الحب في السديرة

احبتي واعزائي..طابت ايامكم..


قبل ما ادخل الي الموضوع..بسأل عن الفرق بين عشق المحبوبه وعشق الوطن ..! والوطن المقصود به السودان ككل والسديرة بصورة خاصه...
اما حكاية موضوعي ده ، لافيه حب ولا يحزنون..فقط حبيت اكون مشاتر،، الموضوع ليس له علاقة بالعنوان..
منذ مده طويله لم افتح او انتبه للرسائل الخاصه ، اليوم انتبهت ووجدت رساله من الاخ محمد احمد بشير النمر والرساله فحواها استنكار وادانه لما كتبته هنا في موضوع سابق يتعلق بزيارة الوالي للسديرة...ولكن الاستنكار بطريقة ظريفة وفيها دفاع عن وجهة نظر وفي نهاية الامر اعتبرت الرسالة رسالة حب وود لا اكثر ولاغير..
كان يعلق علي كلمة الكيزان ..كان ان تساءلت متي كان للكيزان عهد؟؟ والاخ الحبيب محمد احمد بشير...استنكر تساؤلي هذا..ودافع عن الكيزان دفاع المستميت...والله ووالله اعجبت برده وبدفاعه بالرغم من اختلاف وجهات النظر في ذلك..فكان لطيفا معي وعزيزا علي وكان يناديني بالعزيز والحبيب والرفيق..فهو بجد انسان وود بلد وياريت كل الناس البنختلف معاهم يكونوا علي شاكلته..
المهم في الامر...نتمني ان يكون منتدانا ساحة للنقاش الحر وطرح لوجهات النظر المختلفة حتي نثري الساحة بالابداع واتمني ان تزداد مثل هذه النقاشات..مع حبي وتقديري للغالي محمد احمد بشير النمر ونتمني ان يعود الي المنتدي حتي يسهم معنا في المسيرة المنشوده..

الاخ حسبو والشمالى الايام دى شايف صاحبى مزاجه حب فى حب وانشاء الله يكون خير فوق خير
عايش الحب حرمان وعذاب وشوق ولهفة محب جابو القدر وممكن القدر سفر اولاده علشان نقدر نستمتع بهذا الابداع فى الحب وحبى وتقديرى لابو العوض

حسيب الغالى ردك كفاية والجماعة امرها قد انتهى والحكم جانا من اثينا والشهادة والبينة وردت واسمك انكتب باحرف من نور ونحنا البنيتها ودى ياحسبو قصة زعيم والاولاد الصغار والمنتسيب الجداد قالوا لابد من الاستفادة من تجربته وتجمعوا حوليه وبداؤا فى الاسئلة يازعيم قول لينا كيف بتبدا يومك والزعيم بدا يتحدث قال اسمعوا ياولاد انا قشت عينى من النوم بقوم اغسل العدة الجماعة طوالى عملةا خلف وانت ياعمنا بتبيتها وعامل زعيم والمعنى وصلك ياحسيب

حسبو العوض كتب:

طلتك دائما مشرفانه ياحاج...
وبعدين معاك..ليه تقول انتهينا ونحن في عز الشباب..يلا الكل يحب وفيها حاجه؟ وبيني وبينك المزاج رايق وكلو حب في حب وانت شنو رايك؟؟ والشمالي وانت مارديتو علي الموضوع الا لما كتبنا ليكم حب..المشكلة يا زعيم في حب الناس الكبار..قالوا بعمي، صحي الكلام ده؟
حالمهم لازم تشرفنا دائما بطلتك البهيجه والسارة وتحنا محضرين ليك انا والشمالي مفاجاة...بس خليها في سرك ، مع العلم ماتمشي بعيد وتقول خلاص حسبو انضم لحزبنا...انا مامعاكم والكلام ده بكرروا تاني وتالت مشكور يازعيمنا وياكبيرنا علي المرور...

الاخ حسبو كيف حالك مشاء الله عيني عليك باردة شايفك الايام دي دايما حاضر والظاهر عليك ذي ماقلت مزاج ريق ووكلو حب في حب يعني ذي ما قال ابومسلم اسال الله اين يعطيه العافية انضميت من ذمان لى حزبو والحمد الله الاعتراف جا منك بخط يدك
ولك تحياتي

الاخ يسن اولا لك الشكر وبالمناسبة حسيب من الطراز الفريد والجيل الحديث جيل العولمة واللبيب بالاشارة يفهم شقايا نحن الماحضرنا زمن الموبايل ولانترنت والفيس بوك ولما اطورنا جواب وشريط كاست مع زول مسافر بعد الحول واموت زول ورفعنا ايدنا تحية واحترام للجيل الجديد الشمالى وحسيب

الزعيم حسبو الرسالة وصلت والحمدلله انوا جدنا ابوحميد لما وجد الاولاد يلعبوا فى الكورة وعرقاننين قال الله يكفينا شر التعب البلا كسب ويسن مابقدر ابوح ولا بيقدر اصرح لانه قوله مابيجرح وانت ياخى التعطيم سلام مامريح وكبر دماغك واشترى راحة البال وكفاية هم العمل باقى الهموم اتركها الى من يقوم بها اصالة عن نفسه ونيابة عن المذكور حسيب القوم لبو رايات دوت كوم

الأخ حسيب سلامات يا مبتهج
حقيقة لما قريت العنوان افتكرت الموضوع حب في حب بمعنى الحب , وقلت أدخل عشان خطر ببالي تعليق محدد.
ولقيتو في حب السديرة وبرضو ما مشى بعيد لأنو تعليقي المحدد كان ماشي في خط السديرة وحبها.
كنت لو لقيتو زي ما ظنيت , كنت ح أرد كالتالي :
الحلة غبشة من الفلس , والمدارس حالتها نكد , ومشاكل الموية والكهربا لا زالت قائمة , والزراعة ما جايبة حقها
فكيف الناس في وضع كهذا يحبون , فإذا حدث حبٌ في هذه الأوضاع يكون مثل (الحب في زمن الكوليرا) وهو
لا شك حب في طريقه للضياع , الحب جميل , لكن أسوأ ما فيه أن يولد في غير زمانه وغير مكانه
لك خالص ودي يا حسيب