يا زوله اعذب
من مياه النيل
ودجلة والفرات
يا طلة الصبح البهى
وضحكة عيون
الامسيات
احترتا فيك
كيفن بتمسك ايدى
إشراق الشمس
وتقالد الضوء الشعاع
يا زوله بتشع إلتماع
زى غابة الأبنوس عيونك
زى بحر حاضن شراع
خدك اسيل خصرك نحيل
وفوق صدرك العالى انسدل
ديسك مجرتق بالضلام
احترتا كيف ابدأ الكلام
يا مدهشة
يا ضجة احساس
يا زحام الروعة
فى اسعد منام
ليك الخطى تمشى وتقيف
تراينه بالشوق الكثيف
وكل ما تقرب توصلك
تتمنى انو تكونى طيف
بالله شوفى اشواقى كيف
بى شوقه ليك مستمتعة
بس بينى بينك
يا بنية بى وهج الكواكب مترعة
هى خايفه تدخل فى مدارك وتنحرق
تبقى دخان تصعد السماء تنشرق
تلقى النجوم محتفية بيك
وسناها فى نورك غرق ..,,
تتغنى للزوله الشعاع ,...
,,,
من مياه النيل
ودجلة والفرات
يا طلة الصبح البهى
وضحكة عيون
الامسيات
احترتا فيك
كيفن بتمسك ايدى
إشراق الشمس
وتقالد الضوء الشعاع
يا زوله بتشع إلتماع
زى غابة الأبنوس عيونك
زى بحر حاضن شراع
خدك اسيل خصرك نحيل
وفوق صدرك العالى انسدل
ديسك مجرتق بالضلام
احترتا كيف ابدأ الكلام
يا مدهشة
يا ضجة احساس
يا زحام الروعة
فى اسعد منام
ليك الخطى تمشى وتقيف
تراينه بالشوق الكثيف
وكل ما تقرب توصلك
تتمنى انو تكونى طيف
بالله شوفى اشواقى كيف
بى شوقه ليك مستمتعة
بس بينى بينك
يا بنية بى وهج الكواكب مترعة
هى خايفه تدخل فى مدارك وتنحرق
تبقى دخان تصعد السماء تنشرق
تلقى النجوم محتفية بيك
وسناها فى نورك غرق ..,,
تتغنى للزوله الشعاع ,...
,,,
من كتابات الاخ عباس
المعروف لديكم بغسق
لا اعشق غيركي