الزى القومى

نحن ياأخوة عاوزين الزى القومى الذى غنا له فنان السودان الكبير محمد وردى !!!!
جلابيه وتوب سروال ومركوب وعمه وسديرى وسيف وسكين +شال+عباية
وكفاية على كدة الزى القومى وأنتو مخيرين مع الموضة والزى الغربى ؟؟؟؟؟؟؟؟؟؟؟؟
والعاوز بقى غربى هو (حر) والعاوز يمشى على الموضة هو (حر) والعاوز يمشى
(عريان) هو مجنون**************

الاخ ايو عمار والريح
الزى الفومى عند اهل وسط السودان هو عراقى وسروال ومركوب قطع جنينة وطاقية حمراء وللكبار توب وفردة قنجة او بنغالى وفى حالة العدم الدمورية وزن عشرة فتقة ونص او قول رقبة جمل وزمن
وهسع بقيتو تلبسوا على كيفكم

محمد قسم السيد حمد

ياعمى الحاج والله الزى الجبتو دة من زمن جدك ودجبر جد جدجدك محمدعلى درويش !!
الذى حارب مع الامام المهدى فى ام دبيكرات وابشرك اخونا الريح ماهو رآضى
بالجلابية والعراقى والسروال هل يرضى بالزى ده ؟؟؟؟؟؟؟؟؟؟ وين الخرطوم بالليل ووين
الترقال.....ودقق يامعيجنة ******

يديك العافية ياعمدة ياحليل زمن مابرجع ونحنا برناجاهو والظاهر حاطول غيبتو ورجاهو
انت بتتكلم على زمن جدى وجدك وزمن الخير عامى والمسوح سمن صافى والتريق روب مكسور بموية سعن وكوز تمر مع كورية ام قعر لبن طازج قنانتو تجيب الجيران لو تعرف ترجع دا ياعمدة تاكد الزى مامشكلة زى ماقلت كلمتك الاخيرة
ولك شكرى وتقديرى
والله الموفق

زعيمنا وعمدتنا ابو عمار اصبح الزي القومي معدوم هذة الايام والناس مع الموضة وتقليعات الغرب ولكن الاصيل يبقي اصيل بي الحفاظ علي زية القومي الذي تغنا له الفنانون والجلابية بيضة مكوية يا العمدة بسحروووووووووووك لي ودمت يا عمدة

أبوعمار العمدة كتب:

نحن ياأخوة عاوزين الزى القومى الذى غنا له فنان السودان الكبير محمد وردى !!!!
جلابيه وتوب سروال ومركوب وعمه وسديرى وسيف وسكين +شال+عباية
وكفاية على كدة الزى القومى وأنتو مخيرين مع الموضة والزى الغربى ؟؟؟؟؟؟؟؟؟؟؟؟
والعاوز بقى غربى هو (حر) والعاوز يمشى على الموضة هو (حر) والعاوز يمشى
(عريان) هو مجنون**************

شكرا ليك ياعمده والله نحن هنا فى الغربه بنعتز كتير بزينا القومى انا خاصه بهتم بيهو اكتر من فى السودان

شكرا الاخ محمد عبد الوهاب وعاوزين نشوف صورتك فى المنتدى
بالجلابية والعمه والشال والمركوب والسكين
يلا أتحرك>>>>>>>>>>

غالى والطلب رخيص يا عمده اوعد انو اغير صورتى بالجلابيه والعمه والشال والمركوب
شكرى وتقديرى

يا محمد عبد الوهاب وين وعدك الحكاية طولت