جماعة ابراهيم الدوامي

الاخ التاج لك الشكر فى التعريف بهذه الجماعة التى اشترت راحة البال واتكفت شر النسوان وعاشت فى سلام وتصالح احلى واجمل الايام وللعلم محسوبك من هولاء القوم ومنظم الى درجة انى اصبحت رمزا و لى مع العم ابراهيم ذكريات حلوة واذكر حين وفاة والدنا الله يرحمه جاء عم ابراهيم وقبل قصادى وشال لى الفاتحة وتصادف ان مر شقيقنا الصديق فلم يعزيه وقال ليهوا ابوك فى حياته قال لى الصديق مامن جماعتك لكن ابقى عشرة على محمد وسعينا الدوؤب لنجعل من الاخ حسبو عضوا دائم الحضور والى الملتقى
محمد قسم السيد حمد

محمد قسم السيد حمد كتب:

الاخ التاج لك الشكر فى التعريف بهذه الجماعة التى اشترت راحة البال واتكفت شر النسوان وعاشت فى سلام وتصالح احلى واجمل الايام وللعلم محسوبك من هولاء القوم ومنظم الى درجة انى اصبحت رمزا و لى مع العم ابراهيم ذكريات حلوة واذكر حين وفاة والدنا الله يرحمه جاء عم ابراهيم وقبل قصادى وشال لى الفاتحة وتصادف ان مر شقيقنا الصديق فلم يعزيه وقال ليهوا ابوك فى حياته قال لى الصديق مامن جماعتك لكن ابقى عشرة على محمد وسعينا الدوؤب لنجعل من الاخ حسبو عضوا دائم الحضور والى الملتقى
محمد قسم السيد حمد

حسبو العوض كتب:

العزيز الشمالي ياخي والله ده موضوع كبير وجميل جدا ويستحق ان يكون موضوع الساعة...
انا لما سالت ماقائل الحكاية كبيرة كده وفيها طرائف وكمان شروط الانضمام لجمعيتكم دي صعب شديد...بالرغم انك لم تجب لي صراحة علي انك عضو في الجمعية ام لا؟ لكن شكلك عضو وفعال ورئيس فرع كمان...مبروك عليك يازول وماحسدنك...
المهم انا كنت اعلم بامر جماعة ابراهيم الدوامي ولي معرفة مش بطالة بشروط الانضمام اليها ولكن لاني لم تتوفر في شخصي شروط الانضمام وعدم الكفاءة لذلك لا اصلح ان اكون بها ، لذلك اكتفي بمطالعة كل الحكاوي التي تخرج من اصحابها وعلي راس هولاء اخونا محمد قسم السيد مدير فرع السديرة..
وصراحة الزول يحترم افراد هذه الجمعية ويقدم لهم الشكر والتقدير وذلك لانهم متفانون في تلبية اوامر الطاعة وهذا عمل في غاية التقدير..وبما ان تلبية هذه الاوامر يؤدي الي الاستقرار الاسري ويؤدي الي السعادة الزوجية ، اقترح ان تقوم انت والاخ محمد قسم السيد بالترويج الي هذه الجمعية مع الاحتفاظ للاعضاء ببعض حقوق الاحتجاج والرفض اذا لزم الامر....
بعض اعضاء هذه الجمعية بالسديرة كان ضمن مجلس فاعترف انه من الذين يمكن ان تنطبق عليهم شروط جمعية ابراهيم الدوامي ، فقال انا والله ياجماعة ممكون لكن عندي قومة كعبة ، ولي حكاوي ومصائب كتيرة ولكن ولاني ليس عضوا بهذه الجمعية لايحق لي النشر، لذلك اتمني من الاخ مدير فرع السديرة ان يقوم بنشر هذه الطرائف ، ونحن ماعلينا الا الاستمتاع بذلك..
التحية لاهلنا في الدومة اصحاب الطرائف والقلوب الطيبة..

الاخ حسبو لك كل الشكر على الافادة والتوضيح وبالمناسبة حسبو ممكن نضيفه لكن بشرط مايكثر فى التلفونات وينتظر فقط لو لاربع وعشرين ساعة من غير اتصال
وده من زمان انا قلتوا ليهوا و مايمقلبنا ونلقاهوا رايتوا علم وهنالك مجموعة طيبة وهم كثيرون ان لم نفصح عنهم الان ستفصح الحكايات بسرد طرائفهم على سبيل المثال عمنا محمد احمد ود كيقة بيحب الملوخية وعمتنا زينب تكره توريقها ويوم غلبت عليه نفسه وجاب الملوخية ومان دخل البيت الاوعمتنا الملوخية دى البورقها ليك منو وضحك عمنا وعلم انه لابد من ان يتحمل المسئولية و قال ليها براى بورقها وافرمها ووقتها البيت ماكان فيه اى زول وبالصدفة دخلت جارتهم ومعاها ولدها والولد شقى كشف عمنا وقام يكورك يمة يمة تعلى شوفى عموا بسوى فى شنو بيفرم فى الملوخية ومان كان من عمنا الا ونهره ياولد انا بتعلم فى السواقة والى اللقاء

حسبو العوض كتب:

عزيزي الشمالي والله حديث جميل وشيق للغاية ويرجع الفضل لابراهيم الدوامي الذي جعلك تخرج هذا العبق من دواخالك..
لقد اربكتني كثيرا وذلك بحديثك ان الدوامي مرة يجعلك في قائمته ومرة يخرجك من تلك القائمة وحيرتنا معاك ماعارفين هل نضعك في القائمة ام لا ولعلك قد تعمدت ذلك ، ولكن في النهاية نحنا ماعلينا المهم انت عضو فعال ونشط للغاية في هذه المجموعة وكما قال هو انك مرشح بقوة للخلافة وان شاء الله نجي نحضر حفل التنصيب في الدومة ولومك علي ناس السديرة ح يجوك افواجا مهنئين ومباركين واكيد الاحتفال ح يكون في قبة جدنا ابو شمال....
اما بخصوص محاولتك انت والاخ محمد قسم السيد ضمي للقائمة ان شاء الله سوف تبؤ بالفشل لانو انا حالي حال زول السديرة القال عندي قومة كعبة..انا قومتي كعبة يعني...
أما مسالة (اببو) دي والله حلوة جدا..اخونا عبد الرحيم محجوب من العسيلات رجل ظريف جدا ورجل بتاع مقالب انا جيت جديد للامارات ودائما بعمل مقالب في الناس الجداد ، دخلت بيت العذابة وكان قد علم بمجئي وبمجرد ان دخلت وقلت السلام عليكم مسك الجوال في اضانو واسمع ليك يامرة انا قلت ليك ماتمشي مكان لا ناس ابوك وكلام فارغ و صوته في السماء يرقي ويزبد وانا والله حنيت لحال المرة البشاكلو فيها بالصورة دي ، وبجرد انتهي قالي ياحسبو شوف النسوان ديل الزول يديهم في التك طوالي عشان ماتطلع ليك في راسك ، والله انا ذاتي خفت منو، وفي النهاية اتضح لي انو هو بمثل علي بس ولابتكلم مع مرتو ولايحزنون ، وبعد ان قصيت للجماعة الحكاية انفجروا بالضحك وقالوا لي ده اكبر خواف ومن جماعة ابراهيم الدوامي بشرف كمان وبعد ماتوطدت علاقتي به علرفت انو فعلا من الجماعة الطيبين ، مرة حكي لي حكاية بمناسبة اببو دي ، قالي انا عادي بدخل المطبخ وبطبخ وطباخ درجة اولي، مرة عزم الجماعة في البيت وكان ملاح البامية في غاية الروعة الجماعة اثنوا عليه وكانت بنتو الصغيرة موجودة نطت وقالت ليهم عملو بابا ،قاليها اببو اللشقك ، سالوك من العملو منو؟ الجماعة انفجروا بالضحك...
اما بخصوص الاسئلة بتاعتك ، حوابي بيكمن في اجابة احد الاصدقاء بكون معاهو وبجيني المسكول واقوم ارد طوالي ، قالي ياحسبو والله انت من الجماعة المضفورين اظنك..قلت ليهو ليه؟ قالي انت بترد طوالي وبتتصل كتير... المهم بالرغم من الضك لكن كتمت حاجات جواي..قلت ليهو والله انا ماخواف بس حنين ما اكتر من كده...اها ماعارف الحنية دي انت تفسرها كيف...؟
المهم والله حديث جميل ورائع رائع..نتمني ان تواصل في هذا السرد ...ولازم تجهز للخلافة كويس..
مع خالص تحياتي لك..

الله اكبر وشهد
شاهد من اهلها قلت لي المسكول قبال ينتهي انت تقوم تتصل , خلاص انت استوفيت الشروط ومبروك عليك
العضوية وانت ذكرت بنفسك ...والله انا ما
خواف بس حنين ما اكتر من كدة ...اها ماعارف الحنية دي انت تفسرها كيف..؟
انا اقول ليك افسرها كيف مرحبا بك
بمجموعة ابراهيم الدوامي قسم الناس الحنينين(المكسرين)عشان كدها انا فندت
المجوعة واقسامها اما بالنسبة لي انا
وضحت ليك انو ابراهيم ختاني مجموعته فورا ولما شافني هرشت المراءة (دي من باب لكن قومتنا كعبة)قال
لي انت الظاهر عليك ابببو لكن
قلت ليهو ما تشوف القومة دي المراءة اكان زعلت نعدي يومنا كلوا تحنيس وانا زيك ياحسبو المرة ما هارشاني
لكن كاتلاني حنان ساكت وانا براي حنين عشان كدة انا ضمن المجموعة القسم (ب) ومش حا
انكر قسم الناس الرهاف ومرحب بك
بالقسم وحا اعملك النائب بتاعي حتي لو انكرت وطبعا لما استلم الخلافة بعملك مدير المجموع (ب) اما
مجموعة الناس المضفورين والله ديل تعابنين تعب وديل البورقوا الملوخية وبعملوا ملاح
البامية ويمسكوهم الشفع ودي لو
دخلوني فيها انا ذاتي بنكر ومن اعضاء هذه المجموعة بالدومة والسديرة ولا ما مافي داعي للفضائح خلينا
نسرد قصصهم وحكاويهم ومن صياغ القصة انت صنف مجموعة الفرد ذي صاحبك عبد الرحيم محجوب
بتاع البامية كدي خليني ارد علي محمد قسم السيد والاخ ياسين وياسين ده شكلو
معانا جوه الجك والله
يستر ما يكون بورق الملوخية وبعدهم ندخل مجموع ابببو واديك طرفة من السديرة علي الطائر مرة واحد من ناسكم ديل
نسيبو اتوفي (والد زوجته) المهم زوجته دخلت فترة حداد وكمان قعدت في بيت امها وما
جات بيتها لاكثر من
ثلاث شهور والراجل فقد المرة شديد لكن ما بقدر يعمل حاجة المتوفي
نسيبو المهم ناس السديرة ادوا الخبر
طوالي لابراهيم الدوامي لما جاء يتفقد فرع السديرة المهم المهم ابراهيم مشي يشيل الفواتح
للناس وكان في وفاة جديدة والناس فارشين المهم شال الفاتحة وقعد بعد شوية شاف زولك
الاتوفي نسيبو قبل 4شهور ومرتو لسة حادة وما جات البيت قام ناداهو قائلا تعال
نشيل ليك الفاتحة في نسيبك انا ما
لاقيتك وفعلا شال معاهو الفاتحة وزولك بتاع السديرة دخل في حاله بكاء هستيري هي هي هي هي
هي هي هي/01/clip_image001.gif[/img] [color=red]وياحليل نسيبي فقام طوالي ابراهيم الدوامي قال ليهو
عليك الله هسة انت بتبكي علي نسيبك المات من 4 شهور ولا مرتك الما جات البيت ليها
4شهور والحكاوي كثيرة ولنا
عودة :

عدل سابقا من قبل الشمالي في الأحد مارس 22, 2009 3:07 pm عدل 1 مرات

الاخ ابو محمد يسن محمد
جماعة عثمان تنسب الى عثمان ود باعو ولههم طرائف جمة ولهم اناشيد ومسادير ومحكمة ومن اشعارهم يامنادى اهل الراية عثمان جماعتوا حفاية نص النهار صلاتهم وصفق العشر نعلاتهم وهم قوم مساكين فى الراى وطيبون ومن طرائفهم ان احدهم اشترى تيسا واراد ان يربيه ولكنه دخل مزرعة الجار واخذ ياكل فيها ولما راهو صاحبنا قال لازم يحاكموا التيس وهو مابيغرم عنه المهم الناس كلموا عمنا عتمان وشكل المحكمة وامر باستجواب التيس واخذ يجره ويضرب فى راسه مابتسمع الكلام ليه وتاكل منو الاداك الاذن واتهت المحاكمة بتغريم التيس وريسة محكمتهم حبوبنتا المرحومة ام كنين بت حاج احمد ولنا عودة

ياسين جارالنبي كتب:

الاخ الشمالي صاحب القلم المميز والابداع ودوحة منتدنا التي نستريح تحت اغصانها وناكل من ثمارها ونتنفس عبيرها لك التحية والتقدير ، انا اول مرة اسمع بابراهيم الدوامي ومجموعة مجموعة الحب والعشق والحنين القابعة تحت المراه ( الزوجة ) التى وصفها الله في كتابة مكان الراحة والاستكانه له ولمجموعة التحية والتقدير وسال الله يكثر من امثالهم وقصصهم ونحن في انظار المزيد من حكاويهم ، لقد سمعت مرة من الاجداد دفع الله الحضري والدادريب عن جماعة عثمان ارجو ان توضح لي هل جماعة ابراهيم هي نفس جماعة عثمان ام لجماعة عثمان شروط واهداف اخرى
ولك ودي وتحياتي مع تحياتي لرئيس فرع السدير ونائبة ورئيس السياسيون

التاج
معقولة لكن ود خالتي ودعمي
هههههههههههههههههههههه
الدوامي راقي وست نور ارقي
صدقني انجح جماعة جماعة الدوامي ربنا يطول في عمرهم لكم منا كل الود

baha_wadkega كتب:

التاج
معقولة لكن ود خالتي ودعمي
هههههههههههههههههههههه
الدوامي راقي وست نور ارقي
صدقني انجح جماعة جماعة الدوامي ربنا يطول في عمرهم لكم منا كل الود

مشكور اخي بها علي المرور وطبعا انجح جماعة جماعة ابراهيم ولمعلوميتك عاملني انا نائب له وانا سعيد جدا بذلك لان المجموعة دي كما ذكرت انا في اول البوست ناس رهيفين وحنينين وناجحين اسريا ولك الود

العزيز حسيب
اولا لك الشكر على الاشادة بالجماعة وقومتك الفيها معروفة ويابهاء الدين احمد الله ود عمك معترف ومقر ولكن الكلام فى ود خالتك الناكر وعلى راى جدنا احمد سحيلى الاكل نكر والقر ----------------- وجابة ليها خيانة كمان انت زولنا ومايغشك انك بتنسى لكن سياتى اليك اليوم الذى سترفع الراية وساعتها لن نتوانى فى ان نطالبك بالاعتذار فى كل الوسائل الاعلامية ولن نكتفى ببيان الاعتذار-

حسبو العوض كتب:

عزيزنا الرائع الشمالي...اولا بقوليك يبدو ان هذا البوست سوف يكون اكثر سخونة من كرسي الاعتراف ، ويعود الفضل الي ابداعك في ايثارة المواضيع لكن صدقني سوف يكشف الكثير من المستوروبالتالي سوف نطلع خسرانين معاك ، لانو انت ومحمد قسم السيد ماعندكم ماتخسروه عاوزين تكبروا كومكم وتكبروا حزبكم، لانو شايفك بتروج كتير وكمان مقسم الحكاية لمجموعات ،ياخي نحنا مامعاكم لا في (أ) ولافي (ب) انتم حرين..ونحنا ناس القومة الكعبة.
بخصوص جماعة ودباعو أيضا هي جماعة تستحق الوقوف عندها كثير ، بس خوفي يالشمالي تكون عضو في هذه المجموعة أيضاً، وما اعرفه عن جماعة ودباعو انها مجموعة تغرم كل الذين ياخذون مقلبا ، زعيمها ود باعو ومعه نفر كريم من الاتباع ، ولها مراسلين في السديرات وكل قري العسيلات ، بمعني اي واحد ياخد مقلب تستدعي هذه المجموعة وعلي صاحب المقلب بعد دفع الغرامة ان يتحمل تكلفة الاعاشة لانهم يبقون معه عدة أيام ، ومن ضمن حكاويها واحد من السديرة نزل ياخد حمام في الترعة وبعد ان خلع ملابسه تركها يكرمك الله فوق ظهر الحمارة ونزل الي الترعة ، فماكان من السيده الحمارة الا ان ذهبت الي البيت بمفردها والملابس علي ظهرها وصاحبنا غرقان في العوم، بعد كده لك ان تتصور نهاية القصة كيفما شئت ، المهم بعد ان عرف الجماعة القصة تسابق المراسلون الي ود باعو لان هذا يعتبر أروع مقلب ، فما كان من صاحبنا الا مغادرة السديرة لمدة تلاتة ايام ولكن بعد عودته تفاجأ ان ودباعو وجماعته منتظرين في بيته ، فقد كال ود باعو اللوم علي الحمارة وظلها يضربها ضربا مبرحا ، وفي نهاية الامر اخذوا حقهم من ذلك الرجل وعادوا الي قواعدهم مسرورين..
بيني وبينك في كتير من المواقف لو بنعلنها لكانت تستحق ود باعو ، بس ربنا ساتر من الفضائح..
بالرجوع الي جماعة ابراهيم الدوامي أنا سوف اهدد الكثيرين بنشر اسمائهم علي القائمة مالم يقدموا اعترافات ، ولكن بكرر ليك رهانك علي ضمي الي المجموعة سوف يكون خاسراً...ولنا عودة الي الموضوع..
مع تحياتي

عدل سابقا من قبل الشمالي في الثلاثاء مارس 24, 2009 10:06 pm عدل 1 مرات

سسسسسسسسلام مربع لجماعة الدوامي وانا شايف الموضوع سخن كما ذكر ابن خالتي حسبو وعلي ما اظن ابن خالتي احد تلك المجموعةفقط نريدالاعتراف ويا حسبونعلم ان االاعتراف صعب لكن لابد ان ابوح لك من وافع تجربة كل المغتربين اتومتكيا في الدائرة واسال الزملاء في النتدي ولا رايك شنو يا استاذنا ياسن
ابن عمي ود امي مكة بت كيقة محمد قسم السيد ما يعجبني فيك انك متصالح مع نفسك لذلك اعترافك من ضمن المجموعة يتوجب علي السيد النائب اخونا التجاني نائب المجموعة ان يقوم بترقيتك ومعاقبة العضو حسبو اما انا في حجات كتيرة حامياني وكدة

baha_wadkega كتب:

سسسسسسسسلام مربع لجماعة الدوامي وانا شايف الموضوع سخن كما ذكر ابن خالتي حسبو وعلي ما اظن ابن خالتي احد تلك المجموعةفقط نريدالاعتراف ويا حسبونعلم ان االاعتراف صعب لكن لابد ان ابوح لك من وافع تجربة كل المغتربين اتومتكيا في الدائرة واسال الزملاء في النتدي ولا رايك شنو يا استاذنا ياسن
ابن عمي ود امي مكة بت كيقة محمد قسم السيد ما يعجبني فيك انك متصالح مع نفسك لذلك اعترافك من ضمن المجموعة يتوجب علي السيد النائب اخونا التجاني نائب المجموعة ان يقوم بترقيتك ومعاقبة العضو حسبو اما انا في حجات كتيرة حامياني وكدة

ايو ده الكلام ونحن عايزينك تكشف المستور بتاع ود خالتك حسبو عشان نديهو وسام التميز لان مسالة انضمامو دي اتحسمت حسبو بعضمة لسانو (قلمو) قال المراءة بتعمل ليهو ومسكول وهو يرد ذي البرق ودي بس كفيلة بالتسجيل وبعدين يا بها انت بحكم معرفتك الليقة بابراهيم الدوامي من وجهة نظرك بسجل حسبو ضمن المجموعة ولا ما بسجلو ! ويجي يقول ليك قومتي كعبة يا خوي كلنا قومتنا كعبة ياها القومة الفي السنة دي ولا غيرها ولك بانسبة لمحمد قسم نحن اديناهو ادارة (مدير )الجعموع بفرع السديرة كما ذكرت بالبوست اما استاذنا ياسين طنش وردودا كانت متحفظة لكن شكلو من المجموعة البتورق الخضرة اها دارين نعرف وضعك انت شنو والحاجات التانية الحامياك دي شنو ؟ وياريت تسرد لينا مواقفك في البيت وياتري بابراهيم ضماك للمجموعة ولا لا ولك الود

الاخ بهاء والاخ التاج لكم الشكر وموضوع ضم اخونا حسبو كما ذكرتم انتهى والان نحن بصدد اناس اخرين منهم الاستاذين يس والسنى هم من علية القوم فى المناصب السياسية وممكن يعتبروا من مؤسسى المجلس الاربعينى للجماعة وعلى ما اظن هم قادة الدعوة والفكر للجماعة واخونا حسبو يعتبر من اللجنة التنفيذية لسياسة الجماعة واما بهاء الدين فما ذكرته عنه انه يتناسى ويسوق النسيان حتى لا يعاقب وهو عضو فعال وبالمناسبة تصالحى مع نفسى لاقتناعى بالجماعة ومشهورعند ناس البيت بالدوامى حتى من اخونا جادالله وعمى احمد

اخونا محمد قسم السيد والاخ التاج...بقوليكم مبروك عليكم ودخالتي بدون اعتراف منه انا ضميتوا ليكم وصدقوني عضو فعال جدا وقريبا سوف يتبوا منصبا رفيعا في جمعيتكم..عشان كده بختكم ناسكم كتروا.، اما بقية الذين اعلنتم عن انضمامهم نشوف الحكاية بترسي علي شنو؟ ولكل حادثة حديث ، بس انا ودخالتي متاكد منو وببصم عليهو بالعشرة...
يلا فتكم بعافية..

اخويا التاج
قلت ليكم ودعمي متصالح مع نفسو واكبر فيهو شجاعتو لكن ناس قمتي كعبة ديل اسكت بس حالتم صعبة شديد مرهفين بالاحاسيس منداحين
ودخالتي ناس الطلبات مجابة ناس افندم
مشكلتي انا رافع شعار قالو ودخالتي برهان زمان نصفق ونقول نعم لنميري ويقصد خالي العوض عليه الرحمة
وانا هنا في الشركة بس بنقول نعم ونصفق
تخريمة الشركة دي لديها فرع عندكم
مطالبين من اخونا الاستاذ ياسن ان يدلو بدلوه

هل يحق للنساء الرد في هذا الموضوع أم أنه للرجال فقط ؟

rose كتب:

هل يحق للنساء الرد في هذا الموضوع أم أنه للرجال فقط ؟

الاخت ROSEكيف لا يحق للنساء الرد علي الموضوع ! يحق لهن لان النساء
اساس البوست بكل يا يحمل من رهافة وكامل البوست يدور حولها ذلك العشق الخرافي
الخرافي العزيزة ROSE لا تجعليني اكتب عن المراءة حتي لا تفضحي
شفافيتنا اكثر فيكفينا ما فضحه البوست وانا في انتظار ردك وياريت
تشاركيني البوست لتكتمل الصورة ونعرف راي الطرف الناعم في ما كتب بالبوست
والدعوة لجميع العضوات