اكتبو عن (السديرة) وبس

بسم الله الرحمن الرحيم ::انا بضرب الكوراك ياياسين لنفرة السديرة دحيين با أخوى
عوووووووووووووووك أسمعوا الكوراك كلكن(السنى وياسين وعبدالماجد ومحمدقسم السيد) انتو الكبار وكوراك للشباب (حسبو والريح وبكرى ومحمدالسنى ووليد) وكل كتاب هذا المنتدى(السديرة) ياأخوانا اكتبوا عن السدبرة السديرة محتاجه (لنفرة اجتماعية ونفرة ثقافية ونفرة رياضية+نفرة عامة من جميع النواحى) وانا بخترح وبناشد الشيب والشباب بان يكون التركيز فى هذا الانترنت على المواضيع التى تخص (السديرة وبس)
اخوكم
محمد احمد صالح (المدينة المنورة)

يأ أبو عمار صبرك شوية وإن شاء الله ما حا نقصر فالمنتدى إنشئ لهذا الغرض أي خدمة السديرة وأهلها لو قرأت كل مواضعي تجدني أحث على هذا الموضوع ولكن خلينا نديهم فرصة للتهنئة وبعد ذلك سنتطرق لمواضيع الشأن السديري. فشكرا لك على وطنيتك المعهودة فأنت ود كية هذا الزمان.

أخوك/ عبدالماجد أبوفارس

يا ابو عمار فعلا كلام عبد الماجد صحيح الناس جديدة عاوزين يسلموا علي بعض ومامصدقين اصلا عشان كده بعد السلام والمطايبة بنشوف نحنا جينا هنا لشنو، وكمان اقوليك بعد ناكل لحمنا ونشرب شايينا ونتميز تب نقوم نشوف الشغلة شنو، وبعدين انا والله اؤيد فكرتك تماما واقترحت الاقتراح ده من اول يوم وكتبت قلت لازم اي واحد لازم يكتب حاجة عن السديرة وانا غايتو حسبو ده اي حاجة كتبتها حشرت فيها السديرة لانو نحناعاوزين كده وكان بندي الشباب فرصة اي زول عاوز يكتب حاجة عاجباهو مافي مانع وزي ماقلت الناس الكبار ديل هم ؛؛ ومافي داعي نحددهم هم براهم عارفين؛؛ يكبتوا عن السديرة .