أولا كنت عاوز اكتب بدل دعاء الوالدة دعاء أمي لكن خفت تفسروها امي بمعني جاهل ،بس ماخطر ببالي اقول دعاء ماما ، خفت من الجماعة يسخروا مني ويقولوا لي سويت ليك ماما علي كبرك ؟؟ زمن ده كلو بتقول امي..المهم خلونا نشوف الحكاية شنو.. لايوجد أحن من الوالده عليك ودي ماعاوزة ليها شرح ولاعاوزة درس عصر ، أنا غايتو لو قلت مصدع بس ، تقوم الوالدة علي طول تجيب ليها قرض وتضع عليه جمرات وتبدأ في ترتيل الدعاء الاتي وطبعا لكثرة ماقيل علي رأسي حفظته لكن يبدو لي في بعض المقاطع راحت مني اتمني من الجماعة اللي امهاتهم بخرنهم يتموا لينا..( بسم الله واحد ، بسم الله اتنين ،...الي بسم الله سبعة ، القرض واللبان ، عظائم الرحمن ، النبي سواهن لعاقتو ، بعد ما.....شنو كده غايتو قعدت تسير بره تعاسير ، كف ياعين ياعنية ، قهرتك بام امحمد نبيه يعني محمد النبي عليه الصلاة والسلام ، النبي قاليك اخرجي ، بقدرة الله تخرجي...والله غلبني اكملو عشان طولت ما اتبخرت بقرض ...في كتير من الكلام بصرحة شديدة ماقاعد افهمو...لكن بمجرد ان ترقي علي
بهذا الدعاء بشوف العافية...ربنا يديم عليها الصحة والعافية وعلي كل امهاتنا...
وفي ملحوظة طبعا القرض بحدث فرقعات مع النار ودي معناها العين طلعت.
يلا ان شاء الله ماتصيبكم عيناص حارة..
بهذا الدعاء بشوف العافية...ربنا يديم عليها الصحة والعافية وعلي كل امهاتنا...
وفي ملحوظة طبعا القرض بحدث فرقعات مع النار ودي معناها العين طلعت.
يلا ان شاء الله ماتصيبكم عيناص حارة..
