عاشق الديار علي الكرسي..

الامل كبير فى الضيف القادم نتمنى ان لا بطول الانتظار حتى لا نكمل الصبر كله

الاخوه في منتدي السديره
السلام عليكم ورحمة الله وبركاته
موافقون علي الجلوس في الكرسي بس ماتكترو التقليه خلوه ملاح عربي من النوع اللي بتعملو والدة عبد الله العقد
ولكم ودي

الاخ عاشق الديار لك الشكر على تلبية رعبة الرواد بالمنتدى فى التواصل والالمام اكثر عن شخص جنايك المراحل الدراسية المولد والمنشاا وماذا تعنى لك هذه الاشياء البيارة النادى مدرسة البنات الشفخانة وحفير الوالد الجاج ودابراهيم ودى بداية لجعرافية المنطقة المحيطة بالضيف ونلتقى

جنابوا وين ياجماعة ممكن بيسجل فى دفتر الاحوال والمضبوطات ووجد انه من ضمن المحجوزات اسئلة من رواد المنتدى ومن مشاكسين يبداو بالسهل الممتنع حتى يفوصوا فى الاعماق لاستخراج الالاء والدر المكنون فى معية جنابوا وهلم الينا

الاخ يس ود العمه رمضان كريم ونحن جاهزين ان شاء الله
الاخ حسيب الحبيب لك تحياتي
بخصوص كرة شرقيه س وعبد القغربيه دي كانت في كاب الجداد في مطلع الثمانينات وكان فريق السديره فيه ويادر الحادو والعنكب وسمبو وود مسمار وخضر ود الرضيه وعادل جد الناس وعمر عدلان وغيرهم من الافذاذ ناصر وحكومه كنا بنمشي انا وعبد القادر ود الاعيقص وحسبو العوض وانس عبد الملك كنا نتغدا عند ناس عبد القادر كسره بي سليقه يعني قبل الملاح ما يخلص طبعا بالسرقه كانت ايام جميله توضح حبنا للمعشوقه السديره
فريق العمالقه ذلك الفريق العملاق بالجد بعضويته الممثله الفريق وهم عباره عن اصدقاء حاولو يغيرو التاريخ بتكوين فريق بغض النظر عن النتائج يتكون الفريق من ود الشام وحسبو وقدوره وابراهيم ود العبد وود الشيخ وانس وحارث وغيرهم من الاصدقاء وكانت النتائج كارثيه ( ودا عاوز ليه بوست لوحده يتحث فيه حسبو وود الشيخ وابراهيم ود العبد )

جامعة امدرمان الاهليه كنا مجموعة شباب من الشرقيه فيهم بكري ود العبد وشهاب وعلي ابراهيم ورمزي ودفع الله قدوم
كانتايام جميله مارسنا فيها جميع انواع اللف ود الدوران وقرينا بدون قروش بالرغم من ان الجامعه كانت بي فلوس
كنا نحضر الحفلات بالمجان كانت صياعه بالجد يعني
الطيران المدني كانت الفتره العمليه الاولي وكان معي شقيقي ود الشيخ لفترة سنتين نعمل في حسابات المطارات الولائيه وكانت من اجمل الفترات
شخصيات اسطوريه
ود الشيخ استاذي وحبيبي وابن عمي والذي شكل شخصيتي بالتواجد المستمر والدائم مع بعض وهو من الافذاذ اللذين تعرفت عليهم يمتاز بالذكاء الحاد المثمر والاخلاص وحب الغير بدون مقابل والفهم العميق والعالي للحياه وله فلسفته فيها عيبه انه عازب للان ما عندكم لي ليهو مره
عثمان يابا كبير صاحب القلب الكبير والضحكه الحلوه من الاعماق عشنا اجمل فتراتنا مع بعض برضو عذابي للاسف

رمزي حسب رفيق الصبا والدرب صاحب اليد البيضاء بالرغم من الكفاف الذي كان يعيشه في فترة الجامعه واكرم انسان قابلته

جامعة امدرمان الاهليه كنا مجموعة شباب من الشرقيه فيهم بكري ود العبد وشهاب وعلي ابراهيم ورمزي ودفع الله قدوم
كانتايام جميله مارسنا فيها جميع انواع اللف ود الدوران وقرينا بدون قروش بالرغم من ان الجامعه كانت بي فلوس
كنا نحضر الحفلات بالمجان كانت صياعه بالجد يعني
الطيران المدني كانت الفتره العمليه الاولي وكان معي شقيقي ود الشيخ لفترة سنتين نعمل في حسابات المطارات الولائيه وكانت من اجمل الفترات
شخصيات اسطوريه
ود الشيخ استاذي وحبيبي وابن عمي والذي شكل شخصيتي بالتواجد المستمر والدائم مع بعض وهو من الافذاذ اللذين تعرفت عليهم يمتاز بالذكاء الحاد المثمر والاخلاص وحب الغير بدون مقابل والفهم العميق والعالي للحياه وله فلسفته فيها عيبه انه عازب للان ما عندكم لي ليهو مره
عثمان يابا كبير صاحب القلب الكبير والضحكه الحلوه من الاعماق عشنا اجمل فتراتنا مع بعض برضو عذابي للاسف

رمزي حسب رفيق الصبا والدرب صاحب اليد البيضاء بالرغم من الكفاف الذي كان يعيشه في فترة الجامعه واكرم انسان قابلته

اتسمت الاجابات بالشفافية والصراحة اهى من دفاتر اليوميات ام ان الذاكرة تحفظ لهذه الاحداث وتؤرخ لها اولا كشفت عن سر ظل الاخ حسيب يتعمد كثيرا الاشارة اليه انه مازال ابن الخامسة عشر على حسب سجلات المنتدى علما انى اعتربت عن القريه وحسيب كان موجودا شايا فى المتوسطة احسب وفاضل بين العمر الحقيقى لحسيب الذى دوما يشير الى انه اصفركم ولك التحية والود

نحن في انتظارك يا عشق
شايلين دفاترنا ومنتظرين
وما تخاف الهبشات بتكون خيفة
على خفييييييييييييييييييييييييييييييف

ياسين جارالنبي كتب:

اخي العزيز عاشق الديار زمز الوفاء لهذا الصرح الذي يحمل اسم مسقط رأسه انت كطائر يحلق في الاجواء بين طيات السحب ومهما حلقت بعيدا فوفائك لهذا الصرح وحنيك يردك الى حيث موطنك الذي عشقته . ماذا تعني لك منتديات السديرة ؟

لماذا اخترت اسم (عاشق الديار ) وماذا يعني لك

مابين السديرة والمسعودية والجيلي حكايات يسعد القلب بفيض ذكراها الا حدثتنا عن تلك الذكريات وطرائفها

ولنا عودة

ولك تحياتي

منتدي السديره يعني لي روحي وحياتي ولا ابالغ ان قلت انني اذخل لهذا المنتدي في اليوم اكثر من عشره مرات اتلمس مساهمات الاعزاء واقراء في عيونهم حبهم لهذا البلد العملاق الكبير المنتدي هو داري وبيتي وعشقي
اخترت اسم عاشق الديار لانني اعشق هذا البلد بجنون ولهفه وانتمي لترابه الغالي واعشقه للاخر ولهذا اردت ان يرتبط اسمي بالمعشوقه السديره

ادكر استاذ يس لمن يجلدني وفي فترة الفطور التي يأتي دارنا للفطور كنت اخذ حقي من الجلده ةيكون ذلك بي عباطه اتمني ان تكون تتذكر هذه الايام
عموما فترة الدراسه من اجمل الفترات التي يعيشها الانسان
ولك ودي

Mohamed Ahmed Eshiekh كتب:

نحن في انتظارك يا عشق
شايلين دفاترنا ومنتظرين
وما تخاف الهبشات بتكون خيفة
على خفييييييييييييييييييييييييييييييف

في انتظارك ياحبيب واوعي تكتر التقليه

محمد قسم السيد حمد كتب:

اتسمت الاجابات بالشفافية والصراحة اهى من دفاتر اليوميات ام ان الذاكرة تحفظ لهذه الاحداث وتؤرخ لها اولا كشفت عن سر ظل الاخ حسيب يتعمد كثيرا الاشارة اليه انه مازال ابن الخامسة عشر على حسب سجلات المنتدى علما انى اعتربت عن القريه وحسيب كان موجودا شايا فى المتوسطة احسب وفاضل بين العمر الحقيقى لحسيب الذى دوما يشير الى انه اصفركم ولك التحية والود

الحبيب ود قسم السيد لك التحايا
والله العظيم الاجابات كانت علي رف زاكرتي متي ما طرق عليها تقافزت واعتقد ان بعض منها اختزل غصبا عني
الاخ حسيب مما قمنا لقيناه ياهو ذاتو بي شكلو اللي انت شايفو دا بي شيطنتو ولديه قدره فائقه علي (,,,,,,,,,,) وبين القوسين دي عارفها هو
لو عاوزنا نوضح نفعل
ولك ودي

العزيز عاشق الديار...
ايوه انا عارف مابين القوسين لكن انت تعلم انو كانت بيناتنا مطبات وطرائف جميله..واخونا العجوز محمد قاسم ده ماعاوز يخلينياتفسح علي الجماعه ،مع العلم لسه ما زلت في العقد الثاني من عمري وقوليهو الحساده ليك شنو؟
عاشق الديار هاك حبه من المخبا عندنا مع العلم انا محتفظ بالكتير الي نهاية الاستضافه..
لحظة تمنيت ان تكون فيها غير موجود في الحياة...يعني اصعب اللحظات التي عشتها في حياتك..
مقوله ذكرتها لي ..ومازلت اضحك كلما اتذكرتها بتقولي لمانجوع كنا بنمشي الزير نشبع مويه والكلام ده اعتقد كان في ام درمان زمن الدراسه..هل حنيت الي تلك اللحظه؟
في احدي الليالي المقمرة في ميدان السله بجامعة الخرطو وانت تفترش الارض وتلتحف السماء وانا كنت بجانبك ومخدتي طوبتين..قد سطوت علي حاجه من عندي(ملايا) وظللنا نضحك حتي الفجر..بصراحه انا حنيت الي ذاك التاريخ..باربي بتذكر القصه شنو؟ ده ماسؤال وماعاوزك تجاوب الا بنعم اولا فقط..
طيب في حاجه اسمها شجن في الطيران المدني؟؟ يعني كنت بتبكي؟ وانت عارف انا بتاع(،،،،،،،، ) زي ماقلت انت.

دي مجرد حكايات عاوزك تقول فيها السهل الممتنع وبراحتك ..اسئلتي زي ماقلت ليك خاتيها بعدين..

حسبو العوض كتب:

العزيز عاشق الديار...
ايوه انا عارف مابين القوسين لكن انت تعلم انو كانت بيناتنا مطبات وطرائف جميله..واخونا العجوز محمد قاسم ده ماعاوز يخلينياتفسح علي الجماعه ،مع العلم لسه ما زلت في العقد الثاني من عمري وقوليهو الحساده ليك شنو؟
عاشق الديار هاك حبه من المخبا عندنا مع العلم انا محتفظ بالكتير الي نهاية الاستضافه..
لحظة تمنيت ان تكون فيها غير موجود في الحياة...يعني اصعب اللحظات التي عشتها في حياتك..
مقوله ذكرتها لي ..ومازلت اضحك كلما اتذكرتها بتقولي لمانجوع كنا بنمشي الزير نشبع مويه والكلام ده اعتقد كان في ام درمان زمن الدراسه..هل حنيت الي تلك اللحظه؟
في احدي الليالي المقمرة في ميدان السله بجامعة الخرطو وانت تفترش الارض وتلتحف السماء وانا كنت بجانبك ومخدتي طوبتين..قد سطوت علي حاجه من عندي(ملايا) وظللنا نضحك حتي الفجر..بصراحه انا حنيت الي ذاك التاريخ..باربي بتذكر القصه شنو؟ ده ماسؤال وماعاوزك تجاوب الا بنعم اولا فقط..
طيب في حاجه اسمها شجن في الطيران المدني؟؟ يعني كنت بتبكي؟ وانت عارف انا بتاع(،،،،،،،، ) زي ماقلت انت.

دي مجرد حكايات عاوزك تقول فيها السهل الممتنع وبراحتك ..اسئلتي زي ماقلت ليك خاتيها بعدين..

اه منك ياخبيث والله ذكرتني ايام ما اجملها (انا وانت وود الشيخ وماجد وود العقاب ) وغيرهم من الشله الجميله كنا نجلي الفطور ونصة نهار لازم يكون عندك جنيهين عشان تشتري عيش بي شطه او في حالة العدم تمشي الزير تديها كوزين ع الجوع وتحمد ربك ايام بالرغم من قساوتها فهي جميله
اسواء ايام عشتها هي كانت خلاف بيني وود الشيخ استمر لمدة عام والله المصران اللي عندي دا من اثاره والغريبه بالرغم من الخلاف كنا لانأكل بالرغم من الذي بيننا والله كان يضع القروش في جيبي بالدس
اما بخصوص سرقة الملايا اذكرها كما ولو حصلت امس واتذكر لمن عملت فيها اعمي لما كان دخول الداخليه صعب ونتنافس في كيفية الدخول
اما الطيران المدني كان اسمها شذي الاذي انسي الموضوع لانو المدام قاعده تتصفح المنتدي ( خليها مستوره يا خبيث )
برضو راجعين

الاخ عاشق الديار علمت انلك قصة مع المياه البتجى فى المواسير علمت انك كلما تجد ماسورة شغالة فى الخرطوم او الجديد تقول خلوها التكمل الموية اهلنا فى الحلة مالاقينها وناس الخرطوم استحموا بيها واغسلوا عرباتهم وعلى نفس الحكاية اكان اخونا احمد عباس ايام البيارة الجات جديدة قالوا ليه امشى اسقى حمار العمدة عباس اخذ ليه جردل وطش وملا الطش من الماسورة طبعا الحمار ابى اشرب لانه ماناقش انه فى موية بيضاء ونظيفة فماكات من احمد اخونا الا وان كب بايديه التراب فى الطش وقرب الحمار للشراب وشرب وكانت اعجوبة ومسار نكات فى تلك الفترة فى حلتنا التى ابت مشكلة الماء ان تفارقها ويبدوا ان ادروب ولوف

محمد قسم السيد حمد كتب:

الاخ عاشق الديار علمت انلك قصة مع المياه البتجى فى المواسير علمت انك كلما تجد ماسورة شغالة فى الخرطوم او الجديد تقول خلوها التكمل الموية اهلنا فى الحلة مالاقينها وناس الخرطوم استحموا بيها واغسلوا عرباتهم وعلى نفس الحكاية اكان اخونا احمد عباس ايام البيارة الجات جديدة قالوا ليه امشى اسقى حمار العمدة عباس اخذ ليه جردل وطش وملا الطش من الماسورة طبعا الحمار ابى اشرب لانه ماناقش انه فى موية بيضاء ونظيفة فماكات من احمد اخونا الا وان كب بايديه التراب فى الطش وقرب الحمار للشراب وشرب وكانت اعجوبة ومسار نكات فى تلك الفترة فى حلتنا التى ابت مشكلة الماء ان تفارقها ويبدوا ان ادروب ولوف

[لاخ العزيز والله انا اكتر حاجه شائل ليها هم ومنزعج منها موية السديره والتي هي معضله الناس في القري المجاورانا تجاوزتها وتبحث الان عن كيفيه تناول ما اتي به رادار حسيب (تخطيط القريه والاجلاس وغيرها من الاساسيات ايضا )
قصة احمد عباس قصه مذهله وعجيبه والغريبه اول مره اسمعها
بالمناسبه االبياره الجديده اتصل علي الاخ ماجد وافاد بانه تم الانتهاء من الحفر وتم شراء صهريج زي الصهريج الجوار الميناء البري وخلال 15 يوم سيتم تركيب الشبكه الجديده ومن ثم العمل وبنظام الجمره الخبيثه كمان يعني يجيك زول يرد مويه عندك (الحسابه تحسب وبرضو احسن )
وبعدها ندخل رادار حسيب ونحلم معاه بي الاشارات في تقاطع السيحه واشاره كبيره جوار ناس ودابو اربعه
ويافطات كبيره تقول الي المسجد الكبير ويافطه تخبر عن مسيد الشيخ جار النبي
الله يدينا الفي مرادنا