الشمالي وسحور الهندي

طبعا انا الايام دي انا في الدمام ووصلت قبل رمضاب بيومين نسبة لبعض الاعمال هناك بالرغم من سخونة الجو والرطوبة عدت اليومين علي خير وتركت الكاشف اخوي بالرياض وانا علي علم تام بانه قد تواجهه بعض المشاكل مع بداية رمضان لانو من غيري بحرق الحلة وبياكل البطانية ويعمل الحاجة ويرميها علي ويسبقني ويشتكي ليكم وانتم من طيبة قلبكم تصدقونه وتقولوا عليه والله مسكين لكن ربنا سبحان وتعال مابيهمل ولكن بمهل اها ياالحولين انا لي يومين كدا بالليل من اول ايام رمضان المبارك تجيني مسكولات ورسائل ( please call me ) لدرجة انا زاااتي زهجت منها وانامااخفي عليكم اي انسان مايتصل علي عدييل ولابشتغل بيه لكن المسكولات والرسائل كترت علي وكل يوم الساعة الثانية صباحا قلت لازم اعرف الخبر شنو اها اتوكلت واتصلت علي صاحب الرسائل دي وقلت ليه ايون مالك ياود الناس شابكني مسكولات ورسائل طلع هندي وهو يبكي ويقول لي صديق انت مش انت اسم محمد قلت ليه ايون قال لي صديق هذا انت صديق اسم تاج ( يقصد الشمالي ) ايوه ايش في صديق هذا نفر كتييير خربان واكبر علي بابا ...
ليش تقول عليه كدا انت مافي مسلم وانت مافي صوم يقول لي انا في مسلم وانا في صوم لكن هذا نفر كل يوم اكل سحور حقي انا من التلاجة وانا علي طول مافي سحور ليش هذا نفر حرامي في رمضان ...
طبعا مااخفي عليكم انا انزهلت من المفاجاة كيف يصل الشمالي لهذه الدرجة وياكل ويلهط سحور الهندي المسكين وكلمت الشمالي تلفونيا وقلت ليه الهندي قال كل يوم انت بتتسحر بسحورو يازووول مالك فاضحنا مع الخلائق ...
طبعا نكر تب ورقد لي في الواطة وقال لي دا كضاب سااااكت ماتسمع كلامو ...
اها اتصلت علي الهندي وقلت ليه صديق خلاص انا اجي رياض انا اعطي انت قروش لكن انت مافي زعلان ...
وقال لي خلاااااص محمد انا معلوم انت نفر كتيير كويس عشان كدا انا مافي زعلان بس انا الحين بكرة صباح امشي سوق اجيب قفل كبير عشان التلاجة عشان اسكر باب تلاجة عشان هذا صديق انت مافي اكل تاني سحور حقي انا ...


اها ياجماعة وروني الغلطاااان منو الهندي الخلي سحورو في التلاجة عشان يتسحر بيه
ام الشمالي الكل يوم يلهط سحور الهندي
او انا الخليت الشمالي بدون مااعدل ليه راسو قبال مااسافر

وروني وافيدوني انا خلااااااص الجنا دا جاب لي شلل اطفال

ولو في انسان في محلي كان فطر عدييييييييل


اللهم اني صاااااائم

ابو طلعت والله انا كنت متوقع مقلب زى ده احصل وانو الشمالى اكون ضحية لكن اتاجات انه الجانى الشمالى والضحية هندى وليش ياشمالى تعمل كده تاكل سحور الهندى بالشكل ده ونلتقى

يابو طلعت دا زي المثل البقول

(غلطان البحر الشال بيت الفحل
ام غلطان الفحل البناء بيتو جنب البحر)\

عشان كدا مامعروف الغلطان منو الهندي (الفحل)
ام الشمالي (البحر)

مشكووور ابوطلعت لوماكان السحور ما اشتكى الهندي و لا الشمالي نام جعان و لا انت كان جاتك مس كولاته .....تحياتي على اللفته الجميل و دائما انت كما عوتنا

wallidabed كتب:

يابو طلعت دا زي المثل البقول

(غلطان البحر الشال بيت الفحل
ام غلطان الفحل البناء بيتو جنب البحر)\

عشان كدا مامعروف الغلطان منو الهندي (الفحل)
ام الشمالي (البحر)

n]

]مشكوور وليد علي الايضاح الجميل
وفعلا غلطاااان الشمالي الجا اكل السحور
وخلي الهندي واطاتو هبووووود[/i]

محمد قسم السيد حمد كتب:

ابو طلعت والله انا كنت متوقع مقلب زى ده احصل وانو الشمالى اكون ضحية لكن اتاجات انه الجانى الشمالى والضحية هندى وليش ياشمالى تعمل كده تاكل سحور الهندى بالشكل ده ونلتقى

[b]

Samir AlSoNi كتب:

مشكووور ابوطلعت لوماكان السحور ما اشتكى الهندي و لا الشمالي نام جعان و لا انت كان جاتك مس كولاته .....تحياتي على اللفته الجميل و دائما انت كما عوتنا

سمير ووووين يامااان

والله مشتااااقين كتير
تشكراااتي علي المرور الجميل

غلطان الهندي الشمالي اتسحر بشنو

ابو حداد كتب:

غلطان الهندي الشمالي اتسحر بشنو

دا كلام شنو ابو الحداد

يعني الهندي يعمل السحور والشمالي يلهط ساااكت
طيب الهندي دا ماراح في الكازوزة
اخخخخخخخخخ

الهندي ود رماده ....

انا عارفو صاحبي ااااااااككككككككااااااااك


لكن الهندي غلطان السكن جنبو

شهاب الحضري كتب:

الهندي ود رماده ....

انا عارفو صاحبي ااااااااككككككككااااااااك


لكن الهندي غلطان السكن جنبو

اوووووووووووووو ود الحضري ليك وحشة يامان
لكن يازول دا كلو منك انت اصلو المصائب دي كلها منك انت علمت لي الناس ديل
اكل حق الغير عشان كدا كل يوم الشمالي غاير علي الهنود والهنود ماناس شدايد
يعني يعملو ليه شنو والله دا الا يلفخو بشعبة او دمير
اللهم صبرنا علي الجايات