يقول أحد الوزراء لشافيز:
يا شافيز، قلت الرؤسا كلامهم خرمجه. كيف يعني؟
يجيبه مازحاً وكأنه أعد الإجابة:
ما قلت خرمجه. أنا استخدمت كلمه أكثر دقه. قلت خارم بارم، أو كلام الطير في الباقير .
مره واحد قلب الحكومه بالليل. وفي الصباح وجه خطاب للأمه. قال فيه:
الإخوة الكرام، أشكركم على ثقتكم الغاليه، والطماطم أيضاً غاليه. وتزرع في بلادنا بكثره، والزراعه منها المروي ومنها ما يُسقى بالمطره. والمطر في فصل الخريف، وفصول المدارس في المدينه ليست كما هي في الريف. والدراسه أفضل الحاجات، والفول المدمس تبيعه الحاجات. والفول يصنع منه الزيت والدكوه، والزيت فيه الكرسترول، والعمال يلبسون الأبرول. والعمال ونادي الخريجين كان لهم في الاستقلال أكبر دور. والإنجليز سرقوا خيرات البلاد، ومن خيرات البلاد السمسم والذره والمنجا والويكاب. وينصح الأطباء مرضى السكر بعدم تناول المنجا لطعمها اللذيذ، وألذ اللحم الخراف والدجاج الحنيذ. ويا سلام على حلة العزابه، والحله بصل. والأمريكان بيعرفوا الحلل. عشان كدا عايزين نصلح علاقتنا معاهم. بس روسيا كعبه، ونحن ظروفنا صعبه. والنسوان يلبسن الكعب العالي، ولو مسافر أعالي النيل أركب البحر طوالي. وبالمناسبه الماء في النيل كتير. وفي المناسبات ما تكتروا من الشوربه. وبعضهم بيعملوا الشوربه من القرود. ولكن المرافعين شجاعه، والشجاعه لها مردود. عشان كدا عايزين نسمي فريقنا القومي مرافعين أفريقيا. وأفريقيا زحمه، بس الأمم المتحده أصله ما عندها رحمه. وإنما الأمم الأخلاق ما بقيت، والباقي يا هو باقي. وأنا اسمي كنجوم. لكن بدلعوني بعبد الباقي. وأنا راجل حربي، وشكراً شعبي. وأنا فخور بيكم، والسلام عليكم.
يسأله أحدهم:
إنت الحاجات دي بتجيبها من وين؟
يجيبه ببساطة ودون تفكير:
من الرادي. عندي رادي على كيفك. لامن كلام المذيع ما يعجبه بتكلم براهو. مقتل 79 وإصابة 260، قتيلان و8 جرحى في تفجير، الشرطة تقتل 700 من المواطنين الأبرياء، فرق الإطفاء تواصل جهودها لإشعال النيران، بركان المعارضه يقتل 57، فيضانات الحكومه تشرد 2000، أعاصير الحزب الحاكم تتسبب في مقتل... أخبار زي دي أنا ما عندي.
أنا أخباري كلها، عبد الصمد عرس بت حسين، وعثمان سماية بته بكره، وناس مستري عندهم حفله، وأبكر جا من السعوديه، وناس جدو عندهم نفير يوم الخميس، وناس خرطوم بالليل عملوا حوليه، وفاطمه بت آدم راجلها رجعها. والرئيس وقع من الحمار، والمحافظ غسّل العده، والنواب مشوا الغابه والمرافعين أكلتهم، والوالي عضته عقرب. أخبار كلها كويسه.
يا شافيز، قلت الرؤسا كلامهم خرمجه. كيف يعني؟
يجيبه مازحاً وكأنه أعد الإجابة:
ما قلت خرمجه. أنا استخدمت كلمه أكثر دقه. قلت خارم بارم، أو كلام الطير في الباقير .
مره واحد قلب الحكومه بالليل. وفي الصباح وجه خطاب للأمه. قال فيه:
الإخوة الكرام، أشكركم على ثقتكم الغاليه، والطماطم أيضاً غاليه. وتزرع في بلادنا بكثره، والزراعه منها المروي ومنها ما يُسقى بالمطره. والمطر في فصل الخريف، وفصول المدارس في المدينه ليست كما هي في الريف. والدراسه أفضل الحاجات، والفول المدمس تبيعه الحاجات. والفول يصنع منه الزيت والدكوه، والزيت فيه الكرسترول، والعمال يلبسون الأبرول. والعمال ونادي الخريجين كان لهم في الاستقلال أكبر دور. والإنجليز سرقوا خيرات البلاد، ومن خيرات البلاد السمسم والذره والمنجا والويكاب. وينصح الأطباء مرضى السكر بعدم تناول المنجا لطعمها اللذيذ، وألذ اللحم الخراف والدجاج الحنيذ. ويا سلام على حلة العزابه، والحله بصل. والأمريكان بيعرفوا الحلل. عشان كدا عايزين نصلح علاقتنا معاهم. بس روسيا كعبه، ونحن ظروفنا صعبه. والنسوان يلبسن الكعب العالي، ولو مسافر أعالي النيل أركب البحر طوالي. وبالمناسبه الماء في النيل كتير. وفي المناسبات ما تكتروا من الشوربه. وبعضهم بيعملوا الشوربه من القرود. ولكن المرافعين شجاعه، والشجاعه لها مردود. عشان كدا عايزين نسمي فريقنا القومي مرافعين أفريقيا. وأفريقيا زحمه، بس الأمم المتحده أصله ما عندها رحمه. وإنما الأمم الأخلاق ما بقيت، والباقي يا هو باقي. وأنا اسمي كنجوم. لكن بدلعوني بعبد الباقي. وأنا راجل حربي، وشكراً شعبي. وأنا فخور بيكم، والسلام عليكم.
يسأله أحدهم:
إنت الحاجات دي بتجيبها من وين؟
يجيبه ببساطة ودون تفكير:
من الرادي. عندي رادي على كيفك. لامن كلام المذيع ما يعجبه بتكلم براهو. مقتل 79 وإصابة 260، قتيلان و8 جرحى في تفجير، الشرطة تقتل 700 من المواطنين الأبرياء، فرق الإطفاء تواصل جهودها لإشعال النيران، بركان المعارضه يقتل 57، فيضانات الحكومه تشرد 2000، أعاصير الحزب الحاكم تتسبب في مقتل... أخبار زي دي أنا ما عندي.
أنا أخباري كلها، عبد الصمد عرس بت حسين، وعثمان سماية بته بكره، وناس مستري عندهم حفله، وأبكر جا من السعوديه، وناس جدو عندهم نفير يوم الخميس، وناس خرطوم بالليل عملوا حوليه، وفاطمه بت آدم راجلها رجعها. والرئيس وقع من الحمار، والمحافظ غسّل العده، والنواب مشوا الغابه والمرافعين أكلتهم، والوالي عضته عقرب. أخبار كلها كويسه.