[size=18]الأخوة الكرام-لكم التحية والتجلة ورمضان كريم..
استميحكم عذراً لعدم المشاركة والتي كان فارق الزمن بينها وبين دخولي ضيفا عليكم كان كبيراً وذلك للظروف الماسويه التي مررت بها في هذه الفترة وهي فقدي وفقدكم لاعز مانملك في هذا العام المشئوم بداية بالوالد والصديق الشيخ عمر ومرورا برفيق العمر الاستاذ نور الدائم الصادق وابن امي وابي (الشريف) ووالاخ الخلوق أزهري عباس والاخ ود اللمين وقبلهم العم امحمد والحمودي وقبلههم الاعمام علي ود ابوحميد وعمي وجاري حاج العبد وعمنا الزعيم العوض ودابراهيم واخرهم اليوم العمه كلتوم ، لهم الرحمه جميعا ولجميع موتانا واموات المسلمين..ولاحول ولاقوة الا بالله..
،،..واليوم هذه مشاركتي واتمني ان تكون بجمالك وجمال منتداكم الانيق لقناعتي بانه ليس هنالك مجالاً للحزن في صفحات بيضاءكبياض متصفحيها.
هذا الموضوع قصدت به ربط جيل هذا اليوم بالفترة السابقة والتي لم يكن الكثيرين منهم حضوراً وقتها، لذلك احسب أن الاخوة ، الشمالي-ابو طلعت- الريح- حسبو-ود الشيخ-ود العبد وغيرهم لن يستوعبوا مفرداته، يعني بمعني انهم لسه حناكيش، أما ااستاذنا وأبونا السني وود قاسم وياسين أكل الدهر وشرب عليهم يحفظون من المفردات احسبهم..
الحلة أيام زمان :-
أذكر جيدا ونحن صبية ،منا من قضي نحبه ومنا من ينتظر، أذكر تلك الايام الجميلة والليالي الحلوة عندما نصحو الصباح ونلتف حول الكانون المولع ( بالهبلة )لتناول الشاي وتتعب الوالده عشان تبرد لكل زول كبايتو ، هذا طبعا بعد مانجيب اللقيمات من صافي النيه أو ست النفور أو طيبة بت العواك أو الشريفية بنت حاج علي ،والمتعب في بداية هذا المشوارلازم تاخد طاقية ابوك عشان نجيب نص رطل سكر ونص وقية شاي وكبريت من الشريف ودعلي ولزوم الطاقية لان الشراء بالدين ولازم يكون رسلك ابوك، هما تجد الوالده ربنا يديها الصحه حلبت الغنم ونلتف كلنا حول الكانون واهم حاجه لازم يدوك كبايتين ولازم تاكل اللقيمات بمفردك خوفا من الظلم ،نخلي باقي اليوم ونمشي للفترة المسائية واهم مافيها العشاء والذي يبدأبعد المغرب مباشرة عنما نسمع نسمع صوت الغنم وهي جايا من الخلاء والغبار يصل قدامها والعشا يالشمالي((مابيرقر)) ولاحتي فول، هو كسرة بملاح لبنأو ويكاب لان القصب متوفر، المهم في الامرعواسة الكسرة (الملود) المستخمه في الفريق واحده وعند عشه بت فاطنه زوجة الضريس، خالتك يالسني وبالحجز وأنا بمجر ما اسمع صوت الطش وقف أتلب الحوش واجيب الملود وفي مرات كثيرة أتاخر عشان اسمع صوت عبد الله ود الضريس له الرحمة يعزف الربابه ويغني( عشة بت منصور تعالي اركبي البابور تعالي) وهذه والله كانت أجمل من رائعة حمد الريح والله ياطير الرهو قسما عديل مافيهو لو) ونحنا راجعين في المغيرب للديار لاحد يشوفنا لانشوفوا ولايشوفنا)..
نكتفي بهذا القدر والمرة القادمة سنتحدث عن خُدرة الخلاء المتواجدة وراء الحله وتحديدا وراء بيت الوالده فاطمه بنت احمد عبد الله لها الرحمة وكذلك سنتحدث عن عن شرك الطير مع سعد ود سالم.
الي ذلك الحين تصوموا وتفطروا علي خير.
حاشية
ستكون هنالك اسئلة بعد نهاية الحلقات.
ملحوظة
الاخ عمر عدلان طلب مني انزل هذا المقال ..بعد ان تعذر عليه الدخول بحسابه..وكل ماورد في المقال لم اغير فيه حرفا..
استميحكم عذراً لعدم المشاركة والتي كان فارق الزمن بينها وبين دخولي ضيفا عليكم كان كبيراً وذلك للظروف الماسويه التي مررت بها في هذه الفترة وهي فقدي وفقدكم لاعز مانملك في هذا العام المشئوم بداية بالوالد والصديق الشيخ عمر ومرورا برفيق العمر الاستاذ نور الدائم الصادق وابن امي وابي (الشريف) ووالاخ الخلوق أزهري عباس والاخ ود اللمين وقبلهم العم امحمد والحمودي وقبلههم الاعمام علي ود ابوحميد وعمي وجاري حاج العبد وعمنا الزعيم العوض ودابراهيم واخرهم اليوم العمه كلتوم ، لهم الرحمه جميعا ولجميع موتانا واموات المسلمين..ولاحول ولاقوة الا بالله..
،،..واليوم هذه مشاركتي واتمني ان تكون بجمالك وجمال منتداكم الانيق لقناعتي بانه ليس هنالك مجالاً للحزن في صفحات بيضاءكبياض متصفحيها.
هذا الموضوع قصدت به ربط جيل هذا اليوم بالفترة السابقة والتي لم يكن الكثيرين منهم حضوراً وقتها، لذلك احسب أن الاخوة ، الشمالي-ابو طلعت- الريح- حسبو-ود الشيخ-ود العبد وغيرهم لن يستوعبوا مفرداته، يعني بمعني انهم لسه حناكيش، أما ااستاذنا وأبونا السني وود قاسم وياسين أكل الدهر وشرب عليهم يحفظون من المفردات احسبهم..
الحلة أيام زمان :-
أذكر جيدا ونحن صبية ،منا من قضي نحبه ومنا من ينتظر، أذكر تلك الايام الجميلة والليالي الحلوة عندما نصحو الصباح ونلتف حول الكانون المولع ( بالهبلة )لتناول الشاي وتتعب الوالده عشان تبرد لكل زول كبايتو ، هذا طبعا بعد مانجيب اللقيمات من صافي النيه أو ست النفور أو طيبة بت العواك أو الشريفية بنت حاج علي ،والمتعب في بداية هذا المشوارلازم تاخد طاقية ابوك عشان نجيب نص رطل سكر ونص وقية شاي وكبريت من الشريف ودعلي ولزوم الطاقية لان الشراء بالدين ولازم يكون رسلك ابوك، هما تجد الوالده ربنا يديها الصحه حلبت الغنم ونلتف كلنا حول الكانون واهم حاجه لازم يدوك كبايتين ولازم تاكل اللقيمات بمفردك خوفا من الظلم ،نخلي باقي اليوم ونمشي للفترة المسائية واهم مافيها العشاء والذي يبدأبعد المغرب مباشرة عنما نسمع نسمع صوت الغنم وهي جايا من الخلاء والغبار يصل قدامها والعشا يالشمالي((مابيرقر)) ولاحتي فول، هو كسرة بملاح لبنأو ويكاب لان القصب متوفر، المهم في الامرعواسة الكسرة (الملود) المستخمه في الفريق واحده وعند عشه بت فاطنه زوجة الضريس، خالتك يالسني وبالحجز وأنا بمجر ما اسمع صوت الطش وقف أتلب الحوش واجيب الملود وفي مرات كثيرة أتاخر عشان اسمع صوت عبد الله ود الضريس له الرحمة يعزف الربابه ويغني( عشة بت منصور تعالي اركبي البابور تعالي) وهذه والله كانت أجمل من رائعة حمد الريح والله ياطير الرهو قسما عديل مافيهو لو) ونحنا راجعين في المغيرب للديار لاحد يشوفنا لانشوفوا ولايشوفنا)..
نكتفي بهذا القدر والمرة القادمة سنتحدث عن خُدرة الخلاء المتواجدة وراء الحله وتحديدا وراء بيت الوالده فاطمه بنت احمد عبد الله لها الرحمة وكذلك سنتحدث عن عن شرك الطير مع سعد ود سالم.
الي ذلك الحين تصوموا وتفطروا علي خير.
حاشية
ستكون هنالك اسئلة بعد نهاية الحلقات.
ملحوظة
الاخ عمر عدلان طلب مني انزل هذا المقال ..بعد ان تعذر عليه الدخول بحسابه..وكل ماورد في المقال لم اغير فيه حرفا..