فضـــــــل الظهــــــــر
* من كان له فضل ظهر فليعد به علي من لا ظهر له
* كل الجمال في الإحساس بالآخرين والتكافل الاجتماعي الذي يتيح للفقراء أن يستمتعوا بثروات الأغنياء
* العندو قلم زايد يدي الماعندو
* العندو قميصين يدي العريان
* كل ذلك دون منٍّ ولا أذى
* هكذا تربينا وهكذا ديدننا
* لو عندك قميصين وأديت أخوك في الله قميص قول ليهو صغر وفي الترزي اذا كان القميص أكبر منك
* الإخوه الأهلة محتاجين للرد كاسيل ليلعبوا فيه
* وقالوا الكلام ده عديل كده
* نحنا لا مانع لدينا
* مرحباً بكم في ديارنا
* العبوا زي ما دايرين
* لو ما شالكم الطابق الأرضي يشيلكم الطابق الجديد
* بس عليكم أن تصغروا القميص في الترزي
* يعني لا بد وأن تلبسوا لاعبيكم (نضارات لحام)
* الكشافات دي قويه خلاص وأولادكم ما متعودين عليها
* بتجهرهم شديد
* واحد صفوه قدم احتجاجاً وقال لي يلعبوا في استادنا عشان يحفروه لينا بالدفن؟
* قلت ليه دفن مامعانا... يلعبوا ويتخارجوا
* هو الحمار ذاتو في كشافات زي دي لو دفنوه ما بظهر للجمهور زي (صورة الأشعة)
* ضلمة مافي
* وبعدين حا يلعبوا كم كورة يعني ؟ ما كورة واحدة وبعدها مكرر والمكرر ما بتكرر
* قال لي كان كده خليهم يلعبوا مكررهم ده ويتخارجوا
* خلاص الصفوة أصحاب الظهر قرروا أن يعودوا به علي عديمي الظهر
* تعالوا اتمرنوا من أسي
* أبدوا بالفرحة ثم الطواف ثم تمارين العين مع الكشافات
* بس ما تجيبوا شنط معاكم احتمال يكون فيها جقور ولا عنكبوت ولا حاجة بالشكل ده
* قالوا البرنس شاتها في الحتة الغلط ضربت في الباك غيرت دخلت في الحتهة الصاح
* قلت ليهم الله بدي الجنة
* وفي ناس قالوا في الحقيقة كانت باص لمهاجم
* أيا كانت النية ربك أراد في النهاية
* وقد يبتلي الله بعض القوم بالنعم
* الأستاذ ابراهيم عبد الرحيم كتب أمس أول أغسطس يقابل الثاني من ديسمبر
* وشرح الموضوع ده كالآتي:
* أول أغسطس ده فريق أنجولي
* اسمه في أنجولا القمر
* يوم في مباراة أفريقية الحكم طرد حارس مرماهم نمرة واحد
* بعد الكورة اتكلموا مع الحكم
* قالوا ليه شنو أنا ما عارف
* لكن الحكم طلع التقرير وصلح الواحد (رقم الحارس) الى الرقم ثمانية
* وبقت فضيحة في أنجولا
* قام الأنجوليون الشرفاء سموا الفريق واحد تمانية
* طيب اتنين اطناشر دي شنو؟
* ده الفريق المقابل لأول أغسطس
* سبحان الله ليهو نفس الحكاية
* الحكم في كورة أفريقية طرد نمرة اتنين
* ونمرة اتنين ده لاعب مهم عند الجماعة
* بعد الكورة اتكلموا مع الحكم
* قالوا ليه شنو ما عارف
* الحكم طلع التقرير وقال ليهم عندكم لاعب مصاب؟
* قالوا ليه نمرة اطناشر
* الحكم لقاها ساهلة وخت واحد جوار الاتنين طلعت اطناشر
* عشان كده ابراهيم قال ليكم واحد تمانية بقابل اتنين اطناشر
* ظروف متشابهة للفريقين
* الفرق أن حكم أول أغسطس الاتحاد الأفريقي ما طردوا زي حكم لخويا
* الله يرحم البابا
* أكتب قبل مباراة الزعيم والموردة
* وأنا عارف النتيجة مسبقاً
* من واقع الشفتو امام الاتحاد الليبي
* ان شاء الله الاتحاد السوداني يثأر للاتحاد الليبي من أندية أمدرمان
* قولوا آمين
* قالوا مطرة والفنايل بيض
* ياربي المطرة دي كانت شغالة هزاز ولا صامت ؟
سلك كهربا
سوداني الجوة وجداني بريدو
اوكامبو الماسورة
والى لقاء
* من كان له فضل ظهر فليعد به علي من لا ظهر له
* كل الجمال في الإحساس بالآخرين والتكافل الاجتماعي الذي يتيح للفقراء أن يستمتعوا بثروات الأغنياء
* العندو قلم زايد يدي الماعندو
* العندو قميصين يدي العريان
* كل ذلك دون منٍّ ولا أذى
* هكذا تربينا وهكذا ديدننا
* لو عندك قميصين وأديت أخوك في الله قميص قول ليهو صغر وفي الترزي اذا كان القميص أكبر منك
* الإخوه الأهلة محتاجين للرد كاسيل ليلعبوا فيه
* وقالوا الكلام ده عديل كده
* نحنا لا مانع لدينا
* مرحباً بكم في ديارنا
* العبوا زي ما دايرين
* لو ما شالكم الطابق الأرضي يشيلكم الطابق الجديد
* بس عليكم أن تصغروا القميص في الترزي
* يعني لا بد وأن تلبسوا لاعبيكم (نضارات لحام)
* الكشافات دي قويه خلاص وأولادكم ما متعودين عليها
* بتجهرهم شديد
* واحد صفوه قدم احتجاجاً وقال لي يلعبوا في استادنا عشان يحفروه لينا بالدفن؟
* قلت ليه دفن مامعانا... يلعبوا ويتخارجوا
* هو الحمار ذاتو في كشافات زي دي لو دفنوه ما بظهر للجمهور زي (صورة الأشعة)
* ضلمة مافي
* وبعدين حا يلعبوا كم كورة يعني ؟ ما كورة واحدة وبعدها مكرر والمكرر ما بتكرر
* قال لي كان كده خليهم يلعبوا مكررهم ده ويتخارجوا
* خلاص الصفوة أصحاب الظهر قرروا أن يعودوا به علي عديمي الظهر
* تعالوا اتمرنوا من أسي
* أبدوا بالفرحة ثم الطواف ثم تمارين العين مع الكشافات
* بس ما تجيبوا شنط معاكم احتمال يكون فيها جقور ولا عنكبوت ولا حاجة بالشكل ده
* قالوا البرنس شاتها في الحتة الغلط ضربت في الباك غيرت دخلت في الحتهة الصاح
* قلت ليهم الله بدي الجنة
* وفي ناس قالوا في الحقيقة كانت باص لمهاجم
* أيا كانت النية ربك أراد في النهاية
* وقد يبتلي الله بعض القوم بالنعم
* الأستاذ ابراهيم عبد الرحيم كتب أمس أول أغسطس يقابل الثاني من ديسمبر
* وشرح الموضوع ده كالآتي:
* أول أغسطس ده فريق أنجولي
* اسمه في أنجولا القمر
* يوم في مباراة أفريقية الحكم طرد حارس مرماهم نمرة واحد
* بعد الكورة اتكلموا مع الحكم
* قالوا ليه شنو أنا ما عارف
* لكن الحكم طلع التقرير وصلح الواحد (رقم الحارس) الى الرقم ثمانية
* وبقت فضيحة في أنجولا
* قام الأنجوليون الشرفاء سموا الفريق واحد تمانية
* طيب اتنين اطناشر دي شنو؟
* ده الفريق المقابل لأول أغسطس
* سبحان الله ليهو نفس الحكاية
* الحكم في كورة أفريقية طرد نمرة اتنين
* ونمرة اتنين ده لاعب مهم عند الجماعة
* بعد الكورة اتكلموا مع الحكم
* قالوا ليه شنو ما عارف
* الحكم طلع التقرير وقال ليهم عندكم لاعب مصاب؟
* قالوا ليه نمرة اطناشر
* الحكم لقاها ساهلة وخت واحد جوار الاتنين طلعت اطناشر
* عشان كده ابراهيم قال ليكم واحد تمانية بقابل اتنين اطناشر
* ظروف متشابهة للفريقين
* الفرق أن حكم أول أغسطس الاتحاد الأفريقي ما طردوا زي حكم لخويا
* الله يرحم البابا
* أكتب قبل مباراة الزعيم والموردة
* وأنا عارف النتيجة مسبقاً
* من واقع الشفتو امام الاتحاد الليبي
* ان شاء الله الاتحاد السوداني يثأر للاتحاد الليبي من أندية أمدرمان
* قولوا آمين
* قالوا مطرة والفنايل بيض
* ياربي المطرة دي كانت شغالة هزاز ولا صامت ؟
سلك كهربا
سوداني الجوة وجداني بريدو
اوكامبو الماسورة
والى لقاء
