الحكاية ليست طرفة ولامزحة بل حقيقة، طبعا من أول يوم عاوز اعلق علي الموضوع لكن عشان في اصدقاء مقربين لي جدا وح يقولوا حسبو ده لازم يدخل الصادق المهدي في الموضوع وعشان حاجات تاني حامياني اتريثت شوية، لكن صراحة غلبني الصبر، انتو ملاحظين في عضو هنا اسمه السيد الصادق المهدي ونحنا مابنعرف غير الصادق المهدي زعيم حزب الامة بكون جا وبسرعة كده طل علي الموقع وكان مستعجل شديد طبعا وكتب الاسم مهدي السيد الصادق،ولو اي واحد عندو تفسير غير كده يقولو لينا، اذا منتدي السديرة تشرف بزيارة شخصية هامة جدا وبنقول له الله اكبر ولله الحمد والف مرحب بيك ولن نصادق غير الصادق <<فرصة ولقيتها>>والبلقي الهبوب بضري عيشو، المهم عاوز انبه انوالمنتدي ليس له علاقة من بعيد ولامن قريب بالسياسة بس الراجل معروف سياسي وبنتعامل معاه علي هذا الاساس ،ولو جا زعيم اخر زي شيح حسن الترابي ح نقول له((لا ولاء لغير الله)) طبعا شعارات زماااااان ولو جا الميرغني ح نقول عاش ابو هاشم<<علي فكرة قرب يجي السودان>> ولو جوا الرفاق والزملاء كلهم ح نرحب بيهم، اتفقنا ياناس السديرة؟؟ يعني نحنا شعب كل حكومة،، الله يعلم ويشهد ياناس ماعاوز اتكلم في السياسة بس الحكاية جرت براها،، خلاص انسونا وخلوني في موضوعي لو ظهر زول غير الصادق المهدي البنعرفوا يكون انا اخدتا بمبة كبيرة بس ماتشمتوا فيني ح ارجع واعتذر لصاحب الشأن واعود لقواعدي سليما،هذا وتحياتي.............
