منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

يوم لا ينسى 15-8-2005 يوم العديل والزين بالسديرة

power_settings_newقم بتسجيل الدخول للرد
+9
makarim
monty
ياسر
دفع الله قدوم
محمد عمر بشير حميده
مناهل(أم حمودي)
حسبو العوض
ابو قدير
بت العقاب
13 مشترك

descriptionيوم لا ينسى 15-8-2005 يوم العديل والزين بالسديرة Emptyيوم لا ينسى 15-8-2005 يوم العديل والزين بالسديرةالثلاثاء أبريل 08, 2008 7:25 am

more_horiz
يوم لا ينسى 15-8-2005

يوم العديل والزين بالسديرة


يوم اشرقت فيه شمس السرور واشعة البهجة والسرور في قلوب كل من وجد على

ارض السديرة وصدحت الحناجر بـ (( يا عديلة يا بيضاء......يا ملائكة سيري معاه))

يوم مبارك تم فيه عقد القران و اتلموا فيه الحبان من كل مكان من بعيد ومن قريب من

باكستان ومن بورسودان وامتلا المكان وذبحوا التيران والخرفان ونصبوا الصيوان.

وحضر الكبير والصغير، القريب والبعيد،الحبيب والصديق ، العمات والخالات ، والامهات

والحبوبات والمعلمات والطالبات بالتهليل والتكبير وضرب السلاح وعطروا الجو بالمدايح

النبوية والطارات والعرضات والزغاريد عمت الجو بالبهجة والسرور و الفرح

والليلة يومكم يا اهل البلد ،،،،،،،،

اليوم مفتوح لكل الخدمات في جميع المجالات من البيارات والطواحين والافران

ضيافة اهل العز والكرم وكل اخوانا المدرسين والمدرسات اجزوا للطلبة و الطالبات

للمشاركة في الفرحات هذا اليوم المبارك .وحتى اخوانا الفلاتة واقفين ومشاركين

والرحل متواجدين والكل ظاهرين صورة جميلة صادقة تعبر عن الفرحة والحب والعطاء

والامهات والخالات والعمات شايلين البهجة والسرور وجايين يعبروا عن فرحتهم الصادقة

المليانة حب وعطاء ومنهن الشايلة اكلة هنية والتانية تحمل معها للعروس هدية والدقت

صدرها وقالت نحن جاهزين لكل شي من والى.وتسمع من هناك زغرودة جاية مجللة

تعطر الجو بالسعادة والهنا وبالمال والعيال وجديدا متابع ومبروك والف مبروك،،،،،،،،،

ويعجبك الشبان وقفوا العربات لكل الخدمات وكفكفوا الجلالييب وقالوا نحن اخوان البنات

التقيلة وفي الحوش الشبات جالسات فوق النجيلة وشايلات الدلوكة ويغنين العديلة لبنت

القبيلة ولكن هي ما قبيلة واحدة هي قبايل ... تدخل في جو الفرح .. والنسيم العليل ..

وشجرة الحاجة وظلها الظليل والعصافير تغرد بصوتها الجميل وامتدت الفرحة وفرشت

جناحها فوق القرى القريبة ( الغربية – المسعودية) وتمت الفرحة ....ووقفوا الاهل

وقفة رجال ووقفة عز

وصدق القال (( العز بالاهل ...... ونعم الاهل))

[center][b]وده كان يوم عقد " مناهل " بنتي اول فرحتنا

وربنا يديم الافراح

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالخميس أبريل 10, 2008 3:06 am

more_horiz
ان شاء الله نفرح قريبا بمكارم ومحمد والله يديم السعادة والأفراح والهناء والسرور والحبور ونرجع سالمين وغانمين آمين آمين آمين


ابوقدير بابكر احمد

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالخميس أبريل 10, 2008 3:14 am

more_horiz
يابت العقاب ربنا يديم الافراح والليالي الملاح..والحمد لله اهلك شرفوك وفعلا العز بالاهل..
وعقبال لكل أولادك ونفرح كلنا تاني وتاني في السديرة.

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالأربعاء أبريل 16, 2008 8:33 am

more_horiz
والله يابنت العقاب عيشتينا فى جو السديره .ولمه الاهل فى المناسبات السعيده
جعل الله ايامك كلها سعاده وتفرحى بجديد اولادك واولاد اولادك انشا الله وسط الاهل والاحباب,,,,,وزى ما قلتى العز اهل

وعلى فكره انا اكتر واحده زعلانه لانى ما حضرت هذا اليوم التاريخى "لانى كنت العروس المحبوسة"...

وربنا يديك العافيه

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالثلاثاء مايو 06, 2008 7:10 pm

more_horiz
العز بالاهل واهلك ناس ما هينيين
الف مبروك وعقبال الباقيين

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالثلاثاء مايو 13, 2008 7:04 am

more_horiz
الأخت الكريمة " الملكة"

السلام عليكم،،

صراحة لم أجد المدخل المناسب للتواصل وما عرفته لغاية الحرف البكتب فيه ده ، عموما البركة في المنتدى، لان لا حصل قابلتك ولا بتتذكري انا منو، طبعا عارفه انا منو، لكن من غير تفاصيل ، الحاجة التانية الغربة والبعد ، ثالثا فارق الأعمار ، لكن من جانبي بقول أنا بتذكر كل ما هو متعلق ببت العقاب وزوجها الاستاذ احمد البخيت واولادكم دون تفاصيل ،،،

المهم داير أقول مبروووووك بأثر رجعي ل"مناهل" كان تقبلوها ولا ...... ،

والقصة شيقة واهم حاجة كانت فيها التناسق والتسلسل الموضوعي، والملاحظة المهمة سلامة اللغة التي كتبتي بها وهى ذات اللغة التي دأبتي على الكتابة بها عبر المنتدى ، ما عارف انت برضه أستاذة ولا ......... ،

عموما أتمنى أن يديم المنتدى بعد الله التواصل بين الأهل ، خاصة المتواجدين في الغربة

سلااااااااااااام

عدل سابقا من قبل دفع الله قدوم في الثلاثاء مايو 13, 2008 8:07 pm عدل 2 مرات

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالثلاثاء مايو 13, 2008 7:41 am

more_horiz
والله رائعه يابنت العقاب
لقد هيجت شجوننا بتعابيرك الحلوه
وعشنا من خلال الموضع الصوره كامله للفرح ومن خلالها شفت عز الاهل
(الما عندو اهل يقع البحر)
وربنا يحفظ حمودى لمناهل
عقبال لمحمد ومكارم وسمير
ودامت ايامك فرحا
مع خالص ودى لكم

ياسر .....ود العقاب

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالأربعاء مايو 14, 2008 10:47 pm

more_horiz
الله يا خالة والله بالجد العز بالاهل والما عندو اهل زيكم يقع البحر،ان شاء الله ربنا يديم الافراح ونفرح بجديد محمد ومكارم وقريبا جدا ان شاء الله نفرح بزواج الخال العزيز فيصل ،على فكرة يا خالة انا برضو زى مناهل زعلان لانى ما حضرت اليوم الجميل ده لانى كنت فى بورسودان مع الجامعة....ولكن ان شاء الله الافراح الجاية نحن تلقونا فى النص

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالخميس مايو 15, 2008 3:35 am

more_horiz
ما قصرت يا ام محمد وفيتي وكفيتي في الوصف وعيشتني اليوم ده مرة تانية والله وانا بقرا في الموضوع سرحت
بعيد بفكري ورجعت سنتين لورا وبديت اعيد اللحظات لحظة لحظة والمواقف والكلام والاغاني و الناس والفرحة في
عيونهم والاصوات ووووووووو

صحيح يوم لاينسى ومحفور في الذاكرة بادق تفاصيله وبالجد كان من اجمل ايام حياتي اللي دايما كانت مناهل اختي

وصديقتي وتؤام روحي مشاركاني فيهم الا اليوم ده لانها طبعا كانت مدسوسة (العروس المحبوسة)

ومن اجمل اللحظات في ذالك اليوم كانت لحظة العقد والرجال ملتفين ورافعين ايديهم بالدعاء للعروسين ووالد
العروسة ووالدتها واقفين ومترقبين موقف تقشعر له الابدان من هيبته وانا كل ما اشوفه بنطط عيوني بحس بحاجة
غريبة من هيبة الموقف واذكر اني قلت ليهم ( اول مرة اشوف اللحظة دي حسيت بانو في مؤامرة ولا مكيدة
بتنحاك ههههههه)

وكمان من اجمل اللحظات لحظة ضرب البنادق ولحظة مباركة الحاج السني للحاجة ملكة ( والدي العروس)
لبعضهما لقطة في قمة الروعة ....

والله لو قعدت اكتب عن اليوم ده حتكمل صفحات المنتدى وانا ما خلصت ...

وصدق اللي قال العز بالاهل ... ونعم الاهل يا اهل السديرة ...

وما قصرتو يا اهلناااااااااااااااا شرفتونا ورفعتوا راسنا وربنا يقدرنا على مجازاتكم

وربنا يديم افراح الجميع ...

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالجمعة مايو 16, 2008 5:17 am

more_horiz
[عقبال ليك ونفرح بيك وتكوني وسط الحفلة وما مدسوسة زي مناهل وعشان الناس كلها تشوفك عيان بيان ويقولوا دي اخت منننننننننننننننننننننننننننننننننناهل
العروس الكانت مدسوسة مننا زمان ولا مش كدة
عقبال لي البقية كمان من يوم الدسة

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالسبت مايو 24, 2008 5:41 pm

more_horiz
الف الف الف الف مبروك

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالأربعاء يوليو 02, 2008 12:37 am

more_horiz
بت العقاب
كيف حالك واحوالك واخبار الاهل والاولاد
1000 ال1000 مبرررررررررررروك وعقبال محمد ومكارم وسمير
وماننسي كمان حمودي ود مناهل وتحضر مناهل وتشوف زواجه إنشاء الله
وربنا يجعل أيامكم كلها أفراح وتحياتي لابومحمد
ودالأفن_____________دي

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالسبت يوليو 05, 2008 7:01 am

more_horiz
اشكركم جزيل الشكر على مشاعركم النبيلة

واشعرتوني انكم شاركتونا في هذا اليوم السعيد

واتمنى من الله ان يتم فرحتنا ونفرح بجميع شباب المنتدى

امييييييييييييين

descriptionيوم لا ينسى 15-8-2005 يوم العديل والزين بالسديرة Emptyرد: يوم لا ينسى 15-8-2005 يوم العديل والزين بالسديرةالأحد يوليو 13, 2008 1:28 am

more_horiz
فعلا السيدةالوالدة اختى مكارم عيشتنا معاها الفرح وكاننا كنا موجودين وحاضرين الفرح وقريت كل كلمة والله وحسيت انى موجود فى الفرح
والف مبروك ليها وعقبال ماتفرح بحمودى وعقبال مكارم
وربنا يديم الافراح ويارب العزوة دائما تكون موجودة ونعتز بالقبيلة
وربنا يديكم العافية و
ولكم شكرى وتقديرى
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد