ساكن في الريف مرتاح لاجوطة... لازحمة... مستنشق هواء نقي لاغبار عربات لاتراب مصانع اسمنت ... غايص في دنيا الهدوء والسكينة غرقان لي حلقو لمن بقي يغير من صوت الجندب (ابو الجندب )ضارب الهمبريب فوق العنقريب الموسر بالحيل ومحندر الطاقية لي قدام وقرجتو في يدو شبعان روب وشبعان ( مابين ام دفانة في الزرع+ فريت +عنكوليب ) وخريف ماشاء الله الفول السنة دي دافنو دفن ... النور الابيض فليل مابيشوفو الا في الجوهرة بتاعة الخريف واحد مغترب ركب ليهو فكرة الهجرة للسعودية فيها وفيها بداء صاحبنا رحلة السفر في الخيال قبل الواقع .... انهكو تب ... لم المحاصيل وباعها للسفر بقي ينوم متأخر وخيال السفر سيطر عليهو نام وبدأ يحلم لمن قام قال لي ... ادينا البشارة قولت ليه خير اللهم اجعله خير ... قال لي سافرته تب ... تب قطع شك قولت ليه كيف ... قال لي ( حلمته ) يازول بنورا ابيض لمن ماقدرته اشوف وغبار ... والنور جاري وانا جاري وراهو دخلته في مويه لقيت شجر كتير .. وتاني النور ضرب ماشفته الشجر ... قولت ليه يازول .. بسم الله الرحمن الرحيم .... الله تعالي قال (ولاتقصص روياك علي اخوتك فيكيدوا لك كيدا ) صدق الله العظيم .
اسمع يازول قولت ليه دا ابولمبه في شكل فيزا اطرارية بس الليلة نوم وقول بسم الله بتحلم بتمدح في مدحة الطايرة السودانية .
عدل سابقا من قبل ابوطلعت في الأربعاء ديسمبر 16, 2009 6:12 pm عدل 1 مرات
اسمع يازول قولت ليه دا ابولمبه في شكل فيزا اطرارية بس الليلة نوم وقول بسم الله بتحلم بتمدح في مدحة الطايرة السودانية .
عدل سابقا من قبل ابوطلعت في الأربعاء ديسمبر 16, 2009 6:12 pm عدل 1 مرات