العيون في الاغنية السودانية (ح1)

العيون وما تعنيه
العيون لها سحر .. ومعانى .. ودلائل ..
العيون الجميلة تسحر الانسان وتحرك مشاعر الفنان
وقد ابدع شعراء الاغنية فى بلادى فى رسم القصيد فى العيون
وفى هذا البوست نحب ان نستعرض ما قاله شعراء الغنية فى السودان
واليكم ما تغنى به عثمان مصطفى
العيون طرتني زول من اهلو غايب
والشعر في كتيفو يتهادل سبايب
والله مشاقين
في عينيك تظهر لي دنيا
دنيا شوقك فيها ظاهر
الاماني الحلوه هايمة زي بحور ما ليها اخر
الكليمة الطيبة منك زادي
وحياتك لي باكر
والامل فارد جانحو ديمة زي عينيك مسافر
والله مشاتقين
تعال وبادلنى الوداد
ولا قاسمنى السهاد
انت لو راضى البعاد
ليه بتحكى الذكريات
غنى الاستاذ محمد الامين فى العيون وقال :-
اقول ليها عويناتك ترع لولي وبحار ياقوت
مناحات ريد حزاينيه بغازل فيها مأساتي
وفي شرف العبور ليها بموت واكسر شراعاتي
تقول لي غناك حزين غناي حزين
وانا الواهب قصائدي الباكيه للفرحه
وانا البديها شان ريدي وصباي طرحه
قول ليها عويناتك زي سواد قدري
مكحله عمري من بدري
لو بقدر اسافر في بريق لحظك وما ارجع
تقول لي خايفاك تتوجع واتوجع
اقول ليها عويناتك ديار وعدي
مسوره بي جدار صمتك
وغناها الاستاذ كمال ترباس
عيونك فيها شئ يحير يغير فى تجاه
يسهر فى العيون النوم يودر قلبي فى المجهول


وقال كرومة فى قصيدة سيدة وجمالها فريد

والفي صديره فرهيد *** رمان دا ولا نهيد
ياناعس عيون الصيد *** قاتله وحداها فصيد
يلمع في ضوه تصيد *** قلبي البقالها القصيد

وقال عتيق فى قصيدة - قضينا ليلى ساهرة

والف الف عاشق يذوب غرام و حسرة
غزال عيونه كاحله رشيق قوام واحلا
ملك زمام فؤادي و ترك عضايا ناحلة

وقال سيد عبدالعزيز فى قصيدة يجلى النظر

يجلى النظر يا صاحِ منظر الانسان
الطرفه نايم وصاحي صاحي كالنعسان
فى الضي جبينها النادى والبدر خلان
تجمع لطافة ورقة ونفرة الغزلان
ما بين أن جسيمها اللادن الكسلان
يزرى الحرير الناعم والفريع اللان
دعجة ومكحلة خلقة عظمها الرحمن
بكمال جمال الخلقة وشحها الإيمان
جذب المناظر مننا منظرها الفتان

وبجيك راجع بعيون لو شافها مريض سنين يشفى !!

الي اللقاء التوقيع
والعيون التي في طرفها حور قتللننا ثم لم يحيين قتلانا

الاخت اسيل لك التحية ، نعم لقد كانت العيون هي ملهمة الشعراء والادباء ومازالت المحور الاساسي للجمال الذي يدور في فلكه كل العشاق، وهذا سر رباني لايعلمه الناس ، وتعد العيون من اعظم نعم الله علي العبد متمثلة في البصر الذي ورد في القران الكريم كثبرا.
اسمحيلي ان اضيف بعض ماقيل في العيون قليلا.
فقد تطرقتي لماقاله الشعراء والفنانين السودانيين في العيون، فيوجد شاعر سوداني يسمي شاعر العيون وهو الاستاذ الكبير عبد الله النجيب فقد غني له كثير من الفنانين علي سبيل المثال صلاح مصطفي صدقت العيون وعبد المنعم حسيب في تلك الرائعة عيونك كانو في عيوني وغيرهم، ومحمد ميرغني يقول امسكي عليك عيونك ديل امسكيهن، ووردي في رائعة الحلنقي اقابلك يقول: اي عيون بتتقابل الا عينيك مابتنفات،،، ديل عينيك وكيفن حلاة البسمة في القاسيات، وعثمان حسين وحات عينيك ماتزعل ، وكان معظم العشاق يقسمون بالعيون( ماعلينا بيهم حلال ولاحرام) المهم كل او معظم الفنانين غنوا للعيون.
والشاعر الكبير ابو الطيب المتنبئ الذي لم يعشق ولم يتغزل فقط هي العيون التي اجبرته علي العشق حين يقول:
وماكنت ممن يدخل العشق قلبه+++ ولكن من يري جفونك يعشق
ويشير للعيون هنا بالجفون، هذا قليل من فيض كثير.
وهديكم هذه الابيات الرائعة التي قيلت في العيون:
[size=24]عينــــاك
ملء روحي هذا الصفاء العميقُ"="ياعيونا من سحرها لاأفيق
يابحارا أهيم وحدي فيها"="ودليلي في الأفق نجم سحيق
اومأت لي عيناك فاختلج العطر "="وطاف الندى ..وصب الرحيق
وجفتني عيناك فأختنق اللحن .."="ومات الصدى ..وغاب البريق
أدعي انني نظرت فناداني "="الى موكب الظلال طريق
ادعي ان في عيونك دنيا "="لي وحدي فيها الربيع الوريق
فيهما ترتع الطفولة..يؤوي الطفل"="ذاك المهد الصغير العتيق
يالعينيك في مفاتن عينيك "="تعاني الاهواء مالاتطيق
مع خالص تحياتي[/size]