طول الارجل تلاقى المزيع والمضيف متلاقيات من تحت الطربيزة وثانيا اى حد عاوزين يعملو معاه لقاء او اى حوار ممكن يلبس اى شى تلاقية عمرو مالبس كرفتة يجيب يلبسها للقاء فقط فتلاقى القميص من اتجاه والكرفتة اتجاه والبدلة من اتجاه وطبعا دا من اختصاص الديكور الا مارحم ربى ويديها زينا الرسمى المتعودين علية المزيعين والمزيعات تنقصهم الخفة فى الحركة والسرعة فى الكلام كانهم خمول الدنيا كلو فيهم ولايوجد جذب المشاهد فى اى برنامج يشعر المشاهد بالنعاس من جلستهم وعدم سخونة الحوار
برنامج الشروق مرت من هنا لية مايكون هناك جائزة لاى سؤال لية جائزة واحدة من 10 متسابقين وكلهم اجابتهم صحيحة
ومالفت نظرى فى احد الحلقات كان احد المشاركين ( اخرس) او ابكم فمحمد موسى طرح علية بلغة الاشارة السؤال او حوار واخيرا شكرو ومشى
دول من ذوى الحالات الخاصة فى دول اليهود ليهم معاملة خاصة ياخى ادى الرجل جائزة حسسو بانو انسان دى قناه فضائية فتحس انو المزيع ليس له حرية ليبدع او يطور او بمعنى اصح مرسومة لية خريطة مايقدر يحيد عنها
دى بعض العيوب فقط
ولكم شكرى وتقديرى
واشكرك ياسر على المرور الكريم

والله الموفق

هل هذه كل ارئكم بصراحة عن قنواتنا والله الكل متحفظ والله خلاص نقفل الموضوع والله اراء شبابنا راحت فين
يلة ياشباب عاوزين نسمع ارئكم بكل صراحة
ولكم شكرى وتقديرى
والله الموفق

اخي ورفيق الدرب ابو الهياثم لك من عاطر التحايا والاشواق الموضوع جميل للنقاش بس عاوز اقول ليم في مثل بقول (لالوب بلدنا ولاتمر الناس ) ولاتعليق

اشكركم الاخ يسن والاخ الصادق على مروركم الكريم وترك بصماتكم فعلا معاكم حق
بس اخى الصادق ماممكن لالوبنا دا يتغسل ويتنظف من التراب ويتظبط كدة علشان الطعم يكون احلى حتى لو لالوب
والاخ يسن نحنا ماقلنا شى انو هى قنواتنا المفضلة بس لية نقص فى الاستوديهات واول مابندفعو من ضريبة اسمو فضائية ماممكن يظبط 50 استوديو لو من كل مغترب فى الدول العربية ماقيمتة ريال وكل مغترب فى الدول الاوربية مقدار دولار فقط
ولكم شكرى وتقديرى والله الموفق

الفضائية السودانية
1- ترسم صورة سودانية خاطئة لبعض الدول
2- الحاجات كلها اللى ذكرتوها
قناة ساهور
جايبة ليها فنانين ماعندهم خبرة باالمديح

قناة زول
في نظري حلوة بعض الشىء

قناةالشروق
اعتبرها رائعة فيها برامج حلوة وممتعة
وبرغم العيوب انا مابتابع الا القنوات السودانية وبرفع بيهم راسى بس دى رائى
والكلام دة معاكم انتو بس

الاخ ابو الهياثم حياك الله وأبقاك
معظم القنوات السودانية الجديدة ساهور_زول_الشروق
ساهور قناة كيف لفنان ان يمدح ويغني المسألة مسألة مادية بقولوا المدحة ب250 الف ده مصدر دخل جديد
زول ليست هادفة ويجب أن يعاد النظر فيها
الشروق هي من احسن القنوات حاليا بها برامج حلوة وممتعة ومواضيع مفيدة
اما التلفزيون القومي
به اخطاء وانا شاهدت حلقة لايناس محمد احمد هنالك أحد المشاهدين إتصل بها أثناء الحلقة علي الهواء وقام بالهجوم علي المذيع أسامة الخليفة من ناحية القراءة ومن تكرار خطأ لمدة اربعة ايام وكان ذلك علي الهواء مباشرة وماكان من إيناس الا وأن قامت بالاتصال علي الهواء بأسامة الخليفة وماكان من اسامة الاوإعترافه بالخطا وكل الشعب يتابع البرنامج والموضوع كان عن البورصه والاسهم في الخليج تكررت لمدة اربعة ايام بنفس الصيغة شوف بالله ياهيثم ده مدير برامج (وبقول الخطأ متعمد لعطل فني)يعني هنالك مشاكل في قنواتنا
ولك الشكر

اشكرك اخى محمد الافندى علىالمرور الكريم
ولك شكرى وتقديرى
والله الموفق