تحذير الى الجميع

ياأخوانا بصفتى عضو فى هذا المنتى (السديرة) ومواطن من مواطنى (السديرة)
من حقى اقول ليكم ياأخوان ورجأءً عدم كتابت المواضيع (الهايفة) فلان خطب علان طلق هذا كلام عيب وهذا الانترنيت يقرأة كل العالم فارجو من الاخوة الكتاب والقائمين على امر هذا المنتدى وخاصة الابن وليد ياسين بان يسحبو اى كلام غير تاريخ ألسديرة
واقول ليك يا حسبو معنى كلمة (الداب وردة) يعنى يادوبك دوب ودعمنا
وكان عسيلاوى كامل بحياة والدة ولكن بعد ذلك بقى مافية ولاربع عسيلاوى
ونا مابكلمومعاه عشان خلع العسيلاوية منة والكل يعرف انا عنصرى للعسيلات ؟؟؟؟.

مشكور سيدى على هذه اللفته الرائعة وعجبتنى بتنبيهك للاخوة بعدم كتابتهم للمواضيع الهايفة مثل(فلانة طلقوها وده حملت وده راجلة مابدورة) ده كلام محلو جبنة الضحي وبلاش من الكلام الناقص والرجاء عدم الاستخدام السى للمنتدى
sham-sara@hotmail.com
tel 00919703044061
hydarbad

والله انا ما كنت عايز أعقب علي كلامك يا شموس ولا عايز افتح باب زي ده بس حبيت انبهك انت والقبلك والبجي بعدك أتحدي اي واحد لآحظ في كلام زي ده مكتوب في المنتدي!!!!! ويا جماعه ما تفرضو قيود علي الناس والمنتدي ده المتنفس الوحيد لينا وانا متأكد اي عضو اسمه طالع في قائمة الاعضاء ما أعتقد بحتاج لحد ينبهه ومافي زول عرف كيف يدخل نت ويستخيدم كمبيوتر محتاج تنبيه...وما تحكوها لمن تجيب الدم.....والسلام

الاخ الريج 0 (ياكبير،،،؛) نحن والله ما قصدنا أحد ولاعندنا قصد مع أحد وكل عسيلات
لكن بس مش عاوزين الشمارات والكلام الفارغ فى المنتدى (فلان خطب فلانة ) وعلان طلق علانة مثل اخو السنجك خطب كدة وضحت الرؤيا ؟؟؟؟؟؟؟؟؟ (يا كبير)
ارسل لنا اخبار الرياضة احسن من الشمارات لانة هذا تخصصك .....
والسلام اخوك ::::::محمد احمد صالح (المدينة

وضحت يا كبيييييييييييييييييييييييييييييييير !!!!!!
......انا سمعت بيها سمع بس والحمد لله الكنترول شايف شغله كويس....أما بالنسبه لرياضه اسكت ساي السديره الان قالو ليك فيها فريق كل الفرق بتتهرب تتباري معاه مبااااااالغه :flower: :bball:

سلام عليكم السيد الريح قدوم
انا ردى كان للتنبيه ليس الا وماقصدت اوبخ حد واسف جدا لو كان ردى ضايقك
بس انا عسيلاوى وذائد على كده انو امي النخيل بت عبد الماجد وابوى العبد بابكير
يعنى مازول شرق بس
sham-sara@hotmail.com
00919703044061

تحياتي الخالصة لك يا أخي شمسو

نشكرك على مشاعرك الطيبة وغيرتك على أهلك العسيلات وردك محل اهتمامنا. حقيقة أنا فوجئت أنه لي أخ بالعسيلات يعرف العبد والنخيل وأنا لا أعرفه فهذه حقيقة يحسب علي لان هذا يدل على تقصيري تجاه أهلنا ومعارفنا أمثال صاحب الذوق الرفيع شمس وبودي أتعرف عليك كتير وعلاقتك بنا.

أخوك عبدالماجد وود العبد وود النخيل
جدة 00966542363810

عدل سابقا من قبل عبدالماجد أبوفارس في الإثنين أبريل 07, 2008 1:29 am عدل 1 مرات

السلام عليكم السيد عبد الماجد او الاخ كمانسبت نفسي اليكم
احب اعرفك عن نفسى انا شمس الدين جادو حمد من ود بخيت
زميل وليد اخوك بالجامعة وصارت العلاقة اكبر واصبحت خوة واكثر اوعلاقة اسرية
وليد كلمنى عنك كتير بس انت خارج السودان وماتقابلنا
لنتواصل اكتر ارجو اضافتى على الهوتميل
واخبار وليد مقطوعة وياحبذا لو نتقابل على الماسنجر
وانا حاليا فى الهند
وده تلفونى00919703044061

السلام عليكم اخى الريح ياخى انا مازعلت انا كنت خايفك تكون انت زعلت
ومافى حاجة سيدى ومشكــــــــــــــــــــــور على الاهتمام

باعتباري عضوة في هذه المنتدى وكمان مشرفةةةةةةةةة
احب اوضح انو هذا المنتدى منتدى عاااااااااااااااااااااااااام لابناء وبنات السديرة وليس منتدى تاريخي بمعنى انه شامل جميع المواضيع والاخبااااااااااااااار عامة ثقافية رياضية ... الخ
وبعدين لو بدت العقد والتعصب حييفقد المنتدى قيمته واهدافه نحن ما بتكلم عن كتاب في مكتبة ولا عن دروس ومحاضرات علمية في جامعة علشان نتقيد فيها بقوانين ولغة عربية فصحى
ده ياخوانا متنفس وباب من ابواب التعارف وتبادل المعومات والثقافات طبعا بقيود ولكن مش القيود اللي كتبتوها دي
فيارايت الناس تحاول تستمع وتفك عن نفسها شوية وتستفيد وتفيد
وباب الشمارات لو كان الكبار ما عجبهم ما يدخلوا يخلوه لينا نحن الشباب
معليش لو كان مروري ازعجكم بس الحكاية ما عاوزة تعقيد
ويا حسبو شكرا ليك ولمشاركاتك ونتمى منك المزيد

أختي المشرفةةةةةةةة ممكن طلب؟ ,ارجو انك ترفعي طلبي ده للجنة المنتدي في اجتماعكم القادم ...يا أختي ما تعملو لينا داخل المنتدي (ركين صغير) تصغير ركن. علشان الواحد لو عنده شمار والشمار عامل ليهو قلق يفضيهو في الركن ده وطبعا زي ما قلتي انتي الشمار بكون مختصر لناس الشمارات وما تخافي مش حا نحرجك الشمار في حدود المسموح ومش حا يجرح مشاعر اي انسان...طبعا بمزح ساي ما تصدقوني أخاف بكره حسبو يعمل لي ((انسيدانت ريبورت))

الاخت مكارم اشكرك كتيير جدا علي الاشادة واتمني اكون عند حسن ظن الجميع بي ، وانا رهن اشارة الجميع في من مايختارونه من مواضيع وفي مايختارونه من لغة ، ولو عاوزين بلغة الجن ماعندي مانع ، واخليكم ترددوا قصيدة المتنبئ حين اعجب بشعب بوان بمملكة الفرس وقال:
ملاعب جنة لو صار(سار) فيها ....سليمان لصار(سار) بترجمان
ابوكم ادم سن المعاصي......وعلمكم مفارقة الجنان
بمعني اي زول يقرأ لي حاجة لازم يستعين بمترجمين من جميع اللغات (شفتو الزول ده بطران كيف؟) يلا فتكم بعافية

عدل سابقا من قبل حسبو العوض في الخميس أبريل 03, 2008 3:23 pm عدل 3 مرات

الى الجميع الذين يهمهم امر منتدى السديرة/
لكم خالص التحايا والود....
كما تعلمون ان المنتدى يحتوي على عدة ابواب لتغطية كافة المجالات ....الترحيب والإجتماعيات والثقافة والرياضة والطفولة.......الخ ولإرضاء كافة الأعمار ... الصغير والكبير
وفي بداية المنتدى وقبل التسجيل هنالك مناشدة وتعهد مطلوب بعدم استخدام كلمات تخدش الحياء او الإساءه لأي احد.... فاي موضوع يخل بهذه الشروط فسيتولى المشرفين على المنتدى حذفه فوراً ومن دون الرجوع لأحد.
بخصوص باب (شمارات واخبار السديرة) يمكن تكون كلمة اخبار السديرة فقط. وكلمة اخبار من حيث نوعيتها كل الفضائيات العربية والغير عربية استخدمتها وبرعت فيها ولكن اضيفت (كلمة شمارات) بغرض الدعاية للفت النظر للمتصفح علماً بان كل المواضيع التي نشرت في هذا الباب كانت كالتالي: تخريج ضباط من ابناء وبنات السديرة وبتشريف رئيس الجمهورية/ اخبار وفيات/ حصول البرفسور صلاح الباقر على زمالة البورد الاروبي/ عملية ناجحة لأحد ابناء السديرة...الخ و لم نجد مايخل بالادب ولكن لوكان هنالك اي موضع غير مناسب لكنا اول المعترضين عليه.
وللإبن شمس جادو مرحباً بك منا وفينا ونحن في انتظار تواصلك
عمك ابوسمير وخال عبد العزيز الفكي ابراهيم والمقدم شرطة عبد الرحيم الفكي وابن عم السيدة الفضلي النخيل عبد الماجد فمرحباً بك.

الرائع دوما استاذنا الكبير احمد بخيت لك التحية والتجلي ، واطمئن يا استاذنا ناس السديرة والله قمة الرقي والحمد لله لم يظهر حتي الان مايخل بسير المنتدي ، ومعظم الاعضاء هنا تلاميذ لك ولا ستاذ ياسين عشان كده بنقوليكم زراعتكم لن ولم تخيب ابدا بمشئية الله.اضافة لذلك المشرفين شايفين شغلهم كويس الحمد لله ، وعجبني تفسيرك لكلمة شمار فعلا هي مفردة الغرض منها لفت الانتباه ما اكتر.
مرة اخري لك التحية.

سلام عليكم الخال ابو سمير جزاك الله خيرا على الاهتام وبارك الله فيك
وانت بقيت لى خال بالنخيل وجد بجدودى والاد الفكى ابراهيم بي امهم البتسر وانا امى بت الفكى ابراهيم انا بعرف انو البتسر الهى ام جدودى قرايبه شديد فى السديره هم ناس العواق ودايراعرف علاقتك بى ناس العواق
وياحبذا لو نتعرف اكتر
ودعوات اولاد الفكى حماد ان يجمع الله شمل العسيلات وان يردنا من غربتنا سالمين غانمين متعلمين
من ابنك شمس الدين

بسم اللة الارحمن الرحيم
كل الاخوة والاساتذة السبقونى وقالو كلمتهم واعتقد انهم وفو وكفو ومرحبا بك الاخ شمسو فى ديارك اخوتى واخوانى فى المنتدى ان مايرفع صرحا الجميل اننا كلنا عضلة واحدة واعتقد الاسماء المشاركة فى المنتدى كلها علم واسماء حقيقية والكل يعرفها وهذا مايميز منتدانا انه ليس بية اسماء مستعارة من منا لايعرف الاستاذ يسن جار النبى من منا لايعرف الاستاذ حسبو العوض من منا لايعرف الاستاذ الجليل السنى فاى وغيرهم كتير من اعضاء ومشرفين المنتدى فهولاء النوابغ اعتقد ماحدش حايخدش المنتدى ولم ولن يسمحو لاحد بالتجاوز فيا اخى لما نقول شمارات او باب شمارات مفهومها عندنا اخبار اخوتنا وكل منا يهمه امر الاخر ان كان الخبر او كما يقال ( الشمار) حلوا او مرا وكلنا حلقة واحدة والحمدلله لم نتجاذب شمارات خارج منتدنا الذى يمثل لنا بيتنا واسرة كل عضو او مشرف يلجا الية بعد تعب وعنا يوم ليقلب طياتة ويقراء مشاركات اخواتة ويراى انباء بقيتنا سواء معنا فى غربتنا او فى الديار البتتمنى الرجعة ليها فيا اخوتى ليس هناك مايجرح او يمس الحياء فنرجو عدم الاعتراض ومرحب بيكم والى الامام لننهض بمنتدنا ونحن كما عرف عنا اسرة واحدة

السلام عليكم طبعا انا عضو جديد معاكم بس ده ما بخلي انو ما عندى راى في الحنه دى اووول حاجه تاغرض من المنتدى شنو مش للتعارف والتواصل؟؟؟ وبتخيل لي انو في منتدى خاص بالاجنماعيات ما بقول ناس فلانه عرسوها ولا فلانه طلقوها ولكن جديد الحله الجدير بالذكر بعض المناسبات التى فاتت معظم المغتربن تلقي حيز عشان الناس تشارك وتتواصل حتى لو من علي البعد تعرف اخبار بعض جديدهم وكده

دمتم

شكرا على ردك ومساهمتك يا بنت الملوك ... وكلام جميل .. صحيح في مناسبات فاتت على المغتربين مفروض تلقى حيز في منتداتنا ... وده هدفنا التواصل زي ماقلتي ..
ونورتي المنتدى ..
بس بصراحة كده انا ما عرفتك يار يت تعرفينا بنفسك .. وتكتبي اسمك وبعدين اللقب مش اللقب براه كده ما قدرنا نتعرف عليك
وشكرا جزيلا ..
في انتظار مساهماتك

الاخ (شيخ العرب) (أبو سمير) الاخت مكارم السلام عليكم .
يا أخونا انا اول من اعترض على الشمارات لانة هنالك بعض الاخوة ينشرون اخبار
لاداعى الى نشرها > انا اثنى كلام الاخ السنى ياريت لو تغير من اسم شمارات الى اى
مسمى ثانى !!! ابلغوا سلامى لكل الاسرة وخاصة ام مكارم..

ابو عمار دايما بتوافقنى الراى بس بقيت خايف من اهلى السديرة يقولو ناس الشرق مساخ
وذمامين وانامع ابو عمــــــــــــــــــــــــــــــــــــــــــــــــــــــــــــــــــــــــار

كان تكتب اسمك محمد أحمد صالح خليتنى أسأل منو أبوعمارالعمدة تقبل سلامى وتقديرى


ابوقدير بابكرأحمد

فض الاشتباك
أضمي صوتي لأستاذي أحمد البخيت وأطالب بتغيير مسمى الشمارات إلى مسمى اجتماعيات السديرة فكلمة شمارات قد تثير حساسية عند البعض وإن شاء كل اعضاء هذا المنتدى من الرزانة بمكان بحيث يكون منتدانا خالي مما قد يثير التحفظات. وأخونا محمد صالح من كبيرائنا ما (تيتموا كلامه).
أكرر أرجوا تغيير المسمى إلى اجتماعيات السديرة فأخبار السديرة من أفراح وأتراح كلنا تهمنا جميعا فنسعد لما فلان دا يرزق بولد وداك خطب وداك عرس فهذه أخبار لاباس من تناولها لأنها أخبار مفرحة ، وأما الأتراح فالناس مطلوب أن تعرفها للتقديم واجب المواساة والدعاء.

أخوكم / عبدالماجد أبوفارس