اليوم الأول
الزمان... يوم من أيامنا الزمان.. وتحديدا عصرا بدري..
المكان... حوشنا الكبير الفيهو تسعة بيوت داخلة في بعض ما بينها إلا نفاجات الزنك والخشب... حوش كبير فيهو بيوت أعمامي وعمتي صفية وخالتي رقية... وأي زول يعرس يقسموا ليهو قطيع .. ولسة البيت كبير...
وانا في الساعة ديك قاعدة أقش في حوشنا.. أقش وأقعد أريح..أصلو كان حدادي مدادي... وبعد شوية جبت الجردل وقعدت أرش وجاتني ريحة الدعاش البتنسيني أي تعب..
فرشت الفروة لجدي تحت شجرتنا الكبيرة عشان يصلي العصر أصلو اتأخر في قراية القرآن.. وسألني:-
- أبوك وين يا بت ؟؟
- فات الجامع ياجدي..معاهو عمي الصديق... كدي النجيب ليك الابريق....
- خلاص جري لي عنقريبي جاي..
وفعلا جريت عنقريب الحبل الجلدو عمي الحسن قبال يومين.. وبعد صلى قعد يسبح...
أمي جات مارقة من جوه.... من التكل
- يابت ماتميتي الرش مالك؟؟ هسع أبوك واعمامك يجوا للغداء.. أخوانك وينن ؟؟
- سحاب مشى الكورة... والتيمان زول وزول كده بلعبوا في البلي في الحوش الوراني... عمر وهنو بسكو في ديك بت الاسطى... وسيدة قاعدة جوه تمشط في دمعة ومودة... انتي يمه خالتي ستنا مالها ما مدت راسها الليلة؟
- ماااابعرفها.. لكن قبل شوية سامعة عمك جايط وبكورك.. الله يستر...
- هو يعني كل مرة ينكد عليها كده ..شنو يعني كان ماجابت الجنى لغاية هسه؟؟؟ يا أمي ماتمشي تعرفي الحاصل.. أنا بتم الفريش وامشي أشوف خالتي رقية .. قبيل خليتها حاسة شوية...
- خلاص خلي سيدة تخت الأكل للشفع وبعدين تكمل المشاط...
........................
وبعد فرشت العناقريب مشيت حوش خالتي رقية .. لقيتها لافة راسها بالطرحة...
- أها يا خالتي...كيف هسع ؟؟؟
- غايتو أخير لكن لسه وجع الراس... كدي جيبي زيت السمسم والمفتاح وتعالي أكربيهو لي يمكن يقفل..
- سمح... لكن ياخالتي انت مولعة نار.. أننادي حربي يجيب الحمارة نوديك المركز...
- يابت مركز شنو ؟؟ ... هسه ببقى كويسة... وحربي أنا رسلتو الدكان... أنا هسة مشغولة بود القروش... ليهو يومين غايب.. ساقو مصطفى وقالو ماشين لأب قناية يشتري منهن أب سبعين.. ولا خبر ولا أتر...
-الغايب عذرو معاه.. ولدك وعارفاهو ... جنو حوامة..يغيب بالايام وما نعرفو غاتس وين... لكن إن مع مصطفى الحبة ما بتجيهو.. أرحكي هسه يكونوا ناس أبوي جوا وامي ختت الغداء...
- ومالها مرت عمك ما بتخت الغداء.؟؟!!!!!!!!
-هديك معنقلة في نص العنقريب... محننة.. أنا بسبقك بهناك...
وما وصلت الحوش إلا أسمع ليك في صج..صج.. ولقيت أبوي بجلد في أوتار ود عمي أحمد... والولد يكورك..وطبعا مافي طريقة زول يتجرأ ويفكر انو يحجز.... لكن انا غلبني أسكت..
- مالو يابوي سوى شنو .؟؟؟
- مشا تاني البير القديمة.. ياولد أنا ما حذرتك.!!
رد عليهو المسكين من ورا دميعاتو الماقدر يحجزن...
- لكن يا عمي ده واو القال لي أرح... وعد الأصيل ذاتو مشى معانا..
- كمان ؟؟!!! ماشاء الله...
وطبعا الأسمين الأخيرين ديل الله وحدو يعلم اتدسوا وين؟؟.... وهنا أمي لقت فرقة تتدخل...
- يا حاج ..هدي شوية ود الناس!!.. ما أصلن الصغار كدي..
- هو يعني عشان أبوه مافيش يمرق زي ماداير... أمشي يا ولد اترزع هناك وتاني أعمل كده عشان اقتلك..
وطبعا ياجماعة قولة صج في بيتنا بتخلي الناس كلها تتضاير خاصة التيمان وتخلي كل زول يلبد في بكانو...
بعد شوية الناس نست الحكاية.. وقعدنا ناكل ...كل مجموعة في صينية.. عاينت لقيت اوتار مافي... عرفتو مدسي وين.. وفعلا لقيتو هناك.. مكرفس في المصلاية...
- أوتار ياود عمي انا ما كلمتك؟؟!! البت دي حتجيب أجلك ....
- أسوي شنو ..كان لازم أشوفها....
أها باقي الحكاية ننقلها ليكم بكرة... ودعتكم الله
الزمان... يوم من أيامنا الزمان.. وتحديدا عصرا بدري..
المكان... حوشنا الكبير الفيهو تسعة بيوت داخلة في بعض ما بينها إلا نفاجات الزنك والخشب... حوش كبير فيهو بيوت أعمامي وعمتي صفية وخالتي رقية... وأي زول يعرس يقسموا ليهو قطيع .. ولسة البيت كبير...
وانا في الساعة ديك قاعدة أقش في حوشنا.. أقش وأقعد أريح..أصلو كان حدادي مدادي... وبعد شوية جبت الجردل وقعدت أرش وجاتني ريحة الدعاش البتنسيني أي تعب..
فرشت الفروة لجدي تحت شجرتنا الكبيرة عشان يصلي العصر أصلو اتأخر في قراية القرآن.. وسألني:-
- أبوك وين يا بت ؟؟
- فات الجامع ياجدي..معاهو عمي الصديق... كدي النجيب ليك الابريق....
- خلاص جري لي عنقريبي جاي..
وفعلا جريت عنقريب الحبل الجلدو عمي الحسن قبال يومين.. وبعد صلى قعد يسبح...
أمي جات مارقة من جوه.... من التكل
- يابت ماتميتي الرش مالك؟؟ هسع أبوك واعمامك يجوا للغداء.. أخوانك وينن ؟؟
- سحاب مشى الكورة... والتيمان زول وزول كده بلعبوا في البلي في الحوش الوراني... عمر وهنو بسكو في ديك بت الاسطى... وسيدة قاعدة جوه تمشط في دمعة ومودة... انتي يمه خالتي ستنا مالها ما مدت راسها الليلة؟
- ماااابعرفها.. لكن قبل شوية سامعة عمك جايط وبكورك.. الله يستر...
- هو يعني كل مرة ينكد عليها كده ..شنو يعني كان ماجابت الجنى لغاية هسه؟؟؟ يا أمي ماتمشي تعرفي الحاصل.. أنا بتم الفريش وامشي أشوف خالتي رقية .. قبيل خليتها حاسة شوية...
- خلاص خلي سيدة تخت الأكل للشفع وبعدين تكمل المشاط...
........................
وبعد فرشت العناقريب مشيت حوش خالتي رقية .. لقيتها لافة راسها بالطرحة...
- أها يا خالتي...كيف هسع ؟؟؟
- غايتو أخير لكن لسه وجع الراس... كدي جيبي زيت السمسم والمفتاح وتعالي أكربيهو لي يمكن يقفل..
- سمح... لكن ياخالتي انت مولعة نار.. أننادي حربي يجيب الحمارة نوديك المركز...
- يابت مركز شنو ؟؟ ... هسه ببقى كويسة... وحربي أنا رسلتو الدكان... أنا هسة مشغولة بود القروش... ليهو يومين غايب.. ساقو مصطفى وقالو ماشين لأب قناية يشتري منهن أب سبعين.. ولا خبر ولا أتر...
-الغايب عذرو معاه.. ولدك وعارفاهو ... جنو حوامة..يغيب بالايام وما نعرفو غاتس وين... لكن إن مع مصطفى الحبة ما بتجيهو.. أرحكي هسه يكونوا ناس أبوي جوا وامي ختت الغداء...
- ومالها مرت عمك ما بتخت الغداء.؟؟!!!!!!!!
-هديك معنقلة في نص العنقريب... محننة.. أنا بسبقك بهناك...
وما وصلت الحوش إلا أسمع ليك في صج..صج.. ولقيت أبوي بجلد في أوتار ود عمي أحمد... والولد يكورك..وطبعا مافي طريقة زول يتجرأ ويفكر انو يحجز.... لكن انا غلبني أسكت..
- مالو يابوي سوى شنو .؟؟؟
- مشا تاني البير القديمة.. ياولد أنا ما حذرتك.!!
رد عليهو المسكين من ورا دميعاتو الماقدر يحجزن...
- لكن يا عمي ده واو القال لي أرح... وعد الأصيل ذاتو مشى معانا..
- كمان ؟؟!!! ماشاء الله...
وطبعا الأسمين الأخيرين ديل الله وحدو يعلم اتدسوا وين؟؟.... وهنا أمي لقت فرقة تتدخل...
- يا حاج ..هدي شوية ود الناس!!.. ما أصلن الصغار كدي..
- هو يعني عشان أبوه مافيش يمرق زي ماداير... أمشي يا ولد اترزع هناك وتاني أعمل كده عشان اقتلك..
وطبعا ياجماعة قولة صج في بيتنا بتخلي الناس كلها تتضاير خاصة التيمان وتخلي كل زول يلبد في بكانو...
بعد شوية الناس نست الحكاية.. وقعدنا ناكل ...كل مجموعة في صينية.. عاينت لقيت اوتار مافي... عرفتو مدسي وين.. وفعلا لقيتو هناك.. مكرفس في المصلاية...
- أوتار ياود عمي انا ما كلمتك؟؟!! البت دي حتجيب أجلك ....
- أسوي شنو ..كان لازم أشوفها....
أها باقي الحكاية ننقلها ليكم بكرة... ودعتكم الله