طرتوا ولا لسه
* قلت ليكم يوم الأحد الا تطيروا
* الكلام ما كان من فراغ
* الكلام كان كلام زول واثق عديل كده
* الزعيم دائماً يأتي بالفرح
* وأشد أفراح الزعيم تكون عندما يأمل اللخويات في حزن الزعيم
* عشان كده قلت ليكم يوم الأحد الا تطيروا
* قال لي فرحانين كده ليه ؟
* قلت ليهو عشان انتو زعلانين
* الصفوة صفوة
* والصفوة نوعان
* مريخاب حمر وديل ما بخافوا ولا برجفوا ولا أعصابهم بتبوظ
* والنوع التاني مريخاب صفر وديل عندهم شوية رجفة لكن الأمل في دواخلهم لا ينقطع
* ولا شنو يا حسن محجوب ويا أبو شيبة؟
* المهم النوعين صفوة
* أقول ليكم كلام ... يوم 27 الا تنسحبوا ويوم 15/3 الا تطيروا
* يوم كورة الأمل كلازارا نسوهو في الاستاد
* الجماعة فرتقوا عادي وما فقدوا كلازارا
* الترحيل شال القارورة ونسي الماسورة
* قالوا في اتنين مغتربين رجعوا البلد في إجازة
* قاموا لقوا الماسورة واقعة
* قالوا دي ماسورة منو ؟
* ما مكتوب فيها مصنوعة وين
* واحد قال الماسورة الما فيها ماركة دي تبع الجماعة
* أخيرا قاموا ودوها للجماعة
* واحد من جمهور الجماعة قال النسية دي بتوجيه من المدرب
* واحد تاني قال ليه طيب لو المدرب قال انسوا الماسورة المغتربين ديل رجعوه لينا ؟
* ان شاء الله المغتربين الرجعوه ديل يرجعوهم من الغربة عشان يضوقوا الرجعة دي حارة كيف!
* قالوا رسلنا صديق تنزانيا
* طيب استعنا بصديق يوم أتراكو
* ويوم 27 حا نحذف ماسورتين
* ويوم 15/ 3 حا يطقع الجمهور
* ونسود الجمهورية لوحدنا
* قالوا الكاردينال داير يصلح نادي الهلال
* قام الكاردينال دفع كم ألف دولار
* لكن قروش الكاردينال ما بتجيب سم الفار
* وعشان ما تقرصك عقرب الجحار
* ولا تبحت ليك باقي حمار
* ده أظنه نشيد
* لكن نشيد شنو ؟
* نسميه نشيد الاعتراف بشناة الحال ؟
* أنا عندي اقتراح
* الجماعة ديل بدل يطلع ليهم دبيب حقوا يجونا
* عندنا نادي تلاتة طوابق نديهم طابقين
* وعندنا استاد طابقين نديهم واحد
* ونديهم تلاتة لاعبين وألف دولار يحلوا بيه ديونهم
* من كان له فضل ظهر
* لكن عندنا شرط
* تقولوا لن نوالي غير الوالي
* وتحبوا حبيب الوالي
* نقول ليكم تعالوا طوالي
* فاروق هيبة وجبرة
* وجنو وجن الخرخرة
* يا ربي كورة الخميس برضو بحكمها عماد خوجلي ؟
* كتوتة قالت لي بتوتة نسوه والترحيل مشى
* بتوتة قالت ليها والله ترحيل الروضة ما بنسي ميكي حق اللعبة ده
* وضحكن ... سنيناتن مرقن ... مفرقات زي الطوب في استاد لخويا
* ملحوظة: تأخر الجزء الثاني من كشة الكشكة الى حين
سلك كهربا
وين .. وين تلقوا زي ده
مريخنا شحد الله والله أداه