صدقني يابا

دمعاتي جارية ولسه كابا
كاسرة زي سيلا دفر
دمر شتول نوارو شابا
قطع حشا الفرع الرطب
حتحت خضر نديانه دابا
شرد عصافيرا بنت
اعشاشها في اخر السرابا
صدقني يابا
ليلي مفروش الاسي
خلي معروش الكابا
فاقدة الحنان الفيك رسي
تايهه زي شفع ضهابا
شاردة في دروب الشقا
مقطوعة زي شدرات في غابا
خايفه من صوتا مشا
باكيه الامان الكان سحابا
صدقني يابا
الكون بلاك كاسي الجفا
مسكون ضني وممزوج رتابا
والفرح مرسوم صور لاروح ترف لاصوت ربابا
والبسيمات المحجرة في الضلوع
مسجونة في ضلمة عزابا
صدقني يابا
بتشابا لي الزكري القبيل
ارويها بي نفسك شرابا
القاك في الحلم الدليل
والقاك في الاهة هضابا
تنسج معاي المستحيل
ارجاك بي قولة حبابا
افرد ادياتي الشقت
من الوهن خط الكتابه
انادي فيك طول الزمن
حليلو يابا
حليويابا

عدل سابقا من قبل ابوطلعت في الأحد يوليو 13, 2008 3:47 pm عدل 1 مرات

يديك العافية ابو طلعت دائما من ابداع لابداع كما تعودنا منك وفى انتظار الروائع والجديد
والله الموفق

تنسج معاي المستحيل ارجاك بقولة حبابا ده انت المستحيل ومشكور

تنسج معاي المستحيل ارجاك بقولة حبابا ده انت المستحيل ومشكور مداخلة للاخ هيثم مبروك المنتدي

تنسج معاي المستحيل ارجاك بقولة حبابا ده انت المستحيل ومشكور مداخلة للاخ هيثم مبروك المنتدي

والله يا اخ الريح والواحد منتظرك بفارق الصبر عشان تشوف النتح بعينك بالنسبة للرد المتكرر ماعارف مخرف انا ولا الكمبيوتر بتاعي ولك تحياتي

ابوطلعت كتب:

الاخوة الشمالي والريح قدوم يديكم العافية علي المرور الجميل الالق وكما عودتونا دائما بانكم اهل عطاء وتتدفق اقلامكم بكل جديد ومفيد للمنتدي ... وانا من بلد النيل احييكم وارسل لكم عاطر التحايا ... ابوطلعت ،،،

ابوطلعت يا جميل نهنئيك اولا بسلامة العودة والوصول الي السودان واجازة سعيدة بين الاهل والحبان وتقبل الهدية دي من اخوك (الشمالي) الكعيب ,المر وعيد مبارك عليك سلفا وتحياتي الي الاسرة الكريمة

الاخ الريح وود الشمالي زي ماقلت الزول دا مالو ردودو كتيرة كدا مصورها بمكنه تصوير ولا الحاصل شنو لكن برضو مابطال كويس انو افتكرنا يديه ويديك العااااافية ..... ولكم مني احر التحايا هنا من داري العامر بالحاج يوسف وخلوني اتفرق ليكم شوية والله انتحكم نتح كمان ماتقولو الانترنت معاي جوه الغرفة امانة ماوقعتو معاي .

الانترنت معاك جوة الغرفة يا مفتري تحايانا للجميع