أقيف و أسمع ...
هنا و ما تقلب الصفحة ....
و كتر في الدموع و النوح ....
لانو قضية القصة ...
محال تقدر ....
تغير فيها باليدين ....
زمان حرم ....
و طلقانة ....
و سوط عنجا متين يسلخ ....
جباه مليانة بالهيبة ....
بطانة .. تزغرد الامات ....
و عرضة تشبل الاخوات ....
و ركزة عديل ....
عناوين ساكنة في الوجدان ....
و تاريخا جميل مزدان ....
و تقابة تصحي صمت الليل ....
وطن اسطورة في الاوطان ....
عزيز و عظيم ...
و شعبو مثال ....
و اسمو كمان ...
مكانو الروح ....
و مضرب للمثل في العفة و الاخلاق ...
منو البقدر ...
يصدق بس ...
بقت ستو ...
و عنوان عزتو و مجدو ...
و بت الحلة و الجيران ...
و قصة حبنا الاول ....
أكيد عزة ...
بقت في السوق ...
لحم معروض ....
بقت يا اخوانا في اليو تيوب ....
فضايح مابتعرف حد ...
و منظر يوم تشوفو العين ....
جروح تقطع ....
شرايين جوى في الوجدان ....
و بالجد للقلوب تضبح ....
تبكي الروح ...
تنادي تنوح ...
محال عزة ...
سليلة السيل ....
و بت شيخا كريم و أصيل ....
عشا الضيفان ....
و سترة أم توب ....
بقت مفضوحة في اليو تيوب ....
اقوووووووول الوووب ....
و اقووول لو كنتو يا اخوانا ....
قليل من ضمن سكانا ....
و عارفين انكم شينين ...
رجاء ابقو مستورين ...
نداوي برانا زلاتنا...
و مولاكم ....
حليم ستار ...
عشان الجدول الجاري ...
و طورية جدع عرقان ....
صقر جديان ...
مرفرف فوق ...
و طن اسطورة في الاوطان ...
و شعب عظيم ...
نوقف للفضايح بس
بكرر من جديد تاني ...
اذا ما كنت من ناسنا ...
و عارفين انكم شينين ....
رجاء تبقو مستورين ...
و صورة وشكم كانت ....
تمام شينة ..
و ما ممكن ....
محال تلمس ...
شموخ امة ...
و لكن للاسف ...
مكتوب ...
على اليو تيوب ...
بان و طنكم السودان ...
