أيـام زمـان للرائع التجاني حاج موسى

والله أيام يا زمان … ببكي وأتحسر عليك
ومابيقولو العشناه كان … وأرمي حبت لومي فيك
والله أيام يا زمان ..
لسه راجيك يازمان … بحبة الذكرى المعاي
عايشه في وجداني جوة … ولسة بتدغدغ حشاي
ويمكن الحبيتو مرة … ألقاه في كلمات غناي
أصلو بتصحي المشاعر … ويمكن الطول سهاي


تغشى ليلاتو البشاير .. ويمكن الفرح الزمان ..
لسة أصداه بترن .. غنوة حاضناها الضفاير
والله أيام يا زمان ..


جايز الأيام تحن … وتصحي فيك نبل المشاعر
ويمكن المجروح يئن … وتغشى ليلاتو البشاير
ويمكن الفرح الزمان ... لسة أصداه بترن ...

تسلم ياودالفكى رائعة جدا وانا من محبى التجانى حاج موسى وقصائدة الفريدة
لك شكرى وتقديرى
والله الموفق

سلمت اخى هيثم وهذه القصيده تقبلها شيئ بسيط منى ليك فلتكن عربون صداقه بيننا لك تحياتى وتقديرى اخى العزيز