في البدء اكرر الشكر لكل الاعضاء المتواجدين في هذا المنتدي الذين حقا ابدعونا واتحفونا بمشاركاتهم السرة وارائهم الجميلة ويسعدني ان اكون ضمن هذه المجموعة الطيبة التي تسعي دوما الي الابداع والالفة وخلق جو من الترابط الاخوي المميز فلكم مني كل الود والاحترام ويسعدني ان اقدم لكم بعض من اسهاماتي في هذا المنتدي واسأل المولي عز وجل ان اكون خفيف الظل عليكم وان اكون عند حسن ظنكم بي .
وسوف يكون لي اسهامات في ابواب عدة مثل الشعر والشعر الحلمنتيشي وباب النكات والطرائف وحتي لااطيل عليكم يلاااااااا بنا الي اول اسهماتي في الحلمنتيش
القصيدة بعنوان ( الباص )
في باص يوم السبت
في ابوابو ناس اتعلقت
بوريهو يصن الاضان
والحكمة لوشفت الدخان
يكتم النفس
يخنق الحلق
لامن تقول الباص حرق
والحاجة ماعرقت شديد
ونبلي ليك اللمبرق
اللمبرق بطبعو يمص الحلق
كيفن اليكون لابس سلك
وكمساري بالزيوت فيك يندعك
ساعة النزول تقدر تفك
الباص ده ليه شائل تقيل
والباص ده يااخي دائر يميل
ومالي الكنبة وحبل الغسيل
وفي نصو ناس اتعلقت
والحكمة لو طار كيس خضار من السبت
واحد يقول انو اتفتل
واحد يشوف شباك يشوف يمكن وصل
وكوراك من الكنبة الوري
وشافع من الحر انهري
وحديث عن اسعار السلع والسمسرة
والمكنة لسع مدورة
ولازم تبقي زول مانع تدافر عشان تلقي حتة
ولازم تترك الباقي لان المشكلة الفكة
واخر محطة الناس بهيل
الناس هدير
والقصة يازول سوق عديل
فيها التاكسي
وفيها البيبسي
وفيها الاكل ومش الاكل
اكل الوقاف اللاترابيز
ساعة النزول
تيار ركوب
تيار نزول
واحد وقع عترلو طوب
وحاجة تجوط شرطوليها توب
وايدي تكابس في الجيوب
والي الملتقي مع قصيدة اخري اخوكم ابوطلعت
وسوف يكون لي اسهامات في ابواب عدة مثل الشعر والشعر الحلمنتيشي وباب النكات والطرائف وحتي لااطيل عليكم يلاااااااا بنا الي اول اسهماتي في الحلمنتيش
القصيدة بعنوان ( الباص )
في باص يوم السبت
في ابوابو ناس اتعلقت
بوريهو يصن الاضان
والحكمة لوشفت الدخان
يكتم النفس
يخنق الحلق
لامن تقول الباص حرق
والحاجة ماعرقت شديد
ونبلي ليك اللمبرق
اللمبرق بطبعو يمص الحلق
كيفن اليكون لابس سلك
وكمساري بالزيوت فيك يندعك
ساعة النزول تقدر تفك
الباص ده ليه شائل تقيل
والباص ده يااخي دائر يميل
ومالي الكنبة وحبل الغسيل
وفي نصو ناس اتعلقت
والحكمة لو طار كيس خضار من السبت
واحد يقول انو اتفتل
واحد يشوف شباك يشوف يمكن وصل
وكوراك من الكنبة الوري
وشافع من الحر انهري
وحديث عن اسعار السلع والسمسرة
والمكنة لسع مدورة
ولازم تبقي زول مانع تدافر عشان تلقي حتة
ولازم تترك الباقي لان المشكلة الفكة
واخر محطة الناس بهيل
الناس هدير
والقصة يازول سوق عديل
فيها التاكسي
وفيها البيبسي
وفيها الاكل ومش الاكل
اكل الوقاف اللاترابيز
ساعة النزول
تيار ركوب
تيار نزول
واحد وقع عترلو طوب
وحاجة تجوط شرطوليها توب
وايدي تكابس في الجيوب
والي الملتقي مع قصيدة اخري اخوكم ابوطلعت