حكــــــاوي الزمن الجميل

المرحله الدراسيه الأبتدائيه من اجمل مراحل الدراسه لما فيها من قصص و حكاوي ذات طابع جميل
الشلليات الموزعه علي حسب الفرقان(فريق) كانت من اصعب المشاكل لأنها تحمل طابع العصابات ومن ارعب الشلل كانت شلة العمراب لنها تحتمي وتتسلح بجميع الاسلحه البيضاء...شلة الدراويش و زعيمها حاج مكه وهذه الشله مقدور عليها وتقتصر مشاكلها في الحدود الجغررافية فقط يعني حدك من الترعة لحدي دكان قسم السيد...شلة اولاد العقاب وهي ايضا تسيطر علي منطقة الجزاره و المدارس ويا ويلك وسواد ليلك لو فكرت بس تشق فريقهم بالليل...شلة العلاليب وهي تتمركز من محل السيحة لحدي الرزقالة وهذه الشلة كانت خطر علي جميع باقي الشلل لأنها تستخدم عدة زرائع لأفتعال المشاكل وحتي داخل المدرسة كانت ذات نفوذ واسع وذلك لأتحادها مع شلة الناصراب وشلة الشيخ احمد..... شلة الحضراب و زعيمها بابكير وهذا الزعيم بالذات مدعوم من شلة العقاب وكلنا عارفين السبب (والدته) وهي ايضا تسطير علي منطقنتها وما جاورها حتي حدود الجامع العتيق...ولي وقفة خاصة مع الأخ بابكير لأنه دفعة دراسه وتتلخص وقفتي في انه هو اول من اخترع الرجوع ليلا بعد المذاكره من السديره الغربيه وهو يقود شلة تتألف من عشره طلبه مارين بالمقابر و الحواشات وما فيها من مخاطر...
بأختصار كانت الشلل كثيرة جد وهذه علي سبيل المثال وليس للحصر
يتـــــــــبع في الجزء التاني......

الريح يافن ده الكلام الحلو داسيهو وين بس انتو لالعبتوا شليل ولا حرت ولاحضرتوا زمن البرقان وبرضه لكل جيل زمنه البراه حلو اذا القديم بكل مراراته والامه جميل وكل امس حلو وكل يوم تشرق فيه الشمس تعنى مغيب الامس وميلاد اليوم الذى نتمنى من من يعيشونه التصلبح وعدم دفن الحنين والذكريات وشكرا مبدعنا الريح

تسلم يا جدو قسم علي المرور الجميل ولو ركزت شويه انا بتكلم علي الزمن الجميل لكن لو رجعت لوراء شويه حا تكونو انتو الجمال ذاااااتو....يعني بيني و بينك كده الزمن ماشي ناقص علي قولة سعد الدين الامين (قال الدكتور بقي صغير و الطالب بقي صغير و حتي الرغيف ذاااااتو بقي صغير...وتحياتي

شلة الحضراب و زعيمها بابكير وهذا الزعيم بالذات مدعوم من شلة العقاب وكلنا عارفين السبب





(والدته) وهي ايضا تسطير علي منطقنتها وما جاورها حتي حدود الجامع العتيق...ولي وقفة خاصة مع الأخ بابكير لأنه دفعة دراسه وتتلخص وقفتي في انه هو اول من اخترع الرجوع ليلا بعد المذاكره من السديره الغربيه وهو يقود شلة تتألف من عشره طلبه مارين بالمقابر و الحواشات وما فيها من مخاطر...
بأختصار كانت الشلل كثيرة جد وهذه علي سبيل المثال وليس للحصر
مشكور ياابن الخال العزيزوالله والله كلام

الف شكر يا اخوي عبد المطلب.....مرورك من هنا ليهو طعم خااااااااص....صاحبي شمس الدين كيف؟؟؟؟
تحياي لجميع الاخوان....ويا رب ترد غربتنا

والله خبرك خبر الليلة جيتنا بالحكاوي المدفونة وقلت لي الحلة كانت في حالة عصابات وكل زعيم عامل فيها ياهو الكبير ومشاحنات و ربط وكان ماكنت غي حماية شلة عاتية حقك رااااااح عديل وتبقي زول مرعة ساااااي والكيس يسكك اناس دا كلام !!!!

كاريكا في ذلك الزمن الجميل كان لطيف ووديع وظريف ظرافة ناس العمارات كان محمي من عصابة فريقهم ناس حيدر احمد مساعد وبخيت ود الحادو ومحمد احمد بخيت اسال الله ان يمتع الجميع بالصحة والعافية
وتحياتي وودي للاخ الريح

هاهاهاهاهاهاهاهاهاهاها.... انت عارف يا ابو محمد ؟؟؟
انا شلة بخيت و د الحادو وحيدر احمد مساعد ديقصدت ما اجيب طاريها في البوست ده لأنها شلة كانت بتذكرني بعهد النازيه او بصحيح العباره شلة رباطه...وانا كنت صغير شديد وزي ما قلت كنت وديع و لطيف هاهاهاهاهاها
لكن باقي الشلل الحا اذكرها هنا حا تشييب راسك يعني شلل عباره عن هم و غم